శేఖర్ సూరి

వికీపీడియా నుండి
Jump to navigation Jump to search
శేఖర్ సూరి
Sekhar Suri in Cinivaram.jpg
జననంపశ్చిమ గోదావరి జిల్లా, తణుకు
నివాసంహైదరాబాదు
వృత్తిసినీ దర్శకుడు

శేఖర్ సూరి ఒక సినీ దర్శకుడు.[1] తెలుగు సినిమాలే కాక బాలీవుడ్ లో కూడా పనిచేశాడు.[2] తరుణ్ హీరోగా వచ్చిన అదృష్టం అతని మొదటి సినిమా.[3] ఎ ఫిల్మ్ బై అరవింద్ దర్శకుడిగా అతనికి మంచి పేరు తెచ్చిన సినిమా.

శేఖర్ సూరి

వ్యక్తిగత వివరాలు[మార్చు]

శేఖర్ సూరి పశ్చిమ గోదావరి జిల్లా, తణుకులో జన్మించాడు. చిన్నతనంలో టీవీ సీరియల్స్ ఎక్కువగా చూసేవాడు. దూరదర్శన్ లో ప్రసారమైన గాడ్ ఫాదర్ ధారావాహిక అంటే ఇష్టంగా చూసేవాడు. అప్పుడు ప్రారంభమైన ఆ ఆసక్తి అతను గ్రాడ్యుయేషన్ లో చేరే దాకా కొనసాగింది. కామర్స్ లో గ్రాడ్యుయేషన్ చేరాడు. చాలా రోజులు హైదరాబాదులో ఉన్నాడు. సినిమా రంగంమీద ఆసక్తితో చార్టర్డ్ అకౌంటెన్సీ చదువు మధ్యలోనే వదిలేసి అవకాశాల కోసం ముంబైకి ప్రయాణమయ్యాడు.[4]

శేఖర్ సూరి అసలు పేరు ఎస్. ఎస్. చంద్రశేఖర్, అయితే సినిమా పరిశ్రమలో చంద్రశేఖర్ పేరుతో చాలామంది కళాకారులు ఉండటంతో కొత్తగా ఉండటం కోసం శేఖర్ సూరిగా మార్చుకున్నాడు. తెలుగులో మరో ప్రముఖ దర్శకుడైన ఇంద్రగంటి మోహనకృష్ణ ఇతనికి బంధువు.

కెరీర్[మార్చు]

సినిమా దర్శకుడు కావాలనే కోరికతో ముంబై చేరుకున్నాడు. సుమారు 8 సంవత్సరాలపాటు సస్పెన్సు తో కూడుకున్న టీవీ కార్యక్రమాలు, సినిమాలకు ఘోస్ట్ రచయితగా పనిచేశాడు. సంజయ్ దత్ తో మాట్లాడే అవకాశం వచ్చినట్లే వచ్చి చేజారిపోయింది. చివరికి వేరే దారి లేక మళ్ళీ హైదరాబాదు చేరుకున్నాడు. తరువాత హైదరాబాదులో అవకాశాల కోసం ప్రయత్నిస్తుండగా ఓ స్నేహితుడి సాయంతో హీరో తరుణ్ తో పరిచయం అయింది. తరుణ్ ఇతనిని సూపర్ గుడ్ ఫిలింస్ నిర్మాతకు పరిచయం చేశాడు. అలా అతనికి మొదటగా తరుణ్ తో అదృష్టం అనే సినిమా తీశాడు. రోమన్ హాలిడే అనే ఓ హాలీవుడ్ చిత్రం తరహాలో చిత్రాన్ని తీశాడు. కానీ ఈ సినిమా పెద్దగా విజయం సాధించలేదు. తరువాత కొద్దిగా సమయం తీసుకుని తనకిష్టమైన థ్రిల్లర్ బాణీలో సొంతంగా తనే ఓ కథ తయారు చేసుకున్నాడు. రాజీవ్ కనకాల, రిచర్డ్ రిషి, మోనా చోప్రా ప్రధాన పాత్రధారులుగా నిర్మించిన ఎ ఫిల్మ్ బై అరవింద్ మంచి విజయం సాధించింది. బాలనటుడిగా పరిచమై అప్పటి దాకా పెద్దగా అవకాశాలు లేని రిషికి ఈ సినిమా తర్వాత ఏడు సినిమా అవకాశాలు తలుపు తట్టాయి. దీని తర్వాత అదే బాణీలో త్రీ, అరవింద్ 2 సినిమాలు కూడా తీశాడు.

సినిమాలు[మార్చు]

మూలాలు[మార్చు]

  1. "ఐడిల్ బ్రెయిన్ లో శేఖర్ సూరితో ముఖాముఖి". idlebrain.com. జీవి. Retrieved 9 November 2016.
  2. "బాలీవుడ్ లో అడుగు పెట్టనున్న శేఖర్ సూరి". 123telugu.com. మల్లెమాల ఎంటర్టైన్మెంట్స్. Retrieved 9 November 2016.
  3. "ఐడిల్ బ్రయిన్ లో అదృష్టం సినిమా సమీక్ష". idlebrain.com. జీవి. Retrieved 9 November 2016.
  4. "శేఖర్ సూరి". tollywoodtimes.com. Retrieved 9 November 2016.[permanent dead link]

బయటి లింకులు[మార్చు]