45 (2026 సినిమా)
| 45 | |
|---|---|
| దర్శకత్వం | అర్జున్ జన్య |
| రచన | అర్జున్ జన్య |
| కథ | అనిల్ కుమార్ |
| నిర్మాత | ఎం. రమేష్ రెడ్డి |
| తారాగణం |
|
| ఛాయాగ్రహణం | సత్య హెగ్డే |
| కూర్పు | కె. ఎం. ప్రకాష్ |
| సంగీతం | అర్జున్ జన్య |
నిర్మాణ సంస్థ | సూరజ్ ప్రొడక్షన్స్ |
విడుదల తేదీ | 2026 జనవరి 1 |
సినిమా నిడివి | 144 నిమిషాలు |
| దేశం | భారతదేశం |
| భాష | కన్నడ |
| బాక్సాఫీసు | ₹16 కోట్లు |
45 అనేది 2026 జనవరి 1న తెలుగులో డబ్ అయి విడుదల అయిన కన్నడ భాషా ఫాంటసీ యాక్షన్ చిత్రం, ఇది సంగీత దర్శకుడు అర్జున్ జన్య దర్శకత్వం వహించిన తొలి చిత్రం.[1] సూరజ్ ప్రొడక్షన్స్ పతాకంపై ఎం. రమేష్ రెడ్డి నిర్మించిన ఈ చిత్రంలో కన్నడ పవర్స్టార్ శివ రాజ్కుమార్, ఉపేంద్ర, రాజ్ బి. శెట్టి, కౌస్తుభ మణి, జిషు సేన్గుప్తా నటించారు.[2] ఈ చిత్రానికి కథ అనిల్ కుమార్, అర్జున్ జన్యతో కలిపి రాసారు.[3]
ఈ చిత్రం గరుడ పురాణంలోని ఆత్మ ప్రయాణం, కర్మ సిద్ధాంతం ఆధారంగా రూపొందించబడింది. కెనడాకు చెందిన 'మార్జ్ (MARZ) స్టూడియో' ఈ చిత్రానికి విజువల్ ఎఫెక్ట్స్ (VFX) అందించింది.
కథ
[మార్చు]సాఫ్ట్వేర్ ఉద్యోగి అయిన వినయ్ (రాజ్ బి శెట్టి) ఓ కుక్క కారణంగా బైక్ యాక్సిడెంట్ అయి మరణించినట్లు కల వస్తుంటుంది. క్రమంగా అతడి కలలోని కొన్ని సన్నివేశాలు నిజమవుతుంటాయి. రోసీ అనే ఆ కుక్క రాయప్ప(ఉపేంద్ర) అనే డాన్కు చెందింది. ఆ కుక్కని తన తల్లిలా చూసుకుంటాడు రాయప్ప. తన కుక్క చావుకు కారణమైన వినయ్ను 45 రోజుల్లో చంపేస్తానంటూ రాయప్ప వార్నింగ్ ఇస్తాడు. రోజులు లెక్కపెట్టుకుంటున్న వినయ్ జీవితం అస్తవ్యస్తంగా మారుతుంది. ఈ క్రమంలో శివ(శివ రాజ్కుమార్) వినయ్ జీవితంలోకి వస్తాడు. వినయ్ జీవితాన్ని ముందుకు తీసుకెళ్లేందుకు శివ ప్రయత్నిస్తుంటాడు. ఇంతకీ ఈ శివ ఎవరు..? వినయ్కు ఎందుకు సాయం చేయాలనుకుంటాడు..? రాయప్ప వినయ్ను చంపేస్తాడా..? అనేది సినిమా కథ. [4]
నటీనటులు
[మార్చు]- శివ రాజ్కుమార్ - శివన్న
- ఉపేంద్ర - రాయప్ప
- రాజ్ బి. శెట్టి - వినయ్
- రాజేంద్రన్ - ముత్తు
- కౌస్తుభ మణి - మేఘన
- జిషు సేన్గుప్తా
- సుధారాణి (అతిథి పాత్రలో)
- ప్రమోద్ శెట్టి
సంగీతం
[మార్చు]ఈ చిత్రానికి అర్జున్ జన్య సంగీతాన్ని అందించారు. ఇందులో మొత్తం మూడు పాటలు ఉన్నాయి.
సంగీతాన్ని పూర్తిగా సమకూర్చినవారు: అర్జున్ జన్య.
| సం. | పాట | పాట రచయిత | గాయకులు | పాట నిడివి |
|---|---|---|---|---|
| 1. | "ఆఫ్రో టపాంగ్ (Afro Tapaang)" | ఎంసీ బిజ్జు | ఎంసీ బిజ్జు, నిషాన్ రాయ్ | 3:21 |
| 2. | "శివం శివం సనాతనం" | వి. నాగేంద్ర ప్రసాద్ | విజయ్ ప్రకాష్ | 4:08 |
| 3. | "45 ద అరైవల్ (45 The Arrival)" | రాహుల్ డిట్-ఓ | రాహుల్ డిట్-ఓ, రూసిక్, నిషాన్ రాయ్ | 2:39 |
| మొత్తం నిడివి: | 10:08 | |||
విడుదల
[మార్చు]ఈ చిత్రం 2025 డిసెంబర్ 25న క్రిస్మస్ కానుకగా కన్నడ, హిందీ లలో విడుదలైంది. 2026 జనవరి 1న తెలుగులో విడుదల అయింది. విమర్శకుల నుండి మిశ్రమ స్పందన లభించినప్పటికీ, అగ్ర నటుల నటన, వినూత్నమైన కథాంశం ప్రేక్షకులను ఆకట్టుకున్నాయి. డిజిటల్ - శాటిలైట్ హక్కులను జీ నెట్వర్క్ భారీ ధరకు దక్కించుకుంది.
మూలాలు
[మార్చు]- ↑ "ಫಿಲಾಸಫಿಕಲ್ ಎಂಟರ್ಟೇನರ್ '45' ಸಿನಿಮಾ; ಶಿವಣ್ಣ, ಉಪ್ಪಿ, ರಾಜ್ ಬಿ ಶೆಟ್ಟಿಗೆ ಅರ್ಜುನ್ ಜನ್ಯ ಡೈರೆಕ್ಷನ್". Vijay Karnataka (in కన్నడ). the original నుండి 2024-07-15 న ఆర్కైవు చెయ్యబడింది. ఒరిజినల్ పేజీని చూసిన తేదీ: 2025-12-18.
- ↑ Sharadhaa, A. (2022-07-11). "Shivarajkumar and Arjun Janya's film titled '45', says source". The New Indian Express (in ఇంగ్లీష్). ఒరిజినల్ నుండి 2024-07-15 న ఆర్కైవు చెయ్యబడింది. ఒరిజినల్ పేజీని చూసిన తేదీ: 2024-07-15.
- ↑ "Arjun Janya's directorial debut '45', starring Shivarajkumar, Upendra, and Raj B Shetty, goes on floors". The Hindu (in Indian English). 2023-04-27. ISSN 0971-751X. ఒరిజినల్ పేజీని చూసిన తేదీ: 2025-12-23.
- ↑ "Raj B. Shetty's 45 The Movie Review in Telugu | Shiva Rajkumar, Upendra" (in అమెరికన్ ఇంగ్లీష్). 2026-01-01. ఒరిజినల్ పేజీని చూసిన తేదీ: 2026-01-08.