రోస్టన్ చేజ్
 డిసెంబర్ 2, 2022న ఆస్ట్రేలియా vs వెస్టిండీస్ పెర్త్ స్టేడియంలో జరిగిన మొదటి టెస్ట్ మ్యాచ్లో రోస్టన్ చేజ్ బ్యాటింగ్ చేస్తున్నాడు. | |
| వ్యక్తిగత సమాచారం | |
|---|---|
| పూర్తి పేరు | రోస్టన్ లామార్ చేజ్ |
| పుట్టిన తేదీ | 1992 మార్చ్ 22 క్రైస్ట్ చర్చి పారిష్ , బార్బడోస్ |
| ఎత్తు | 196 సెం.మీ (6 అడుగులు 5 అంగుళాలు) |
| బ్యాటింగు | కుడిచేతి వాటం |
| బౌలింగు | కుడిచేతి వాటం ఆఫ్-బ్రేక్ |
| పాత్ర | ఆల్ రౌండర్ |
రోస్టన్ లామర్ చేజ్ (జననం 22 మార్చి 1992) వెస్టిండీస్, బార్బడోస్ తరపున ఆడే బార్బడోస్ క్రికెటర్.[1] ఆయన కుడిచేతి వాటం బ్యాట్స్మన్, కుడిచేతి వాటం ఆఫ్ స్పిన్ బౌలర్. ఆయన జూలై 2017లో వెస్టిండీస్ ప్లేయర్స్ అసోసియేషన్ ద్వారా క్రికెటర్ ఆఫ్ ది ఇయర్ & టెస్ట్ క్రికెటర్ ఆఫ్ ది ఇయర్గా ఎంపికయ్యాడు.
దేశీయ కెరీర్
[మార్చు]క్రైస్ట్ చర్చ్ పారిష్ నుండి చేజ్ 2010–11 రీజినల్ ఫోర్ డే కాంపిటీషన్ సమయంలో బార్బడోస్ తరపున తన సీనియర్ అరంగేట్రం చేసాడు, అతని వయసు 18 సంవత్సరాలు. తన తొలి సీజన్లో రెండు మ్యాచ్ల తర్వాత 2012–13 పోటీ వరకు మళ్ళీ కనిపించలేదు, అయినప్పటికీ అతను జట్టులో రెగ్యులర్గా ఉన్నాడు. చేజ్ 2014–15 సీజన్లో విండ్వార్డ్ ఐలాండ్స్పై 241 బంతుల్లో 120 పరుగులతో తొలి ఫస్ట్-క్లాస్ సెంచరీ సాధించాడు. ఆయన ఎనిమిది మ్యాచ్ల్లో 534 పరుగులతో సీజన్ను ముగించాడు, ఇది బార్బడోస్ తరపున నాల్గవ స్థానంలో & మొత్తం పోటీలో ఎనిమిదో స్థానంలో నిలిచింది. 2015–16 సీజన్లో తన మంచి ఫామ్ను కొనసాగించాడు, తన జట్టు మొదటి ఇన్నింగ్స్లో 136 పరుగులతో నాటౌట్గా నిలిచిన తర్వాత లీవార్డ్ ఐలాండ్స్పై మ్యాన్ ఆఫ్ ది మ్యాచ్గా ఎంపికయ్యాడు.
రోస్టన్ చేజ్ జూన్ 2018లో వార్షిక క్రికెట్ వెస్టిండీస్ అవార్డులలో ఉత్తమ ప్రాంతీయ పరిమిత ఓవర్ల క్రికెటర్ ఆఫ్ ది ఇయర్గా ఎంపికయ్యాడు. 2018 కరేబియన్ ప్రీమియర్ లీగ్కు ముందు టోర్నమెంట్లో చూడవలసిన ఐదుగురు ఆటగాళ్లలో ఒకరిగా ఎంపికయ్యాడు.
రోస్టన్ చేజ్ అక్టోబర్ 2018లో క్రికెట్ వెస్టిండీస్ (CWI) 2018–19 సీజన్ కోసం చేజ్కి రెడ్-బాల్ కాంట్రాక్ట్ ఇచ్చింది.
అంతర్జాతీయ కెరీర్
[మార్చు]రోస్టన్ చేజ్ జూలై 2016లో భారత్తో జరిగే టెస్ట్ సిరీస్ కోసం వెస్టిండీస్ జట్టులో చేజ్ చోటు దక్కించుకున్నాడు. ఆయన 2016 జూలై 21న వెస్టిండీస్ తరపున తన టెస్ట్ అరంగేట్రం చేశాడు.తన రెండవ టెస్ట్ మ్యాచ్లో తన తొలి ఐదు వికెట్ల ఘనతను సాధించి, బలమైన భారత బౌలింగ్ దాడిని ఎదురుకొని సెంచరీ చేశాడు.
రోస్టన్ చేజ్ జూన్ 2017లో ఆఫ్ఘనిస్తాన్తో జరిగిన సిరీస్ కోసం వెస్టిండీస్ వన్డే ఇంటర్నేషనల్ (ODI) జట్టులో చోటు దక్కించుకున్నాడు. ఆయన 2017 జూన్ 9న ఆఫ్ఘనిస్తాన్తో జరిగిన మ్యాచ్తో వెస్టిండీస్ తరపున తన వన్డే అరంగేట్రం చేశాడు.
రోస్టన్ చేజ్ 2019 జనవరి 26న బార్బడోస్లో ఇంగ్లాండ్తో జరిగిన మొదటి టెస్ట్ మ్యాచ్లో నాల్గవ ఇన్నింగ్స్లో 8/60 బౌలింగ్ గణాంకాలను సాధించాడు, మొదటి ఇన్నింగ్స్లో బ్యాటింగ్తో 54 పరుగులు సాధించాడు.
ఆయన మే 2019లో క్రికెట్ వెస్టిండీస్ (CWI) 2019 క్రికెట్ ప్రపంచ కప్ కోసం వెస్టిండీస్ జట్టులోని పది మంది రిజర్వ్ ఆటగాళ్లలో ఒకరిగా స్థానం దక్కించుకున్నాడు. రోస్టన్ చేజ్ జూన్ 2020లో ఇంగ్లాండ్తో జరిగిన సిరీస్ కోసం వెస్టిండీస్ టెస్ట్ జట్టులో చోటు దక్కించుకున్నాడు. ఆయన టెస్ట్ సిరీస్ మొదట మే 2020లో ప్రారంభం కావాల్సి ఉంది, కానీ కోవిడ్ -19 మహమ్మారి కారణంగా జూలై 2020కి తిరిగి మార్చబడింది.
రోస్టన్ చేజ్ సెప్టెంబర్ 2021లో 2021 ఐసీసీ పురుషుల టీ20 ప్రపంచ కప్ కోసం వెస్టిండీస్ ట్వంటీ20 అంతర్జాతీయ జట్టులో చోటు దక్కించుకున్నాడు. ఆయన అక్టోబర్ 29న బంగ్లాదేశ్పై వెస్టిండీస్ తరపున తన టీ20ఐ అరంగేట్రం చేశాడు.
రోస్టన్ చేజ్ మే 2024లో ఐసీసీ పురుషుల టీ20 ప్రపంచ కప్ టోర్నమెంట్ కోసం వెస్టిండీస్ జట్టులో చోటు దక్కించుకున్నాడు.
మే 2025లో క్రెయిగ్ బ్రాత్వైట్ రాజీనామా తర్వాత చేజ్ను వెస్టిండీస్ టెస్ట్ కెప్టెన్గా నియమించారు.[2] అక్టోబర్ 2025లో భారత్ పర్యటనలో ఉన్న వెస్టిండీస్ టెస్ట్ కెప్టెన్గా నియమితుడయ్యాడు.[3]
మూలాలు
[మార్చు]- ↑ "50, 500, 1000.. మూడు రికార్డులను ఒకే మ్యాచ్లో బద్దలు కొట్టిన వెస్టిండీస్ ప్లేయర్లు". TV9 Telugu. 21 July 2025. Archived from the original on 2 October 2025. Retrieved 2 October 2025.
- ↑ "రెండేళ్ల్లు టెస్టులకు దూరమైనా.. విండీస్ సారథిగా చేజ్". Eenadu. 18 May 2025. Archived from the original on 2 October 2025. Retrieved 2 October 2025.
- ↑ "రోస్టన్ ఛేస్కు పగ్గాలు". Prajasakti. 17 September 2025. Archived from the original on 2 October 2025. Retrieved 2 October 2025.
బయటి లింకులు
[మార్చు]- క్రికెట్ ఆర్కివ్ లో రోస్టన్ చేజ్ వివరాలు
- క్రిక్ఇన్ఫో లో రోస్టన్ చేజ్ ప్రొఫైల్