వికీపీడియా:ఈ వారపు వ్యాసం/2026 30వ వారం

సెమ్మంగుడి శ్రీనివాస అయ్యర్

సెమ్మంగుడి రాధాకృష్ణ శ్రీనివాస అయ్యర్ (25 జూలై 1908 – 31 అక్టోబర్ 2003) ప్రముఖ భారతీయ కర్ణాటక సంగీత విద్వాంసుడు. 1947లో సంగీత అకాడమీ నుంచి సంగీత కళానిధి పురస్కారం పొంది, ఆ పురస్కారం పొందినవారిలో అత్యంత పిన్నవయస్కునిగా రికార్డు సాధించాడు. భారతప్రభుత్వం నుంచి పద్మభూషణ్, పద్మవిభూషణ్, సంగీత నాటక అకాడమీ పురస్కారం (1953), తమిళనాడు ప్రభుత్వం నుంచి ఇసై పెరరిఙ్గర్, మధ్యప్రదేశ్ ప్రభుత్వం నుంచి కాళిదాస్ సమ్మాన్ తో సహా అనేక ఇతర ప్రతిష్ఠాత్మక పురస్కారాలు పొందాడు. 1979లో కేరళ విశ్వవిద్యాలయం నుంచి గౌరవ డాక్టరేట్ అందుకున్నాడు. శిష్యులు ఆయనను ఆప్యాయంగా "సెమ్మంగుడి మామ" అని పిలుచుకుంటారు. ఆయనను ఆధునిక కర్ణాటక సంగీత పితామహునిగానూ, ఆద్యునిగానూ భావిస్తూంటారు. ప్రముఖ గాయనీమణి ఎం.ఎస్. సుబ్బులక్ష్మి, గాయకుడు కె. జె. ఏసుదాసు ఈయన శిష్యుల్లో ప్రముఖులు. (ఇంకా…)