Coordinates: 17°26′38″N 78°28′21″E / 17.443811°N 78.472616°E / 17.443811; 78.472616

స్పానిష్ మసీదు

వికీపీడియా నుండి
Jump to navigation Jump to search
స్పానిష్ మసీదు
మతం
అనుబంధంఇస్లాం
ప్రదేశం
ప్రదేశంబేగంపేట, హైదరాబాదు, భారతదేశం
భౌగోళిక అంశాలు17°26′38″N 78°28′21″E / 17.443811°N 78.472616°E / 17.443811; 78.472616
వాస్తుశాస్త్రం.
రకంమసీదు
శైలిమూరిష్ నిర్మాణ శైలి

స్పానిష్ మసీదు, తెలంగాణ రాష్ట్ర రాజధాని హైదరాబాదులోని బేగంపేట ప్రాంతంలో ఉన్న పైగా ప్యాలెస్‌లోని ఒక మసీదు.[1] దీనిని మసీదు ఇక్బాల్ ఉద్ దౌలా లేదా జామ్ ఇ మసీద్ ఐవాన్-ఇ-బేగంపేట్ అని కూడా పిలుస్తారు.

1900లో ఐదవ పైగా అమీర్, హెచ్.ఈ. నవాబ్ మొహమ్మద్ ఫజలుద్దీన్ ఖాన్, ఇక్బాల్ ఉద్ దౌలా, సర్ వికార్-ఉల్-ఉమ్రా ఈ మసీదు నిర్మాణాన్ని ప్రారంభించారు. 1902లో అతని ఆకస్మిక మరణం తరువాత అతని వారసుడు, పెద్ద కుమారుడు హెచ్.ఈ. నవాబ్ చేత మసీదు పూర్తి చేయబడింది. స్పానిష్ మసీదు వెలుపలి, లోపలి భాగం స్పెయిన్‌లోని కార్డోబా కేథడ్రల్ మసీదు, కర్ణాటక రాష్ట్రం గుల్బర్గాలోని జామా మసీదులను పోలి ఉంటాయి. ఇది అత్యాధునిక ఇంటీరియర్స్, ఆర్కిటెక్చర్‌ను కలిగివుంది.[2][3] హైదరాబాదు పట్టణ అభివృద్ధి సంస్థ (హుడా)చే వారసత్వ కట్టడంగా గుర్తించబడింది.

ప్రత్యేకమైన హిస్పానిక్ (మూరిష్) నిర్మాణ శైలి కారణంగా దీనిని మూర్స్ మసీదు అని కూడా పిలుస్తారు. ఇది దేశంలోనే విభిన్నమైన మసీదులలో ఒకటి. స్టాండ్-అవుట్ ఫీచర్ సాధారణ మినార్‌లు లేదా గోపురాలకు బదులుగా స్పియర్‌లు; వారు ఈ మసీదుకు చర్చి లాంటి రూపం ఉంటుంది. ఈ మసీదు పైగా అమీర్ సర్ వికార్-ఉల్-ఉమ్రా వారసులచే నిర్వహించబడుతుంది.[4]

చరిత్ర[మార్చు]

1940ల ప్రారంభంలో స్పానిష్ మసీదు ఫోటో

ఈ మసీదును స్థానిక ముస్లిం సంఘం వారు మసీదు ఇక్బాల్ ఉద్-దౌలా, మసీదు ఐవాన్-ఇ- బేగంపేట అని కూడా పిలుస్తారు. ఇక్కడ ఒకేసారి 3000 మంది ఆరాధకులు ఉండవచ్చు. సికింద్రాబాద్ ముస్లిం సమాజానికి ఒక మైలురాయి పరిగణించబడుతున్న ఈ మసీదు ధర్మకర్త, పైగా కుటుంబంలో అంతర్భాగమైన మిస్టర్ ఫైజ్ ఖాన్ నిర్వహిస్తుంటాడు.

పరిరక్షణ[మార్చు]

ఏఎస్ఐచే ప్రకటించబడిన వారసత్వ ప్రదేశం, యునెస్కో ఆసియా పసిఫిక్ మెరిట్ పరిశీలన కోసం స్పానిష్ మసీదు పరిశీలనలో ఉంది.[2][3][5]

మూలాలు[మార్చు]

  1. Barooah, Jahnabi (23 July 2012). "Ramadan around the World in pictures". Huffington Post. Retrieved 12 October 2021.
  2. 2.0 2.1 "Masjid Iqbal-Ud-Daula - Begumpet, Hyderabad". Flickr - Photo Sharing!.
  3. 3.0 3.1 "beautiful mosque in the heart of Begumpet". The Times Of India.
  4. http://www.tourisminap.com/hyderabad/sight_see.php
  5. "Mosque in Secunderabad". Flickr - Photo Sharing!. 11 February 2004.

బయటి లింకులు[మార్చు]