సారపాక
| సారపాక | |
| — రెవెన్యూ గ్రామం — | |
 |
|
  సారపాక |
|
| అక్షాంశరేఖాంశాలు: 17°41′32″N 80°51′35″E / 17.692260°N 80.859616°E | |
|---|---|
| రాష్ట్రం | తెలంగాణ |
| జిల్లా | ఖమ్మం జిల్లా |
| మండలం | బూర్గంపాడు |
| ప్రభుత్వం | |
| - సర్పంచి | |
| జనాభా (2011) | |
| - మొత్తం | 22,149 |
| - పురుషుల సంఖ్య | 11,252 |
| - స్త్రీల సంఖ్య | 10,897 |
| - గృహాల సంఖ్య | 6,033 |
| పిన్ కోడ్ | 507128 |
| ఎస్.టి.డి కోడ్ | |
సారపాక, భద్రాద్రి కొత్తగూడెం జిల్లా, బూర్గంపాడు మండలానికి చెందిన జనగణన పట్టణం, రెవెన్యూ గ్రామం.[1][2] సారపాక బూర్గంపాడు మండలం లోని పట్టణం. సారపాకలో ప్రసిద్ధి గాంచిన ఐ.టి.సి.పేపరు మిల్లు ఉంది. ఈ పేపర్ మిల్లులో పది వేలమంది ఉద్యోగులు పనిచేస్తున్నారు. సారపాక భద్రాచలంనకు రెండు కిలోమీటర్ల దూరంలో ఉంది. ఈ ఊరిలో లక్ష్మి నిలయంలో సత్యసాయి భజన మండలి ఉంది. సమితి అధీనంలో సత్యసాయి పాఠశాల ఉంది. 2016 అక్టోబరు 11 న చేసిన తెలంగాణ జిల్లాల పునర్వ్యవస్థీకరణకు ముందు ఈ గ్రామం అవిభక్త ఖమ్మం జిల్లాలో, ఇదే మండలంలో ఉండేది.[3]
జనాభా గణాంకాలు
[మార్చు]2011 జనాభా లెక్కల ప్రకారం, సారపాక పట్టణ పరిధిలో మొత్తం 6,033 కుటుంబాలు నివసిస్తున్నాయి. సారపాక మొత్తం జనాభా 22,149 అందులో 11,252 మంది పురుషులుకాగా, 10,897 మంది స్త్రీలు ఉన్నారు. పట్టణ పరిధిలో జనాభా సగటు లింగ నిష్పత్తి 968. సారపాక పట్టణ పరిధిలో 0-6 సంవత్సరాల వయస్సు గల పిల్లల జనాభా 2431 మంది ఉన్నారు.ఇది మొత్తం జనాభాలో 11%గా ఉంది. 0-6 సంవత్సరాల మధ్య 1234 మంది మగ పిల్లలు ఉండగా, 1197 మంది ఆడ పిల్లలు ఉన్నారు. ఆ విధంగా పిల్లల లింగ నిష్పత్తి 970, ఇది సగటు లింగ నిష్పత్తి (968) కంటే ఎక్కువ. అక్షరాస్యత రేటు 77.5%. దీనిని పూర్వ ఖమ్మం జిల్లా 64.8% అక్షరాస్యతతో పోలిస్తే సారపాక అధిక అక్షరాస్యతను కలిగి ఉంది. సారపాకలో పురుషుల అక్షరాస్యత రేటు 83.88% ఉండగా, స్త్రీల అక్షరాస్యత రేటు 71.01% ఉంది.[4]
పరిపాలనా నిర్వహణ
[మార్చు]సారపాక సెన్సస్ టౌన్ పరిధిలో మొత్తం 6,033 గృహాలను కలిగి ఉంది, వాటికి నీరు, మురుగునీటి పారుదల వంటి ఇతర ప్రాథమిక సౌకర్యాలను సంబంధిత స్థానిక స్వపరిపాలనా సంస్థ అందిస్తుంది. పట్టణ పరిమితుల్లో రోడ్లు నిర్మించడానికి, పరిపాలనా నిర్వహణకు దాని అధికార పరిధిలోకి వచ్చే ఆస్తులపై పన్నులు విధించడానికి దీనికి అధికారం ఉంది.[4]
ప్రధాన పంటలు
[మార్చు]వరి. అపరాలు, కాయగూరలు
ప్రధాన వృత్తులు
[మార్చు]వ్యవసాయం, వ్యవసాయాధారిత వృత్తులు
మూలాలు
[మార్చు]- ↑ "Villages and Towns in Burgampahad Mandal of Khammam, Andhra Pradesh - Census India". www.censusindia.co.in. Archived from the original on 2022-01-10. Retrieved 2022-12-10.
- ↑ తెలంగాణ ప్రభుత్వ ఉత్తర్వు సంఖ్య GO Ms No 237 Revenue (DA-CMRF) Department, Dated: 11-10-2016
- ↑ "భద్రాద్రి కొత్తగూడెం జిల్లా" (PDF). తెలంగాణ గనుల శాఖ. Archived from the original (PDF) on 2022-01-06. Retrieved 2022-07-23.
- ↑ 4.0 4.1 "Sarapaka Population, Caste Data Khammam Andhra Pradesh - Census India". www.censusindia.co.in. Archived from the original on 2022-12-10. Retrieved 2022-12-10.
వెలుపలి లంకెలు
[మార్చు]- వికీమాపియాలో ఐ.టీ.సీ పేపరు మిల్లు పరిసరప్రాంత దృశ్యం (కృష్ణ సారపాక)