వంగర వెంకటసుబ్బయ్య

వంగర వెంకటసుబ్బయ్య
వంగర వెంకటసుబ్బయ్య
	వంగర వెంకటసుబ్బయ్య
జననం	నవంబరు 24, 1897; సంగం జాగర్లమూడి, ఒంగోలు తాలూకా
మరణం	1975; దుగ్గిరాల
మరణ కారణం	పక్షవాతం
ప్రసిద్ధి	రంగస్థల, చలనచిత్ర హాస్య నటుడు
భార్య / భర్త	అధిసేషమ్మ
తండ్రి	కోటయ్య
తల్లి	వెర్రెమ్మ =

వంగర వెంకట సుబ్బయ్య (నవంబరు 24, 1897 - 1975) (Vangara Venkata Subbaiah), తెలుగు సినిమా, నాటక రంగాలలో వంగర గా ప్రసిద్ధుడైన హాస్యనటుడు .

జననం

ఈయన ఒంగోలు తాలూకా సంగం జాగర్లమూడిలో 1897, నవంబరు 24 న కోటయ్య, వెర్రెమ్మ దంపతులకు జన్మించాడు.

రంగస్థల ప్రస్థానం

తెనాలిలో స్థిరనివాసం ఏర్పరచుకుని, స్థానం వారితో చేరి 'శ్రీకృష్ణ తులభారం' నాటకంలో వసంతకుడు వేషం వేసి కళాహృదయుల మన్ననలందుకున్నాడు. ఈయన ఇంకా 'విప్రనారాయణ', 'సక్కుబాయి' మొదలగు నాటకాలలో హాస్య భూమికలను పోషించాడు.

చలనచిత్రరంగ ప్రస్థానం

1937లో విప్రనారాయణ చిత్రంలో శిష్యుడుగా వేషంవేసి, ఆంధ్ర సినిమా ప్రేక్షకుల మీద సమ్మోహనాస్త్రాన్ని ప్రయోగించాడు. తరువాత బాలయోగిని చిత్రంలో ప్రధాన భూమికను పోషించాడు. ఈయన ఇంచుమించు వందకు పైగా తెలుగు చిత్రాలలో నటించాడు. వీటిలో పెద్దమనుషులు, కన్యాశుల్కం, లక్ష్మమ్మ, ప్రియురాలు, లక్ష్మి, చక్రపాణి, పల్నాటి యుద్ధం, తెనాలి రామకృష్ణ, శ్రీకృష్ణ తులాభారం, గీతాంజలి, మంత్రదండం, పేరంటాలు, శాంతి, సక్కుబాయి ముఖ్యమైనవి.

మరణం

1975లో మరణించారు.

చిత్రసమాహారం

మూలాలు

20వ శతాబ్ది తెలుగు వెలుగులు, పొట్టి శ్రీరాములు తెలుగు విశ్వవిద్యాలయము, హైదరాబాదు, 2005.
నటరత్నాలు, డా. మిక్కిలినేని రాధాకృష్ణమూర్తి, సీతారత్నం గ్రంథమాల, విజయవాడ, 2002, పేజీలు: 434-436.

బయటి లింకులు