ప్యూ రీసెర్చి సెంటర్
ప్యూ రీసెర్చ్ సెంటర్ అనేది వాషింగ్టన్, DC లో ఉన్న నిష్పక్షపాత అమెరికన్ థింక్ ట్యాంక్ (దానిని "ఫ్యాక్ట్ ట్యాంక్"గా పిలుచుకుంటారు)
ఇది యునైటెడ్ స్టేట్స్ను, ప్రపంచాన్నీ రూపు దిద్దే సామాజిక సమస్యలు, ప్రజాభిప్రాయం, జనాభా ధోరణులపై సమాచారం అందిస్తుంది. [1] ఇది ప్రజాభిప్రాయాన్ని సేకరిస్తుంది, జనాభా వివ్రాలను పరిశోధిస్తుంది, సెల్ ఫోన్, ల్యాండ్లైన్ నంబర్లపై ప్రజలకు యాదృచ్ఛికంగా కాల్ చేస్తుంది, [2] మీడియా కంటెంట్ విశ్లేషణ, ఇతర అనుభావిక సామాజిక శాస్త్ర పరిశోధనలను కూడా నిర్వహిస్తుంది.
ప్యూ రీసెర్చ్ సెంటర్ విధానపరమైన అభిప్రాయాలను పెట్టుకోదు. ఇది ప్యూ ఛారిటబుల్ ట్రస్ట్ల అనుబంధ సంస్థ . [3] [4]
చరిత్ర
[మార్చు]1990లో, టైమ్స్ మిర్రర్ కంపెనీ టైమ్స్ మిర్రర్ సెంటర్ ఫర్ ది పీపుల్ & ప్రెస్ అనే ఒక పరిశోధన ప్రాజెక్టును స్థాపించింది. రాజకీయాలు, విధానాలకు సంబంధించిన సర్వేలను నిర్వహించే పనిలో ఉండేది. ఆండ్రూ కోహుట్ 1993లో దానికి డైరెక్టరయ్యాడు. 1996లో ది ప్యూ ఛారిటబుల్ ట్రస్ట్లు దానికి ప్రాథమిక స్పాన్సర్గా మారాయి. దీని పేరును ప్యూ రీసెర్చ్ సెంటర్ ఫర్ ది పీపుల్ & ప్రెస్గా మార్చారు. [5]
2004 లో ట్రస్టు, వాషింగ్టన్లో ప్యూ రీసెర్చ్ సెంటర్ను స్థాపించింది. 2013 లో కోహుట్ అధ్యక్షుడిగా వైదొలిగి, వ్యవస్థాపక డైరెక్టరయ్యాడు. అలాన్ ముర్రే కేంద్రానికి రెండవ అధ్యక్షుడయ్యాడు. [6] 2014 అక్టోబరులో ప్యూ రీసెర్చ్ సెంటర్లో 14 ఏళ్ల అనుభవజ్ఞుడైన మైఖేల్ డిమోక్ అధ్యక్షుడిగా ఎంపికయ్యాడు. [7]
నిధులు
[మార్చు]ప్యూ రీసెర్చ్ సెంటర్ అనేది లాభాపేక్ష రహిత, పన్ను మినహాయింపు 501(సి)(3) సంస్థ. దానికి ప్రాథమిక నిధులు అందించే ది ప్యూ ఛారిటబుల్ ట్రస్ట్లకు ఇది అనుబంధ సంస్థ. [4] [8] ప్రపంచంలోని మతాల జనాభాపై అది చేసే అధ్యయనాల కోసం, ప్యూ రీసెర్చ్ సెంటర్కు టెంపుల్టన్ ఫౌండేషన్ సంయుక్తంగా నిధులు సమకూరుస్తుంది. [9] [10]
పరిశోధనా రంగాలు
[మార్చు]
కేంద్రం కింది అంశాలపై పరిశోధన చేస్తుంది: [1] [11]
- అమెరికా రాజకీయాలు, విధానం
- జర్నలిజం, మీడియా
- ఇంటర్నెట్, సాంకేతికత
- సైన్స్, సమాజం
- జాతి, జాతి
- మతం, ప్రజా జీవితం
- గ్లోబల్ వైఖరులు, పోకడలు
- అమెరికా సామాజిక, జనాభా ధోరణులు
నివేదికలు
[మార్చు]ప్యూ రీసెర్చ్ సెంటర్లోని పరిశోధకులు ఏటా పబ్లిక్గా అందుబాటులో ఉన్న సమాచారాన్ని, ప్రచురణలనూ జల్లెడ పడతారు. [12] [13] ప్యూ రీసెర్చ్ సెంటర్ ప్యూ-టెంపుల్టన్ గ్లోబల్ రిలిజియస్ ఫ్యూచర్స్ ప్రాజెక్ట్లో భాగంగా మతంపై ప్రపంచంలో ఉన్న పరిమితులపై తన 10వ వార్షిక నివేదికను విడుదల చేసింది. దీనికి ది ప్యూ ఛారిటబుల్ ట్రస్ట్లు, జాన్ టెంపుల్టన్ ఫౌండేషన్ లు నిధులు సమకూర్చాయి. వార్షిక నివేదిక ప్రచురణకు 18 నెలల నుండి రెండు సంవత్సరాల ముందు జరిగిన సంఘటనలను పరిశీలించింది. మునుపటి నివేదికలు సంవత్సరానికి సంబంధించిన మార్పుపై దృష్టి కేంద్రీకరించినప్పటికీ, ఈ నివేదిక మాత్రం నిర్దిష్ట ప్రాంతాలలో, 198 దేశాలు, భూభాగాల్లోని పోకడలపై విస్తృత రూపాన్ని అందించింది. 2007 నుండి 2017 వరకు మతంపై ప్రభుత్వాల ఆంక్షలు, మతపరమైన సామాజిక శత్రుత్వాలు ఎలా మారాయి, ఎలా పెరిగాయి అనే విషయాన్ని నివేదికలో చూపింది. 52 ప్రభుత్వాలు మతంపై అధిక స్థాయి ఆంక్షలు విధించాయి, 2007లో ఇది 40 గా మాత్రమే ఉండేది. 2007లో 38 దేశాల్లో మతపరమైన సామాజిక ఘర్షణలు జరగ్గా, 2017 లో అది 56 కు చేరింది. నివేదిక ప్రకారం, మత స్వేచ్ఛను పరిమితం చేసే చట్టాలు విధానాలు మత సమూహాలకు ప్రభుత్వ అనుకూలత అనే రెండు రకాల ఆంక్షలు అత్యంత ప్రబలంగా ఉన్నాయి. ప్రపంచవ్యాప్తంగా మతపరమైన ఆంక్షలు పెరుగుతున్నాయని, అయితే అన్ని భౌగోళిక ప్రాంతాలు లేదా అన్ని రకాల ఆంక్షలు అంత సమానంగా లేవని పోకడలు సూచిస్తున్నాయి. [14] [15]
మూలాలు
[మార్చు]- 1 2 Pew Research Center (n.d.). "About Pew Research Center". ఒరిజినల్ పేజీని చూసిన తేదీ: June 16, 2021.
- ↑ "Our survey methodology in detail". Pew Research Center Methods (in అమెరికన్ ఇంగ్లీష్). the original నుండి 2021-03-01 న ఆర్కైవు చెయ్యబడింది. ఒరిజినల్ పేజీని చూసిన తేదీ: 2021-03-26.
- ↑ Lesley, Alison (May 18, 2015). "Pew Research Finds Jews & Hindus are More Educated & Richer". World Religion News. ఒరిజినల్ పేజీని చూసిన తేదీ: December 28, 2015.
- 1 2 "Company Overview of The Pew Charitable Trusts". Bloomberg L.P. December 29, 2015. ఒరిజినల్ పేజీని చూసిన తేదీ: December 29, 2015.
- ↑ "Our History". Pew Research Center. ఒరిజినల్ పేజీని చూసిన తేదీ: February 21, 2016.
- ↑ Memmott, Mark (November 2, 2012). "Alan Murray Of 'The Wall Street Journal' Named Pew Research Center's President". National Public Radio. ఒరిజినల్ పేజీని చూసిన తేదీ: December 28, 2015.
- ↑ Massella, Nick (October 14, 2014). "Michael Dimock Named President of Pew Research Center". FishbowlDC. ఒరిజినల్ పేజీని చూసిన తేదీ: December 28, 2015.
- ↑ "Company Overview of The Pew Charitable Trusts". 501c3Lookup.org. ఒరిజినల్ పేజీని చూసిన తేదీ: December 29, 2015.
- ↑ "The Global Religious Landscape: A Report on the Size and Distribution of the World's Major Religious Groups as of 2010" (PDF). Pew Research Center. December 2012. p. 7.
This effort is part of the Pew-Templeton Global Religious Futures project, which analyzes religious change and its impact on societies around the world. The project is jointly and generously funded by The Pew Charitable Trusts and the John Templeton Foundation
- ↑ "Pew-Templeton Global Religious Futures Project". Pew Research Center.
- ↑ Pew Research Center (n.d.). "Research Topics". ఒరిజినల్ పేజీని చూసిన తేదీ: June 16, 2021.
- ↑ "Archive: State of the News Media". Pew Research Center's Journalism Project (in అమెరికన్ ఇంగ్లీష్). 2019-06-25. the original నుండి 2021-02-24 న ఆర్కైవు చెయ్యబడింది. ఒరిజినల్ పేజీని చూసిన తేదీ: 2021-02-16.
- ↑ "How Religious Restrictions Have Risen Around the World". Pew Research Center's Religion & Public Life Project (in అమెరికన్ ఇంగ్లీష్). 2019-07-15. ఒరిజినల్ పేజీని చూసిన తేదీ: 2021-02-16.
- ↑ "Religion restrictions increase". The Columbian (in ఇంగ్లీష్). 2019-07-20. ఒరిజినల్ పేజీని చూసిన తేదీ: 2019-07-25.
- ↑ "How Religious Restrictions Have Risen Around the World". Pew Research Center (in అమెరికన్ ఇంగ్లీష్). 2019-07-15. ఒరిజినల్ పేజీని చూసిన తేదీ: 2019-07-25.