ఆర్తీ అగర్వాల్

ఆర్తీ అగర్వాల్
జననం	(1984-03-05) 1984 మార్చి 5 అమెరికాలోని అట్లాంటిక్ సిటీ న్యూజెర్సీ
మరణం	జూన్ 6, 2015 అమెరికాలోని అట్లాంటిక్ సిటీ న్యూజెర్సీ
జీవిత భాగస్వామి	ఉజ్వల్ కుమార్

ఆర్తీ అగర్వాల్ (మార్చి 5, 1984 - జూన్ 6, 2015) తెలుగు సినిమా నటీమణి.

జననం

అమెరికాలో స్థిర పడిన ఒక గుజరాతీ కుటుంబములో న్యూజెర్సీ లో జన్మించింది. పెరిగిన ఈమె 16 యేళ్ల వయసులో 2001 లో విడుదలైన హిందీ చిత్రము పాగల్‌పన్ తో భారతీయ సినిమాలలో అడుగుపెట్టింది.

సినీరంగ ప్రవేశం

14 సంవత్సరాల వయసులో మొదట మోడలింగ్‌రంగంలోకి ప్రవేశించింది. ఫిలడెల్ఫియా లోని ఓ స్టేజ్‌ షోలో డాన్స్ చేయడానికి హీరో సునీల్‌శెట్టి ఆమెను ఆహ్వానించారు. ఆ కార్యక్రమానికి బిగ్‌ బీ అమితాబ్ బచ్చన్ ముఖ్య అతిథిగా హాజరయ్యారు. ఆ కార్యక్రమంలో ఆర్తీ అగర్వాల్‌ డాన్స్ చూసి ముచ్చటపడిన బిగ్‌ బీ, ఆమెను బాలీవుడ్‌లో యాక్ట్ చేయడానికి ప్రోత్సహించారు. తను భవిష్యత్‌లో మంచి నటి అవగలదని, ఆర్తీ తండ్రిని ఒప్పించి, బాలీవుడ్‌లో పాగల్‌పాన్‌ సినిమాలో అవకాశం ఇప్పించారు. ఈ సినిమాలో ఆర్తీ అద్భుతంగా నటించి, అందరి మెప్పు పొందింది.

తెలుగు సినిమాల్లోకి

ప్రముఖ నిర్మాత డి.సురేష్ బాబు నిర్మించిన నువ్వు నాకు నచ్చావ్ చిత్రం ద్వారా తెలుగు సినీరంగానికి కథానాయికగా పరిచయమయింది. ఈ చిత్రంలో కథానాయకుడు వెంకటేష్. ఆ సినిమా ఘన విజయం సాధించి ఆమెకి తెలుగులో మంచి గుర్తింపు తెచ్చింది. తెలుగు సినీరంగంలో 2000 దశకంలో అగ్ర కథానాయకులుగా భావించబడిన చిరంజీవి, వెంకటేష్, బాలకృష్ణ మరియు నాగార్జున ల సరసన నటిండమ కాక యువతరం కథానాయకులైన మహేష్ బాబు, జూనియర్ ఎన్టీయార్, ప్రభాస్, రవితేజ,ఉదయ్ కిరణ్, తరుణ్ లతో నటించిన ఘనత ఆర్తీకి దక్కింది. బి.గోపాల్ దర్శకత్వంలో వరుసగా నాలుగు సినిమాలలో నటించింది (చివరిది అతిధి పాత్ర). వెంకటేష్ సరసన నటించిన మూడు చిత్రాలు నువ్వు నాకు నచ్చావ్, వసంతం, సంక్రాంతి ఘనవిజయం సాధించాయి.

చిరంజీవి తో ఆమె నటించిన ఇంద్ర చిత్రం ఆర్తిని అగ్రతారగా నిలబెట్టింది. ప్రిన్స్ మహేష్‌తో బాబీ.. బాలయ్యతో పల్నాటి బ్రహ్మ నాయుడు.. విక్టరీ వెంకటేష్‌తో వసంతం.. రవితేజతో వీడే.. నాగార్జునతో నేనున్నాను.. ప్రభాస్‌తో అడవిరాముడు.. జూనియర్ ఎన్టీఆర్‌తో నరసింహుడు.. సునీల్‌తో అందాలరాముడు, రాజశేఖర్ తో గోరింటాకు, వేణు తో దీపావళి, జెంటిల్‌మెన్‌ తదితర చిత్రాలు ఆమెను తెలుగు ప్రేక్షకులకు మరింత చేరువ చేశాయి.

ఇతర భాష సినిమాలు

తమిళనాట కూడా ఆర్తీ తెరంగ్రేటం చేసి, బంబ్రా కన్నాలై చిత్రంతో తమిళ అభిమానులను సంపాదించుకుంది. అలరించింది. ఇలా తెలుగు, హిందీ, తమిళం చిత్రాల్లో నటించి అలరించింది.

వ్యక్తిగత జీవితము

ఆర్తీ అగర్వాల్ అనుమానాస్పద పరిస్థితుల్లో మెట్లపై నుండి జారిపడి ఆర్తి ఆసుపత్రి పాలైంది. 2005లో క్లీనింగ్ కెమికల్ త్రాగి ఆత్మహత్యా ప్రయత్నం చేసింది. పోలీసులకిచ్చిన వాంగ్మూలంలో యువహీరో తరుణ్‌ తో సంబంధం ఉన్నట్టుగా వస్తున్న వదంతులతో విసిగి ఆ పని చేసినట్టు ఆర్తీ చెప్పింది. 2007 నవంబర్ 22 న ఆర్తీ రాణీగంజ్‌లోని ఆర్యసమాజంలో న్యూజెర్సీకి చెందిన గుజరాతీ ప్రవాసభారతీయుడు ఉజ్జ్వల్ కుమార్ ను వివాహమాడింది. వ్యక్తిగత కారణాలతో విడాకులు తీసుకున్నారు. వివాహం తర్వాత అమెరికాలో కొంతకాలం ఉండి తిరిగి తెలుగు సినిమా రంగంలో రెండవ అంకాన్ని ప్రారంభించడానికి వచ్చింది. ఆర్తీ చెల్లెలు అదితి కూడా తెలుగు సినిమాలలో నటిగా అల్లు అర్జున్ చిత్రం గంగోత్రి తో పరిచయమైంది.

మరణం

గత కొంతకాలంగా స్థూలకాయం, శ్వాసకోస సమస్యలతో బాధపడుతున్న ఆర్తీ చికిత్సకోసం అమెరికా వెళ్లి అక్కడే చికిత్స తీసుకున్నది. జూన్ 4, 2015న అమెరికాలోని అట్లాంటిక్ సిటీలో లైపోసక్షన్ సర్జరీ చేయించుకుంది. చికిత్స వికటించడంతో గుండెపోటు వచ్చి ఇన్ ఫెక్షన్ తలెత్తడంతో అనూహ్యంగా జూన్ 6, 2015 న కన్ను మూసింది.

కారణం హీరోయిన్ ఓరియెంటెడ్ "జంక్షన్‌లో జయమాలిని" చిత్రం కోసం బరువు తగ్గడానికి ఆర్తి చేసిన ప్రయత్నమే ఆమె ప్రాణాలమీదకు తెచ్చింది. ఈ సినిమాలో డ్యూయెల్ రోల్‌ ఉండగా, ఒక పాత్రలో మాస్ ఇమేజ్ కోసం ఆర్తి వెయిట్ తగ్గాల్సివచ్చింది. అప్పటికి 89 కేజీల బరువున్న ఆర్తి 63 కేజీలకు తగ్గింది. మరో మూడు కేజీల బరువు తగ్గడం కోసం లైపో సెక్షన్ చేయించుకోవడానికి ఆమె తన జన్మస్థలమైన అమెరికాలోని న్యూజెర్సీ నగరానికి వెళ్లింది.

నటించిన చలన చిత్రాలు

తెలుగు

• రణం 2 (2015)
• వనకన్య వండర్ వీరుడు (2011)
• బ్రహ్మలోకం టు యమలోకం వయా భూలోకం (2010) (దేవ వేశ్య)
• నవ వసంతం
• అందాల రాముడు (2006 సినిమా) (2006)
• ఛత్రపతి (ప్రత్యేక గీతము) (2005)
• సోగ్గాడు (2005)
• సంక్రాంతి(2005)
• ఛత్రపతి (ప్రత్యేక నృత్యం)
• అడవి రాముడు (2004 సినిమా) (2004)
• నేనున్నాను (2004)
• వీడే (2003)
• వసంతం (2003)
• పలనాటి బ్రహ్మనాయుడు (2003)
• బాబి (2002)
• నీ స్నేహం (2002)
• ఇంద్ర (2002)
• నరసింహుడు (ప్రత్యేక నృత్యం)
• అల్లరి రాముడు (2002)
• నువ్వు లేక నేను లేను (2001)
• నువ్వు నాకు నచ్చావ్ (2001)

హింది

• పాగల్ పన్ (2001)

బయటి లింకులు

• ఆర్తీ అగర్వాల్ ఇంటర్వ్యూ