మధుబాల (రోజా ఫేమ్‌)

మధుబాల ఒక భారతీయ చలనచిత్ర నటి. ఈమె హిందీ, తమిళ,తెలుగు, మలయాళ భాషలలో సుమారు 52 చలన చిత్రాలలో నటించింది. ఈమె అసలు పేరు మధు కాగా దర్శకుడు కె.బాలచందర్ సలహాతో మధుబాలగా మార్చుకుంది. ఈమెకు బాగా పేరు తెచ్చిపెట్టిన సినిమా మణిరత్నం దర్శకత్వంలో వచ్చిన రోజా. ఈ సినిమా దాదాపు అన్ని ప్రధాన భారతీయ భాషలలోకి అనువదించబడింది.

విశేషాలు

ఈమె ప్రముఖ హిందీ నటి హేమా మాలినికి మేనకోడలు. ఈమె గుజరాతీ వ్యాపారి ఆనంద్ షాను వివాహం చేసుకుంది. వీరికి అమేయ, శ్రేయ అనే ఇద్దరు కూతుళ్లు ఉన్నారు. ఈమె మొదట మలయాళ సినిమాలో నటించింది. రెండవ సినిమాకే కె.బాలచందర్ దర్శకత్వంలో నటించే అవకాశం వచ్చింది. హిందీ భాషలో అజయ్ దేవగణ్ తో ఫూల్ ఔర్ కాంటే చిత్రంలో తొలిసారి నటించింది. ఈమె 2001 వరకు సినిమాలలో విరివిగా నటించి అటు పిమ్మట సినిమాలకు కొంత విశ్రాంతిని ఇచ్చి ఇప్పుడు మళ్ళీ కొన్ని సినిమాలలో నటిస్తూ ఉన్నది.

ఫిల్మోగ్రఫీ

సంవత్సరము	చిత్రము	భాష	దర్శకత్వం	ఇతర నటులు
1993	అల్లరి ప్రియుడు	తెలుగు	కె.రాఘవేంద్రరావు	రాజశేఖర్, రమ్యకృష్ణ
1993	జెంటిల్ మేన్	తమిళం, తెలుగు	ఎస్.శంకర్	అర్జున్
1994	పుట్టినిల్లు - మెట్టినిల్లు	తెలుగు	కె.వాసు	భానుచందర్
2013	అంతకు ముందు... ఆ తరువాత...	తెలుగు	ఇంద్రగంటి మోహనకృష్ణ	సుమంత్ అశ్విన్
2016	నాన్నకు ప్రేమతో	తెలుగు	సుకుమార్	ఎన్.టి.ఆర్, రకుల్ ప్రీత్ సింగ్