రాజేంద్ర సింగ్ పరోడా
| రాజేంద్ర సింగ్ పరోడా | |
|---|---|
| జననం | 1942 అజ్మీర్, అజ్మీర్ రాష్ట్రం, బ్రిటిష్ ఇండియా |
| పురస్కారాలు | బోర్లాగ్ అవార్డు పద్మ భూషణ్ పురస్కారం |
రాజేంద్ర సింగ్ పరోడా (1942, రాజస్థాన్), ఒక భారతీయ వ్యవసాయ శాస్త్రవేత్త. ఆయన ఇండియన్ కౌన్సిల్ ఆఫ్ అగ్రికల్చరల్ రీసెర్చ్ (ICAR) మాజీ డైరెక్టర్ జనరల్. ఆయన భారత ప్రభుత్వ వ్యవసాయ పరిశోధన, విద్యా శాఖ కార్యదర్శిగా పనిచేసాడు. ఆయన ఇండియన్ సైన్స్ కాంగ్రెస్ అసోసియేషన్ జనరల్ ప్రెసిడెంట్ గా, 1998 నుండి 2000 వరకు నేషనల్ అకాడమీ ఆఫ్ అగ్రికల్చరల్ సైన్సెస్ (ఎన్. ఎ. ఎ. ఎస్.) అధ్యక్షుడిగా పనిచేసాడు. 1998 నుండి 2001 వరకు రోమ్ లోని గ్లోబల్ ఫోరం ఆన్ అగ్రికల్చరల్ రీసెర్చ్ (జిఎఫ్ఎఆర్) కు మొదటి ఛైర్మన్ గా ఎన్నికయ్యాడు. 1992 నుండి బ్యాంకాక్ లోని ఎఫ్. ఏ. ఓ ప్రాంతీయ కార్యాలయంలో ఉన్న ఆసియా పసిఫిక్ అసోసియేషన్ ఆఫ్ అగ్రికల్చరల్ రీసెర్చ్ ఇన్స్టిట్యూషన్స్ (అపారి) కు కార్యనిర్వాహక కార్యదర్శిగా పనిచేసాడు. ఆయన ఛైర్మన్, బోర్డ్ ఆఫ్ ట్రస్టీస్, ఇక్రిసాట్, హైదరాబాదు, ఐఆర్ఆర్ఐ బోర్డు సభ్యుడు, లాస్ బానోస్, ఫిలిప్పీన్స్, అడ్వైజరీ కౌన్సిల్ ఆఫ్ ఆస్ట్రేలియన్ సెంటర్ ఫర్ ఇంటర్నేషనల్ అగ్రికల్చరల్ రీసెర్చ్ (ఎసిఐఆర్) కాన్బెర్రా, కామన్వెల్త్ అగ్రికల్చర్ బ్యూరో ఇంటర్నేషనల్ (సిఎబిఐ) లండన్ లో సభ్యుడిగా కూడా పనిచేసాడు.[1]
1996లో ఆయన న్యూఢిల్లీలో రెండవ అంతర్జాతీయ వ్యవసాయ శాస్త్ర కాంగ్రెస్ ను నిర్వహించాడు. 2001లో న్యూఢిల్లీలోని ఇండియన్ అగ్రికల్చరల్ రీసెర్చ్ ఇన్‌స్టిట్యూట్ లో జరిగిన ఇండియన్ సైన్స్ కాంగ్రెస్ కు ఆయన అధ్యక్షత వహించాడు, దీనిని అప్పటి భారత ప్రధాని అటల్ బిహారీ వాజపేయి ప్రారంభించాడు. 2012లో ఆయన న్యూఢిల్లీలో వ్యవసాయ రంగంలో మహిళలపై మొదటి గ్లోబల్ కాన్ఫరెన్స్ (జి. సి. డబ్ల్యు. ఎ) ను నిర్వహించాడు, దీనికి అప్పటి భారత రాష్ట్రపతి ప్రతిభా పాటిల్ హాజరయింది. 2013 అక్టోబరులో ఉరుగ్వే లోని పుంటా డెల్ ఎస్టే లో GFAR, CGIAR సంయుక్తంగా నిర్వహించిన గ్లోబల్ కాన్ఫరెన్స్ ఆన్ అగ్రికల్చరల్ రీసెర్చ్ ఫర్ డెవలప్మెంట్ (GCARD 2) ఆర్గనైజింగ్ కమిటీకి ఛైర్మన్ గా పనిచేసాడు.[2]
ఎపిఎఎఆర్ఐ కార్యనిర్వాహక కార్యదర్శిగా, ఆయన అధిక ప్రాంతీయ ప్రాముఖ్యత కలిగిన నేపథ్య రంగాలపై ఇరవైకి పైగా ప్రాంతీయ నిపుణుల సంప్రదింపులను నిర్వహించాడు. ప్రస్తుతం ఆయన ఐఏఆర్ఐ పూర్వ విద్యార్థుల సంఘం అధ్యక్షుడిగా ఉన్నాడు.[3]
2006 జనవరి 5న హైదరాబాదులో జరిగిన 93వ ఇండియన్ సైన్స్ కాంగ్రెస్ కార్యక్రమంలో రాష్ట్రపతి ఎపిజె అబ్దుల్ కలాం నుండి నార్మన్ బోర్లాగ్ అవార్డు కూడా అందుకున్నాడు.[4] 1998లో పద్మభూషణ్ పురస్కారంతో భారత ప్రభుత్వం ఆయనను సత్కరించింది.[5]
మూలాలు
[మార్చు]- ↑ "Dr R S Paroda".
- ↑ "NABI Dr Paroda".
- ↑ "Executive Committee 2024-26 – IARI Alumni Association" (in అమెరికన్ ఇంగ్లీష్). Archived from the original on 2025-11-17. Retrieved 2025-11-29.
- ↑ "Business Line: R.S. Paroda to get Borlaug award". Archived from the original on 29 September 2007. Retrieved 2 July 2007.
- ↑ "Padma Awards" (PDF). Ministry of Home Affairs, Government of India. 2015. Archived from the original (PDF) on 15 October 2015. Retrieved 21 July 2015.