వేతనం

వేతనం అనేది ఒక నిర్దిష్ట వ్యవధిలో చేసిన పని కోసం ఒక ఉద్యోగికి యజమాని చెల్లించే చెల్లింపు. వేతన చెల్లింపులకు కొన్ని ఉదాహరణలలో కనీస వేతనం, వార్షిక బోనస్లు వంటి పరిహార చెల్లింపులు, బహుమతులు, టిప్ లు వంటి పారితోషిక చెల్లింపులు ఉన్నాయి. వేతనాలు అనేవి వ్యాపార నిర్వహణలో భాగంగా ఉండే ఖర్చులలో భాగం. కంపెనీ లాభదాయకతతో సంబంధం లేకుండా ఉద్యోగికి వేతనం చెల్లించడం ఒక బాధ్యత.

వేతనం, జీతంల మధ్య తేడాలు ఉన్నాయి. జీతంలో పని గంటలు ఎక్కువైనా తక్కువైనా నిర్ణీత మొత్తం (ఉదా: నెల జీతం) చెల్లించబడుతుంది. కానీ వేతనం సాధారణంగా పని గంటలు లేదా పని మొత్తాన్ని బట్టి మారుతుంది. (ఉదా: కూలీ పని) కొన్ని ఉద్యోగాల్లో కమీషన్ (అమ్మకాలపై శాతం) లేదా కంపెనీ లాభాల ఆధారంగా కూడా చెల్లింపులు జరుగుతాయి. వేతన ఉద్యోగులు కస్టమర్ల నుండి టిప్పులు లేదా ఇతర ప్రోత్సాహకాలు కూడా పొందవచ్చు.