రవళి

రవళి
జననం	ఫిబ్రవరి 28 ?? గుడివాడ, ఆంధ్రప్రదేశ్, ఇండియా
ఇతర పేర్లు	రవళి రామకృష్ణ, అప్సర,శైలజ
వృత్తి	సినిమా నటీమణి, మోడల్
క్రియాశీల సంవత్సరాలు	1994–ప్రస్తుతం వరకు
జీవిత భాగస్వామి	నీలికృష్ణ

రవళి (జ. ఫిబ్రవరి 28, ??) 1990వ దశకములో ప్రసిద్ధి చెందిన తమిళ, తెలుగు సినిమా నటి యొక్క వెండితెర పేరు. గుడివాడలో పుట్టిన ఈమె ప్రస్తుతం తన తల్లితండ్రులు, ధర్మారావు, విజయదుర్గలతో చెన్నైలో నివసిస్తుంది. ఈమె ఇ.వి.వి.సత్యనారాయణ దర్శకత్వము వహించిన ఆలీబాబా అరడజను దొంగలు సినిమాతో చిత్రరంగములో ప్రవేశించినది. పెళ్లి సందడి సినిమాతో మంచి పేరు తెచ్చుకున్నది. ఆ సినిమాలో రవళిపై చిత్రీకరించిన "మా పెరటి చెట్టుపైనున్న జాంపండు" పాట బాగా ప్రసిద్ధి చెందింది. వెండితెరకు శైలజగా పరిచయమైన రవళి, ఆ తరువాత అప్సరగానూ, ఆపై రవళిగానూ అదృష్టం కోసమై పేరు మార్చుకున్నది. ఈమె ఒరేయ్ రిక్షా, పెళ్లి సందడి, శుభాకాంక్షలు, వినోదం వంటి విజయవంతమైన చిత్రాలలో నటించినా తెలుగు సినిమా రంగంలో కొంతకాలం తర్వాత ఈమెకు అవకాశాలు రాలేదు

తెలుగు సినిమాలలో అవకాశాలు రాక రవళి కన్నడ, తమిళ మరియు హిందీ సినిమాలలో నటించింది. మిథున్ చక్రవర్తి ఈమెను మర్ద్ సినిమా ద్వారా హిందీ చిత్ర రంగానికి పరిచయం చేశాడు. కన్నడంలో శివ రాజ్‌కుమార్ సరసన గడబిడ కృష్ణలో, జగ్గేష్ సరసన వీరన్న మరియు కుబేర సినిమాలలో, సుమన్ సరసన బిల్లా-రంగా సినిమాలో నటించింది. తమిళంలో రవళి సత్యరాజ్, అర్జున్ మరియు విజయకాంత్ లతో సినిమాలు చేసింది. ఆ తరువాత కొన్నాళ్ళు టీ.వీ సీరియళ్లలో నటించింది. వీటిలో ముఖ్యమైనవి జెమినీ టివీలో ప్రసారమైన నమో వేంకటేశ ఒకటి. 2007 మే 9న హైదరాబాదుకు చెందిన సాఫ్ట్వేర్ ఇంజనీరు మరియు వ్యాపారి అయిన నీలకృష్ణను పెద్దలు కుదిర్చిన పెళ్ళి చేసుకుని హైదరాబాదులో స్థిరపడింది. 2008 మే 29న ఈ దంపతులకు ఒక ఆడపిల్ల పుట్టింది. 2009 ఎన్నికల సందర్భంగా రవళి తెలుగుదేశం పార్టీలో చేరి పార్టీ తరఫున ఎన్నికల ప్రచారంలో పాల్గొన్నది.

ఇతర విశేషాలు

• రవళి సోదరి హరిత ప్రముఖ తెలుగు టి.వీ నటి. ఈమె అనేక తెలుగు టీవీ ధారావాహికల్లో నటించి పేరుతెచ్చుకున్నది.

వ్యక్తిగత జీవితం

రవళి మే 9 2007 న హైదరాబాద్ నందలి శతత్ ఫంక్షన్ హాల్ నందు "నీలికృష్ణ" ను వివాహం చేసుకుంది. ఆతర్వాత తన రిటైర్మెంట్ ను ప్రకటించింది She gave birth to a baby girl in May 2008.

నటించిన సినిమాలు

సంవత్సర	సినిమా	పాత్ర	భాష	నోట్సు
1994	ఆలీబాబా అరడజను దొంగలు		తెలుగు
1995	రియల్ హీరో		తెలుగు
	తిరుమూర్తి		తమిళం
	గాంధీ పిరంత మన్		తమిళం
1996	వినోదం		తెలుగు
1996	పెళ్ళి సందడి		తెలుగు
	రాముడొచ్చాడు		తెలుగు
1997	పెరియా మానుషన్		తమిళం
	అభిమన్యు		తమిళం
	శుభాకాంక్షలు		తెలుగు
1998	మర్డ్		హిందీ
	కడిబిడి కృష్ణ		కన్నడం
1999	కుబేరా	ఐశ్వర్య	కన్నడం
2000	కరిసక్కట్టు పూవె	నాగమణి	తమిళం
	నిన్నే ప్రేమిస్తా		తెలుగు
	నాగలింగం		తమిళం
	ఉన్నై కన్ తెడుదై		తమిళం
2002	పదవి వీట్టు అమ్మన్		తమిళం
2003	అంబు తొల్లై	Chinnathayi	తమిళం
2005	వీరన్న		కన్నడం
2006	స్టాలిన్		తెలుగు