రెజ్వానా చౌదరి బన్యా
రెజ్వానా చౌదరి బన్యా রেজওয়ানা চৌধুরী বন্যা | |
|---|---|
.jpg) 2017లో రెజ్వానా చౌదరి బన్యా | |
| Background information | |
| Born | 1957 జనవరి 13 రంగ్పూర్, బంగ్లాదేశ్, తూర్పు పాకిస్తాన్ |
| Genres | రవీంద్ర సంగీత్ |
| Occupations | గాయని, ప్రొఫెసర్ |
| Instruments | గాత్రం, హార్మోనియం, ఎస్రాజ్ |
రెజ్వానా చౌదరి బన్యా (ఆంగ్లం: Rezwana Choudhury Bannya; జననం 1957 జనవరి 13), బంగ్లాదేశ్ కు చెందిన గాయని. ఆమె రవీంద్రనాథ్ ఠాగూర్ రచించి స్వరపరిచిన రవీంద్ర సంగీతానికి ప్రతిపాదకురాలు.[1] ఆమె బంగ్లాదేశ్ అత్యున్నత పౌర పురస్కారం, స్వాతంత్ర్య దినోత్సవ అవార్డు 2016, 2024లో భారతదేశపు నాల్గవ అత్యున్నత పౌర పురస్కారం పద్మశ్రీ లతో పాటు అనేక పురస్కారాలను గెలుచుకుంది.[2][3]
ప్రారంభ జీవితం
[మార్చు]రెజ్వానా చౌదరి బన్యా అప్పటి తూర్పు పాకిస్తాన్ (ఇప్పుడు బంగ్లాదేశ్) లోని రంగ్పూర్లో జన్మించింది.[4] ఆమె తండ్రి మజారుద్దీన్ ఖాన్, బంగ్లాదేశ్ రోడ్ ట్రాన్స్పోర్ట్ అథారిటీ (బిఆర్టిఎ) జనరల్ మేనేజర్. ఆమె తల్లి ఇస్మత్ అరా ఖాన్ (మ. 2016), కకోలి హై స్కూల్ వైస్-ప్రిన్సిపాల్. రెజ్వానా చౌదరి బన్యాకు ఇద్దరు తోబుట్టువులు ఉన్నారు.[5] ఆమె ఆరో తరగతిలో ఉన్నప్పుడు రవీంద్ర సంగీత్ నేర్చుకోవడం ప్రారంభించింది.[6] ఆమె ప్రారంభ గాన పాఠాలు ఆమె మామ అబ్దుల్ అలీ వద్ద ప్రారంభమయ్యాయి. ఆ తరువాత, ఆమె ఢాకాలోని చాయానౌత్, బుల్బుల్ అకాడమీ ఆఫ్ ఫైన్ ఆర్ట్స్ (బిఎఎఫ్ఎ)లో సంజిదా ఖాతున్, అతికుల్ ఇస్లాం ఆధ్వర్యంలలో కొనసాగాయి.[4] ఆమె సంగీతంలో పాఠాలు కొనసాగిస్తూనే ఢాకా విశ్వవిద్యాలయంలో ఎకనామిక్స్ ప్రోగ్రామ్లో చేరింది.[7] అయితే, ఆమె సంగీతమే తన గమ్యమని నిర్ణయించుకుని మధ్యలోనే కళాశాల విద్యను నిలిపివేసింది. ఠాగూర్ స్వయంగా స్థాపించిన శాంతినికేతన్ విశ్వవిద్యాలయంలోని సంగీత్ భవనలో చదువుకోవడానికి ఆమె ఇండియన్ కౌన్సిల్ ఫర్ కల్చరల్ రిలేషన్స్ (ఐసిసిఆర్) నుండి స్కాలర్షిప్ పొందింది. ఆమె కనికా బెనర్జీ, నీలిమా సేన్, శైలజరంజన్ మజుందార్, శాంతిదేవ్ ఘోష్, గోరా సర్బాధికరి, మంజు బందోపాధ్యాయ, అసేష్ బందోపాధ్యాయ వంటి కళాకారుల వద్ద శిక్షణ పొందింది.[8] 2021లో ఆమె ఢాకా విశ్వవిద్యాలయంలో రవీంద్ర సంగీతంపై తన పరిశోధనను పూర్తి చేసింది, దీనికి ఆమె డాక్టర్ ఆఫ్ ఫిలాసఫీ డిగ్రీని అందుకుంది.
కెరీర్
[మార్చు]
రెజ్వానా చౌదరి బన్యా ఢాకా విశ్వవిద్యాలయంలో నృత్య విభాగం ప్రొఫెసర్, వ్యవస్థాపక చైర్, గతంలో ఆమె అదే విశ్వవిద్యాలయంలో సంగీత విభాగంలో ప్రొఫెసర్ కూడా ఉన్నది.[9] కనికా బెనర్జీ నుండి ప్రేరణ పొందిన ఆమె 1992లో ఢాకాలోని ఒక ప్రతిష్టాత్మక సంగీత పాఠశాల అయిన షురెర్ ధారాను స్థాపించింది. రణబీంద్ర సంగీతంపై దృష్టి సారించింది. ఆమె గౌరవ డీన్, ఫ్యాకల్టీ ఆఫ్ పెర్ఫార్మింగ్ ఆర్ట్స్, ఠాగూర్ యూనివర్శిటీ ఆఫ్ క్రియేటివ్ ఆర్ట్స్ సంగీత విభాగానికి చైర్పర్సన్ గా వ్యవహరిస్తోంది. 2010లో, రవీంద్రనాథ్ ఠాగూర్ 150వ జయంతి సందర్భంగా, ఆమె ఠాగూర్ గీతోబితాన్ లో 2,233 పాటల పూర్తి ఆడియో వెర్షన్ ను తీసుకువచ్చింది, దీనికి శ్రుతి గీతోబితాన్ అనే పేరు పెట్టారు.[10]
మూలాలు
[మార్చు]- ↑ Rezwana Choudhury Bannya: বাংলাদেশে যৌনকর্মীর সন্তানদের রবীন্দ্রনাথের গান শেখাবেন রেজওয়ানা. anandabazar (in Bengali). 10 December 2021. ఒరిజినల్ పేజీని చూసిన తేదీ: 21 Dec 2023.
- ↑ "14 individuals, Navy picked for Independence Award 2016". The Daily Star (in ఇంగ్లీష్). 2016-03-08. ఒరిజినల్ పేజీని చూసిన తేదీ: 2018-01-15.
- ↑ "Padma Shri award handed to Rezwana Choudhury Bannya". The Business Standard (in ఇంగ్లీష్). 24 April 2024.
- 1 2 "Rezwana Choudhury - Home". www.rezwanachoudhurybannya.com (in ఇంగ్లీష్). the original నుండి 2026-01-03 న ఆర్కైవు చెయ్యబడింది. ఒరిజినల్ పేజీని చూసిన తేదీ: 2026-03-04.
- ↑ সংগীত শিল্পী রেজওয়ানা চৌধুরী বন্যার মায়ের মৃত্যু. bdnews24.com (in ఇంగ్లీష్). ఒరిజినల్ పేజీని చూసిన తేదీ: 2026-03-04.
- ↑ "'সবচেয়ে বড় পুরস্কার মানুষের ভালোবাসা'". প্রিয়.কম (in ఇంగ్లీష్). the original నుండి 2019-09-27 న ఆర్కైవు చెయ్యబడింది. ఒరిజినల్ పేజీని చూసిన తేదీ: 2026-03-04.
- ↑ Kallol, Hashibur Reza (9 April 2024). "My life is blessed, I do not have any regrets: Rezwana Choudhury Bannya". The Daily Star (in ఇంగ్లీష్). ఒరిజినల్ పేజీని చూసిన తేదీ: 25 June 2024.
- ↑ "Rezwana Choudhury Bannya to get Indian civilian honour 'Padma Shri'". Prothom Alo (in ఇంగ్లీష్). 26 January 2024.
- ↑ The University of Dhaka, Department of Music Archived 2015-06-03 at the Wayback Machine
- ↑ "'Shruti Gitobitan' (শ্রুতি গীতবিতান)". ఒరిజినల్ పేజీని చూసిన తేదీ: 11 February 2018.[permanent dead link]