హెరాల్డ్ లాయిడ్

వికీపీడియా నుండి
Jump to navigation Jump to search
హెరాల్డ్ లాయిడ్
1924లో లాయిడ్
జననంహెరాల్డ్ క్లేటన్ లాయడ్
(1893-04-20)1893 ఏప్రిల్ 20
బుచర్డ్, నెబ్రాస్కా, అమెరికా సంయుక్త రాష్ట్రాలు
మరణం1971 మార్చి 8(1971-03-08) (వయసు 77)
బెవర్లీ హిల్స్, కాలిఫోర్నియా, అమెరికా సంయుక్త రాష్ట్రాలు
విశ్రాంతి ప్రదేశంఫారెస్ట్ లాన్ మెమోరియల్ పార్క్
వృత్తి
  • నటుడు
  • కమెడియన్
  • నిర్మాత
  • స్టంట్ పెర్ఫార్మర్
క్రియాశీలక సంవత్సరాలు1913–1963
భార్య / భర్త
మిల్డ్రెడ్ డేవిస్
(m. 1923; died 1969)
పిల్లలుహెరాల్డ్ లాయిడ్ జూనియర్ సహా 3

హెరాల్డ్ క్లేటన్ లాయిడ్, సీనియర్ (ఏప్రిల్ 20, 1893– మార్చి 8, 1971) (అమెరికన్ ఉచ్చారణ ప్రకారం లాయ్‌డ్) ఒక అమెరికన్ నటుడు, హాస్యనటుడు, స్టంట్ పెర్ఫార్మర్. ఇతను అనేక అమెరికన్ నిశ్శబ్ద హాస్యచిత్రాల్లో నటించాడు.[1]

లాయిడ్ మూకీ చలనచిత్ర యుగంలో లాయిడ్ అత్యంత ప్రభావవంతమైన హాస్యనటుడు. ఈ విషయంలో బస్టర్ కీటన్, చార్లీ చాప్లిన్లకు ఇతను సమవుజ్జీ.[2] 1914 నుంచి 1947 మధ్యకాలంలో దాదాపు 200 పైచిలుకు హాస్య చిత్రాలు నిర్మించాడు. వీటిలో మూకీలతో పాటు టాకీలు కూడా ఉన్నాయి. అతని కృషికి, ప్రాధాన్యతకు గుర్తింపుగా ఆస్కార్ గౌరవ పురస్కారం (1953),[3] హాలీవుడ్ వాక్ ఆఫ్ ఫేమ్‌లో అతని పేరిట ఒక తారను ఏర్పాటుచేయడం[4] వంటి గౌరవాలు దక్కాయి.

లాయిడ్ బాల్యం అమెరికాలోని నెబ్రాస్కా రాష్ట్రంలో గడవగా తల్లిదండ్రులు విడాకుల వల్ల టీనేజీలోకి ప్రవేశిస్తూనే తండ్రితో కలసి కాలిఫోర్నియాలోని శాన్‌డియాగోకు వచ్చేశాడు.[5][6] అక్కడే అతనికి రంగస్థలంపై ఆసక్తి కలిగింది.[7]

1913 నుంచి ప్రయత్నాలు ప్రారంభించిన లాయిడ్ కొద్ది సంవత్సరాల పాటు సినిమాల్లో నిలదొక్కుకోవడానికి రకరకాల ప్రయత్నాలు చేశాడు.[8][9] చార్లీచాప్లిన్ స్ఫూర్తితో రూపొందించిన తన "లోన్‌సమ్ ల్యూక్" పాత్ర కొద్దిమేరకు విజయవంతం అయింది. అయితే, ఆ తర్వాత రూపొందించిన "గ్లాస్" లేదా "గ్లాసెస్" పాత్ర అతని కెరీర్‌ని మలుపుతిప్పింది.[10]"గ్లాసెస్ పాత్ర" ఉత్సాహవంతుడైన, అనుకున్న పనిని ఎలాగైనా సాధించే గో-గెటర్ తరహా పాత్ర. ఇది 1920ల నాటి అమెరికన్ సమాజం తాలూకు యుగలక్షణాన్ని ప్రతిబింబించే పాత్ర.[11][12][13]

సేఫ్టీలాస్ట్ సినిమాలో దృశ్యం

అతని సినిమాల్లో తరచుగా ఛేజ్‌లు, సాహసోపేతమైన ఫీట్లతో కూడిన థ్రిల్ కలిగించే సీక్వెన్సులు ఉండేవి. వీటన్నిటిలోకీ సేఫ్టీలాస్ట్ సినిమాలో వీధి గడియారం ముల్లు పట్టుకుని వేలాడున్న సన్నివేశం హాలీవుడ్ సినిమా చరిత్రలో ఐకానిక్ చిత్రాల్లో ఒకటిగా నిలిచిపోయింది.[14]

రోచ్ స్టూడియో కోసం 1919 ఆగస్టులో అడ్వర్టైజ్‌మెంట్ చేస్తున్నప్పుడు అతనికి ప్రమాదం జరిగింది. నిజమైన బాంబును సెట్ ప్రాపర్టీ అనుకుని సిగరెట్‌తో వెలిగించడం వల్ల జరిగిన ప్రమాదం వల్ల అతని కుడిచేతి బొటనవేలు, చూపుడువేలు కోల్పోయాడు.[15] తర్వాతి సినిమాల్లో చేతికి ఒక ప్రత్యేకమైన తొడుగు ఉపయోగించి తనకు వేళ్ళు లేవన్న సంగతి తెలియకుండా కవర్ చేసేవాడు.

హెరాల్డ్ లాయిడ్ తన సహనటి మిల్డ్రేడ్ డేవిస్‌ని 1923లో పెళ్ళిచేసుకున్నాడు.[16] ముగ్గురు పిల్లలు, వీరిలో హెరాల్డ్ క్లేటన్ లాయిడ్ జూనియర్ సినిమాల్లో నటించాడు.[17]

77 ఏళ్ళ వయసులో 1971 మార్చి 8న లాయిడ్ ప్రోస్ట్రేట్ క్యాన్సర్ కారణంగా మరణించాడు.[18]

మూలాలు[మార్చు]

  1. Obituary Variety, March 10, 1971, page 55.
  2. Chad (2019-10-25). "Harold Lloyd". Hollywood Walk of Fame (in అమెరికన్ ఇంగ్లీష్). Retrieved 2023-05-16.
  3. "The 25th Academy Awards (1953) Nominees and Winners". Oscars.org (Academy of Motion Picture Arts and Sciences). Archived from the original on July 6, 2011. Retrieved 2011-08-20.
  4. "Harold Lloyd | Hollywood Walk of Fame". www.walkoffame.com (in అమెరికన్ ఇంగ్లీష్). Retrieved June 27, 2017.
  5. Lloyd, Annette D'Agostino; D'Agostino, Annette M. (2004). The Harold Lloyd Encyclopedia (in ఇంగ్లీష్). McFarland. p. 190. ISBN 978-0-7864-1514-4.
  6. Wishart, David J. (January 1, 2004). Encyclopedia of the Great Plains (in ఇంగ్లీష్). U of Nebraska Press. p. 272. ISBN 978-0-8032-4787-1.
  7. Wynn, Neil A. (July 16, 2009). The A to Z from the Great War to the Great Depression (in ఇంగ్లీష్). Scarecrow Press. p. 174. ISBN 978-0-8108-6330-9.
  8. Albert, Lisa Rondinelli (2008). So You Want to Be a Film Or TV Actor? (in ఇంగ్లీష్). Enslow Publishers, Inc. p. 10. ISBN 978-0-7660-2741-1.
  9. Harold Lloyd with Wesley W. Stout, An American Comedy, Longmans, Green and Co., 1928; reprinted by Dover Publications, 1971, p. 44.
  10. "Harold Lloyd biography". haroldlloyd.com. Archived from the original on April 28, 2019. Retrieved November 12, 2013.
  11. Austerlitz, Saul (2010). Another Fine Mess: A History of American Film Comedy. Chicago, Illinois: Chicago Review Press. p. 28. ISBN 978-1569767634.
  12. D'Agostino Lloyd, Annette. "Why Harold Lloyd Is Important". haroldlloyd.com. Archived from the original on July 1, 2015. Retrieved November 12, 2013.
  13. Halley, Catherine (2019-09-12). "Harold Lloyd's Death-Defying Comedy". JSTOR Daily (in అమెరికన్ ఇంగ్లీష్). Retrieved 2023-05-16.
  14. Slide, Anthony (September 27, 2002). Silent Players: A Biographical and Autobiographical Study of 100 Silent Film Actors and Actresses. Lexington, Kentucky: University Press of Kentucky. p. 221. ISBN 978-0813122496.
  15. An American Comedy; Lloyd and Stout; 1928; page 129
  16. Los Angeles, California, County Marriages 1850-1952
  17. "Harold Lloyd Jr. Dies; Actor, Son of Comedy Star (Published 1971)". The New York Times. 10 June 1971. Retrieved 20 December 2020. (NYT Paid Archive)
  18. "Died". Time. March 22, 1971. Archived from the original on December 21, 2008. Retrieved June 8, 2008.