శ్రీ కాకాని మల్లీశ్వర మాహాత్యము

శ్రీ కాకాని మల్లీశ్వర మాహాత్మ్యము
కృతికర్త:	తాడేపల్లి వేంకటప్పయ్య శాస్త్రి
ముద్రణల సంఖ్య:	2
దేశం:	భారతదేశం
భాష:	తెలుగు
ప్రక్రియ:	ప్రబంధం
విభాగం (కళా ప్రక్రియ):	సాహిత్యం
ప్రచురణ:	రామకథామృత గ్రంథమాల చందోలు
విడుదల:	1986
పేజీలు:	180+6

కాకాని గ్రామంలోని మల్లీశ్వర దేవాలయం చాలా పురాతనమైనదని ప్రసిద్ధి. శ్రీ కృష్ణదేవరాయలి మంత్రులలో ఒకరైన చిట్టరుసు జీర్ణావస్థలో ఉన్న ఈ దేవాలయాన్ని పునరుద్ధరణ చేసినట్లు చరిత్రకారులు అంటున్నారు. శ్రీశైలంలోని మల్లికార్జునుడు భక్తజన రక్షణార్థం లోకసంచారం చేస్తూ తన ప్రతిరూపాలను విజయవాడ, గుంటూరు, కాకాని మొదలైన చోట్ల ఏర్పరిచినట్లు స్థలజ్ఞులు చెబుతారు. ఈ క్షేత్ర మహత్మ్యాన్ని వివరిస్తూ తాడేపల్లి వేంకటప్పయ్య శాస్త్రి ఈ ప్రబంధకావ్య్తాన్ని 1922లో వ్రాసి ప్రచురించాడు. తిరిగి 1986లో తాడేపల్లి రాఘవనారాయణ శాస్త్రి రామకథామృత గ్రంథమాల తరఫున పునర్ముద్రించాడు. ఐదు ఆశ్వాసాలు ఉన్న ఈ గ్రంథంలో భక్తజనుల కోరికలను సఫలం చేసే మల్లీశ్వరస్వామి మహాత్మ్యం వివరించబడింది.

ఉదాహరణకు ఒక పద్యం:

పరమకృపాళుఁ డీశ్వరుఁడు పాలన సేయు దయార్ద్ర చిత్తుఁడై
స్మరహరుఁ డాశ్రితాళులకు సంయమముం బొనరించు, మృత్యు గ
హ్వరముఁ దెరిల్పఁ జాలుయమ శాసనుఁ డూర్జిన సౌఖ్యదాయి, శం
కరుఁడు శుభప్రదుండలు జగమ్ములకున్ శివుఁడెల్ల భంగులన్