స్పిట్స్బెర్గెన్
స్పిట్స్బెర్గెన్ ఆర్కిటిక్ మహాసముద్రంలో, ఉత్తర నార్వేలోని స్వాల్బార్డ్ ద్వీపసమూహంలో శాశ్వత మానవ ఆవాసాలున్న అతిపెద్ద ద్వీపం.[1] దీన్ని గతంలో వెస్ట్ స్పిట్స్బెర్గెన్ అనేవారు.
ద్వీపసమూహంలో పశ్చిమాన అత్యధిక భాగం స్పిట్స్‌బెర్గెనే. ఆర్కిటిక్ మహాసముద్రం, నార్వేజియన్ సముద్రం, గ్రీన్లాండ్ సముద్రం దీనికి సరిహద్దులుగా ఉన్నాయి. స్పిట్స్బెర్గెన్ 37,673 కి.మీ2 (14,546 చ. మై.) విస్తీర్ణంలో ఉంది. ఇది నార్వేలో అతిపెద్ద ద్వీపంగాను, ప్రపంచంలో 36వ అతిపెద్ద ద్వీపంగానూ నిలిచింది. పరిపాలనా కేంద్రం లాంగ్‌ఇయర్‌బయెన్. పరిశోధనా కేంద్రాలతో పాటు, ఇతర స్థావరాలలో బారెంట్స్‌బర్గ్ మైనింగ్ కమ్యూనిటీ, నై-అలేసుండ్ పరిశోధనా సంఘం, స్వేగ్రువా మైనింగ్ కేంద్రాలు ఉన్నాయి. 1999 లో స్పిట్స్‌బెర్గెన్‌లో 21,977 కి.మీ2 (8,485 చ. మై.) విస్తీర్ణంలో మంచు కప్పేసింది. ద్వీపం మొత్తం వైశాల్యంలో ఇది దాదాపు 58.5% ఉంటుంది.
ఈ ద్వీపాన్ని 17, 18 శతాబ్దాలలో తిమింగలాల వేటకు స్థావరంగా ఉపయోగించారు. 19 వ శతాబ్దం చివరలో ఇక్కడ బొగ్గు తవ్వకం ప్రారంభమైంది.. అనేక శాశ్వత నివాసాలు ఏర్పడ్డాయి. 1920 నాటి స్వాల్బార్డ్ ఒప్పందం నార్వేజియన్ సార్వభౌమత్వాన్ని గుర్తించి, స్వాల్‌బార్డ్‌ను స్వేచ్ఛా ఆర్థిక జోన్గా, సైనిక రహిత జోన్గా స్థాపించింది.
స్పిట్స్‌బెర్గెన్‌లో నార్వేకు చెందిన స్టోర్ నార్స్కే, రష్యాకు చెందిన ఆర్క్టికుగోల్ మాత్రమే ప్రస్తుతం ఇక్కడ పనిచేస్తున్న మైనింగ్ కంపెనీలు. పరిశోధన, పర్యాటకం ముఖ్యమైన అనుబంధ పరిశ్రమలు. వీటిలో స్వాల్బార్డ్లోని విశ్వవిద్యాలయ కేంద్రం, స్వాల్బార్డ్ గ్లోబల్ సీడ్ వాల్ట్ ఉన్నాయి. వివిధ మానవ ఆవాసాలను అనుసంధానించేందుకు రోడ్లు లేవు. వాటి బదులు స్నోమొబైళ్ళు, విమానాలు, పడవలూ స్థానిక రవాణాగా పనిచేస్తాయి. స్వాల్బార్డ్ విమానాశ్రయం, లాంగియర్బైన్‌కు రాకపోకలకు ప్రధాన కేంద్రం.
ఈ ద్వీపంలో ఆర్కిటిక్ వాతావరణం ఉంది, అయితే అదే అక్షాంశంలో ఇతర ప్రదేశాల కంటే ఇక్కడ ఉష్ణోగ్రతలు గణనీయంగా ఎక్కువగా ఉంటాయి. అర్ధరాత్రి కూడా సూర్యుడు వెలుగుతూ ఉంటాడు. సూర్యరశ్మి నుండి వృక్షజాలానికి ప్రయోజనం కలుగుతుంది. ధ్రువ రాత్రుల సమయంలో అసలు సూర్యరశ్మి ఉండదు. స్వాల్బార్డ్ అనేక సముద్ర పక్షులకు సంతానోత్పత్తి ప్రదేశం. ధ్రువ ఎలుగుబంట్లు, ఆర్కిటిక్ నక్కలు, రెయిన్ డీర్, సముద్ర క్షీరదాలకు కూడా మద్దతు ఇస్తుంది. ఆరు జాతీయ ఉద్యానవనాలు ఇక్కడి వాతావరణాన్ని రక్షిస్తాయి. ఈ ద్వీపంలో అనేక హిమానీనదాలు, పర్వతాలు ఫ్యోర్డ్‌లూ ఉన్నాయి.
వ్యుత్పత్తి
[మార్చు]
1596 లో డచ్ నావిగేటర్ విల్లెం బారెంట్స్ స్పిట్స్‌బెర్గెన్‌ను కనుగొన్నప్పుడు దానికి ఈ పేరు పెట్టాడు. "కోసుగా ఉండే పర్వతాలు" (డచ్ భాషలో స్పిట్స్ అంటే కోసుగా అని, బెర్గెన్ అంటే పర్వతాలు[2] అని అర్థం) అనే అర్థం వచ్చే స్పిట్స్బెర్గెన్ అనే పేరు మొదట ప్రధాన ద్వీపంతో పాటు, యావత్తు ద్వీపసమూహానికీ వర్తించేది. 17వ 18వ శతాబ్దాలలో, ఇంగ్లీష్ తిమింగల వేటగాళ్ళు ఈ దీవులను "గ్రీన్‌ల్యాండ్" అని పిలిచారు. 1780 లో కూడా ఇలాగే పిలిచేవారు. ఆ సమయంలో సిగిస్మండ్ బాక్‌స్ట్రోమ్ దీనిని విమర్శించాడు. 19వ శతాబ్దంలో "స్పిట్జ్‌బెర్గెన్" (Spitzbergen) అనే స్పెల్లింగ్‌ను ఇంగ్లీషులో ఉపయోగించారు, ఉదాహరణకు బీచీ, లైంగ్, రాయల్ సొసైటీ లు ఇలాగే వాడాయి.
1906 లో ఆర్కిటిక్ అన్వేషకుడు సర్ మార్టిన్ కాన్వే స్పిట్జ్‌బెర్గెన్ (Spitzbergen) అనే స్పెల్లింగు తప్పు అని భావించాడు; అతను స్పిట్స్బెర్గెన్ (Spitsbergen) అనే పేరునే ఇష్టపడ్డాడు. ఎందుకంటే ఆ పేరు జర్మన్ కాదనీ, డచ్ అనీ అతను గుర్తించాడు. బ్రిటిషువారు మాత్రం తమకు అలవాటైన స్పెల్లింగునే కొనసాగించారు. 1920 లో దీవుల స్థితిని నిర్ణయించే అంతర్జాతీయ ఒప్పందానికి "స్పిట్స్బెర్గెన్ ఒప్పందం" అని పేరు పెట్టారు. ఆ సమయం నుండి ఈ దీవులను సాధారణంగా "స్పిట్స్బెర్గెన్" అనే పిలుస్తారు, అయితే "స్పిట్జ్‌బెర్గెన్" అనే స్పెల్లింగ్ కూడా 20వ శతాబ్దం అంతటా వాడారు.[3]
1925 లో నార్వేజియన్ అధికారులు ఈ ద్వీపసమూహానికి స్వాల్బార్డ్ అని పేరు పెట్టారు. ఇక్కడి ప్రధాన ద్వీపానికి స్పిట్స్బెర్గెన్ అనే పేరు కొనసాగింది. 20వ శతాబ్దం చివరి నాటికి, ఈ వాడకం సర్వసాధారణమైంది.
చరిత్ర
[మార్చు].jpg)
1596 జూన్‌లో ఉత్తర సముద్ర మార్గాన్ని వెతుకుతున్నప్పుడు డచ్ అన్వేషకుడు విల్లెం బారెంట్జ్ ఈ ద్వీపాన్ని మొదటిసారి చూసాడు.[4] తూర్పు తీరాన్ని సుమారుగా చూపించే మొదటి మంచి పటం 1623 లో విల్లెం జాన్జూన్ బ్లేయు ముద్రించాడు. 1660, 1728 ప్రాంతంలో, మెరుగైన పటాలు రూపొందించబడ్డాయి.[5][6]
ఈ ద్వీపసమూహం 14 వ లేదా 15 వ శతాబ్దం నాటికే రష్యన్ పోమర్ వేటగాళ్లకు తెలిసి ఉండవచ్చు. అయితే 17 వ శతాబ్దానికి ముందు నాటి ఆధారాలు స్పష్టంగా లేవు. ఇంగ్లీష్ తిమింగల వేటగాళ్ళు, ఇతరులూ ఈ ద్వీపసమూహాన్ని గ్రీన్లాండ్ అని పేర్కొన్న తరువాత, వారు దీనికి గ్రుమాంట్ (Грумант) అని పేరు పెట్టారు. 10వ 11వ శతాబ్దాల ఐస్లాండిక్ గాథలలో స్వాల్బార్డ్ అనే పేరు మొదట ప్రస్తావించబడింది. కానీ ఇది జాన్ మాయెన్ అయి ఉండవచ్చు.
తొలి క్లెయిమ్‌లు
[మార్చు]
సముద్ర ప్రవాహాలు, జంతుజాలం కారణంగా, స్వాల్‌బార్డ్‌కు, మరీ ముఖ్యంగా స్పిట్స్‌బెర్గెన్‌కు తొలినాళ్ళ తిమింగల వేట యాత్రలు స్పిట్స్బెర్గెన్ పశ్చిమ తీరంలోనూ తీరం వెలుపల ఉన్న దీవులలోనూ కేంద్రీకరించి ఉండేవి. తిమింగల వేట ప్రారంభమైన (1611) కొద్దికాలానికే 1616 లో డానిష్-నార్వేజియన్ రాచరికం, జాన్ మాయెన్, స్పిట్స్బెర్గెన్ దీవులపై తమ యాజమాన్యాన్ని ప్రకటించుకుంది, అప్పట్లో స్వాల్బార్డ్ మొత్తాన్నీ అలాగే పిలిచేవారు. కానీ 1613 లో ఇంగ్లీష్ ముస్కోవీ కంపెనీ కూడా అలాగే పిలిచింది.
ఈ జాయింట్-స్టాక్ కంపెనీ యొక్క ప్రాథమిక, అత్యంత లాభదాయకమైన తిమింగల వేట మైదానాలు 17వ శతాబ్దం ప్రారంభంలో స్పిట్స్‌బెర్గెన్‌లో కేంద్రీకృతమై ఉన్నాయి. 1553 లో హ్యూ విల్లోబీ ఈ భూమిని కనుగొన్నాడనే (తప్పుడు) వాదన ఆధారంగా, ఇంగ్లీష్ క్రౌన్ నుండి కంపెనీ యొక్క 1613 రాయల్ చార్టర్ స్పిట్స్‌బెర్గెన్‌లో తిమింగల వేటపై గుత్తాధిపత్యాన్ని మంజూరు చేసింది.[7] 1553 నాటి ఇంగ్లీషు యాత్ర ఆ ప్రాంతానికి చేరుకుందని వారు తప్పుగా భావించడమే కాకుండా, 1607 జూన్ 27న, ఆ కంపెనీ తరపున "ఈశాన్య మార్గం" కోసం తన మొదటి సముద్రయానంలో, హెన్రీ హడ్సన్ "న్యూలాండ్" (అంటే స్పిట్స్బెర్గెన్)ను చూశాడు. ఇది గ్రేట్ బే ముఖద్వారం దగ్గర హడ్సన్ తరువాత గ్రేట్ ఇన్‌డ్రాట్ (ఇస్ఫ్జోర్డెన్) అని పేరు పెట్టాడు. ఈ విధంగా, ఆ సమయంలో వారి ప్రధాన ప్రత్యర్థి అయిన డచ్ వారి విస్తరణను ఈ ప్రాంతంలో అధిగమించాలని ఆంగ్లేయులు ఆశించారు. ప్రారంభంలో, ఆంగ్లేయులు పోటీదారులను తరిమికొట్టడానికి ప్రయత్నించారు, కానీ డచ్ వారితో (1613–24) వివాదాల తర్వాత, వారు కాంగ్స్‌ఫ్జోర్డెన్‌కు దక్షిణంగా ఉన్న బేలను మాత్రమే స్వాధీనం చేసుకున్నారు.
డానిష్ విస్తరణ
[మార్చు]
1617 నుండి, డానిష్-చార్టర్డ్ కంపెనీ స్పిట్స్‌బెర్గెన్‌కు తిమింగల వేట నౌకలను పంపడం ప్రారంభించింది. ఉత్తర అట్లాంటిక్‌లోకి డెన్మార్క్ విజయవంతంగా విస్తరించడాన్ని ఇటీవల చరిత్రకారులు డానిష్-నార్వేజియన్ రాజ్యం విదేశీ వలసవాదంలోకి వేసిన మొదటి అడుగుగా పేర్కొన్నారు. ఇది చివరికి తూర్పు భారత వాణిజ్య స్థావరాలు, ఉత్తర అట్లాంటిక్ ఆస్తులు (గ్రీన్లాండ్, ఐస్లాండ్ వంటివి), గినియా తీరంలోని ఆస్తులు (ఆధునిక ఘనాలో) నుండి ఇప్పుడు యునైటెడ్ స్టేట్స్ వర్జిన్ దీవులుగా ఉన్న వాటి మధ్య ఒక చిన్న అట్లాంటిక్ వాణిజ్య మార్గం వగైరాలతో కలుపుకుని ఒక చిన్నపాటి విదేశీ సామ్రాజ్యాన్ని నిర్మించింది.
మొదట డెన్మార్క్-నార్వే, తరువాత నార్వేజియన్లు (1814 నుండి 1905 వరకు స్వీడన్, నార్వేల మధ్య యూనియన్‌గా, 1905 నుండి స్వతంత్ర నార్వేగా) నామమాత్రంగా పాలించిన మొత్తం స్వాల్బార్డ్ ద్వీపసమూహం అనేక దేశాల నుండి మత్స్యకార, తిమింగల వేట ఓడలకు మూలంగా ఉంది. ఈ దీవులు విలియం ఎడ్వర్డ్ ప్యారీ, అడాల్ఫ్ ఎరిక్ నార్డెన్‌స్కియోల్డ్, ఒట్టో మార్టిన్ టోరెల్, ఆల్ఫ్రెడ్ గాబ్రియేల్ నాథోర్స్ట్, రోల్డ్ అముండ్‌సెన్, ఎర్నెస్ట్ షాక్లెటన్ వంటి అనేక మంది ఆర్కిటిక్ అన్వేషకులకు ప్రారంభ స్థావరంగా మారాయి.
స్పిట్స్బెర్గెన్ ఒప్పందం
[మార్చు].jpg)
1913, 1920 ల మధ్య, స్పిట్స్బెర్గెన్ ఒక తటస్థ కండోమినియంగా ఉండేది. 1920 ఫిబ్రవరి 9 నాటి స్పిట్స్బెర్గెన్ ఒప్పందంతో, స్వాల్బార్డ్ లోని మొత్తం ఆర్కిటిక్ ద్వీపసమూహంపై నార్వేకు సంపూర్ణ సార్వభౌమత్వం ఏఎర్పడింది. అయితే, సార్వభౌమాధికారం కొన్ని నిబంధనలకు లోబడి వర్తిస్తుంది. ఇక్కడ నార్వేజియన్ చట్టాలన్నీ వర్తించవు. మొదట్లో తొమ్మిది దేశాలకే పరిమితమైన ఈ ఒప్పందంపై ఇప్పుడు 40 కి పైగా దేశాలు సంతకం చేశాయి. సంతకం చేసిన దేశాల పౌరులు ఈ ద్వీపసమూహంలో స్థిరపడవచ్చు. స్వాల్బార్డ్ ద్వీపసమూహానికి ఇక్కడి అతిపెద్ద ద్వీపం పేరు మీద స్పిట్స్బెర్గెన్ అని పేరే ఒకప్పుడు ఉండేది. ఈ ద్వీపసమూహాన్ని 1925 స్వాల్బార్డ్ చట్టం ద్వారా నార్వేలో భాగంగా కాకుండా ఒక ఆశ్రిత దేశంగా మార్చారు. ఈ తేదీ నుండి, స్వాల్బార్డ్ నార్వేలో ఒక ప్రాంతంగా ఉంది. నార్వే నియమించిన గవర్నర్ లాంగ్ఇయర్బైన్ పరిపాలనా కేంద్రంలో నివసిస్తారు. స్పిట్స్బెర్గెన్ ఒప్పందంలో కొన్ని నార్వేజియన్ చట్టాలను ఇక్కడ అమలు చెయ్యడంపై పరిమితులు విధించారు.
స్పిట్స్‌బెర్గెన్‌లోని అతిపెద్ద స్థావరం నార్వేజియన్ పట్టణం లాంగ్ఇయర్బైన్. రెండవ అతిపెద్ద స్థావరం బారెంట్స్‌బర్గ్‌లోని రష్యన్ బొగ్గు-మైనింగ్ స్థావరం. (దీనిని నెదర్లాండ్స్ 1932లో సోవియట్ కంపెనీ ఆర్కిటికుగోల్‌కు విక్రయించింది.) ఈ ద్వీపంలోని ఇతర స్థావరాలలో గ్రుమాంట్‌బైన్, పిరమిడెన్ (ఈ రెంటినీ 1961, 1998 లలో ఖాళీ చేసారు) అనేవి మాజీ రష్యన్ మైనింగ్ కమ్యూనిటీలు. హార్న్‌సుండ్‌లోని పోలిష్ పరిశోధనా కేంద్రం, నై-అలెసుండ్ లో మారుమూల ఉత్తర స్థావరం ఉన్నాయి.
ప్రభుత్వం
[మార్చు].jpg)
1920 నాటి స్వాల్బార్డ్ ఒప్పందంతో స్వాల్బార్డ్ పూర్తిగా నార్వే సార్వభౌమత్వం లోకి వచ్చింది. ఈ ఒప్పందంపై సంతకం చేసిన 40 దేశాలకు వివక్ష లేకుండా ఈ ద్వీపసమూహంలో వాణిజ్య కార్యకలాపాలు నిర్వహించుకునే హక్కు ఉంది. అయితే ఈ కార్యకలాపాలన్నీ నార్వే చట్టాలకు లోబడి ఉండాలి. ఈ ఒప్పందం ప్రకారం నార్వేకు పన్నులు వసూలు చేసే హక్కు, స్వాల్బార్డ్లోని ఫైనాన్సింగ్ సేవల హక్కులు మాత్రమే ఉంటాయి. ఈ ఒప్పందం ప్రకారం స్పిట్స్బెర్గెన్ ఒక నిస్సైనికీకరణ జోన్ - ఇక్కడ సైనిక స్థావరాల ఏర్పాటు నిషిద్ధం. ఈ ఒప్పందం ప్రకారం నార్వే ఇక్కడి సహజ పర్యావరణాన్ని కాపాడాలి.[8][9] ఈ ద్వీపాన్ని స్వాల్బార్డ్ గవర్నర్ పరిపాలిస్తారు. ఆయన కౌంటీ గవర్నర్, పోలీసు చీఫ్ గా కూడా బాధ్యత వహిస్తారు. అలాగే కార్యనిర్వాహక శాఖ మంజూరు చేసిన అధికారం కూడా ఉంటుంది.[10] నార్వే యూరోపియన్ ఎకనామిక్ ఏరియా (EEA), స్కెంజెన్ ఒప్పందంలో భాగమైనప్పటికీ, స్వాల్బార్డ్ మాత్రం వీటిలో భాగం కాదు.[11]
స్పిట్స్బెర్గెన్ నివాసులకు స్కెంజెన్‌కు వీసాలు అవసరం లేదు. కానీ అవి లేకుండా నార్వే ప్రధాన భూభాగం నుండి స్వాల్‌బార్డ్‌కు చేరుకోవడాన్ని నిషేధించారు. ఆదాయ మార్గాలు లేని వ్యక్తులు ఇక్కడ స్థిరపడకుండా గవర్నరు తిరస్కరించవచ్చు.[12] ఒప్పందంపై సంతకం చేసిన దేశాల పౌరులు వీసా లేకుండా ద్వీపాన్ని సందర్శించవచ్చు. రష్యాకు బారెంట్స్‌బర్గ్‌లో కాన్సులేట్‌ ఉంది.[13]
జనాభా
[మార్చు]
2009 లో, స్పిట్స్బెర్గెన్ జనాభా 2,753. వీరిలో 423 మంది రష్యన్లు లేదా ఉక్రేనియన్లు, 10 మంది పోలిష్, 322 మంది నార్వేజియన్ స్థావరాలలో నివసిస్తున్న నార్వేజియన్లు కానివారు.[14] 2005 లో లాంగ్‌ఇయర్‌బైన్‌లో అతిపెద్ద నార్వేజియనేతర సమూహాలు థాయిలాండ్, స్వీడన్, డెన్మార్క్, రష్యా, జర్మనీ నుండి వచ్చినవి.[15] స్పిట్స్బెర్గెన్, ప్రపంచంలో అత్యంత సురక్షితమైన ప్రదేశాలలో ఒకటి, వాస్తవానికి ఇక్కడ అసలు నేరాలు లేవు.
లాంగ్‌యియర్‌బయెన్ ఈ ద్వీపంలో అతిపెద్ద స్థావరం, గవర్నరు కార్యాలయం, ఏకైక పట్టణం. ఇందులో ఒక ఆసుపత్రి, ప్రాథమిక, మాధ్యమిక పాఠశాల, విశ్వవిద్యాలయం, ఈత కొలనుతో కూడిన క్రీడా కేంద్రం, లైబ్రరీ, సాంస్కృతిక కేంద్రం, సినిమా, [16] బస్సు రవాణా, హోటళ్ళు, ఒక బ్యాంకు,[17] అనేక మ్యూజియంలూ ఉన్నాయి.[18] స్వాల్‌బార్డ్‌పోస్టెన్ వార్తాపత్రిక వారానికొకసారి ప్రచురితమవుతుంది. లాంగ్‌యియర్‌బయెన్‌లో గతంలో జరిగిన మైనింగ్ కార్యకలాపాలలో కొద్ది భాగం మాత్రమే మిగిలి ఉంది; బదులుగా, కార్మికులు స్టోర్ నోర్స్కే గనిని నిర్వహిస్తున్న స్వేగ్రువా (లేదా స్వేయా)కు ప్రయాణిస్తారు. స్వేగ్రువా ఒక వసతి గృహ పట్టణం, కార్మికులు లాంగ్‌యియర్‌బయెన్ నుండి వారానికోసారి ప్రయాణిస్తూ ఉంటారు.[16]
2002 నుండి, లాంగ్ఇయర్బైన్ కమ్యూనిటీ కౌన్సిల్ మునిసిపాలిటీకి సమానమైన అనేక బాధ్యతలను నిర్వహిస్తుంది. వాటిలో యుటిలిటీస్, విద్య, సాంస్కృతిక సౌకర్యాలు, అగ్నిమాపక విభాగం, రోడ్లు, ఓడరేవులు ఉన్నాయి. [19] సంరక్షణ లేదా నర్సింగ్ సేవలు అందుబాటులో లేవు. సంక్షేమ పథకాలు కూడా అందుబాటులో లేవు. నార్వేజియన్ నివాసితులు తమ ప్రధాన భూభాగ మునిసిపాలిటీల ద్వారా పెన్షన్, వైద్య హక్కులను నిలుపుకున్నారు. [20] ఈ ఆసుపత్రి యూనివర్శిటీ హాస్పిటల్ ఆఫ్ నార్త్ నార్వేలో భాగం. విమానాశ్రయాన్ని ప్రభుత్వ యాజమాన్యంలోని అవినోర్ నిర్వహిస్తుంది. నై-అలేసుండ్, బారెంట్స్‌బర్గ్ అనేవి వరుసగా కింగ్స్ బే, ఆర్కికుగోల్ యాజమాన్యంలోని అన్ని మౌలిక సదుపాయాలతో కూడిన కంపెనీ టౌన్‌షిప్‌లు.[19] స్వాల్‌బార్డ్‌లో ఉన్న ఇతర ప్రభుత్వ కార్యాలయాలు నార్వేజియన్ డైరెక్టరేట్ ఆఫ్ మైనింగ్, నార్వేజియన్ పోలార్ ఇన్‌స్టిట్యూట్, నార్వేజియన్ టాక్స్ అడ్మినిస్ట్రేషన్, చర్చ్ ఆఫ్ నార్వే. [21] స్వాల్బార్డ్, ట్రోమ్సోలో ఉన్న నార్డ్-ట్రోమ్స్ డిస్ట్రిక్ట్ కోర్టు, హలోగాలాండ్ కోర్ట్ ఆఫ్ అప్పీల్ ల అధీనంలో ఉంది. [22]
నై-అలేసుండ్ అనేది పూర్తిగా పరిశోధన ఆధారంగా ఏర్పడిన శాశ్వత ఆవాసం. గతంలో మైనింగ్ పట్టణంగా ఉన్న ఇది ఇప్పటికీ నార్వే ప్రభుత్వ యాజమాన్యంలోని కింగ్స్ బే ద్వారా నిర్వహించబడుతున్న కంపెనీ టౌన్షిప్. గ్రామంలో కొంత పర్యాటకం ఉన్నప్పటికీ, శాస్త్రీయ పనిపై ప్రభావాన్ని తగ్గించడానికి నార్వేజియన్ అధికారులు అవుట్‌పోస్ట్‌కు ప్రాప్యతను పరిమితం చేస్తారు. [16] నై-అలేసుండ్‌లో శీతాకాల జనాభా 35, వేసవి జనాభా 180.[23] పోలాండ్ పది మంది శాశ్వత నివాసితులతో హార్న్‌సుండ్ వద్ద పోలిష్ పోలార్ స్టేషన్‌ను నిర్వహిస్తోంది.[16]
1998 లో పిరమిడెన్‌ను విడిచిపెట్టేసాక, రష్యన్లకు మిగిలి ఉన్న రష్యన్ స్థావరం బారెంట్స్‌బర్గ్ ఒక్కటే. ఇది కంపెనీ టౌన్షిప్. అన్ని సౌకర్యాలు బొగ్గు గనిని నిర్వహించే ఆర్కిటికుగోల్ యాజమాన్యంలో ఉన్నాయి. మైనింగ్ సౌకర్యాలతో పాటు, ఆర్కిటికుగోల్ ఒక హోటల్‌ను, సావనీర్ దుకాణాన్నీ ప్రారంభించింది, లాంగ్‌యియర్‌బయెన్ నుండి రోజూ పర్యటనలు లేదా హైకింగ్‌లు చేసే పర్యాటకులకు సేవలు అందిస్తుంది. [16] ఈ గ్రామంలో పాఠశాల, లైబ్రరీ, క్రీడా కేంద్రం, కమ్యూనిటీ సెంటర్, ఈత కొలను, పొలం, గ్రీన్హౌస్ వంటి సౌకర్యాలు ఉన్నాయి. పిరమిడెన్‌లో ఇలాంటి సౌకర్యాలు ఉన్నాయి; రెండూ సాధారణ సోవియట్ శైలిలో నిర్మించబడ్డాయి. ప్రపంచంలోని రెండు అత్యంత ఉత్తర లెనిన్ విగ్రహాలు, ఇతర సోషలిస్ట్ వాస్తవిక కళాకృతులకు ఇది నెలవు.
ఆర్థిక వ్యవస్థ
[మార్చు]
స్పిట్స్‌బెర్గెన్‌లోని మూడు ప్రధాన పరిశ్రమలు బొగ్గు తవ్వకం, పర్యాటకం, పరిశోధన. 2007 లో మైనింగ్ రంగంలో 484 మంది, పర్యాటక రంగంలో 211 మంది, విద్యా రంగంలో 111 మందీ పనిచేస్తున్నారు. అదే సంవత్సరంలో మైనింగ్ ద్వారా NOK 2,008 మిలియన్లు, పర్యాటకం ద్వారా NOK 317 మిలియన్లు, పరిశోధన ద్వారా NOK 142 మిలియన్లు ఆదాయం వచ్చింది.[19] 2006 లో ఆర్థికంగా చురుకైన వ్యక్తుల వార్షిక సగటు ఆదాయం NOK 4,94,700. ప్రధాన భూభాగం కంటే ఇది 23% ఎక్కువ.[24] దాదాపు అన్ని గృహాలు వివిధ యజమానులు, సంస్థల యాజమాన్యంలో ఉన్నాయి. సంస్థలు తమ ఉద్యోగులకు గృహాలను అద్దెకు ఇచ్చాయి. ప్రైవేట్ యాజమాన్యంలోని ఇళ్ళు కొన్ని మాత్రమే ఉన్నాయి. వాటిలో ఎక్కువ భాగం వినోద క్యాబిన్లు. దీని కారణంగా, ఏదో ఒక సంస్థలో ఉద్యోగం చేయకుండా స్పిట్స్‌బెర్గెన్‌లో జీవించడం దాదాపు అసాధ్యం.[12]
20వ శతాబ్దం ప్రారంభంలో స్పిట్స్బెర్గెన్ పునరావాసం ఏర్పడినప్పటి నుండి, బొగ్గు తవ్వకం ప్రధాన వాణిజ్య కార్యకలాపంగా ఉంది. నార్వేజియన్ వాణిజ్య, పరిశ్రమల మంత్రిత్వ శాఖకు అనుబంధ సంస్థ అయిన స్టోర్ నోర్స్కే స్పిట్స్బెర్గెన్ కుల్‌కంపానీ స్వేగ్రువాలో స్వెయా నోర్డ్, లాంగ్‌ఇయర్‌బైన్‌లోని మైన్ 7ను నిర్వహిస్తోంది. 2008 లో మొదటిది 3.4 మిలియన్ టన్నులు ఉత్పత్తి చేయగా, రెండోది దాని ఉత్పత్తిలో 35% లాంగ్ఇయర్బైన్ పవర్ స్టేషన్‌కు పంపుతుంది. 2007 నుండి, బారెంట్స్‌బర్గ్‌లో రష్యన్ ప్రభుత్వ యాజమాన్యంలోని ఆర్కిటికుగోల్ ఎటువంటి ముఖ్యమైన మైనింగ్ చెయ్యలేదు. గతంలో భూమిపై పెట్రోలియం కోసం కొన్ని టెస్ట్ డ్రిల్లింగ్‌లు జరిగాయి, కానీ ఇది శాశ్వత వెలికితీత జరిగేంతటి మంచి ఫలితాలను ఇవ్వలేదు. పర్యావరణ కారణాల దృష్ట్యా నార్వేజియన్ అధికారులు ఆఫ్‌షోర్ పెట్రోలియం డ్రిల్లింగ్ కార్యకలాపాలను అనుమతించరు. గతంలో టెస్ట్-డ్రిల్లింగ్ చేసిన భూమిని ప్రకృతి నిల్వలు లేదా జాతీయ ఉద్యానవనాలుగా రక్షించారు.[19]
స్పిట్స్బెర్గెన్ ద్వీపం నాణేలు 1946 లో రష్యన్ సిరిలిక్ అక్షరాలతో, USSR డినామినేషన్‌లో 10, 20 కోపెక్‌లతో జారీ చేసారు. తరువాత 1993 లో, 10, 20, 50, 100 రూబుళ్ళ విలువలతో రష్యన్ నాణేలను మళ్ళీ ముద్రించారు. రెండు సిరీస్‌లలో "ఆర్కిటిక్ బొగ్గు" అనే నినాదం ఉంది.
చారిత్రికంగా స్పిట్స్బెర్గెన్ తిమింగల వేట, చేపలు పట్టడం రెండింటికీ స్థావరంగా ఉండేది. 1977 లో స్వాల్బార్డ్ చుట్టూ ఉన్న ప్రత్యేక ఆర్థిక మండలం (EEZ) కోసం నార్వే, 200-nautical-mile (370 కి.మీ.; 230 మై.) క్లెయిమ్ చేసింది.[25] నార్వే ఈ జోన్‌లో నిర్బంధ మత్స్యకార విధానాన్ని కొనసాగించింది.[25] ఈ వాదనలను రష్యా వివాదం చేస్తోంది.[26] పర్యాటకం పర్యావరణంపై దృష్టి సారించింది. లాంగ్‌ఇయర్‌బైన్‌పై కేంద్రీకృతమై ఉంది. కార్యకలాపాలలో హైకింగ్, కయాకింగ్, హిమానీనద గుహల గుండా నడకలు, స్నో-స్కూటర్, డాగ్-స్లెడ్ సఫారీలు ఉన్నాయి. స్వాల్‌బార్డ్‌లో ప్రారంభమై ముగిసే ఆఫ్‌షోర్ ఓడలు యాత్రా క్రూయిజ్‌లు రెండింటి ద్వారా స్టాప్‌లతో సహా క్రూయిజ్ షిప్‌లు ట్రాఫిక్‌లో గణనీయమైన భాగం. మార్చి, ఆగస్టుల మధ్య ట్రాఫిక్ బాగా కేంద్రీకృతమై ఉంది; 1991 నుండి 2008 వరకు రాత్రిపూట బసలు ఐదు రెట్లు పెరిగాయి. ఆ సమయంలో 93,000 మంది అతిథి-రాత్రులు ఉన్నాయి.[19]
స్వాల్బార్డ్ పై పరిశోధన లాంగ్ఇయర్బైన్, నై-అలెసుండ్‌లపై కేంద్రీకృతమై ఉంది. స్వాల్బార్డ్ పై పరిశోధనలు నిర్వహించడానికి ఏ దేశానికైనా నార్వే అనుమతి ఇస్తుంది, దీని ఫలితంగా పోలిష్ పోలార్ స్టేషన్, ఇండియన్ హిమాద్రి స్టేషన్, చైనీస్ ఆర్కిటిక్ ఎల్లో రివర్ స్టేషన్, బారెంట్స్‌బర్గ్‌లో రష్యన్ సౌకర్యాలు ఏర్పడ్డాయి.[27] లాంగ్‌ఇయర్‌బైన్‌లోని స్వాల్బార్డ్లోని యూనివర్సిటీ సెంటర్ వివిధ ఆర్కిటిక్ శాస్త్రాలలో, ముఖ్యంగా జీవశాస్త్రం, భూగర్భ శాస్త్రం, జియోఫిజిక్స్‌లో 350 మంది విద్యార్థులకు అండర్ గ్రాడ్యుయేట్, గ్రాడ్యుయేట్, పోస్ట్ గ్రాడ్యుయేట్ కోర్సులను అందిస్తుంది. ప్రధాన భూభాగ విశ్వవిద్యాలయాలలో అధ్యయనాలకు అనుబంధంగా కోర్సులు అందించబడతాయి; ట్యూషన్ ఫీజులు లేవు. కోర్సులు ఆంగ్లంలో నిర్వహిస్తారు. నార్వేజియన్. అంతర్జాతీయ విద్యార్థులకు సీట్లుంటాయి.[28]
స్వాల్బార్డ్ సముద్రగర్భ కేబుల్ సిస్టమ్ స్వాల్బార్డ్ నుండి హార్స్టాడ్ వరకు 1,440-కిలోమీటరు (890 మై.) పొడవున ఉన్న ఫైబరు ఆప్టిక్ లైన్. స్వాల్బార్డ్ ఉపగ్రహ కేంద్రం నై-అలెసుండ్‌లోని సంస్థాపనల ద్వారా ధ్రువ కక్ష్యలో ఉన్న ఉపగ్రహంతో కమ్యూనికేట్ చేయడానికి అవసరం.
నార్వేజియన్ ప్రైవేట్ కంపెనీ పిక్ల్, ప్రభుత్వ యాజమాన్యంలోని బొగ్గు గనుల సంస్థ స్టోర్ నోర్స్కే స్పిట్స్బెర్గెన్ కుల్కోంపాని నిర్వహిస్తున్న భారీ డిజిటల్ ఆర్కైవింగ్ సంస్థ అయిన ఆర్కిటిక్ వరల్డ్ ఆర్కైవ్ ను 2017 మార్చిలో ప్రారంభించారు.[29] 2020 మధ్యలో, ఇది మైక్రోసాఫ్ట్ అనుబంధ సంస్థ అయిన గిట్‌హబ్ రూపంలో తన అతిపెద్ద కస్టమర్‌ను సంపాదించుకుంది. [30]
రవాణా
[మార్చు]
లాంగ్ఇయర్బైన్, బారెంట్స్‌బర్గ్, నై-అలెసుండ్‌లలో, రహదారి వ్యవస్థలు ఉన్నాయి, కానీ అవి ఒకదానితో ఒకటి కలవవు. నేలపై ఆఫ్-రోడ్ మోటారు వాహనాలను నిషేధించారు. కానీ శీతాకాలంలో వాణిజ్య, వినోద కార్యకలాపాల కోసం స్నోమొబైల్స్‌ను విస్తృతంగా వాడతారు. లాంగ్ఇయర్బైన్ నుండి బారెంట్స్‌బర్గ్‌కు ( 45 కి.మీ. (28 మై.), పిరమిడెన్ లకు ( 100 కి.మీ. (62 మై.) రవాణా శీతాకాలంలో స్నోమొబైల్ ద్వారా లేదా ఏడాది పొడవునా ఓడ ద్వారా సాధ్యమవుతుంది. అన్ని స్థావరాలలో ఓడరేవులు ఉన్నాయి. లాంగ్‌ఇయర్‌బైన్‌లో బస్సు వ్యవస్థ ఉంది.
స్వాల్బార్డ్ విమానాశ్రయం, లాంగ్ఇయర్, లాంగ్‌యియర్‌బయెన్ నుండి 3 కి.మీ. (2 మై.) దూరంలో వద్ద ఉంది. ఈ ద్వీపానికి వాయు రవాణాను అందించే ఏకైక విమానాశ్రయం ఇది. స్కాండినేవియన్ ఎయిర్‌లైన్స్ ట్రోమ్సో, ఓస్లోలకు రోజువారీ షెడ్యూల్డ్ సర్వీసులను నడుపుతోంది. రష్యాకు చార్టర్ సర్వీసులు కూడా ఉన్నాయి. [31] లుఫ్ట్‌ట్రాన్స్‌పోర్ట్ లాంగ్ఇయర్బైన్ నుండి నై-అలెసుండ్ విమానాశ్రయం, హామ్నెరాబెన్, కింగ్స్ బే, స్టోర్ నోర్స్కే కోసం స్వెయా విమానాశ్రయానికి సాధారణ కార్పొరేట్ చార్టర్ సేవలను అందిస్తుంది. ఈ విమానాలు సాధారణంగా ప్రజలకు అందుబాటులో ఉండవు.[32] బారెంట్స్‌బర్గ్, పిరమిడెన్‌లలో హెలిపోర్ట్‌లు ఉన్నాయి. హెలికాప్టర్‌లను తరచుగా గవర్నర్, కొంతవరకు మైనింగ్ కంపెనీ ఆర్కిటికుగోల్ ఉపయోగిస్తారు.[33]
ప్రకృతి
[మార్చు]ఈ ద్వీపంలో మూడు భూసంబంధ క్షీరద జాతులు నివసిస్తాయి. ఇవి: ఆర్కిటిక్ నక్క, స్వాల్బార్డ్ రెయిన్ డీర్, అనుకోకుండా ప్రవేశపెట్టబడిన దక్షిణ వోల్. ఇవి గ్రుమాంట్‌లో మాత్రమే కనిపిస్తాయి. [34] ఆర్కిటిక్ కుందేలు, మస్కోక్స్‌లను పరిచయం చేయడానికి చేసిన ప్రయత్నాలు రెండూ విఫలమయ్యాయి. తిమింగలాలు, డాల్ఫిన్లు, సీల్స్, వాల్రస్లు, ధ్రువ ఎలుగుబంట్లు వంటి పదిహేను నుండి ఇరవై రకాల సముద్ర క్షీరదాలు ఉన్నాయి. [34] ఆర్కిటిక్ చార్ లిన్నెవాట్న్ లోను, ద్వీపంలోని ఇతర మంచినీటి సరస్సుల లోనూ నివసిస్తుంది.[35]
ధృవపు ఎలుగుబంట్లు స్పిట్స్బెర్గెన్ చిహ్నం. ఇక్కడి ప్రధాన పర్యాటక ఆకర్షణలలో ఇది ఒకటి. వాటిని సంరక్షించినప్పటికీ, స్థావరాల వెలుపల వెళ్లే వ్యక్తులు, అవి దాడి చేస్తే ఆత్మరక్షణ కోసం వాటిని చంపడానికి ఒక రైఫిల్‌ను తీసుకెళ్లాలి. స్పిట్స్బెర్గెన్ మిగిలిన స్వాల్బార్డ్, ఫ్రాంజ్ జోసెఫ్ ల్యాండ్‌తో ధ్రువ ఎలుగుబంటి జనాభాను పంచుకుంటుంది. స్వాల్బార్డ్ రెయిన్ డీర్ ( ఆర్. టరాండస్ ప్లాటిరిన్చస్ ) ఒక ప్రత్యేకమైన ఉప జాతి. ఇది గతంలో దాదాపు అంతరించిపోయినప్పటికీ, దానినీ, ఆర్కిటిక్ నక్కలనూ వేటాడడానికి అనుమతి ఉంది. [34]
స్పిట్స్‌బెర్గెన్‌లో దాదాపు ముప్పై రకాల పక్షులు కనిపిస్తాయి, వీటిలో ఎక్కువ భాగం వలస పక్షులు. ప్రపంచంలో అత్యధిక సముద్ర పక్షులు ఉన్న ప్రాంతాలలో బారెంట్స్ సముద్రం ఒకటి. వేసవి చివరిలో దాదాపు 20 మిలియన్లు ఇక్కడ చేరతాయి. వీటిలో అతి సాధారణమైనవి లిటిల్ ఆక్, నార్తర్న్ ఫుల్మార్, మందపాటి-బిల్డ్ ముర్రే, నల్ల కాళ్ళ కిట్టివాక్. IUCN రెడ్ లిస్ట్‌లో పదహారు జాతులు ఉన్నాయి. ముఖ్యంగా స్టోర్ఫ్‌జోర్డెన్, నార్డ్‌వెస్ట్-స్పిట్స్బెర్గెన్ సముద్ర పక్షులకు ముఖ్యమైన సంతానోత్పత్తి ప్రదేశం. ఆర్కిటిక్ టెర్న్ పక్షి అంటార్కిటికా వరకు అత్యంత దూరం వలస వెళుతుంది.[34] స్నో బంటింగ్, నార్తర్న్ వీటర్ అనే రెండు పాటల పక్షులు మాత్రమే సంతానోత్పత్తి కోసం స్పిట్స్‌బెర్గెన్‌కు వలస వెళ్తాయి. శీతాకాలం ఇక్కడ గడిపే ఏకైక పక్షి రాక్ ప్టార్మిగన్.
జురాసిక్ కాలం నాటి ప్లియోసారస్ ఫంకీ కి చెందిన రెండు పాక్షిక అస్థిపంజరాలను 2008 లో కనుగొన్నారు. ఇది ఇప్పటివరకు కనుగొనబడిన అతిపెద్ద మెసోజోయిక్ సముద్ర సరీసృపం - దాదాపు 15 మీ. (49 అ.) పొడవున్న ప్లియోసార్.[36] స్వాల్‌బార్డ్‌లో శాశ్వత మంచు, టండ్రాలు ఉన్నాయి. ఈ టండ్రాల్లో తక్కువ, మధ్య, అధిక ఆర్కిటిక్ వృక్షసంపద రెండూ ఉన్నాయి. ఈ ద్వీపసమూహంలో నూట అరవై ఐదు జాతుల మొక్కలు కనుగొనబడ్డాయి. [34] వేసవిలో మంచు కరిగిపోయే ప్రాంతాలలో మాత్రమే వృక్షసంపద ఉంటుంది. ఇస్ఫ్జోర్డెన్ చుట్టూ ఉన్న నార్డెన్‌స్కియోల్డ్ ల్యాండ్‌లో, గ్వానో ప్రభావం ఉన్న ప్రాంతాల్లో వృక్షసంపద ఎక్కువగా ఉంటుంది. ఇక్కడి అవపాతం తక్కువే అయినప్పటికీ, చల్లని వాతావరణంలో బాష్పీభవనం తక్కువగా ఉంటుంది కాబట్టి మొక్కలకు మంచి నీరు లభిస్తుంది. [34] పంటల కాలం చాలా తక్కువ -కొన్ని వారాలు మాత్రమే ఉండవచ్చు.
స్పిట్స్‌బెర్గెన్‌లో ఆరు జాతీయ ఉద్యానవనాలు ఉన్నాయి. అవి: ఇండ్రే విజ్‌డెఫ్‌జోర్డెన్, నార్డెన్‌స్కియోల్డ్ ల్యాండ్, నోర్డ్రే ఇస్ఫ్జోర్డెన్ ల్యాండ్, నార్డ్‌వెస్ట్-స్పిట్స్బెర్గెన్, సస్సెన్-బన్సో ల్యాండ్, సోర్-స్పిట్స్బెర్గెన్ . [37] ఈ ద్వీపంలో ఫెస్ట్నింగెన్ జియోటోప్ రక్షిత ప్రాంతం కూడా ఉంది; ఈశాన్య తీరంలో కొంత భాగం నోర్డాస్ట్-స్వాల్బార్డ్ నేచర్ రిజర్వ్‌లో భాగం.[38] 1946 కి ముందు నాటి అన్ని మానవ జాడలు ఆటోమాటిగ్గా రక్షించబడతాయి. యునెస్కో ప్రపంచ వారసత్వ ప్రదేశంగా నామినేషన్ కోసం నార్వే యొక్క తాత్కాలిక జాబితాలో స్వాల్బార్డ్ ఉంది.[39]
ఇవి కూడా చూడండి
[మార్చు]మూలాలు
[మార్చు]- ↑ Berulfsen, Bjarne (1969). Norsk Uttaleordbok (in నార్వేజియన్). Oslo: H. Aschehoug & Co (W Nygaard). pp. 301, 356.
- ↑ "In Search of Het Behouden Huys: A Survey of the Remains of the House of Willem Barentsz on Novaya Zemlya, LOUWRENS HACQUEBORD, p. 250" (PDF). Archived from the original (PDF) on 27 March 2009. Retrieved 10 September 2010.
- ↑ Jackson, Gordon (1978). The British Whaling Trade. Archon. ISBN 0-208-01757-7.
- ↑ "No Man's Land". CUP Archive. 1982.
- ↑ "Old World Auctions - Auction Lot Detail". Archived from the original on 10 August 2016. Retrieved 4 January 2019.
- ↑ "Archived copy". Archived from the original on 24 July 2011. Retrieved 2010-09-15.
{{cite web}}: CS1 maint: archived copy as title (link) - ↑ Hudson, Henry; Georg Michael Asher (1860). Henry Hudson the Navigator: The Original Documents in which His Career is Recorded, Collected, Partly Translated, and Annotated. London: Hakluyt Society. pp. clix–clx.
- ↑ "Svalbard Treaty". Wikisource. 9 February 1920. Retrieved 24 March 2010.
- ↑ "Svalbard Treaty". Governor of Svalbard. Archived from the original on 23 July 2011. Retrieved 24 March 2010.
- ↑ "5 The administration of Svalbard". Report No. 9 to the Storting (1999–2000): Svalbard. Norwegian Ministry of Justice and the Police. 29 October 1999. Retrieved 24 March 2010.
- ↑ "Lov om gjennomføring i norsk rett av hoveddelen i avtale om Det europeiske økonomiske samarbeidsområde (EØS) m.v. (EØS-loven)" (in నార్వేజియన్). Lovdata. 10 August 2007. Archived from the original on 10 December 2000. Retrieved 24 March 2010.
- ↑ 12.0 12.1 "Entry and residence". Governor of Svalbard. Archived from the original on 23 July 2011. Retrieved 24 March 2010.
- ↑ "Diplomatic and consular missions of Russia". Ministry of Foreign Affairs of Russia. Retrieved 24 March 2010.
- ↑ "Population in the settlements. Svalbard". Statistics Norway. 22 October 2009. Archived from the original on 28 July 2011. Retrieved 24 March 2010.
- ↑ "Non-Norwegian population in Longyearbyen, by nationality. Per 1 January. 2004 and 2005. Number of persons". Statistics Norway. Retrieved 24 March 2010.
- ↑ 16.0 16.1 16.2 16.3 16.4 "10 Longyearbyen og øvrige lokalsamfunn". St.meld. nr. 22 (2008–2009): Svalbard. Norwegian Ministry of Justice and the Police. 17 April 2009. Retrieved 24 March 2010.
- ↑ "Shops/services". Svalbard Reiseliv. Archived from the original on 12 April 2010. Retrieved 24 March 2010.
- ↑ "Attractions". Svalbard Reiseliv. Archived from the original on 25 January 2010. Retrieved 24 March 2010.
- ↑ 19.0 19.1 19.2 19.3 19.4 "9 Næringsvirksomhet". St.meld. nr. 22 (2008–2009): Svalbard. Norwegian Ministry of Justice and the Police. 17 April 2009. Retrieved 24 March 2010.
- ↑ "From the cradle, but not to the grave" (PDF). Statistics Norway. Retrieved 24 March 2010.
- ↑ "6 Administrasjon". St.meld. nr. 22 (2008–2009): Svalbard. Norwegian Ministry of Justice and the Police. 17 April 2009. Retrieved 24 March 2010.
- ↑ "Nord-Troms tingrett". Norwegian National Courts Administration. Retrieved 24 March 2010.
- ↑ "Ny-Ålesund". Kings Bay. Archived from the original on 10 March 2009. Retrieved 24 March 2010.
- ↑ "Focus on Svalbard". Statistics Norway. Archived from the original on 13 November 2011. Retrieved 24 March 2010.
- ↑ 25.0 25.1 "7 Industrial, mining and commercial activities". Report No. 9 to the Storting (1999–2000): Svalbard. Norwegian Ministry of Justice and the Police. 29 October 1999. Retrieved 24 March 2010.
- ↑ "Svalbard". World Fact Book. Central Intelligence Agency. 15 January 2010. Retrieved 24 March 2010.
- ↑ "8 Research and higher education". Report No. 9 to the Storting (1999–2000): Svalbard. Norwegian Ministry of Justice and the Police. 29 October 1999. Retrieved 24 March 2010.
- ↑ "Arctic science for global challenges". University Centre in Svalbard. Archived from the original on 6 February 2012. Retrieved 24 March 2010.
- ↑ Vincent, James (4 April 2017). "Keep your data safe from the apocalypse in an Arctic mineshaft". The Verge. Retrieved 13 August 2020.
- ↑ Linder, Courtney (15 November 2019). "Github Code - Storing Code for the Apocalypse". Popular Mechanics. Retrieved 13 August 2020.
- ↑ "Direkteruter" (in నార్వేజియన్). Avinor. Archived from the original on 2 March 2009. Retrieved 9 September 2009.
- ↑ "Charterflygning" (in నార్వేజియన్). Lufttransport. Retrieved 9 September 2009.
- ↑ "11 Sjø og luft – transport, sikkerhet, redning og beredskap". St.meld. nr. 22 (2008–2009): Svalbard. Norwegian Ministry of Justice and the Police. 17 April 2009. Retrieved 24 March 2010.
- ↑ 34.0 34.1 34.2 34.3 34.4 34.5 "Protected Areas in Svalbard" (in నార్వేజియన్). Norwegian Directorate for Nature Management. Archived from the original on 27 September 2011. Retrieved 24 March 2010.
- ↑ . "Characterizing neutral and adaptive genomic differentiation in a changing climate: The most northerly freshwater fish as a model".
- ↑ "Enormous Jurassic Sea Predator, Pliosaur, Discovered in Norway". Science Daily. 29 February 2008. Retrieved 24 March 2010.
- ↑ "Norges nasjonalparker" (in నార్వేజియన్). Norwegian Directorate for Nature Management. Archived from the original on 14 September 2010. Retrieved 24 March 2010.
- ↑ "Verneområder i Svalbard sortert på kommuner" (in నార్వేజియన్). Norwegian Directorate for Nature Management. Archived from the original on 24 August 2011. Retrieved 24 March 2010.
- ↑ "Svalbard". UNESCO. Retrieved 24 March 2010.
