సందీప్ ఉన్నికృష్ణన్

వికీపీడియా నుండి
ఇక్కడికి గెంతు: మార్గసూచీ, వెతుకు
Major
Sandeep Unnikrishnan
AC
Sandeep Unnikrishnan.jpg
స్థానిక పేరు സന്ദീപ് ഉണ്ണിക്കൃഷ്ണന്‍
జననం (1977-03-15)15 మార్చి 1977
Calicut, India
మరణం నవంబరు 28, 2008(2008-11-28) (వయసు 31)
Mumbai, India
Cremation Hebbal, Bangalore, Karnataka
రాజ భక్తి India
సేవలు / శాఖ Indian Army, 7th Battalion Bihar Regiment, National Security Guards
సేవా కాలం 1999–2008
ర్యాంకు Major, Commando
విభాగం NSG HQ, Manesar
అవార్డులు Ashoka Chakra

సందీప్ ఉన్నికృష్ణన్ {{మళయాళం|സന്ദീപ് ഉണ്ണിക്കൃഷ്ണന്‍}}కన్నడ: ಸಂದೀಪ್ ಉನ್ನೀಕೃಷ್ಣನ್హిందీ: संदीप उन्नीकृष्णन‌ (మార్చి 15, 1977-28 నవంబర్‌ 2008) భారతీయ సైనిక దళంలో మేజర్‌. జాతీయ భద్రతా దళానికి చెందిన ప్రత్యేక యా‍క్షన్ సమూహంలో పనిచేశారు. 2008 నవంబర్‌లో ముంబై దాడుల్లో ఉగ్రవాదులతో జరిగిన పోరాటంలో చనిపోయారు.[1] ప్రభుత్వం ఆయన ధైర్యసాహసాలకు గౌరవ సూచకంగా పీస్‌ టైమ్ గ్యాలంటరీ పురస్కారం అయిన అశోక్‌చక్రను 2009 జనవరి 26న ప్రదానం చేసింది.[2]

'మీరు రావద్దు, నేను వాళ్లతో పోరాడతాను' ఇవి తన సహచరులతో ఉన్నికృష్ణన్‌ చెప్పిన చివరి మాటలు. NSG అధికారులు చెప్పినదాని ప్రకారం, తాజ్‌మహల్ ప్యాలెస్‌ ‍& టవర్‌ లోపల పూర్తి ఆయుధాలతో ఉన్న ఉగ్రవాదుల చేతిలో బుల్లెట్ల దాడికి ఆపరేషన్‌ టోర్నాడోలో ఆయన నేలకొరగక తప్పలేదు.[3]

తరువాత NSG వర్గాలు దీని పై వివరణ ఇచ్చాయి. ఆపరేషన్‌లో భాగంగా గాయాలపాలైనప్పుడు, మేజర్ ఉన్నికృష్ణన్‌ తనకు తానుగా ఉగ్రవాదులను వెంటాడటం ప్రారంభించారు. హోటల్‌లోని మరో అంతస్థుకు ఉగ్రవాదులు తప్పించుకున్నారు. వీళ్లను వెంటాడే క్రమంలో మేజర్ ఉన్నికృష్ణన్‌ చాలా తీవ్రంగా గాయపడ్డారు.[3]

కుటుంబము[మార్చు]

సందీప్‌ ఉన్నికృష్ణన్‌ది నాయర్‌ సామాజిక వర్గానికి చెందిన మళయాళీ కుటుంబం. కేరళలోని కోజికోడ్ జిల్లాలో చెరువున్నూర్ నుంచి బెంగళూరుకు వెళ్లిపోయింది.[4] రిటైర్‌ ఇస్రో అధికారి కె.ఉన్నికృష్ణన్‌, ధనలక్ష్మి దంపతులకు ఒక్కగానొక్క కొడుకు సందీప్‌.[5]

బాల్యం[మార్చు]

బెంగళూరులోని ఫ్రాంక్ ఆంటోని పబ్లిక్‌ స్కూల్‌లో 14 ఏళ్లపాటు చదువుకున్నారు మేజర్ ఉన్నికృష్ణన్‌. ఐఎస్‌సీ సైన్స్‌ విభాగం‌లో 1995లో గ్రాడ్యుయేషన్‌ పూర్తిచేశారు. తన సహచరుల్లో ఆయనకు మంచి పేరు, ప్రఖ్యాతలు ఉన్నాయి. ఆర్మీలో చేరాలని కోరుకున్నారాయన. తన కల నెరవేర్చుకోవాలన్న అంకితభావంతో పాఠశాల‌లోని క్రూ కట్‌కు కూడా హాజరయ్యేవారు. టీచర్లయితే సందీప్‌ని మంచి అథ్లెట్‌ అని పిలిచేవాళ్లు. పాఠశాల కార్యక్రమాల్లోనూ, ఆటల్లోనూ చాలా చురుగ్గా ఉండేవారాయన. ఆయన పాఠశాల‌ స్థాయిలో నెలకొల్పిన చాలా అథ్లెటిక్ రికార్డులను, పాఠశాల విడిచిపెట్టి వచ్చిన చాలా ఏళ్ల వరకూ ఎవరూ బద్దలుగొట్టలేకపోయారు.[6] ఓ మూవీ మేనియక్‌గా తనకు తానే ఆర్కుట్‌ ప్రొఫైల్‌లో వర్ణించుకున్నారు సందీప్‌.[7][8]

యుక్తవయసులో ధైర్య సాహసాలను ప్రదర్శించడంతో పాటు పాఠశాల గాయకుల బృందంలో సభ్యుడుgaa ఉండటం ఆయనలోని మరొక కోణం.[6]

సైనిక వృత్తి జీవితం[మార్చు]

సందీప్ 1995లో నేషనల్‌ డిఫెన్స్‌ అకాడమీలో చేరారు. ఆస్కార్‌ స్క్వాడ్రన్‌లో ఆయన ఓ క్యాడెట్‌. (నెంబర్ 4 బెటాలియన్‌) మరియు NDA యొక్క 94 కోర్సులో పట్టభద్రుడు. బ్యాచ్‌లర్ ఆఫ్‌ ఆర్ట్స్‌(సోషల్‌ సైన్స్‌ విభాగం)లో గ్రాడ్యుయేషన్ చేశారు.

"నిస్వార్థపరుడు", "అడిగింది కాదనుకుండా ఇచ్చే తత్వమున్నవాడు", "భావోద్వేగాలను అదుపులో ఉంచుకునేవాడి"గా సందీప్‌ ఉన్నికృష్ణన్‌ను ఆయన స్నేహితులు గుర్తుచేసుకుంటారు.[9]

In 1995, we were a bunch of gangly 18-year-olds, wondering what the hell we were doing climbing up Sinhgad fort on a miserable, rainy day, when I first met Unni. He was an ikki, a first termer, bone-weary, but always gung-ho. When we made it to the top, the first stop was for a fill of water. Soggy, bushed and thirsty, we ran to the natural spring that has been feeding soldiers since the days of Chhatrapati Shivaji. Unni was the first to reach and started drawing water from the well. We lined up with our canteens, but a tourist first held out her water bottle. Unni filled it. Then, another. Unni filled that too.

Within seconds, there was a long line of tourists waiting for water. Without a word - and with a smile to us - Unni dutifully doled out his generosity. He never got to us. He himself never got a sip. The order came to move on.[9]

— An NDA coursemate

కఠినమైన హృదయంతో పాటు అనుకున్నది సాధించే తత్వమున్న సైనికుడే అయినా, ఆయన ముఖం సంతోషంతో నిండి ఉంటుంది. ఆయన దృఢమైన శరీరం ఇలాంటి భావోద్వేగాలను దాచి ఉంచుతుంది. NDAలో జరిగిన వివిధ శి‍క్షణ శిబిరాలు మరియు క్రాస్ కంట్రీ రేస్‌లలో పాల్గొన్నప్పుడు ఎప్పుడూ స్ఫూర్తిని కోల్పోలేదు.[9]

1999 జూలై 12న బీహార్ రెజిమెంట్‌లో ఏడో బెటాలియన్‌కు లెఫ్ట్‌నెంట్‌గా వ్యవహరించేవారు.[1] జమ్మూకాశ్మీర్‌, రాజస్థాన్ లాంటి వివిధ ప్రాంతాల్లో భారత సైనిక దళానికి సేవలందించారు. రెండుసార్లు విపత్కర పరిస్థితులను ఎదుర్కొన్నారు. తరువాత జాతీయ భద్రతా దళానికి ఎంపికయ్యారు. శిక్షణ పూర్తయ్యాక NSGకి చెందిన స్పెషల్ యాక్షన్ గ్రూప్‌లో 2007లో చేరారు. మరియు NSG యొక్క వివిధ ఆపరేషన్లలో పాల్గొన్నారు.[10]

ఆయన సీనియర్లతో పాటు జూనియర్లు కూడా ప్రేమించే, అభిమానించే అధికారిగా పేరు సంపాదించుకున్నారు. సైన్యంలో అత్యంత కష్టమైన ఘటక్‌ కోర్సును (కమాండో వింగ్‌లో (ఇన్‌ఫాంట్రీ స్కూల్‌), బెల్జియం) చేస్తున్నప్పుడే మేజర్ ఉన్నికృష్ణన్‌ అందరికంటే టాప్‌లో ఉన్నారు. అప్పుడే 'ఇన్‌స్ట్రక్టర్ గ్రేడింగ్‌'ను సంపాదించారు మరియు సీనియర్ల నుంచి ప్రశంసలు అందుకున్నారు. 2006లో NSG కమాండో సర్వీస్‌లో డిప్యుటేషన్‌ మీద చేరడానికి బహుశా ఇదే కారణం కావచ్చు లేదా ఆయన ధైర్యసాహసాలే ఇలాంటి దానికి సరిపోయి ఉండవచ్చును.[11]

1999 జూలైలో ఆపరేషన్ విజయ్‌ జరుగుతున్న సమయంలో ఆయన చాలా ధైర్యసాహసాలను ప్రదర్శించారు. పాకిస్తాన్ దళాలు భయంకరమైన కాల్పులు జరుపుతున్నా, ఆయుధాలు ప్రయోగిస్తున్నా, వాటిని ఎదుర్కొంటూనే ముందుకు దూసుకుపోయారు. 1999 డిసెంబర్‌ 31 సాయంత్రం, మేజర్ సందీప్ ఆరుగురు సైనికులున్న బృందానికి నాయకత్వం వహించడంతో పాటు శత్రుస్థావరాలకు 200 మీటర్ల దూరంలో ఓ పోస్టును కూడా ఏర్పాటు చేశారు. అక్కడి నుంచి శత్రువు కదలికలు పసిగట్టడంతో పాటు కాల్పులు జరిపారు.[12]

ఆపరేషన్ బ్లాక్ టోర్నాడో[మార్చు]

2008 నవంబర్ 26 రాత్రి ముంబైలో చాలా భవంతుల పై ఉగ్రవాదులు దాడులు జరిపారు. ఉగ్రవాదులు ప్రజలను బందీలుగా ఉంచిన భవంతుల్లో 100 ఏళ్ల చరిత్ర కలిగిన తాజ్‌మహల్ ప్యాలెస్ హోటల్‌ ఒకటి.

51 SAGకి చెందిన జట్టు‌కు మేజర్ ఉన్నికృష్ణన్ కమాండర్‌. ఉగ్రవాదులు ఉన్న తాజ్‌మహల్‌ హోటల్‌తో పాటు వారి చేతుల్లోని బందీలను రక్షించడానికి ఉద్దేశించిన ఆపరేషన్‌లో పాల్గొన్నారు. 10 మంది కమాండోలతో కలిసి ఓ బృందంగా హోటల్‌లోకి ప్రవేశించారు. మెట్ల మార్గం ద్వారా ఆరో అంతస్థుకి చేరుకున్నారు. ఒక్కో అంతస్థును చేరుకుంటున్నప్పుడు, ఉగ్రవాదులు మూడో అంతస్థు‌లోనే ఉన్నారని పసిగట్టిందీ బృందం. కొద్దిమంది మహిళలను బందీలుగా ఉంచి, ఆ గదికి లోపలి నుంచి ఉగ్రవాదులు తాళం వేశారు. తలుపు పగలగొట్టగానే, కమాండో సునీల్ యాదవ్‌ పై ఒక్కసారిగా కాల్పులు జరిపారు ఉగ్రవాదులు. మేజర్ ఉన్నికృష్ణన్‌కు సునీల్ మంచి స్నేహితుడు.[13]

మేజర్‌ ఉన్నికృష్ణన్‌ తన బృందాన్ని ముందుండి నడిపించారు. ఉగ్రవాదుల కాల్పులను ఎదుర్కొన్నారు. కమాండో సునీల్‌ యాదవ్‌కు అవసరమైన వైద్యచికిత్సలు అందించడానికి ఏర్పాట్లు చేశారు. తన వ్యక్తిగత రక్షణ కూడా పక్కనపెట్టి, హోటల్‌లోని మరో అంతస్థుకు తప్పించుకున్న ఉగ్రవాదులను పట్టుకోవడానికి ప్రయత్నించారు. ఇలా వాళ్లను నిరాటంకంగా ఎదుర్కొన్నారు మేజర్‌ సందీప్‌.[14] ఆ ఎన్‌కౌంటర్‌ తరువాత ఆయనకు వెనక నుంచి గాయాలయ్యాయి. చాలా తీవ్రంగా గాయపడ్డారు. చివరకు అవే ఆయన మరణానికి కారణమయ్యాయి.[15][16][17]

అంతిమ సంస్కారం[మార్చు]

ఉన్నికృష్ణన్‌ అంతిమ సంస్కారంలో అక్కడున్నవారంతా, “లాంగ్‌ లివ్‌ మేజర్‌ సందీప్‌ ఉన్నికృష్ణన్“‌, “సందీప్‌ ఉన్నికృష్ణన్‌ అమర్‌ రహే“ అని గట్టిగా అరిచారు.[18] బెంగళూరులోని NSG కమాండో సందీప్‌ ఉన్నికృష్ణన్‌ ఇంటి ముందు వేలాది మంది ఆయనకు నివాళులు అర్పించడానికి వరుసకట్టారు. సైనిక లాంఛనాలతో మేజర్‌ సందీప్‌ ఉన్నికృష్ణన్‌ అంతిమ సంస్కారం పూర్తయింది.

వివాదం[మార్చు]

మేజర్‌ ఉన్నికృష్ణన్‌ అంతిమ సంస్కారానికి కేరళ ప్రభుత్వం నుంచి ఒక్కరూ హాజరు కాలేదు. రాజకీయ నేతల నిర్ణయాన్ని స్థానిక, జాతీయ మీడియా తీవ్రంగా విమర్శించింది. ఆఖరుకు నవంబర్ 30, 2008న కేరళ ముఖ్యమంత్రి వి.ఎస్‌.అచ్యుతానందన్‌ మరియు హోంమంత్రి కొడియేరి బాలకృష్ణన్‌, ఉన్నికృష్ణన్ కుటుంబాన్ని పరామర్శించారు. సందీప్‌ తండ్రి కె. ఉన్నికృష్ణన్, వీళ్ల రాకను తీవ్రంగా విమర్శించడంతో పాటు చాలా కోపంతో అక్కడి నుంచి వెళ్లిపొమ్మన్నారు. కేరళ నుంచి ఏ ఒక్క రాజకీయ నేత అయినా తన ఇంటికి వస్తే, ఆత్మహత్య చేసుకుంటానని కూడా ఆయన బెదిరించారు.[19] తరువాత వి.ఎస్‌.అచ్యుతానందన్‌ మీడియాతో మాట్లాడారు. మేజర్‌ సందీప్ ఉన్నికృష్ణన్‌ తల్లిదండ్రుల ఇంటికి కనీసం కుక్కలు కూడా వెళ్లవని అన్నారు.[20] ఈ మాటలకు మీడియాతో పాటు ప్రజల నుంచి కూడా తీవ్రమైన విమర్శలు వచ్చాయి. ఏదేమైనా, మేజర్ కుటుంబానికి తాను క్షమాపణ చెప్పనని అచ్యుతానందన్‌ చెప్పారు. తాను అమరవీరుడైన మేజర్‌ కుటుంబానికి గౌరవాన్ని ఇస్తానని అన్నారు.[21]

డిసెంబర్‌ 2, 2008న కమ్యూనిస్ట్ పార్టీ ఆఫ్ ఇండియా (మార్క్సిస్ట్‌) జనరల్ సెక్రటరీ ప్రకాశ్‌కారత్‌, కుక్కలు అనే పదాన్ని వాడి అచ్యుతానందన్‌ చేసిన వ్యాఖ్యలకు క్షమాపణ చెప్పారు.[22] డిసెంబర్‌ 3, 2008న ఈ సంఘటనకు సంబంధించి అచ్యుతానందన్‌ విచారం వ్యక్తం చేశారు.[23][24]

వీటిని కూడా చూడండి[మార్చు]

  • అశోక్‌ కామ్టే
  • హేమంత్‌ కర్కరే
  • విజయ్ సలస్కర్‌

సూచనలు[మార్చు]

  1. 1.0 1.1 "2 NSG men killed, six others injured in Mumbai gunbattles". PTI. 28 November. Retrieved 2008-11-28.  [dead link]
  2. "11 security personnel to get Ashok Chakra". Retrieved 2009-01-25. 
  3. 3.0 3.1 "Hero's last words — The Hindu". Chennai, India. The Hindu. 2008-11-30. Retrieved 2008-11-30. 
  4. "Army Major from Kerala dies in Mumbai encounter". WebIndia 123. 28 November. Retrieved 2008-11-28. 
  5. ది టెలిగ్రాఫ్‌-కాల్‌కటా(కోల్‌కతా) నేషన్‌ బాయ్ హూ హ్యాడ్‌ ఏ క్రూ కట్ ఇన్ స్కూల్‌
  6. 6.0 6.1 "A school remembers". TOI. Times of India. 2008-11-29. Retrieved 2008-11-29. 
  7. ఆర్కుట్‌
  8. "Sandeep Unnikrishnan: A movie maniac". India Today. India Today. 2008-11-30. Retrieved 2008-11-30. 
  9. 9.0 9.1 9.2 Mund, Prasenjit (2008-11-30). "NDA Buddies Remember Unni=The Times Of India". The Times Of India. Retrieved 2008-11-30. 
  10. మంగలోరియన్‌.కామ్‌- సెర్వింగ్ మంగలోరియన్‌ అరౌండ్‌ ది వరల్డ్‌
  11. Verma, Kumod (2008-11-29). "Bihar Regiment fondly remembers Major Unnikrishnan". The Times Of India. 
  12. "Major Unnikrishnan's colleagues recall his qualities". The Hindu (Chennai, India). 2008-12-10. 
  13. ఏ బడ్డీ కాల్‌డ్‌ మేజర్‌ ఉన్నికృష్ణన్‌
  14. సిఫి.కామ్‌
  15. "Sandeep Unnikrishnan waged a valiant battle against terrorists". Chennai, India: The Hindu. 29 November. Retrieved 2008-11-29. 
  16. నేషన్ బిడ్స్‌ adieu టూ ATS చీఫ్‌, NSG కమాండో - ఇండియా న్యూస్‌ - ఐబీఎన్‌ లైవ్‌
  17. "Maj Sandeep UnniKrishnan - A school remembers". The Times Of India. 2008-11-29. 
  18. "Hundreds pay tributes to slain NSG major in Bangalore — The Hindu". Chennai, India. The Hindu. 2008-11-29. Retrieved 2008-12-03. 
  19. మార్టియర్స్ ఫాదర్ స్నబ్స్‌ కేరళ చీఫ్ మినిస్టర్‌
  20. "Kerala CM insults slain Major's dad". The Times Of India. 2008-12-02. 
  21. NDTV.com : కేరళ సీఎం వోంట్ అపాలిజైజ్‌ టూ స్లెయిన్ మేజర్స్ ఫ్యామిలీ
  22. కారత్ అపాలిజైజెస్‌ ఫర్ అచ్యుతానందన్స్‌ 'డాగ్' రిమార్క్‌
  23. NDTV.com : ఏ 'క్లోజ్‌డ్‌ చాప్టర్‌' సేస్‌ సందీప్ ఫ్యామిలీ
  24. "I feel extremely sorry, says Achuthanandan". The Hindu (Chennai, India). 2008-12-04. 

బాహ్య లింకులు[మార్చు]