రాకీస్ హిందూ దేవాలయం
| రాకీస్ హిందూ దేవాలయం | |
|---|---|
 | |
| పేరు | |
| ఇతర పేర్లు: | డెన్వర్ హిందూ దేవాలయం |
| ప్రదేశం | |
| దేశం: | యునైటెడ్ స్టేట్స్ |
| రాష్ట్రం: | కొలరాడో |
| ప్రదేశం: | డెన్వర్ |
రాకీస్ హిందూ దేవాలయం (డెన్వర్ హిందూ దేవాలయం) కొలరాడో రాష్ట్ర రాజధాని డెన్వర్ లోని ఒక హిందూ దేవాలయం.[1] 1984లో హిందూ సొసైటీ ఆఫ్ కొలరాడో స్థాపించబడింది.[2][3] 1996-2015 సమయంలో ఈ దేవాలయం లిటిల్టన్‌లోని పూర్వపు చర్చి భవనంలో ఉండేది. 2015 జూన్ 5-7 వరకు ప్రాణ ప్రతిష్ఠ జరుపుకొని 2015 జూలై 3న నూతన దేవాలయం తెరవబడింది.[4] ప్రస్తుతం ఈ దేవాలయ సంస్థలో 1,500 కుటుంబాలు సభ్యులుగా ఉన్నారు.[5]
పర్వతాలు, మైదానాలతో కూడిన కొండపై 4.25 ఎకరాలలో ఈ దేవాలయం ఉంది. ప్రధాన మందిరంలో శివపార్వతులు, దుర్గాదేవి, వెంకటేశ్వరుడు, లక్ష్మీ నారాయణుడు, రాముడు-సీత, రాధా-కృష్ణ, సరస్వతి దేవతలకు సంబంధించిన ఏడు మందిరాలతో ప్రార్థన మందిరం కూడా ఉంది.[6] భారతదేశంలోని జైపూర్‌లో పాలరాతితో దేవతా విగ్రహాలను చెక్కారు. తిరుపతిలో వేంకటేశ్వర గ్రానైట్ విగ్రహం చెక్కబడింది. నంది, గణేశుడు, శివలింగం, హనుమంతుడు, జగన్నాథస్వామి, అయ్యప్ప, కార్తికేయ విగ్రహాలు కూడా ఉన్నాయి.
చరిత్ర[మార్చు]
డెన్వర్ విశ్వవిద్యాలయంలో ఇంటర్నేషనల్ లా ప్రొఫెసర్ అయిన వేద్ నందా అధ్యక్షుడిగా 1985లో హిందూ దేవాలయం-కల్చరల్ సెంటర్ ఆఫ్ ది రాకీస్ స్థాపించబడింది. హిందూ సొసైటీ ఆఫ్ కొలరాడో దానిలో విలీనం చేయబడింది. ప్రారంభంలో అరోరాలో ఒక చిన్న ఇల్లు కొనుగోలు చేశారు.[7] కాయై హిందూ మఠం దేవాలయానికి ప్రధాన దేవతగా ఉన్న గణేష్ మూర్తిని విరాళంగా ఇచ్చింది. వాడ్స్‌వర్త్ బౌలేవార్డ్‌లో 1996లో ఒక పాత చర్చి కొనుగోలు చేసి, దేవాలయంగా పునర్నిర్మించబడింది.[8][9] దేవాలయ విస్తరణ కోసం ప్రక్కనే ఉన్న భూమిని కొనుగోలు చేశారు. 2007లో, కొత్త దేవాలయం కోసం 4.25 ఎకరాల భూమిని కొనుగోలు చేశారు.[10] దేవాలయంలో పూజా కార్యక్రమాలను చేయడానికి 1998లో ఆచార్య కైలాష్ చంద్ర ఉపాధ్యాయను తరువాత 2006లో పండిట్ రాఘవేంద్ర అయ్యర్ ఆహ్వానించారు.
2015 ప్రాణప్రతిష్ఠ[మార్చు]
తొమ్మిది మంది హిందూ పూజారులు, ఇద్దరు స్థానికులు దేవాలయ ప్రాణప్రతిష్ఠ (జీవిత కషాయం) వేడుకలను నిర్వహించారు. డెన్వర్‌కు చెందిన వందలాది మంది స్థానిక హిందువులు కొత్త దేవాలయ అధికారిక ప్రారంభోత్సవంలో పాల్గొన్నారు.[11]
పూజలు, పండుగలు[మార్చు]
దేవాలయం సోమవారం నుండి శుక్రవారం వరకు ప్రతిరోజూ ఉదయం గం. 09:30 ని.ల నుండి మధ్యాహ్నం గం. 01:30 ని.ల వరకు, సాయంత్రం గం. 05:30 ని.ల నుండి రాత్రి గం 08:30 ని.ల వరకు తెరిచి ఉంటుంది. హిందూ క్యాలెండర్‌లోని అన్ని పండుగలు, దేవాలయంలో జరిగే ప్రధాన వేడుకలు సంప్రదాయ, ఆచారబద్ధంగా నిర్వహించబడుతాయి.[12] ప్రతి పండుగకు రోజువారీ షెడ్యూల్ విడిగా నిర్ణయించబడుతుంది.
- నూతన సంవత్సర గణేశ పూజ (జనవరి)
- మహా శివరాత్రి (మార్చి)
- శ్రీరామ నవమి (ఏప్రిల్)
- స్నాతకోత్సవ పూజ (జూన్)
- జగన్నాథుని గౌరవార్థం రథయాత్ర (జూన్)
- కృష్ణ జన్మాష్టమి (ఆగస్టు)
- గణేష్ చతుర్థి (సెప్టెంబరు)
- మహా చండీ హవన్ & దీపావళి (నవంబరు)
- దీపావళి వేడుక (నవంబరు)
ప్రదేశం[మార్చు]
ఈ దేవాలయం డెన్వర్ ప్రాంతంలో 7201 ఎస్. పోటోమాక్ సెయింట్ సెంటెనియల్, కొలరాడోలో ఉంది.
డెన్వర్ ప్రాంతంలోని ఇతర దేవాలయాలు[మార్చు]
- రాధా కృష్ణ దేవాలయం (ఇస్కాన్ సంప్రదాయం), చెర్రీ సెయింట్, డెన్వర్, అక్టోబర్ 25, 1976న స్థాపించబడింది.
- శ్రీ వేంకటేశ్వర దేవాలయం (దక్షిణ భారత సంప్రదాయం), కాజిల్ రాక్, 2007
- శివ సాయి మందిర్, (అమెరికన్ హిందూ సంప్రదాయం) ఎస్ పెన్సిల్వేనియా సెయింట్, డెన్వర్
- సనాతన్ మందిర్, కల్చరల్ అండ్ కమ్యూనిటీ సెంటర్ (నేపాలీ సంప్రదాయం), బ్రైటన్, కొలరాడో, 2007
- శ్రీ షిర్డీ సాయిబాబా టెంపుల్ ఆఫ్ రాకీస్, సెంటెనియల్, 2010
- ట్రై-స్టేట్/డెన్వర్ బౌద్ధ దేవాలయం, లారెన్స్ సెయింట్, డెన్వర్, 1916
- డెన్వర్ బౌద్ధ కేంద్రం, స్పీర్ , డెన్వర్
- వియత్నామీస్ బౌద్ధ సంఘం, ఇలిఫ్ ఏవ్, డెన్వర్
- లావో బౌద్ధ దేవాలయం ఆఫ్ డెన్వర్, డోవర్ స్ట్రీట్, 1981
- కొలరాడో సింగ్ సభ సిక్కు దేవాలయం, కామర్స్ సిటీ
- కొలరాడో సిక్కు ధర్మం (యోగి భజన సంప్రదాయం) - గురు అమర్ దాస్ నివాస్, బేస్‌లైన్ రోడ్, బౌల్డర్, 1981
- హైద్‌ఖండి యూనివర్సల్ ఆశ్రమం & లక్ష్మి దేవాలయం, క్రెస్టోన్ కో, 1986
- శ్రీ శాంభవానంద ఎల్డోరాడో మౌంటైన్ యోగా ఆశ్రమం, బౌల్డర్, 1991
- నీమ్ కరోలి బాబా ఆశ్రమం, హనుమాన్ దేవాలయం, టావోస్, న్యూ మెక్సికో, 1979
- శంభాల మౌంటైన్ సెంటర్, రెడ్ ఫెదర్ లేక్స్, 1971
ఇవికూడా చూడండి[మార్చు]
మూలాలు[మార్చు]
- ↑ Ved Nanda, Hindu Diaspora in the United States, in Pluralism and Democracy in India: Debating the Hindu Right, Editors Wendy Doniger, Martha C. Nussbaum, Oxford University Press, 2015, p. 349
- ↑ Major Milestones, Mandir Vani, Volume 19, No. 2, 1 Aug. 2015
- ↑ Hindu Temple History and Accomplishments[dead link]
- ↑ "New Hindu Temple and Cultural Center Opens in Denver, Colorado, India West July 3, 2015". Archived from the original on 2019-02-03. Retrieved 2022-02-02.
- ↑ America and the Challenges of Religious Diversity, Robert Wuthnow, Princeton University Press, 2011, p. 39
- ↑ Grand Opening of New Temple and Prana Pratishtha Celebrations, Mahesh Jha, Mandir Vani, Volume 19, No. 2, 1 Aug. 2015, p. 3
- ↑ A vision is realized – a dream becomes a reality, Prof. Ved Nanda, Mandir Vani, Volume 19, No. 2, 1 Aug. 2015, p. 5
- ↑ "Major Milestones, Mandi Vani, Volume 21 No. 3 1 December 2017, p 14-15" (PDF). Archived from the original (PDF) on 4 మార్చి 2018. Retrieved 2 ఫిబ్రవరి 2022.
- ↑ Prayers for the lost, Mark Obmascik, Denver Post, Feb. 5, 2001
- ↑ Managing a Hindu Temple, Meeting the challenges of operating under American laws and tax codes, Katherine Nanda, July 2006
- ↑ "Hindu temple opens with havan ceremony in Centennial Colorado, Denver Post, JUNE 7". Archived from the original on 2017-02-13. Retrieved 2022-02-02.
- ↑ Mandir Vani Volume 17 No. 1 1 April 2013 p. 4