వడ్రంగం
| PalmercarpenterA.jpg | |
| వృత్తి | |
|---|---|
వృత్తి రకం | వృత్తిగతం |
కార్యాచరణ రంగములు | నిర్మాణం |
| వివరణ | |
విద్యార్హత | లేదు |
వడ్రంగం (Carpentry) అనేది భవనాలు, ఓడలు, కలప వంతెనలు, కాంక్రీట్ ఫార్మ్వర్క్ లాంటి నిర్మాణ సమయంలో నిర్మాణ వస్తువులను కత్తిరించడం, ఆకృతి చేయడం, అమర్చడం వంటి పనులు చేసే ఒక నైపుణ్యం కలిగిన వృత్తి. సాంప్రదాయకంగా వడ్రంగులు సహజమైన కలపతో పనిచేసి ఫ్రేమింగ్ లాంటి కఠినమైన పనులు చేసేవారు, నేడు అనేక ఇతర పదార్థాలను కూడా ఉపయోగిస్తున్నారు[1] కొన్నిసార్లు క్యాబినెట్ తయారీ, ఫర్నిచర్ నిర్మాణాలను కూడా వడ్రంగంగానే పరిగణిస్తారు. అమెరికాలో వడ్రంగులలో 98.5% పురుషులే ఉన్నారు, ఇది 1999లో దేశంలో పురుషుల ఆధిపత్యం ఉన్న వృత్తులలో నాల్గవ స్థానంలో నిలిచింది. 2006 నాటికి అమెరికాలో సుమారు 1.5 మిలియన్ల వడ్రంగి ఉద్యోగాలు ఉన్నాయి. ఉద్యోగంలోకి మొదట వచ్చేది, చివరగా వెళ్ళేది సాధారణంగా వడ్రంగులే.[2] 19వ శతాబ్దం చివరి వరకు వడ్రంగులు పోస్ట్-అండ్-బీమ్ భవనాలను నిర్మించేవారు; ఇప్పుడు ఈ పాతకాలపు వడ్రంగాన్ని కలప ఫ్రేమింగ్ అని పిలుస్తున్నారు. యునైటెడ్ కింగ్డమ్, అమెరికా, కెనడా, స్విట్జర్లాండ్, ఆస్ట్రేలియా, దక్షిణాఫ్రికా లాంటి దేశాలలో సాధారణంగా నాలుగు సంవత్సరాల శిక్షణా కాలం పూర్తి చేసి, ఆ దేశ సామర్థ్య పరీక్షలో ఉత్తీర్ణత సాధించడం ద్వారా ఈ వృత్తిని నేర్చుకుంటారు.[3] చాలా ప్రాంతాలలో అధికారిక శిక్షణా కార్యక్రమాల కంటే పని అనుభవం పొందడం ద్వారా నైపుణ్యాన్ని నేర్చుకోవడం కూడా సాధారణమే.
వడ్రంగం ఫర్నిచర్ రూపకల్పన, నిర్మాణం, తలుపులు, కిటికీల అమెరికా లేదా మరమ్మతు, ఫ్లోరింగ్ అమరిక, కలప నిర్మాణం, ఫర్నిచర్ మరమ్మతు, పునరుద్ధరణ వంటి వివిధ సేవలను కవర్ చేస్తుంది.
వ్యుత్పత్తి
[మార్చు]"కార్పెంటర్" (carpenter) పదం ఫ్రెంచ్ పదం carpentier (తరువాత, charpentier) ఆంగ్ల అనువాదం. ఇది లాటిన్ పదం carpentarius [artifex] "(రథం) తయారుచేసేవాడు" నుండి ఉద్భవించింది.[4] పాత ఆంగ్లంలో "నిర్మాత" అనే అర్థంలో వాడే పదం రైట్ (wright), ఇది వీల్రైట్ లేదా బోట్రైట్ లాంటి సమ్మేళన రూపాలలో వాడేవారు.[5]
యునైటెడ్ కింగ్డమ్లో
[మార్చు]యునైటెడ్ కింగ్డమ్లో పైకప్పులు, అంతస్తులు, కలప ఫ్రేమ్ భవనాల నిర్మాణం వంటి కలప వస్తువులను మొదట బిగించడంలో (ఫస్ట్ ఫిక్సింగ్) నైపుణ్యాన్ని వివరించడానికి వడ్రంగం పదాన్ని ఉపయోగిస్తారు. ప్లాస్టరింగ్ చేయడానికి ముందు జరిగే పనిని ఫస్ట్ ఫిక్స్ పనిగా భావించవచ్చు. ప్లాస్టరింగ్ తర్వాత సెకండ్ ఫిక్స్ చేస్తారు. సెకండ్ ఫిక్స్ పనిలో స్కిర్టింగ్ బోర్డులు, తలుపులు, కిటికీలు అమర్చడం వంటివి వడ్రంగంగా పరిగణిస్తారు, ఈ వస్తువులను బయట తయారు చేసి ముగింపు ఇవ్వడాన్ని జాయినరీ (joinery) అంటారు.[6][7] రోడ్లు, హైవే ఓవర్పాస్ల నిర్మాణ సమయంలో కాంక్రీటు పోయడానికి వీలుగా ఫార్మ్వర్క్ను నిర్మించడానికి కూడా వడ్రంగం ఉపయోగిస్తారు.
అమెరికాలో
[మార్చు]అమెరికాలో వడ్రంగాన్ని చారిత్రాత్మకంగా యునైటెడ్ కింగ్డమ్ లాగానే "బరువైన, బలమైన"[8] పనిగా నిర్వచించారు. తేలికైన, అలంకార ప్రాయమైన పని చేసే వారిని జాయినర్ అని అంటారు, "వడ్రంగి, జాయినర్ పనులు తరచుగా కలిసి ఉంటాయి."[9] కస్టమ్ కాంక్రీట్ ఫార్మ్వర్క్ను నిర్మించే వ్యక్తిని ఫార్మ్ కార్పెంటర్ అంటారు.
చరిత్ర
[మార్చు]
రాతితో పాటు కలప అత్యంత పురాతన నిర్మాణ వస్తువులలో ఒకటి. దీనిని పనిముట్లు, ఆశ్రయం, ఆయుధాలుగా మలిచే సామర్థ్యం రాతి యుగం నుండి కాంస్య యుగం, ఇనుప యుగం వరకు సాంకేతిక పురోగతితో మెరుగుపడింది. నీటి బావుల పైకప్పులు వడ్రంగం పురాతన పురావస్తు ఆధారాలలో కొన్ని. చెక్ రిపబ్లిక్ లోని ఓస్ట్రోవ్లో లభించిన క్రీస్తుపూర్వం 5256 నాటి ఓక్, హాజెల్ నిర్మాణాలు,[10] జర్మనీ తూర్పు ప్రాంతంలో తవ్వకాల్లో బయటపడిన దాదాపు 7,000 సంవత్సరాల క్రితం నాటి తొలి నియోలిథిక్ కాలానికి చెందిన ఓక్ కలపతో నిర్మించిన నిర్మాణాలు ఇందుకు ఉదాహరణలు.[11]
వ్రాతపూర్వక భాష అభివృద్ధి చెందడానికి ముందు వడ్రంగం చరిత్ర పెద్దగా నమోదు కాలేదు. జ్ఞానం, నైపుణ్యాలు తరతరాలుగా వారసత్వంగా ఆచరణలో వస్తున్నాయి. గుహ చిత్రాలు, తొలి వ్రాతల రాక కూడా పెద్దగా వివరాలను నమోదు చేయలేదు. మిగిలి ఉన్న పురాతన పూర్తి వాస్తుశిల్ప వచనంగా విట్రువియస్ పది పుస్తకాలను చెప్పుకోవచ్చు. క్రీ.శ. 15వ శతాబ్దంలో ప్రింటింగ్ ప్రెస్ ఆవిష్కరణతో ఇది నెమ్మదిగా మారడం ప్రారంభమైంది, 18, 19వ శతాబ్దాలలో బిల్డర్లు క్రమంగా మార్గదర్శక పుస్తకాలను ప్రచురించడం ప్రారంభించారు.
ప్రపంచంలో మిగిలి ఉన్న పురాతన చెక్క భవనాలలో 782లో నిర్మించిన చైనాలోని నాన్చాన్ ఆలయం, ఇంగ్లాండ్లోని గ్రీన్స్టెడ్ చర్చి, నార్వేలోని 12, 13వ శతాబ్దాల నాటి స్టేవ్ చర్చిలు ఉన్నాయి.
ఐరోపా
[మార్చు]16వ శతాబ్దం నాటికి, ఐరోపాలో రంపపు మిల్లులు వాడుకలోకి వచ్చాయి. అమెరికా ఆవిర్భావం పాక్షికంగా ఐరోపాలో ఓడలు, భవనాలలో ఉపయోగించే కలప లాంటి వనరులను కొత్త ఖండం నుండి సంగ్రహించాలనే కోరికపై ఆధారపడింది. 18వ శతాబ్దంలో పారిశ్రామిక విప్లవంలో భాగంగా ఆవిరి యంత్రం, కట్ గోర్లు కనుగొన్నారు.[12] ఈ సాంకేతికతలు వృత్తాకార రంపం ఆవిష్కరణతో కలిసి బెలూన్ ఫ్రేమింగ్ అభివృద్ధికి దారితీశాయి. ఇది సాంప్రదాయ కలప ఫ్రేమింగ్ క్షీణతకు నాంది పలికింది.
19వ శతాబ్దంలో ఎలక్ట్రికల్ ఇంజనీరింగ్, పంపిణీ అభివృద్ధి కారణంగా చేతితో పట్టుకునే పవర్ టూల్స్, వైర్ నెయిల్స్, స్క్రూలను భారీగా ఉత్పత్తి చేసే యంత్రాలు అభివృద్ధి చెందాయి. 20వ శతాబ్దంలో పోర్ట్ల్యాండ్ సిమెంట్ సాధారణ వాడుకలోకి వచ్చింది, కాంక్రీట్ పునాదుల వల్ల వడ్రంగులు భారీ కలప సిల్స్ను తొలగించడానికి వీలైంది. చెక్క పలకలపై సున్నం ప్లాస్టర్కు బదులుగా డ్రైవాల్ (ప్లాస్టార్ బోర్డ్) వాడకం సాధారణమైంది. ప్లైవుడ్, ఇంజనీర్డ్ కలప, రసాయనిక చర్యలకు లోనైన కలప వాడకం కూడా పెరిగింది.[13]
శిక్షణ
[మార్చు]వడ్రంగం వృత్తిలో శిక్షణ పొందడానికి జ్ఞానాన్ని సముపార్జించడం, శారీరక అభ్యాసం రెండూ అవసరం. అధికారిక శిక్షణలో ఒక వడ్రంగి అప్రెంటిస్గా ప్రారంభమై, ఆపై జర్నీమన్గా మారతాడు. తగినంత అనుభవం, సామర్థ్యంతో చివరికి మాస్టర్ కార్పెంటర్ స్థాయిని చేరుకోగలడు. నేడు హైస్కూల్ షాప్ తరగతులు, కమ్యూనిటీ కళాశాలల లాంటి నాన్-యూనియన్ వృత్తి విద్యా కార్యక్రమాల ద్వారా ప్రీ-అప్రెంటిస్షిప్ శిక్షణ పొందవచ్చు.
అనధికారికంగా ఒక కార్మికుడు కేవలం వడ్రంగుల వద్ద సంవత్సరాల తరబడి గమనిస్తూ, చిన్న చిన్న సహాయాలు చేస్తూ నైపుణ్యాలను నేర్చుకోవచ్చు. అటువంటి వ్యక్తి యూనియన్ ప్రవేశ రుసుమును చెల్లించి జర్నీపర్సన్ కార్డును పొందడం ద్వారా జర్నీపర్సన్ హోదాను పొందవచ్చు. వడ్రంగులు ఒక యజమాని కోసం పని చేయవచ్చు లేదా స్వయం ఉపాధి పొందవచ్చు. కొన్ని అమెరికా రాష్ట్రాల్లో కాంట్రాక్టర్లకు లైసెన్స్ ఉండటం తప్పనిసరి. దీని కోసం వ్రాతపూర్వక పరీక్షలో ఉత్తీర్ణత సాధించాలి, కనీస స్థాయి బీమా కలిగి ఉండాలి.
పాఠశాలలు, కార్యక్రమాలు
[మార్చు]సెమినార్లు, సర్టిఫికేట్ ప్రోగ్రామ్లు, హైస్కూల్ ప్రోగ్రామ్లు, ఆన్లైన్ తరగతులలో వడ్రంగం వ్యాపారంలో అధికారిక శిక్షణ అందుబాటులో ఉంది.[14] కొన్నిసార్లు ఈ కార్యక్రమాలను ప్రీ-అప్రెంటిస్షిప్ శిక్షణ అని పిలుస్తారు.
ఆధునిక బ్రిటిష్ నిర్మాణ పరిశ్రమలో, అప్రెంటిస్షిప్ పథకాల ద్వారా వడ్రంగులకు శిక్షణ ఇస్తారు. ఇక్కడ గణితం, ఆంగ్లం, టెక్నాలజీలలో జనరల్ సర్టిఫికెట్స్ ఆఫ్ సెకండరీ ఎడ్యుకేషన్ (GCSE) సహాయపడతాయి కానీ అవి తప్పనిసరి కాదు. శిక్షణలో ప్రధానంగా రెండు విభాగాలు ఉన్నాయి: నిర్మాణ-వడ్రంగం, క్యాబినెట్ మేకింగ్. ప్రీ-అప్రెంటిస్షిప్ సమయంలో, ఈ విభాగాలలో శిక్షణ పొందే వారు తరగతి గదులు, ఇండోర్ వర్క్షాప్లలో గణితం, వాణిజ్య పరిభాష, చేతి పనిముట్లను ఉపయోగించడంలో నైపుణ్యం నేర్చుకోవడానికి వారానికి 30 గంటల చొప్పున 12 వారాలు గడుపుతారు. నిర్మాణ-వడ్రంగం అభ్యాసకులు శారీరక పనికి సిద్ధం కావడానికి కాలిస్టెనిక్స్లో కూడా పాల్గొంటారు.
అమెరికాలో 5% కంటే తక్కువ మంది వడ్రంగులు మహిళలుగా గుర్తింపు పొందారు. న్యూయార్క్లోని ఇథాకాలో ఉన్న హ్యామర్స్టోన్: కార్పెంటరీ ఫర్ ఉమెన్, వెర్మోంట్లోని యెస్టర్మారో వంటి పాఠశాలలు మహిళల కోసం వడ్రంగం తరగతులను అందిస్తూ సాంప్రదాయేతర వృత్తి నిపుణులను ఆకర్షిస్తున్నాయి.
అప్రెంటిస్షిప్లు, జర్నీపర్సన్
[మార్చు]
జర్మనీ, ఆస్ట్రేలియా లాంటి దేశాల్లో వృత్తిపరమైన వడ్రంగులుగా పని చేయడానికి అధికారిక అప్రెంటిస్షిప్లను (సాధారణంగా మూడు నుండి నాలుగు సంవత్సరాలు) పూర్తి చేయాల్సి ఉంటుంది. గ్రాడ్యుయేషన్ తర్వాత, వారిని జర్నీపర్సన్ (journeyperson) వడ్రంగులు అని పిలుస్తారు.
19వ, 20వ శతాబ్దాల ప్రారంభంలో జర్నీపర్సన్ ఆ ప్రాంత భవన శైలులు, సాంకేతికతలను నేర్చుకోవడానికి దేశంలోని మరొక ప్రాంతానికి ప్రయాణించేవారు. ఆధునిక కాలంలో, జర్నీపర్సన్ ప్రయాణం చేయవలసిన అవసరం లేదు, ఇప్పుడు ఆ పదం నైపుణ్యం స్థాయిని సూచిస్తుంది. అమెరికాలోని యూనియన్ వడ్రంగులు అధికారిక జర్నీపర్సన్ హోదా పొందడానికి నైపుణ్యాల పరీక్షలో ఉత్తీర్ణులవ్వాలి. ధృవీకరించబడని ప్రొఫెషనల్ వడ్రంగులను కూడా వారి నైపుణ్య స్థాయి, అనుభవ సంవత్సరాల ఆధారంగా జర్నీపర్సన్స్గా పిలుస్తారు.
అమెరికాలో జర్నీపర్సన్ వడ్రంగిగా వృత్తిపరమైన హోదాను అనేక విధాలుగా పొందవచ్చు. యునైటెడ్ బ్రదర్హుడ్ ఆఫ్ కార్పెంటర్స్ అండ్ జాయినర్స్ ఆఫ్ అమెరికా నిర్వహించే నాలుగు సంవత్సరాల అప్రెంటిస్షిప్ ప్రోగ్రామ్లో అధికారిక శిక్షణ ఇవ్వబడుతుంది. టింబర్ ఫ్రేమర్స్ గిల్డ్ కూడా సాంప్రదాయ కలప ఫ్రేమింగ్ కోసం అధికారిక అప్రెంటిస్షిప్ ప్రోగ్రామ్ను కలిగి ఉంది. వియత్నాంలోని కిమ్ బాంగ్ కలప పని చేసే గ్రామం లాంటి సమూహాలలో కూడా శిక్షణ అందుబాటులో ఉంది.
కెనడాలో ప్రతి ప్రావిన్స్ అప్రెంటిస్షిప్ కోసం తన స్వంత ప్రమాణాలను నిర్దేశిస్తుంది. సగటు సమయం నాలుగు సంవత్సరాలు. కెనడియన్ వడ్రంగులు కెనడాలో ఎక్కడైనా ప్రాక్టీస్ చేయడానికి అనుమతించే అదనపు ఇంటర్ప్రొవిన్షియల్ రెడ్ సీల్ను పొందే అవకాశం కూడా ఉంది.
మాస్టర్ కార్పెంటర్
[మార్చు]కొంతకాలం జర్నీపర్సన్గా పని చేసిన తర్వాత, ఒక వడ్రంగి మాస్టర్ కార్పెంటర్గా పరీక్ష రాయవచ్చు. జర్మనీ, ఐస్లాండ్, జపాన్ లాంటి కొన్ని దేశాలలో, ఇది చాలా కష్టమైన, ఖరీదైన ప్రక్రియ. మాస్టర్ ధృవీకరణను సాధించడానికి విస్తృతమైన జ్ఞానం (ఆర్థిక, చట్టపరమైన జ్ఞానంతో సహా), నైపుణ్యం అవసరం.
పదార్థాలు
[మార్చు]
సాంప్రదాయకంగా వడ్రంగులు సహజ కలపతో పని చేసేవారు. కలపను కోయడం, రంపంతో కోయడం ద్వారా సిద్ధం చేసేవారు. నేడు వడ్రంగులు ఉపయోగించే సహజ, ఇంజనీర్ చేయబడిన కలప, అనేక ఇతర నిర్మాణ వస్తువులు ఇతరులచే సిద్ధం చేయబడి పని ప్రదేశానికి పంపిణీ చేయబడతాయి. 2013లో అమెరికాలో వడ్రంగుల యూనియన్ కార్పెంటర్ పదాన్ని అనేక పనులకు ఉమ్మడిగా ఉపయోగించింది.[16]
ఆరోగ్యం, భద్రత
[మార్చు]అమెరికా
[మార్చు]వడ్రంగం తరచుగా ప్రమాదకరమైన పని. కలప పని, వడ్రంగి ప్రమాదాలలో యంత్రాల ప్రమాదాలు, ఎగిరే వస్తువులు, అగ్ని ప్రమాదాలు, విద్యుత్ ఘాతం, శబ్దం, కంపనం, దుమ్ము, రసాయనాలు ఉన్నాయి. అమెరికాలో ఆక్యుపేషనల్ సేఫ్టీ అండ్ హెల్త్ అడ్మినిస్ట్రేషన్ (OSHA) నిబంధనల ద్వారా అనారోగ్యం, గాయాలు, అగ్ని ప్రమాదాలను నివారించడానికి ప్రయత్నిస్తుంది. అయితే, స్వయం ఉపాధి పొందే కార్మికులకు OSHA చట్టం వర్తించదు.[17] "1970 నుండి, కార్యాలయంలో మరణాలు 65 శాతానికి పైగా తగ్గాయి, వృత్తిపరమైన గాయాలు, అనారోగ్య రేట్లు 67 శాతం తగ్గాయి" అని OSHA పేర్కొంది.[18]
భద్రత అనేది పని ప్రదేశంలో కార్మికుల గురించి మాత్రమే కాదు. వడ్రంగుల పని లైఫ్ సేఫ్టీ కోడ్, బిల్డింగ్ కోడ్ల అవసరాలకు అనుగుణంగా ఉండాలి.[19]
వడ్రంగం రకాలు
[మార్చు]
- కన్జర్వేషన్ కార్పెంటర్ నిర్మాణ పరిరక్షణలో పనిచేస్తాడు, అమెరికాలో "ప్రిజర్వేషన్" లేదా "రిస్టోరేషన్" వడ్రంగిగా పిలుస్తారు; చారిత్రక కట్టడాల పరిరక్షణలో పనిచేసే వడ్రంగి.
- కూపర్, పీపాలు తయారుచేసేవాడు.
- ఫార్మ్వర్క్ కార్పెంటర్ కాంక్రీట్ నిర్మాణంలో ఉపయోగించే షట్టరింగ్ సృష్టిస్తాడు.
- ఫ్రేమర్ అంటే భవనాల అస్థిపంజర నిర్మాణం లేదా చెక్క ఫ్రేమ్వర్క్ను నిర్మించే వడ్రంగి.
- లాగ్ బిల్డర్ సమాంతర కలపలను పేర్చి నిర్మాణాలు చేస్తాడు.
- జాయినర్ (ఉత్తర అమెరికాలో ఈ సాంప్రదాయక పేరు ఇప్పుడు అరుదుగా వాడుతారు), క్యాబినెట్రీ, ఫర్నిచర్ తయారీ, ఖచ్చితమైన కలప పని చేసేవాడు.
- క్యాబినెట్ మేకర్ కలపతో క్యాబినెట్లు, వార్డ్రోబ్లు, డ్రస్సర్లు, అలంకరణకు వాడే ఫర్నిచర్ తయారీలో ప్రత్యేక నైపుణ్యం కలిగిన వడ్రంగి.
- ఫినిష్ కార్పెంటర్ (ఉత్తర అమెరికా), కిటికీల ఫ్రేమ్లు, బేస్బోర్డులు లాంటి అలంకరణ పనిలో ప్రత్యేకత కలిగి ఉంటాడు. ఫినిష్ వడ్రంగులు ఫ్రేమింగ్ ముగిసిన తర్వాత పని ప్రారంభిస్తారు.
- ఫర్నిచర్ మేకర్ బల్లలు, కుర్చీలు లాంటి ఫర్నిచర్ తయారు చేసే వడ్రంగి.
- లూథియర్ అంటే తీగ వాయిద్యాలను తయారు చేసే లేదా మరమ్మతు చేసే వ్యక్తి.
- సెట్ కార్పెంటర్ సినిమాలు, టెలివిజన్, నాటకాలలో తాత్కాలిక సెట్లను నిర్మించి విడదీస్తాడు.
- షిప్రైట్ ఓడలకు సంబంధించిన వడ్రంగం, మరమ్మత్తు పద్ధతుల్లో నైపుణ్యం కలిగి ఉంటాడు.
ఇతర
[మార్చు]- జపనీస్ వడ్రంగం, డైకు అనేది వడ్రంగికి సాధారణ పదం, మియా-డైకు (ఆలయ వడ్రంగి) పుణ్యక్షేత్రాలు, దేవాలయాల వాస్తుశిల్పి, బిల్డర్ రెండింటి పనిని నిర్వహిస్తాడు.[20]
- గ్రీన్ కార్పెంటరీ పర్యావరణ అనుకూలమైన,[21] ఇంధన-సామర్థ్యం గల[22] స్థిరమైన నిర్మాణ వస్తువులను ఉపయోగించడంలో ప్రత్యేకత కలిగి ఉంది.[23][24]
- పాత లేదా పగిలిపోయిన ఫర్నిచర్ కలపను ఉపయోగించి కొత్త కలప వస్తువులను నిర్మించడాన్ని రీసైకిల్ వడ్రంగం అంటారు.
ఇవి కూడా చూడండి
[మార్చు]- జపనీస్ వడ్రంగం
- నిర్మాణ వృత్తుల జాబితా
- కలప పని
మూలాలు
[మార్చు]- ↑ Roza, Greg. A career as a . New York: Rosen Pub., 2011. 6. Print.
- ↑ Vogt, Floyd, and Gaspar J. Lewis. Carpentry. 4th ed. Clifton Park, NY: Thomson Delmar Learning, 2006.xvi Print.
- ↑ "Carpenter | Careers in Construction". www.careersinconstruction.ca.
- ↑ The American heritage dictionary of the English language Archived జూన్ 7, 2007 at the Wayback Machine - Etymology of the word "carpenter"
- ↑ The American Heritage Dictionary of the English Language: Fourth Edition. 2000.
- ↑ "What's the Difference Between a Carpenter and a Joiner?" (30 April 2015). InternationalTimber.com. Retrieved 2 January 2020.
- ↑ "Joiner vs Carpenter - What's the Difference?".
- ↑ "Carpenter." Def. 1. Oxford English Dictionary Second Edition on CD-ROM (v. 4.0) © Oxford University Press 2009
- ↑ Whitney, William D., ed. "Carpenter." Def, 1. The Century Dictionary: An Encyclopedic Lexicon of the English Language vol. 1. New York. The Century Co. 1895. 830. Print.
- ↑ Rybníček, Michal; Kočár, Petr; Muigg, Bernhard; Peška, Jaroslav; Sedláček, Radko; Tegel, Willy; Kolář, Tomáš (2020). "World's oldest dendrochronologically dated archaeological wood construction". Journal of Archaeological Science. 115 105082. Bibcode:2020JArSc.115j5082R. doi:10.1016/j.jas.2020.105082. S2CID 213707193.
- ↑ Prostak, Sergio (24 December 2012). "German Archaeologists Discover World's Oldest Wooden Wells". sci-news.com.
- ↑ Loveday, Amos John. The cut nail industry, 1776–1890: technology, cost accounting, and the upper Ohio Valley. Ann Arbor, Mich.: University Microfilms International, 1979. Print.
- ↑ Jester, Thomas C.. Twentieth-century building materials: history and conservation. New York: McGraw-Hill, 1995. Print.
- ↑ [1] Archived ఏప్రిల్ 28, 2009 at the Wayback Machine
- ↑ https://www.careeronestop.org/LocalHelp/EmploymentAndTraining/find-apprenticeship-offices.aspx?&location=US&curpage=1&pagesize=500
- ↑ "United Brotherhood Of Carpenters". carpenters.org. Retrieved 10 April 2015.
- ↑ "Workers' Rights". osha.gov. Retrieved 10 April 2015.
- ↑ "Commonly Used Statistics". osha.gov. Retrieved 10 April 2015.
- ↑ "Safety and Health Topics - Fall Protection". osha.gov. Retrieved 10 April 2015.
- ↑ Lee Butler, "Patronage and the Building Arts in Tokugawa Japan", Early Modern Japan. Fall-Winter 2004 [2]
- ↑ "Environmentally Friendly Building Materials". McMullen Carpenters And Joiners. 2009-04-10. Archived from the original on 2013-06-28. Retrieved 2012-07-08.
- ↑ "A Green Home Begins with ENERGY STAR Blue" (PDF). Energystar. Archived from the original (PDF) on 21 జూలై 2012. Retrieved 8 September 2012.
- ↑ "Green Building Basics". Ciwmb.ca.gov. Archived from the original on 2009-12-10. Retrieved 2012-05-21.
- ↑ "Defining Green-Collar Jobs" (PDF). Archived from the original (PDF) on 2011-09-27. Retrieved 2009-07-07.
There is no consensus on how to define green-collar jobs. A very broad interpretation of green jobs would include all existing and new jobs that contribute to environmental quality through improved efficiencies, better resource management, and other technologies that successfully address the environmental challenges facing society. Probably the most concise, general definition is "well-paid, career-track jobs that contribute directly to preserving or enhancing environmental quality" (Apollo Alliance 2008, 3). This definition suggests that green-collar jobs directly contribute to improving environmental quality, but would not include low-wage jobs that provide little mobility. Most discussion of green-collar jobs does not refer to positions that require a college degree, but they typically do involve training beyond high school. Many of the positions are similar to skilled, blue-collar jobs, such as electricians, welders, carpenters, etc.
బాహ్య లింకులు
[మార్చు]
Media related to Carpentry at Wikimedia Commons
Carpentry at Wikibooks- . ఎన్సైక్లోపీడియా బ్రిటానికా (in ఇంగ్లీష్). Vol. 5 (11th ed.). 1911.
- ఇన్స్టిట్యూట్ ఆఫ్ కార్పెంటర్స్ (ఇంగ్లాండ్)
- కార్పెంటర్స్ ఆక్యుపేషనల్ ఔట్లుక్ హ్యాండ్బుక్ ఎంట్రీ
- కార్పెంటరీ ఫర్ బాయ్స్ (1914). జేమ్స్ స్లోగ్ జెర్బ్
