మున్సిపల్ ఘన వ్యర్ధాలు

వికీపీడియా నుండి
ఇక్కడికి గెంతు: మార్గసూచీ, వెతుకు
సమ్మిళిత మున్సిపల్ వ్యర్ధము, హిరియ, టెల్ అవివ్

పట్టణ ఘన వ్యర్ధాలు అని కూడా పిలువబడే మున్సిపల్ ఘన వ్యర్ధాలు MSW ఒక ప్రాంతంలో మున్సిపాలిటిచే సేకరించబడిన గృహసంబంధమైన వ్యర్ధములు (డొమెస్టిక్ వేస్ట్) ముఖ్యంగా ఉండి, కొన్నిసార్లు వ్యాపార సంబంధ వ్యర్ధములను కూడా కలిగి ఉండే ఒక రకమైన వ్యర్ధపదార్దములు. ఇవి ఘన రూపంలో కానీ పాక్షిక ఘన రూపంలో కాని ఉంటాయి. వీటిలో సాధారణంగా పారిశ్రామిక అపాయకరమైన వ్యర్ధాలు ఉండవు. మిగిలిపోయిన వ్యర్ధాలు అనే పదం సాధారణంగా గృహములలో మిగిలిపోయిన వ్యర్ధములతో సంబంధం కలిగి ఉంటుంది. ఇది విభజించబడని మరియు మరోసారి శుద్ధ ప్రాసెసింగ్కు పంపబడని పదార్థాలు కలిగి ఉంటుంది.[1]

  • బయోడిగ్రేడబుల్ వ్యర్ధము: ఆహార మరియు వంటింటి వ్యర్ధము, ఆకుపచ్చని వ్యర్ధము, కాగితము (పునః ప్రాసెసింగ్ చేయతగినది).
  • రీసైక్లబుల్ పదార్థము: కాగితము, గాజు, సీసాలు, డబ్బాలు, లోహములు, కొన్ని ప్లాస్టిక్ లు మొదలగునవి.
  • జడపదార్థ వ్యర్ధము: కట్టడాల మరియు కూల్చివేతల వ్యర్ధము, చెత్త, రాళ్ళు, మరియు చిల్లపెంకులు.
  • కాంపోసిట్ వ్యర్ధములు: పనికిరాని బట్టలు, టెట్రా ప్యాక్ లు, బొమ్మలు వంటి పనికిరాని ప్లాస్టిక్.
  • గృహస్థ అపాయకర వ్యర్ధము (కుటుంబ అపాయకర వ్యర్ధము అని కూడా పిలువబడే) మరియు టాక్సిక్ వేస్ట్: ఔషధవాడకం, ఈ-వేస్ట్, రంగులు, రసాయనములు, లైట్ బల్బులు, ఫ్లోరసెంట్ ట్యూబ్ లు, స్ప్రే డబ్బాలు, ఎరువులు మరియు క్రిమిసంహారకముల డబ్బాలు, బ్యాటరీలు, షూ పాలీషులు.

ఘన వ్యర్ధాల యొక్క క్రియాశీలక విషయములు[మార్చు]

వ్యర్ధము యొక్క ఉత్పత్తి[మార్చు]

వ్యర్ధము యొక్క ఉత్పత్తి, వస్తువులకు సంబంధించిన కొన్ని చర్యల వలన జరుగుతుంది. పదార్థాలను ఇకపై విలువలేనివిగా గుర్తించడము వలన గాని బయట పడవేయడము ద్వారా గాని లేదా బయట పడవేసే ఉద్దేశంతో అన్నిటిని ఒకచోట చేర్చడము వలన గాని ఇది జరుగుతుంది.

వ్యర్ధ నిర్వహణ మరియు విభజన, నిల్వ మరియు మూలము దగ్గర విశ్లేషణ[మార్చు]

వ్యర్ధ నిర్వహణ మరియు విభజనలో, వ్యర్ధమును సేకరణ కొరకై ఒక కంటెయినర్ లో నిలువచేసే మునుపటి నిర్వహణ చర్యలు ఉంటాయి. ఈ నిర్వాహకములో నిండిన కంటెయినర్లను సేకరణా స్థలములకు చేర్చుట కూడా ఉంటుంది. ఘన వ్యర్ధము యొక్క నిర్వహణ మరియు నిల్వలో, మూలము వద్ద ఘన వ్యర్ధము యొక్క విభజన చాలా ముఖ్యమైనది.

సేకరణ[మార్చు]

ఘన వ్యర్ధముల మరియు రీసైక్లబుల్ పదార్ధాల యొక్క సేకరణ మాత్రమే కాకుండా, సేకరణ తరువాత ఈ వ్యర్ధములన్నిటిని పడవేసే స్థలమునకు వీటి రవాణాను కూడా ముఖ్యమైన విషయమే. ఈ స్థలము పదార్థ ప్రాసెసింగ్ సౌలభ్యము ఉన్నది కాని, ఒక ట్రాన్స్ఫర్ స్టేషన్ లేక ఒక లాండ్ ఫిల్ డిస్పోసల్ సైట్ కాని అవ్వొచ్చు.

ఘన వ్యర్ధము యొక్క విభజన మరియు ప్రాసెసింగ్ మరియు రూపాంతరము[మార్చు]

మూలములో విభజన చేయబడ్డ వ్యర్ధాలను తిరిగి రాబట్టుకొనుటకు గల సాధనాలు మరియు సౌకర్యాల రకాలలో కర్బ్‌సైడ్ సేకరణ, డ్రాప్ ఆఫ్ మరియు బై బ్యాక్ సెంటర్లు ఉన్నాయి. మూలము వద్ద విభజించబడ్డ వ్యర్ధాలు మరియు కలిసిపోయిన వ్యర్ధాల విభజన మరియు ప్రాసెసింగ్ సాధారణంగా పదార్థ రికవరీ సౌకర్యము ఉన్నచోట, ట్రాన్స్ఫర్ స్టేషన్లు, దహన సౌకర్య స్థలములు మరియు వ్యర్ధాలను నాశనము చేసే స్థలాల వద్ద జరుగుతుంది.

బదిలీ మరియు రవాణా[మార్చు]

ఈ విషయము రెండు దశలు కలిగి ఉంటుంది:
i)వ్యర్ధాలను చిన్న సేకరణా వాహనముల నుండి పెద్ద రవాణా పరికరాలకు బదిలీ చేయడం
ii)ఆ తరువాత ఈ వ్యర్ధాలను దూర ప్రాంతాలలో ఉన్న ప్రాసెసింగ్ లేక వ్యర్ధాలను నాశనము చేసే స్థలాలకు రవాణా చేయడం.

వ్యర్ధాలను నాశనము చేయటం[మార్చు]

ఈ రోజుల్లో లాండ్ ఫిల్లింగ్ లేక లాండ్ స్ప్రెడ్డింగ్‌లు మాత్రమే ఘన వ్యర్ధాల యొక్క అంతిమ గతి. ఈ క్రింది రకాలలో ఏ రకమైన వ్యర్దాలైనప్పటికి అంతిమంగా అవి లాండ్ ఫిల్ కు మాత్రమే చేరే పరిస్థితి ఉంది: సేకరింపబడిన తరువాత లాండ్ ఫిల్ సైటుకు నేరుగా చేరవేయబడే రెసిడెన్షియల్ వ్యర్థాలు, మెటీరియల్ రికవరీ ఫెసిలిటీలలో (MRFs) మిగిలిపోయిన చెత్త, ఘన వ్యర్ధము యొక్క దహనము తరువాత మిగిలినటువంటి వ్యర్ధములు, వివిధ రకాలైన ఘన పదార్థ ప్రాసెసింగ్ తరువాత మిగిలిన కంపోస్ట్ లేక ఇతర రకములైన వ్యర్ధములు. ఆధునిక సానిటరీ లాండ్‌ఫిల్ ఒక డంప్ కాదు; అది భూమిపై నున్న అన్ని ఘన వ్యర్ధాలను జన క్షేమము మరియు ఆరోగ్యమునకు ఎటువంటి అపాయము కలుగచేయకుండా పడవేసే ఒక ఇంజనీర్డ్ సౌకర్యము. కీటకాల యొక్క ఉత్పత్తి మరియు భూగర్భ జల కాలుష్యము ఈ వ్యర్ధాల వల్ల కలుగు అపాయాలకు ఉదాహరణలు.

ఇంధన ఉత్పత్తి[మార్చు]

మున్సిపల్ ఘన వ్యర్ధాలు ఇంధనము ఉత్పత్తి చేయుటకు ఉపయోగించవచ్చు. MSW నుండి ఇంధన ఉత్పత్తి మరింత శుభ్రంగా మరియు మరింత పొదుపుగా చేసేందుకు ఎన్నో సాంకేతికతలు ఉపయోగించబడుతున్నాయి. ఇటువంటి సంకేతికతలకు లాండ్ ఫిల్ గ్యాస్ కాప్చర్, కంబషన్, పైరోలైసిస్, గాసిఫికేషన్ మరియు ప్లాస్మా ఆర్క్ గాసిఫికేషన్ మొదలైనవాటిని ఉదాహరణగా చెప్పవచ్చు.[2] పాత రకమైన ఇంసినరేషన్ ప్లాంట్లు ఎక్కువ కాలుష్యాన్ని వేదజల్లెవి. కాని, కొత్త సాంకేతికతలు మరియు మారిన విధి విధానాలు ఈ సమస్యను చాలా వరకు తగ్గించాయి. పరిశుభ్రమైన గాలి చట్టం క్రింద 1995 మరియు 2000లో విడుదల చేసిన EPA విధివిధానాలు, వ్యర్ధము నుండి ఇంధనమును తయారు చేసే ప్రాసెసింగ్లలో డయాక్సిన్ విడుదలను 1990 స్థాయి నుండి 99 శాతం మేర తగ్గించాయి. ఇదే విధంగా పాదరస విడుదలను 90 శాతం మేర తగ్గించాయి.[3] 2003లో EPA ఈ వివరాలను తెలుసుకొని, వ్యర్ధము నుండి ఇంధనమును ఉత్పత్తి చేసే ప్రాసెసింగ్ మరే ఇతర ఇంధన కారక ప్రాసెసింగ్ల కూడా కంటే కాలుష్య రహితమైనదిగా పేర్కొన్నది.[4]

వీటిని కూడా చూడండి[మార్చు]

  • MSW/LFG (మున్సిపల్ ఘన వ్యర్ధాలు మరియు లాండ్ ఫైల్ గ్యాస్)

సూచనలు[మార్చు]