మహాత్మా గాంధీ స్మారక చిహ్నం (వాషింగ్టన్, డి.సి.)
 | |
| కళాకారుడు | గౌతం పాల్ |
|---|---|
| సంవత్సరం | 2000 |
| రకం | కాంస్యం |
| ప్రదేశం | వాషింగ్టన్ డి.సి., అమెరికా సంయుక్త రాష్ట్రాలు |
మహాత్మా మహాత్మా గాంధీ స్మారక చిహ్నం అమెరికా సంయుక్త రాష్ట్రాలలోని వాషింగ్టన్ డి.సి లో గల భారత రాయబార కార్యాలయం ఎదురుగా గల త్రిభుజాకార ద్వీపంలో నిర్మించబడ్డ విగ్రహం. [1] దీనిని భారతీయ సాంస్కృతిక సంబంధాల కౌన్సిల్ బహుమతిగా అందజేసారు. 2000 సెప్టెంబరు 16న అప్పటి భారత ప్రధానమంత్రి అటల్ బిహారీ వాజపేయి అమెరికా సందర్శించిన సందర్భంలో అమెరికా అధ్యక్షుడు బిల్ క్లింటన్ సమక్షంలో భారత రాయబార కార్యాలయం ఎదురుగా నెలకొల్పి జాతికి అంకితం చేసారు.
1947 లో భారత స్వాతంత్ర్యం 50 వ వార్షికోత్సవం నేపథ్యంలో, యుఎస్ కాంగ్రెస్ 1998 లో కొలంబియా జిల్లాలో యుఎస్ ఫెడరల్ ప్రాంతంలో గాంధీకి స్మారక చిహ్నాన్ని ఏర్పాటు చేయడానికి భారత ప్రభుత్వానికి అధికారం ఇచ్చే బిల్లును ఆమోదించింది.
ఈ విగ్రహం ఎత్తు 8 అడుగులు (2.64 మీ) ఎత్తు కలిగి కాంస్యంతో తయారు చేయబడినది. ఇందులో మోహన్‌దాస్ కరంచంద్ గాంధీని సన్యాసి వస్త్రం వేసుకుని నడుస్తున్న భంగిమలో ఉన్నట్లు ఉంటుంది. ఈ విగ్రహ ఫలకంపై భారతదేశంలో ఉప్పు పన్నుకు వ్యతిరేకంగా 1930 లో ఆయన చేసిన సత్యాగ్రహం గురించి ప్రస్తావించారు. కోల్‌కతాకు చెందిన గౌతమ్ పాల్ అనే శిల్పి దీనిని రూపొందించాడు. ఈ విగ్రహాన్ని కర్ణాటకలోని భగల్‌కోట్ జిల్లాలోణి ఇల్కల్ ప్రాంత్గం నుండి తెచ్చిన 16 టన్నుల రూబీ గ్రానైట్ మీద అమర్చారు. ఈ విగ్రహం బూడిద రంగు గ్రానైట్ పేవర్ల వృత్తాకార ప్లాజాలో నిలబడి ఉంది. దాని వెనుక కర్ణాటక ఎర్ర గ్రానైట్ యొక్క మూడు స్లాబ్‌లు గాంధీ స్మారకాన్ని తెలియజేసే శాసనాలు ఉన్నాయి. దాని ముందు ఎర్ర గ్రానైట్ యొక్క సీటు కూడా ఉంది.
ఒక పాత్రికేయుడు అడిగిన ప్రశ్నకు గాంధీజీ ఇచ్చిన సమాధానమైన "నా జీవితం నా సందేశం" అని ప్రపంచానికి తెలియజేసే గాంధీ సందేశాన్ని ఈ విగ్రహం వద్ద ఒక శాసనంలో ఉంచారు.
2002 లో మిల్వాకీలో ఆవిష్కరించబడిన మహాత్మా గాంధీ స్మారక చిహ్నం గౌతమ్ పాల్ చేత తయారుచేయబడిన ఇదే విధమైన విగ్రహాన్ని కలిగి ఉంది, ఇది ఎర్ర గ్రానైట్ స్తంభంపై కూడా ఉంది.
మూలాలు[మార్చు]
- ↑ యబడి
బాహ్య లింకులు[మార్చు]
Media related to మహాత్మా గాంధీ స్మారక చిహ్నం (వాషింగ్టన్, డి.సి.) at Wikimedia Commons
