రామ్ పోతినేని
రామ్ | |
|---|---|
 రామ్ పోతినేని | |
| జననం | పోతినేని రామ్ 1987 మే 15[1] |
| ఇతర పేర్లు | రామ్ |
| వృత్తి | నటుడు |
| క్రియాశీల సంవత్సరాలు | 2006 నుండి ఇప్పటివరకు |
రామ్ పోతినేని, తెలుగు సినిమా నటుడు.
వ్యక్తిగత జీవితం
[మార్చు]రామ్ నిర్మాత "స్రవంతి" రవికిషోర్ తమ్ముడైన మురళి పోతినేని కొడుకు. హైదరాబాదులో పుట్టినా తన విద్యాభ్యాసం తమిళనాడులో చెన్నైలోని చెట్టినాడ్ విద్యాశ్రమం, సెంట్ జాన్ పాఠశాలలో చేసాడు.[2]
సినీ జీవితం
[మార్చు]నట శిక్షకుడు ఎన్.జె. భిక్షు దగ్గర నటనలో శిక్షణ తీసుకున్నాడు.[3] రామ్ నటించిన మొదటి చిత్రం దేవదాసు. ఇందులో ఇలియానా కథానాయిక. వై.వీ.ఎస్. చౌదరి దర్శకత్వం వహించిన ఈ చిత్రం 2006 జనవరి 11 న విడుదలై బాక్సాఫీసు వద్ద భారీ విజయాన్ని అందుకోవడమే కాక రామ్ కి ఫిలింఫేర్ సౌత్ - ఉత్తమ నూతన నటుడు అవార్డును అందించింది. తన రెండో చిత్రం సుకుమార్ దర్శకత్వం వహించిన జగడం. ఈ చిత్రం 2007 మార్చి 16 న విడుదలైంది. ఈ చిత్రం బాక్సాఫీసు వద్ద విఫలమైనప్పటికీ విశ్లేషకుల నుంచి ప్రశంసలు అందాయి. 2008 లో శ్రీను వైట్ల దర్శకత్వంలో జెనీలియా సరసన రెడీ చిత్రంలో నటించాడు. ఈ చిత్రం భారీ విజయాన్ని సొంతం చేసుకుంది. ఈ చిత్రంతో రామ్ పెద్ద హీరోల్లో ఒకడయ్యాడు.[4]
2009 లో రెండు చిత్రాల్లో నటించాడు. ఒకటి బి.గోపాల్ దర్శకత్వంలో మస్కా. ఇందులో హన్సికా మోట్వాని, షీలా కథానాయికలు. మరో చిత్రం ఎం.శరవణన్ దర్శకత్వంలో గణేష్. ఇందులో కాజల్ అగర్వాల్ కథానాయిక. మస్కా ఓ మోస్తరు విజయం సాధించగా గణేష్ పరాజయం పాలైంది. కానీ ఈ రెండు చిత్రాల్లోనూ రామ్ తన నటనకు ప్రశంసలు సొంతం చెసుకున్నాడు. 2010 లో రామ్ శ్రీవాస్ దర్శకత్వంలో రామ రామ కృష్ణ కృష్ణ చిత్రంలో నటించాడు. ఇందులో ప్రియా ఆనంద్, బిందు మాధవి కథానాయికలు. ఈ చిత్రం కూడా ఓ మోస్తరు విజయాన్ని సొంతం చెసుకుంది. 2011 లో రామ్ సంతోష్ శ్రీనివాస్ దర్శకత్వంలో కందిరీగ చిత్రంలో నటించాడు. ఇందులో హన్సిక, అక్ష కథానాయికలు. ఈ చిత్రం బాక్సాఫీసు వద్ద భారీ విజయం సాధించింది.
2012 లో రామ్ ఏ.కరుణాకరన్ దర్శకత్వంలో ఎందుకంటే...ప్రేమంట! చిత్రంలో నటించాడు. ఇందులో తమన్నా కథానాయిక. భారీ అంచనాల మధ్య విడుదలైన ఈ చిత్రం భారీ పరాజయంగా నిలిచింది కానీ రామ్ మరియూ తమన్నాల నటనకు భారీ ఎత్తున ప్రశంసలు అందాయి.[5] 2013 లో రామ్ భాస్కర్ దర్శకత్వంలో ఒంగోలు గిత్త చిత్రంలో నటించాడు. ఇందులో కృతి కర్బంధ కథానాయిక. ఈ చిత్రం బాక్సాఫీసు వద్ద పరాజయం పాలైంది. ఆ తరువాత రామ్ కె. విజయభాస్కర్ దర్శకత్వంలో దగ్గుబాటి వెంకటేష్ తో కలిసి హిందీ చిత్రం బోల్ బచ్చన్ తెలుగు పునః నిర్మాణం అయిన మసాలా లో నటించాడు. అది కూడా ఆశించిన విజయాన్ని ఇవ్వలేదు.2015 లో గోపిచంద్ మలినేని దర్శకత్వంలో పండగ చేస్కో చిత్తం తో మళ్ళీ విజయాన్ని అందుకున్నాడు. అదే సంవత్సరం శివమ్ అనే సినిమా తో భారీ ప్లాప్ అందుకున్నాడు.2016 లో కిశోర్ తిరుమల దర్శకత్వంలో నేను శైలజ సినిమా తో మరొక విజయాన్ని అందుకున్నాడు. ఆ సినిమా లో రామ్ నటన కి మంచి మార్కులు పడ్డాయి. మళ్ళీ అదే సంవత్సరం హైపర్ అనే సినిమా తో ఓ మోస్తరు విజయాన్ని అందుకున్నాడు. 2017 లో కిషోర్ తిరుమల దర్శకత్వంలో ఉన్నది ఒకటే జిందగి అనే సినిమా లో నటించాడు అది కూడా నిరాశ పరిచింది. ప్రస్తుతం త్రినాథరావు నక్కిన దర్శకత్వంలో హలొ గురు ప్రేమ కోసమే చిత్రంలో నటిస్తున్నాడు.[6]
నటించిన చిత్రాలు
[మార్చు]| సంవత్సరం | పేరు | పాత్ర | గమనికలు | మూ |
|---|---|---|---|---|
| 2002 | అదయాళం | నరేన్ శ్రీనివాసన్ | తమిళ షార్ట్ ఫిల్మ్ | |
| 2006 | దేవదాసు | దేవదాస్ | ||
| 2007 | జగడం | శీను | ||
| 2008 | రెడీ | చందు (దానయ్య) | ||
| 2009 | మస్కా | కృష్ణ "క్రిష్" | ||
| గణేష్ | గణేష్ | |||
| 2010 | రామ రామ కృష్ణ కృష్ణ | రామకృష్ణ | ||
| 2011 | కందిరీగ | శ్రీనివాస్ "శ్రీను" | ||
| 2012 | ఎందుకంటే...ప్రేమంట! | కృష్ణ & రాముడు | తమిళంలో ఒకేసారి చిత్రీకరించబడింది | |
| 2013 | ఒంగోలు గిత్త | దొరబాబు (తెలుపు) | ||
| మసాలా | రామ్ (రెహమాన్) | |||
| 2015 | రే | కథకుడు | వాయిస్ పాత్ర | |
| పండగ చేస్కో | కార్తీక్ | |||
| శివం | శివ (రామ్) | |||
| 2016 | నేను శైలజ | హరి | ||
| హైపర్ | సూర్యనారాయణ మూర్తి | |||
| 2017 | ఉన్నది ఒకటే జిందగీ | అభిరామ్ | ||
| 2018 | హలో గురు ప్రేమకోసమే | సంజు | "ఐడియా చెప్పు ఫ్రెండ్" కోసం గాయకుడు కూడా | |
| 2019 | ఇస్మార్ట్ శంకర్[7] | ఉస్తాద్ "ఇస్మార్ట్" శంకర్ / అరుణ్ | ||
| 2021 | రెడ్ | ఆదిత్య & సిద్ధార్థ్ | ద్విపాత్రాభినయం | |
| రొమాంటిక్‌ | ఉస్తాద్ "ఐస్మార్ట్" శంకర్ | అతిధి పాత్ర | ||
| 2022 | ది వారియర్ | సత్య | తెలుగు/తమిళం ద్విభాషా | |
| 2023 | స్కంద | భాస్కర్ రాజు & స్కంద | ద్విపాత్రాభినయం | |
| 2024 | డబుల్ ఇస్మార్ట్ | ఉస్తాద్ "ఇస్మార్ట్" శంకర్ / అరుణ్ | ||
| టిబిఎ | ఆంధ్రా కింగ్‌ తాలుకా † | సాగర్ | చిత్రీకరణ | [8] |
ప్రశంసలు
[మార్చు]| సంవత్సరం | అవార్డు | వర్గం | పని | ఫలితం | మూ |
|---|---|---|---|---|---|
| 2002 | యూరప్ ఫిల్మ్ ఫెస్టివల్, స్విట్జర్లాండ్ | ఉత్తమ నటుడు | అదయాళం | గెలిచింది | [9] |
| 2007 | దక్షిణాది ఫిల్మ్‌ఫేర్ అవార్డులు | ఉత్తమ పురుష అరంగేట్రం | దేవదాసు | గెలిచింది | [10] |
| 2008 | దక్షిణాది ఫిల్మ్‌ఫేర్ అవార్డులు | ఉత్తమ నటుడు - తెలుగు | సిద్ధంగా ఉంది | నామినేట్ అయ్యారు | [11] |
| 2011 | దక్షిణాది ఫిల్మ్‌ఫేర్ అవార్డులు | కందిరీగ | నామినేట్ అయ్యారు | [12] | |
| 2020 | జీ సినీ అవార్డ్స్ తెలుగు | సెన్సేషనల్ స్టార్ ఆఫ్ ది ఇయర్ | ఐస్మార్ట్ శంకర్ | గెలిచింది | [13] |
| ఉత్తమ నటుడు | నామినేట్ అయ్యారు | [14] | |||
| 2021 | 10వ సౌత్ ఇండియన్ ఇంటర్నేషనల్ మూవీ అవార్డులు | నామినేట్ అయ్యారు | [15] |
మూలాలు
[మార్చు]- ↑ "ఆర్కైవ్ నకలు". Archived from the original on 2010-09-05. Retrieved 2013-03-18.
- ↑ "ఆర్కైవ్ నకలు". Archived from the original on 2014-04-07. Retrieved 2013-03-18.
- ↑ ఎన్టీఆర్, రామ్, నితిన్, ఇలియానా... అందరూ మా శిష్యులే!, ఈనాడు ఆదివారం సంచిక, 4 జనవరి 2015, పుట. 20-21
- ↑ "ఆర్కైవ్ నకలు". Archived from the original on 2012-09-18. Retrieved 2013-03-18.
- ↑ "ఆర్కైవ్ నకలు". Archived from the original on 2018-12-26. Retrieved 2013-03-18.
- ↑ "ఆర్కైవ్ నకలు". Archived from the original on 2013-11-04. Retrieved 2013-03-18.
- ↑ సాక్షి, సినిమా (18 July 2019). "'ఇస్మార్ట్ శంకర్' మూవీ రివ్యూ". Archived from the original on 18 July 2019. Retrieved 21 July 2019.
- ↑ "'ఆంధ్రా కింగ్‌ తాలుకా' టికెట్టు ఇవ్వాల్సిందే." Chitrajyothy. 15 May 2025. Archived from the original on 15 May 2025. Retrieved 15 May 2025.
- ↑ "Happy Birthday Ram Pothineni: Do You Know These Lesser-known Facts About this Tollywood Actor?". 15 May 2019. Archived from the original on 6 June 2019. Retrieved 28 August 2020.
- ↑ "54th Fair One Filmfare Awards 2007". Idlebrain.com. 4 August 2007. Retrieved 14 March 2020.
- ↑ "56th Idea Filmfare Awards 2008 South: The winners". The Times of India (in ఇంగ్లీష్). August 2009. Retrieved 20 May 2020.
- ↑ "The 58th Filmfare Award (South) winners". CNN-News18. 4 July 2011. Retrieved 12 March 2020.
- ↑ "Zee Cine Awards Telugu 2020 Full Winners List: Megastar Chiranjeevi, Samantha Akkineni, Pooja Hegde win big". www.msn.com. Archived from the original on 11 October 2020. Retrieved 20 May 2020.
- ↑ "Complete winner list of Zee Cine awards Telugu 2020". 12 January 2020. Archived from the original on 3 నవంబర్ 2020. Retrieved 18 January 2020.
{{cite web}}: Check date values in:|archive-date=(help) - ↑ "Team 'Pushpa' wins big in 'SIIMA 2022' Winners list". The Times of India (in ఇంగ్లీష్). 2022-09-11. Retrieved 2022-09-11.