హైదరాబాద్ బ్రదర్స్
| హైదరాబాద్ బ్రదర్స్ | |
|---|---|
 | |
| వ్యక్తిగత సమాచారం | |
| జననం | యాకుత్ పురా, హైదరాబాద్, తెలంగాణ, భారతదేశం |
| సంగీత శైలి | కర్ణాటక సంగీత విద్వాంసులు, గాత్ర కళాకారులు, సంగీత ద్వయం |
హైదరాబాద్ బ్రదర్స్‌గా ప్రఖ్యాతులైన డి.రాఘవాచారి, డి.శేషాచారి కర్ణాటక సంగీత గాన ద్వయం.[1] భారతీయ శాస్త్రీయ కర్ణాటక సంగీతంలో సుప్రసిద్ధులైన గాత్రకళాకారుల ద్వయాలలో హైదరాబాద్ సోదరులు కూడా ఒకరు.[2] నగరంతో వారికున్న అనుబంధం వల్ల కర్ణాటక సంగీతంలో హైదరాబాద్ బ్రదర్స్ లేదా హైదరాబాద్ సోదరులుగా ప్రాచుర్యం పొందారు.[2]
పరంపర[మార్చు]
రాఘవాచారి, శేషాచారి సంప్రదాయ సంగీత విద్వాంసుల కుటుంబానికి చెందినవారు.[1] తండ్రి దరూర్ రత్నమాచార్యుల వద్ద వారు సరిగమలు నేర్చుకున్నారు. హైదరాబాద్ సోదరుల తల్లి దరూర్ సులోచనా దేవి కూడా కర్ణాటక సంగీత విద్వాంసురాలే.[1] తరచుగా శేషాచారి, రాఘవాచారిల తల్లిదండ్రులు సులోచనాదేవి, రత్నమాచార్యులు జంటగా యాదగిరిగుట్టలో సంగీత కచేరీలు చేసేవారు.[1] శేషాచారి, రాఘవాచారి కుటుంబం మొదట హయత్ నగర్కు చెందినది కాగా అనంతరకాలంలో కుటుంబం యాకుత్ పురాకు మారింది. అక్కడే శేషాచారి, రాఘవాచారి జన్మించారు.[1] రాఘవాచారి శ్రీ త్యాగరాజ ప్రభుత్వ సంగీత నృత్య కళాశాల, హైదరాబాద్‌లో సంగీతానికి సంబంధించిన లోతులు, మెళకువలు సుసర్ల శివరాం శిష్యత్వంలో నేర్చుకున్నారు.[1][2]
పురస్కారాలు[మార్చు]
- తెలంగాణ అవతరణ దినోత్సవం సందర్భంగా తెలంగాణ రాష్ట్ర ఆవిర్భావ పురస్కారాలు - 2015 అవార్డు - హైదరాబాద్, తెలంగాణ ప్రభుత్వం, 2015 జూన్ 2