మహమ్మద్ సిరాజ్
 | ||||||||||||||||||||||||||||||||||||||||||||||||||||||||||||||||||
| వ్యక్తిగత సమాచారం | ||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| పూర్తి పేరు | మహమ్మద్ సిరాజ్ | |||||||||||||||||||||||||||||||||||||||||||||||||||||||||||||||||
| పుట్టిన తేదీ | 1994 మార్చి 13 హైదరాబాదు, తెలంగాణ, భారతదేశం | |||||||||||||||||||||||||||||||||||||||||||||||||||||||||||||||||
| బ్యాటింగు | కుడిచేత వాటం బ్యాటింగ్ | |||||||||||||||||||||||||||||||||||||||||||||||||||||||||||||||||
| బౌలింగు | కుడిచేతి ఫాస్ట్-మీడియం | |||||||||||||||||||||||||||||||||||||||||||||||||||||||||||||||||
| పాత్ర | బౌలర్ | |||||||||||||||||||||||||||||||||||||||||||||||||||||||||||||||||
| దేశీయ జట్టు సమాచారం | ||||||||||||||||||||||||||||||||||||||||||||||||||||||||||||||||||
| Years | Team | |||||||||||||||||||||||||||||||||||||||||||||||||||||||||||||||||
| 2015–ప్రస్తుతం | హైదరాబాదు | |||||||||||||||||||||||||||||||||||||||||||||||||||||||||||||||||
| 2017 | సన్ రైజర్స్ హైదరాబాద్ | |||||||||||||||||||||||||||||||||||||||||||||||||||||||||||||||||
| 2018–present | రాయల్ ఛాలెంజర్స్ బెంగళూర్ | |||||||||||||||||||||||||||||||||||||||||||||||||||||||||||||||||
| కెరీర్ గణాంకాలు | ||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||
మూలం: Cricinfo, డిసెంబరు 29 2020 | ||||||||||||||||||||||||||||||||||||||||||||||||||||||||||||||||||
మహమ్మద్ సిరాజ్ 1994 లో జన్మించిన భారత క్రికెట్ ఆటగాడు.[1] 2017 అక్టోబరులో భారత క్రికెట్ జట్టుకు ఎంపికయ్యాడు. మహమ్మద్ సిరాజ్ 2023 జనవరి 18న తన సొంత గడ్డపై హైదరాబాద్, ఉప్పల్‌లోని రాజీవ్ గాంధీ అంతర్జాతీయ క్రికెట్ స్టేడియంలో న్యూజిలాండ్‌తో జరిగిన వ‌న్డేలో ఆడి 4 వికెట్లు పడగొట్టాడు.[2]
టీమిండియా, శ్రీలంక జట్ల మధ్య 2023 సెప్టెంబరు 17న కొలంబోలో జరిగిన ఆసియా కప్ ఫైనల్లో మహమ్మద్ సిరాజ్ 16 బంతుల్లో 5 వికెట్లు తీసి చమిందా వాస్ రికార్డును సమం చేస్తూ వన్ డే ఇంటర్నేషనల్ (ODI)లలో 6 వికెట్లు తీసిన జాయింట్ ఫాస్టెస్ట్ బౌలర్గా నిలిచాడు.[3] కేవలం 7 ఓవర్లలోనే 6/21 వికెట్లు తీసి సత్తా చాటిన ఆయన ఒక ఓవర్‌లో 4 వికెట్లు తీసిన మొదటి భారతీయుడుగా గుర్తింపు తెచ్చుకున్నాడు.[4][5] వన్డే ఫార్మాట్‌లో అత్యుత్తమ బౌలింగ్ ప్ర‌ద‌ర్శ‌న చేసిన నాలుగో భారత బౌలర్గా సిరాజ్ రికార్డు నెల‌కొల్పాడు.[6]
నేపధ్యము
[మార్చు]మహ్మద్ సిరాజ్ హైదరాబాద్‌లోని టోలీచౌకిలో సామాన్య నేపథ్యం నుండి వచ్చాడు.[7] అతని తండ్రి మహమ్మద్ గౌస్ ఆటో రిక్షా నడపేవాడు.[8] 1994లో హైదరాబాద్‌లోని ఫస్ట్ లాన్సర్ ప్రాంతంలో నివసించే సిరాజ్ క్రికెట్ కోచింగ్‌ను ఎప్పుడూ తీసుకోలేదు[9] స్థానిక ఈద్గా మైదానంలో బౌలింగ్ ప్రాక్టీస్ చేసేవాడు,[10] మంచి పేస్‌, స్వింగ్‌ కలిగిన సిరాజ్ హెచ్.సి.ఎ ఎ-డివిజన్‌ లీగ్‌లో సత్తాచాటాడు. ఎ-డివిజన్‌ ప్రదర్శనతో హైదరాబాద్ అండర్‌-23 జట్టుకు ఎంపికైన సిరాజ్ అక్కడ్నుంచి వెనుదిరిగి చూడలేదు.
మొదటి టెస్ట్ మ్యాచ్
[మార్చు]2020 భారత జట్టు ఆస్ట్రేలియా దేశ పర్యటన సందర్భంగా సిరాజ్ తన తొలి టెస్ట్ మ్యాచ్ ఆడాడు. బాక్సింగ్ డే మ్యాచ్ గా పిలవబడే ఆ మ్యాచ్ డిసెంబరు 26 న జరిగింది. ఈ మ్యాచ్ లో సిరాజ్ రెండు ఇన్నింగ్స్ లో కలిపి 5 వికెట్లు పడగొట్టాడు. ఈ మ్యాచ్ లో భారత జట్టు గెలిచింది.
శిక్షణ
[మార్చు]అండర్‌-23 జట్టు తరఫున సత్తాచాటి హైదరాబాద్ రంజీ ట్రోఫీ జట్టుకు ఎంపికైన సిరాజ్.. కోచ్‌ భరత్‌ అరుణ్‌ దృష్టిలో పడ్డాడు. టీమ్‌ఇండియా బౌలింగ్ కోచ్‌గా ఉన్న భరత్‌.. 2016 హైదరాబాద్ రంజీ జట్టుకు శిక్షకుడిగా వ్యవహరించాడు. ఒకరకంగా టీమ్‌ఇండియాకు సిరాజ్ ఎంపికలో భరత్‌దే కీలకపాత్ర! తొలి టీ20 తర్వాత ఆశిష్‌ నెహ్రా రిటైరవనున్న నేపథ్యంలో చివరి 2 మ్యాచ్‌లకు జయదేవ్‌ ఉనద్కత్‌ లేదా బాసిల్‌ థంపిలలో ఒకరికి అవకాశం లభిస్తుందని భావించారు. ఐతే వూహించని విధంగా సిరాజ్‌కు జట్టులో చోటు దక్కడం వెనుక భరత్‌ ఉండొచ్చన్నది క్రికెట్ వర్గాల అభిప్రాయం! ఇక 2016రంజీ ట్రోఫీలో సిరాజ్, రవికిరణ్‌, సీవీ మిలింద్‌లతో భరత్‌ సంచలనాలు నమోదు చేశాడు. గ్రూప్‌-సిలో ఉన్న హైదరాబాద్‌ను ఏకంగా క్వార్టర్‌ఫైనల్‌కు తీసుకెళ్ళాడు. గత రంజీ సీజన్‌లో ముగ్గురు పేసర్లు కలిసి 110 వికెట్లు తీయడం విశేషం. అందులో సిరాజ్ 18.92 సగటుతో 41 వికెట్లు పడగొట్టాడు. ఈ ప్రదర్శనతో ఇరానీ ట్రోఫీలో పాల్గొనే రెస్టాఫ్‌ ఇండియాకు సిరాజ్ ఎంపికయ్యాడు.
ఐ.పీ.ఎల్
[మార్చు]రంజీ ప్రదర్శనతో అందరి దృష్టిలో పడిన సిరాజ్‌కు ఐపీఎల్‌ రూపంలో జాక్‌పాట్‌ తగిలింది. 2017 లో జరిగిన వేలం పాటలో 23 ఏళ్ళ సిరాజ్‌ను సన్‌రైజర్స్‌ హైదరాబాద్ రూ.2.6 కోట్లకు కొనుక్కోవడం అతిపెద్ద సంచలనమైంది. కోచ్‌ టామ్‌ మూడీ, కెప్టెన్‌ డేవిడ్‌ వార్నర్‌, వీవీఎస్‌ లక్ష్మణ్‌ల మార్గనిర్దేశనంలో ఐపీఎల్‌లో ఆడిన సిరాజ్ జట్టుపై తనదైన ముద్ర వేశాడు. 6 మ్యాచ్‌ల్లో 10 వికెట్లు పడగొట్టాడు. గుజరాత్‌ లయన్స్‌తో 4 వికెట్లు తీసి మ్యాచ్‌ను గెలిపించాడు. ఐపీఎల్‌ అనంతరం నేరుగా ఇండియా-ఎ జట్టుకు ఎంపికైన సిరాజ్‌ను కోచ్‌ రాహుల్‌ ద్రవిడ్‌ మరింత సానబెట్టాడు. సఫారీ పర్యటనలో దక్షిణాఫ్రికా-ఎతో జరిగిన ఏకైక అనధికారిక టెస్టులో ఐదు వికెట్లు (5/103) తీశాడు. వరుసగా దక్షిణాఫ్రికా-ఎ, అఫ్గానిస్థాన్‌-ఎ, న్యూజిలాండ్‌-ఎ జట్లతో జరిగిన మ్యాచ్‌ల్లో ఇండియా-ఎ తరఫున సిరాజ్ బరిలో దిగి ఆకట్టుకున్నాడు. కుడిచేతి వాటం సిరాజ్ బౌలింగ్‌లో మంచి పేస్‌ ఉంటుంది. సహజసిద్ధమైన స్వింగ్‌ అతని సొంతం.
మూలాలు
[మార్చు]- ↑ "Mohammed Siraj's swift rise up the Indian ranks". ESPN Cricinfo. Retrieved 23 October 2017.
- ↑ Eenadu (19 January 2023). "ఇటు గిల్‌.. అటు బ్రాస్‌వెల్‌.. ఉప్పల్‌ వన్డే సూపర్‌'హిట్‌'". Archived from the original on 20 January 2023. Retrieved 20 January 2023.
- ↑ "Wayback Machine". web.archive.org. 2023-09-17. Archived from the original on 2023-09-17. Retrieved 2023-09-17.
{{cite web}}: CS1 maint: bot: original URL status unknown (link) - ↑ Livemint (2023-09-17). "Asia Cup Final: Siraj becomes first Indian bowler to take 4 wickets in 1 over". mint (in ఇంగ్లీష్). Retrieved 2023-09-17.
- ↑ Andhra Jyothy (17 September 2023). "చరిత్ర సృష్టించిన మహ్మద్ సిరాజ్.. బద్దలైన రికార్డులివే!". Archived from the original on 18 September 2023. Retrieved 18 September 2023.
- ↑ Namasthe Telangana (18 September 2023). "వ‌న్డేల్లో అత్యుత్తమ బౌలింగ్.. టాప్ -5 భారత బౌల‌ర్ల‌లో సిరాజ్". Archived from the original on 18 September 2023. Retrieved 18 September 2023.
- ↑ TV9 Telugu (17 September 2023). "మన టోలీచౌకీ అబ్బాయ్‌ అదరగొట్టేశాడు.. మహ్మద్ సిరాజ్ బౌలింగ్‌కు రాజమౌళి ఫిదా". Archived from the original on 18 September 2023. Retrieved 18 September 2023.
{{cite news}}: CS1 maint: numeric names: authors list (link) - ↑ BBC News తెలుగు (24 October 2017). "సిరాజ్: తండ్రి కల నెరవేర్చాడు.. కానీ చూసి సంతోషించడానికి ఆ తండ్రి ఇప్పుడు లేరు". Archived from the original on 18 September 2023. Retrieved 18 September 2023.
- ↑ "Gully boy Mohammed Siraj lives his dream and makes it big in Australia". ఇండియా Today (in ఇంగ్లీష్). Retrieved 2022-12-21.
- ↑ "'Every wicket I was taking I was dedicating it to dad' - The story of Mohammed Siraj's homecoming". ESPNcricinfo. Retrieved 2022-12-21.