ప్రభాస్

ఉప్పలపాటి ప్రభాస్ రాజు
బాహుబలి సినిమా ప్రచారానికై పాత్రికేయుల సమావేశంలో పాల్గొన్న ప్రభాస్
జననం	ఉప్పలపాటి ప్రభాస్ రాజు (1979-10-23) 1979 అక్టోబరు 23/ 1979 , అక్టోబరు 23 మద్రాసు, తమిళనాడు, భారతదేశం
ఇతర పేర్లు	డార్లింగ్
వృత్తి	నటుడు
క్రియాశీల సంవత్సరాలు	2002–ఇప్పటివరకు
ఎత్తు	6'2
తల్లిదండ్రులు	సూర్యనారాయణా రాజు శివ కుమారి
వెబ్‌సైటు	http://www.darlingprabhas.com

ఉప్పలపాటి ప్రభాస్ రాజు ఒక తెలుగు నటుడు. ఇతడు "ప్రభాస్" గా సుపరిచితుడు. ఇతను ప్రముఖ నటుడు కృష్ణంరాజు సోదరుని కుమారుడు. ఇతను తెలుగు సినీ నటులలో ఒకడైన పొడుగువానిగా మరియు అందగాడు చెప్పుకోవచ్చు. ఈశ్వర్ సినిమాతో తెరంగేట్రం చేసిన ప్రభాస్ ఆ తర్వాత వర్షం, ఛత్రపతి, బిల్లా, డార్లింగ్, మిస్టర్ పర్‌ఫెక్ట్, మిర్చి వంటి సినిమాల్లో నటించి తనకంటు తెలుగు సినీ పరిశ్రమలో ఒక స్థానం ఏర్పరుచుకున్నాడు.

వ్యక్తిగత జీవితం

ప్రభాస్ ఉప్పలపాటి సూర్యనారాయణరాజు మరియు శివ కుమారి దంపతులకు అక్టోబర్ 23, 1979 తేదీన జన్మించాడు. పశ్చిమ గోదావరి జిల్లా లోని మొగల్తూరు తన కుటుంబ స్వగ్రామం. తన తల్లితండ్రులకు ఉన్న సంతానంలో రెండోవాడు. అక్టోబర్ 23, 1979 న జన్మించారు. అతనికి ఒక సోదరుడు ప్రబోధ్, మరియు ఒక చెల్లెలు ప్రగతి ఉన్నారు. ఇతను ప్రముఖ నటుడు కృష్ణంరాజు సోదరుని కుమారుడు. ప్రముఖ నటులు గొపిచంద్, అల్లు అర్జున్, రానా దగ్గుబాటి, మంచు మనోజ్ కుమార్ ప్రభాస్ కు మంచి స్నేహితులు.

సినీ జీవితం

2001లో ఈశ్వర్ సినిమాతో ప్రభాస్ తెరంగేట్రం చేసాడు. ఈ సినిమా ప్రముఖ నటుడు విజయ్ కుమార్ కుమార్తె శ్రీదేవికి కూడా తెలుగులో ఇది తొలి సినిమా. ఈ సినిమా విజయం సాధించినా ఆ తర్వాత 2003లో విడుదలైన రాఘవేంద్ర సినిమా పరాజయం పాలైంది. 2004లో త్రిష సరసన నటించిన వర్షం సినిమా ప్రభాస్ కు మంచి పేరు ప్రఖ్యాతలను సంపాదించింది. ఆ తర్వాత ప్రభాస్ అడవి రాముడు, చక్రం సినిమాల్లో నటించాడు. ఈ సినిమాల ద్వారా ప్రభాస్ కు నటుడిగా మంచి గుర్తింపు లభించినా పరాజయం పాలయ్యాయి. 2005లో ఎస్. ఎస్. రాజమౌళి దర్శకత్వంలో ప్రభాస్ శ్రియా సరసన ఛత్రపతి సినిమాలో నటించాడు. ఈ సినిమా భారీ విజయాన్ని సాధించి ప్రభాస్ ను తెలుగులో ఒక ప్రముఖ నటుడిగా నిలబట్టింది. కానీ ఆ తర్వాత విడుదలైన పౌర్ణమి, యోగి సినిమాలు పరాజయం చెందాయి. ఆ తర్వాత ప్రభాస్ ఇలియానా సరసన పైడిపల్లి వంశీ దర్శకత్వంలో మున్నా సినిమాలో నటించాడు. ఈ సినిమా కూడా భారీ విజయాన్ని అందుకుంది. 2008లో పూరీ జగన్నాధ్ దర్శకత్వంలో త్రిష సరసన తన కెరియర్ లో రెండో సారి బుజ్జిగాడు సినిమాలో నటించాడు. ఈ సినిమా కూడా విజయం సాధించింది.

2009లో మెహెర్ రమేష్ దర్శకత్వంలో అనుష్క, నమితల సరసన బిల్లా సినిమాలో నటించాడు. ఒక క్రూరమైనా డాన్ మరియూ అతనిలగే ఉండే ఒక చిల్లరదొంగ పాత్రల్లో ప్రభాస్ నటించాడు. ఈ సినిమా తనకు గుర్తింపునిచ్చినా యవరెగజ్ గా నిలిచింది . ఆ తర్వాత పూరి జగన్నాధ్ దర్శకత్వంలో విడుదలైన ఏక్ నిరంజన్ కూడా పరాజయం పాలైంది. 2010లో ఏ. కరుణాకరణ్ దర్శకత్వంలో కాజల్ అగర్వాల్ సరసన డార్లింగ్ సినిమాలో నటించాడు. తొలిసారిగా ఒక క్లాస్ రోల్లో నటించిన ప్రభాస్ ఈ సినిమాతో భారీ విజయాన్ని అందుకున్నాడు. 2011లో మళ్ళీ కాజల్ అగర్వాల్ తో కలిసి దశరధ్ దర్శకత్వంలో మిస్టర్ పర్‌ఫెక్ట్ సినిమాలో నటించాడు ప్రభాస్. కుటుంబ విలువల నేపధ్యంలో తెరకెక్కిన ఈ సినిమాలో తాప్సీ మరో కథానాయిక. ఈ సినిమా డార్లింగ్ కంటే పెద్ద విజయాన్ని నమోదు చేసుకుంది.

2012లో రాఘవ లారెన్స్ దర్శకత్వంలో తమన్నా, దీక్షా సేథ్ దర్శకత్వంలో రెబెల్ సినిమాలో నటించాడు ప్రభాస్. ఈ సినిమా ఘోర పరాజయం పాలైంది. 2013లో ప్రముఖ రచయిత కొరటాల శివ దర్శకత్వంలో మిర్చి సినిమాలో నటించాడు. ఈ సినిమాలో అనుష్క, రిచా గంగోపాధ్యాయ్ కథానాయికలు. ఈ సినిమా భారీ విజయాన్ని నమోదు చేసుకుంది. ప్రస్తుతం ప్రభాస్ ఎస్.ఎస్. రాజమౌళి దర్శకత్వంలో అనుష్క, రానా దగ్గుబాటి లతొ కలసి బాహుబలి సినిమాలో నటిస్తున్నాడు.

నటించిన చిత్రాలు

సంవత్సరం	చిత్రం	పాత్ర(లు)	భాష	ఇతర విశేషాలు
2002	ఈశ్వర్	ఈశ్వర్	తెలుగు
2003	రాఘవేంద్ర	రాఘవేంద్ర	తెలుగు
2004	వర్షం	వెంకట్	తెలుగు
2004	అడవి రాముడు	రాము	తెలుగు
2005	చక్రం	చక్రం	తెలుగు
2005	ఛత్రపతి	శివాజి ఛత్రపతి	తెలుగు
2006	పౌర్ణమి	శివకేశవ	తెలుగు
2007	యోగి	ఈశ్వర్ ప్రసాద్ యోగి	తెలుగు
2007	మున్నా	మున్నా	తెలుగు
2008	బుజ్జిగాడు	బుజ్జి లింగరాజు	తెలుగు
2009	బిల్లా	బిల్లా, రంగా	తెలుగు
2009	ఏక్ నిరంజన్	నిరంజన్ ఛొటు	తెలుగు
2010	డార్లింగ్	ప్రభాస్	తెలుగు
2011	మిస్టర్ పర్‌ఫెక్ట్	విక్కీ	తెలుగు
2012	రెబెల్	రిషి	తెలుగు
2013	మిర్చి	జై	తెలుగు
2014	బాహుబలి		తెలుగు, తమిళ్, హిందీ	చిత్రీకరణ జరుగుతున్నది

అవార్డులు మరియూ పురస్కారాలు

సంవత్సరం	అవార్డ్	క్యాటెగరీ	చిత్రం	ఫలితం
2004	సంతోషం ఫిల్మ్ అవార్డ్స్	ఉత్తమ యువ నటుడు	వర్షం	విజేత
2004	దక్షిణ భారత ఫిలింఫేర్ అవార్డ్స్	ఉత్తమ నటుడు	వర్షం	పేర్కొనబడ్డాడు
2005	దక్షిణ భారత ఫిలింఫేర్ అవార్డ్స్	ఉత్తమ నటుడు	ఛత్రపతి	పేర్కొనబడ్డాడు
2009	దక్షిణ భారత ఫిలింఫేర్ అవార్డ్స్	ఉత్తమ నటుడు	ఏక్ నిరంజన్	పేర్కొనబడ్డాడు
2010	సినీ"మా" అవార్డ్స్	ఉత్తమ నటుడు - జ్యూరీ	డార్లింగ్	విజేత
2011	దక్షిణ భారత ఫిలింఫేర్ అవార్డ్స్	ఉత్తమ నటుడు	మిస్టర్ పర్‌ఫెక్ట్	పేర్కొనబడ్డాడు
2012	దక్షిణ భారత అంతర్జాతీయ సినిమా అవార్డ్స్	ఉత్తమ నటుడు	మిస్టర్ పర్‌ఫెక్ట్'	పేర్కొనబడ్డాడు