హర్బన్స్ సింగ్ వాసిర్
| హర్బన్స్ సింగ్ వాసిర్ | |
|---|---|
| జననం | 1937 ఆగస్టు 13 భారతదేశం |
| మరణం | 2004 ఆగస్టు 23 న్యూ ఢిల్లీ |
| విశ్రాంతి ప్రదేశం | దయానంద్ ముక్తిధామ్ శ్మశానవాటిక 28°35′21″N 77°14′27″E / 28.58917°N 77.24083°E |
| వృత్తి | కార్డియాలజిస్ట్ |
| క్రియాశీలక సంవత్సరాలు | 1937 - 2004 |
| ప్రసిద్ధి | నివారణ హృద్రోగ శాస్త్రం (Preventive cardiology) |
| పురస్కారాలు | పద్మ భూషణ్ పురస్కారం (2000) పద్మశ్రీ పురస్కారం (1987) డా. బి.సి.రాయ్ అవార్డు ఇండియన్ కౌన్సిల్ ఫర్ మెడికల్ రీసెర్చ్ పరిశోధన అవార్డు |
హర్బన్స్ సింగ్ వాసిర్ (జననం 1937 ఆగస్టు 13), ఒక భారతీయ కార్డియాలజిస్ట్, వైద్య పరిశోధకుడు, రచయిత. ఆయన న్యూ ఢిల్లీలోని అఖిల భారత వైద్య విజ్ఞాన సంస్థలో కార్డియాలజీ విభాగం ప్రొఫెసర్, అధిపతి. అధిక రక్తపోటు, రుమాటిక్ గుండె వ్యాధుల రంగాలలో ఆయన చేసిన కృషికి ప్రసిద్ధి చెందాడు.[1] ఆయన వైద్య విభాగంలో అత్యున్నత భారతీయ పురస్కారం అయిన డాక్టర్ బి. సి. రాయ్ అవార్డు అందుకున్నాడు. భారత ప్రభుత్వం 1987లో ఆయనకు నాల్గవ అత్యున్నత పౌర పురస్కారం పద్మశ్రీ ప్రదానం చేసింది, ఆ తర్వాత 2000లో మూడవ అత్యున్నత పురస్కారం పద్మభూషణ్ కూడా అందుకున్నాడు.[2]
జీవితచరిత్ర
[మార్చు]1937 ఆగస్టు 13న జన్మించిన వాసిర్, ఢిల్లీలోని అఖిల భారత వైద్య విజ్ఞాన సంస్థ నుండి వైద్యశాస్త్రంలో పట్టభద్రుడయ్యాడు. 1965లో వైద్యశాస్త్రంలో ఎం.డి., 1969లో కార్డియాలజీలో డి.ఎమ్. అక్కడే పూర్తిచేసాడు.[3] అలాగే, అక్కడే తన కెరీర్ ప్రారంభించాడు, ముప్పై సంవత్సరాల పాటు కార్డియాలజీ విభాగానికి ప్రొఫెసర్ నుండి అధిపతిగా ఎదిగాడు. 1997లో సేవ నుండి పదవీ విరమణ చేసిన తరువాత, ఆయన ఢిల్లీలోని బాత్రా ఆసుపత్రిలో చేరాడు, అక్కడ 2004 ఆగస్టు 23న మరణించే వరకు పనిచేసాడు.[4] వాసిర్ భారత అధ్యక్షులలో నలుగురికి గౌరవ వైద్యుడిగా పనిచేసాడు. కార్డియోవాస్కులర్ డిసీజెస్ పై ప్రపంచ ఆరోగ్య సంస్థకు సలహాదారుగా ఉన్నాడు.[3] ప్రివెంటివ్ కార్డియాలజీ, ఏజింగ్ అండ్ హార్ట్ కేర్, హార్ట్ టు హార్ట్-ఎ హోలిస్టిక్ అప్రోచ్ టు హార్ట్ కేర్ వంటి అనేక పుస్తకాలు, హార్ట్ కేర్ లో సాంప్రదాయ జ్ఞానం, లైఫ్ స్టైల్స్ అండ్ లాంగ్విటీ అండ్ హార్ట్ కేర్ ఫర్ హోలిస్టిక్ హెల్త్, 4 వందలకి పైగా వైద్య పత్రాలు ఇలా అనేక పుస్తకాలను ప్రచురించాడు.[5][6][7][8] ఆయన భారతదేశం, విదేశాలలో కార్డియాలజీపై 350కి పైగా ఉపన్యాసాలు ఇచ్చాడు. స్వీడన్, బెల్జియం, రష్యాలలోని విశ్వవిద్యాలయాలలో విజిటింగ్ ప్రొఫెసర్ గా పనిచేసాడు.[9][3] ప్రపంచ ఆరోగ్య సంస్థలో విధుల్లో ఉన్న ఆయన మారిషస్, నేపాల్, భూటాన్లలో సలహాదారుగా పనిచేసాడు.
హర్బన్స్ సింగ్ వాసిర్ మెడికల్ కౌన్సిల్ ఆఫ్ ఇండియా నుండి డాక్టర్ బిసి రాయ్ అవార్డు, భారత ప్రభుత్వం నుండి రెండు పౌర పురస్కారాలు, 1987లో పద్మశ్రీ, 2000లో పద్మభూషణ్ అందుకున్నాడు. ఆయన ఇండియన్ కౌన్సిల్ ఫర్ మెడికల్ రీసెర్చ్, డిఎస్సి (మెడికల్ సైన్సెస్లో గౌరవప్రదమైనది) నుండి రీసెర్చ్ అవార్డును కూడా అందుకున్నాడు. ఆయన నేషనల్ అకాడమీ ఆఫ్ సైన్సెస్, ఇండియాకు ఫెలో.[3][10]
ఆయన స్త్రీ జననేంద్రియ నిపుణురాలు భూపేంద్ర కౌర్ ను వివాహం చేసుకున్నాడు. ఈ దంపతులకు ఇద్దరు కుమారులు ఉన్నారు.
మూలాలు
[మార్చు]- ↑ "Tribute". 2015. Retrieved 21 August 2015.
- ↑ "Padma Awards" (PDF). Ministry of Home Affairs, Government of India. 2015. Archived from the original (PDF) on 15 October 2015. Retrieved 21 July 2015.
- 1 2 3 4 S. S. Kothari (January 2005). "Obituary". Archived 2016-02-25 at the Wayback Machine
- ↑ "Dr H.S. Wasir passes away". The Tribune. 24 August 2004. Archived from the original on 29 June 2022. Retrieved 21 August 2015.
- ↑ Harbans Singh Wasir (1991). Preventive Cardiology: An Introduction. Vikas Publishing House. p. 409. ISBN 9780706961386.
- ↑ H. S. Wasir (1993). Aging and Heart Care. Vikas Publishing House. ISBN 978-0706965674.
- ↑ Harbans Singh Wasir (1995). Traditional Wisdom for Heart Care. Vikas Publishing House. p. 100. ISBN 9780706997392.
- ↑ Shyam Sunder Kothari (March 1994). "Thrombolytic therapy in infants and children".
- ↑ H.S. Wasir (2001). Heart Care for Holistic Health. Roli Books. p. 84. ISBN 9788174361189. Archived from the original on 5 March 2016. Retrieved 21 August 2015.
- ↑ "NASI Fellow". National Academy of Sciences, India. 2015. Archived from the original on 28 May 2015. Retrieved 21 August 2015.