గీతాంజలి చైతన్య
గీతాంజలి చైతన్య | |
|---|---|
 | |
| జననం | మే 18, 1999 |
| వృత్తి | సినిమా, టెలివిజన్ నటి |
| తల్లిదండ్రులు | లోకేశ్వర్, అరుణ |
గీతాంజలి చైతన్య తెలుగు సినిమా, టెలివిజన్ నటి. బాలనటిగా సినిమాలలో నటించిన గీతాంజలి, టీవి సీరియళ్ళలో నటిస్తోంది.
జననం - విద్యాభ్యాసం[మార్చు]
గీతాంజలి 1999, మే 18న లోకేశ్వర్, అరుణ దంపతులకు హైదరాబాదులో జన్మించింది. లోకేశ్వర్ బ్యాంక్‌ ఉద్యోగి, అరుణ గృహిణి. వైజాగ్ నుండి వచ్చి హైదరాబాదులో స్థిరపడ్డారు. దూరవిద్య ద్వారా డిగ్రీ పూర్తి చేసింది. కూచిపూడి నృత్యంలో శిక్షణ పొందింది.[1]
సినిమారంగం[మార్చు]
నటనపై ఆసక్తివున్న గీతాంజలి బాలనటిగా సినీ పరిశ్రమకు పరిచయమయి, మహాత్మ, మొగుడు, ఉయ్యాలా జంపాల, రేసుగుర్రం సినిమాల్లో బాలనటిగా చేసింది. భానుచందర్ కుమారుడు నటించిన మిక్సర్ పొట్లం సినిమలో హీరోయిన్ గా నటించింది. కానీ, ఆ సినిమా విడుదలకాలేదు.
టీవిరంగం[మార్చు]
అమెరికా అమ్మాయి, వరూధిని పరిణయం టీవీ సీరియల్స్‌లోనూ బాలనటిగా చేసిన గీతాంజలి, జెమినీ టీవీలో వచ్చిన అగ్నిపూలు సీరియల్‌లో తొలిసారిగా ప్రధానపాత్రలో నటించింది. ఆ తరువాత సూర్యవంశం, రామ సక్కని సీత సీరియళ్ళలో నటించింది.[2]
మూలాలు[మార్చు]
- ↑ సాక్షి, ఫ్యామిలీ (29 May 2019). "సంప్రదాయ సిరి". Sakshi. జి. నిర్మలారెడ్డి. Archived from the original on 6 ఏప్రిల్ 2020. Retrieved 30 April 2020.
- ↑ హోమ్లీ క్యారెక్టర్స్ ఇష్టం, వెలుగు, దర్వాజ (ఆదివారం సంచిక), నిఖిత నెల్లుట్ల, 5 మే 2019, పుట.14-15.