హిజ్రా (దక్షిణాసియా)

స్త్రీ మరియు పురుష లక్షణాలున్న మిశ్రమ జాతిని నపుంసకులు అంటారు. వీరిని వ్యవహారంలో హిజ్రా, కొజ్జా , గాండు, పేడి అని కూడా పిలుస్తారు. పుట్టుకతోనే ఈ లక్షణాలున్న వారు కొందరైతే , తమ ఇష్టానుసారం ఇలా మారేవారు కూడా వున్నారు. వీరికి సామాజిక ఆదరణ లేకపోడంతో సమూహాలుగా జీవిస్తారు. భిక్షాటన మరియు వ్యభిచారం వీరి ప్రధాన వృత్తులు.

చరిత్ర

భారతదేశ చరిత్రని పరికిస్తే వీరి ప్రస్తావన అనేక సార్లు చేయబడినది. పాండవ వనవాసములో అర్జునుడు బృహన్నల్ల గా నపుంసకుడి వేషధారణలో జీవిస్తాడు. అలాగే భీష్ముడు మహాభారత యుద్ధములో ఒక నపుంసకుడితో పోరాడడానికి నిరాకరిస్తాడు. హిజ్రాలు లేదా తృతీయ ప్రకృతి కలిగిన వారు మన సమాజానికి కొత్త కాదు. మన దేశ చరిత్ర పూర్వనుండి హిజ్రాలు, లింగమార్పిడిదారుల ఉనికిని నమోదు చేస్తూనే వచ్చింది. కాని వందేళ్ల క్రితం బ్రిటిష్ పాలకులు వీరిని నేరస్థుల ముఠాగా ముద్ర వేయడంతో యావత్ సమాజం వీరిని అపార్థం చేసుకోవడం మొదలైంది. నాటి నుంచి నేటి వరకు వీరు సమాజం నుంచి వెలివేయబడుతున్నారు. అవమానించబడుతున్నారు. లైంగిక దోపిడికి గురవుతున్నారు. సమాజం ప్రదర్శిస్తున్న నిర్లక్ష్య వైఖరి కారణంగా హిజ్రాలు, లింగమార్పిడిదారులు తమ కుటుంబాలనుంచి దూరం చేయబడ్డారు. భారతీయ హిజ్రాలు నేటికీ యాచకుల్లాగే మిగిలిపోయారు. వందేళ్లుగా తమ హక్కుల కోసం వారు పోరాడుతున్నారు. లైంగికంగా దోపిడి చేయబడుతున్నారు. కుటుంబాలు త్యజించినప్పటికీ హిజ్రా కమ్యూనిటీలోని ఇతర లింగమార్పిడిదారులతో వీరు జీవిస్తున్నారు. ఒక లింగమార్పిడిదారుకు సమాజంలో జీవితం కొనసాగించడం నిజంగానే నరకప్రాయం అవుతోంది. ఎందుకంటే యావత్ సమాజం నిర్లక్ష్యం ప్రదర్శించడం కారణంగా వీరిని అన్ని తరగతుల వారు తప్పుగా అర్థం చేసుకంటూ దూరం పెడుతూ వస్తున్నారు.

గోవా లోని ఒక నపుంసకుడు

జీవన విధానము

హిజ్రాలు సమూహాలుగా జీవిస్తారు. వీరికి సామాజిక ఆదరణ కరువవడంతో అందరూ కలసి ఒకే గృహ సముదాయములో జీవిస్తారు. వీరి ఇంటికి పెద్దగా ఒకరిని ఎన్నుకొంటారు. వీరిని దీదీ గా వ్యవహరిస్తారు. డబ్బు సంపాదన వీరు అడ్డుకోవడం బలవంతపు వసూళ్ళ రీతిలో ఉంటుంది. ప్రభుత్వం తమను పట్టించుకోకపోవడంతో తమకు గత్యంతరము లేక ఈ మార్గాన్ని ఆశ్రయించవలసి వస్తున్నదని వీరి వాదన. ఇంకొందరు వబిచారవృత్తి స్వీకరిస్తారు. ఈవిధముగా చేసేవారు సాధారణముగా తమ అంగాలను శస్త్రచికిత్స ద్వారా మార్చుకొంటారు. వీరు గుద రతి ని అవలంభించడముతో పరోక్షముగా అనేక సుఖ వ్యాధుల బారిన పడుతుంటారు. వయసు మళ్ళిన నపుంసకుల్లో మరణం ఈ వ్యాధుల కారణం గానే వస్తుంది.

రైట్స్‌ ఆఫ్‌ ట్రాన్స్‌జెండర్‌ పర్సన్స్‌ బిల్లు

మన రాజ్యాంగం లోని 21వ ఆర్టికల్ హిజ్రాలతో సహా దేశ పౌరులందరి గోప్యత, వ్యక్తిగత గౌరవ రక్షణ హక్కును కల్పించింది. మనుషులు, యాచకుల, నిర్బంధ కూలీల అక్రమ రవాణాను ఆర్టికల్ 23 నిషేధించింది. ఇంకా రాజ్యాంగంలో మరెన్నో నిబంధనలు ఉన్నాయి. ప్రత్యేకించి 14, 15 ఆర్టికల్స్ మతం, జాతి, సెక్స్, జన్మస్థలం ప్రాతిపదికన వివక్షత చూపడాన్ని నిషేధించాయి. ఈ రకమైన చట్టాలు స్త్రీ పురుషులకు మాత్రమే సంబంధించినవి కాదు. అవి భారత పౌరుల, వ్యక్తుల గురించి ప్రస్తావిస్తున్నాయి. లింగమార్పిడిదారులు భారత పౌరులు. ఈ చట్టాలు హిజ్రాలు, లింగమార్పిడిదారులతో సహా సమస్త వ్యక్తుల హక్కులను కాపాడుతున్నాయి కాని అవన్నీ పుస్తకాలకు మాత్రమే పరిమితం అయ్యాయి.

ట్రాన్స్‌జెండర్స్‌ హక్కుల పరిరక్షణకు తిరుచ్చి ఎంపీ శివ (డీఎంకే) ప్రవేశపెట్టిన ‘రైట్స్‌ ఆఫ్‌ ట్రాన్స్‌జెండర్‌ పర్సన్స్‌ బిల్లు-2014’ను సభ ఏకగ్రీవంగా ఆమోదించింది. పార్లమెంటు చరిత్రలో ఓ ‘ప్రైవేటు మెంబర్‌ బిల్లు’ ఆమోదం పొందడం 45ఏళ్ల తర్వాత ఇదే తొలిసారి . దీని ద్వారా వోటర్ గుర్తింపు కార్డులు, పాస్ పోర్ట్, డ్రైవింగ్ లైసెన్సుతోసహా అన్ని సౌకర్యాలను , నేషనల్‌ ట్రాన్స్‌జెండర్‌ వెల్ఫేర్‌ కమిషన్‌, ప్రత్యేక కోర్టులను ఏర్పాటుచేస్తారు. బాల్యం నుంచి వృద్ధాప్యం వరకూ వీరిని వివిధ దశల్లో సమాజ భాగస్వాములను చేసేలా పది చాప్టర్లు, 58 క్లాజులతో బిల్లును రూపొందించారు. ఇక ట్రాన్స్‌జెండర్స్‌ బ్యాంకు ఖాతాలు తెరిచేందుకు పత్రాల్లో ‘థర్డ్‌ జెండర్‌’ అన్న కాలమ్‌ను ఏర్పాటుచేస్తారు. విద్య, ఆరోగ్యం, జాబ్స్, ఫైనాన్సియల్ గా ట్రాన్స్ జెండర్స్ కు రిజర్వేషన్ కల్పిస్తారు

ఇవి కూడా చూడండి

• నపుంసకత్వం
• స్వలింగ సంపర్కం

వీరి గురించిన రచనలు

• అగర్వాల్, అనుజ , Gendered Bodies: The Case of the 'Third Gender' in India".In Contributions to Indian Sociology, new series, 31 (1997): 273–97.
• అహ్మద్, మోనా మరియు దయనితా సింగ్ (ఛాయాచిత్రగ్రాహకుడు). Myself Mona Ahmed. స్కేలో ప్రచురణ, 15 సెప్టెంబరు 2001. ISBN 3-908247-46-2
• గనాన్, షేన్ ప్యాట్రిక్. Translating the hijra: The symbolic reconstruction of the British Empire in India. PhD Thesis. అలబామా విశ్వవిద్యాలయము, 2009.
• జామి, హుమరియా. "పాకిస్తాన్ లోని హిజ్రాల పరిస్థితి", జాతీయ మానసిక పరిశోధనాలయము, క్వైద్-ఇ-ఆజమ్ విశ్వవిద్యాలయము (nd, 2005?)
• మల్లోయ్, రూత్ లోర్, మీన్ బాలాజీ మరియు ఇతరులు. Hijras: Who We Are. Toronto: థింక్ ఏషియా, 1997.
• జాన్ మోనీ. Lovemaps. ఇర్వింగ్టన్ ప్రచురణ, 1988. Page 106. ISBN 0-87975-456-7
• నంద, సెరేనా. Neither Man Nor Woman: The Hijras of India. వర్డ్స్ వర్త్ ప్రచురణ, 1998. ISBN 0-534-50903-7
• తల్వార్, రాజేష్. The Third Sex and Human Rights. గ్యాన్ ప్రచురణాలయము, 1999. ISBN 81-212-0266-3

బయటి లింకులు

వికీమీడియా కామన్స్‌లో

Hijras

కి సంబంధించిన మీడియా ఉంది.

• నపుంసకులపై మానవ హక్కుల ఉల్లంఘన, కర్ణాటక మానవ హక్కుల సంఘము 2003 సంక్షిప్త నివేదిక
• పాకిస్తాన్ హిజ్రా బేగం నవాజిష్ అలీ ప్రసిద్ద టీవీ కార్యక్రమము పై వాషింగ్టన్ పోష్ట్ విలేకరి అమర్.సి.బక్షి వ్రాసిన వార్త
• హిజ్రాలపై బి.బి.సి ప్రసారము చేసిన వార్తలు
• భారత నపుంసకుల కోరికల గురించి, 4 సెప్టెంబరు 2003 లో బి.బి.సి ప్రసారము చేసిన వార్త
• హిజ్రాల జీవన విధానము
• భారత హిజ్రాల గురించిన సమాచార సేకరణ
• భారత హిజ్రాల ఛాయాచిత్ర మాలిక
• భారత హిజ్రాలపై టైమ్ పత్రికలో సెప్టెంబరు 18, 2000 లో వచ్చిన వార్త.
• భారత పరిశోధనా గ్రంధములోని హిజ్రాలు
• భారత హిజ్రాలు అసురక్షిత రతి గురించి ఎందుకు హెచ్చరించబడ్డారు?
• వరల్డ్ ప్రెస్: పాకిస్తాన్ లోని హిజ్రాలు
• కొలంబియా విశ్వవిద్యాలయము: హిజ్రాల గురించిన సమ్మోహన కథలు
• ఇస్లామిక్ హిజ్రాలు
• సంగమ – భారతదేశ ప్రముఖ హిజ్రాల మానవ హక్కుల సంఘము
• భారతదేశ మొట్ట మొదటి హిజ్రా పార్లమెంటు సభ్యురాలు షబ్నం మౌసీ గురించిన వార్త