మధుబాల (రోజా ఫేమ్‌)

ఈ వ్యాసం రోజా సినిమాలోని నటి గురించి. మధుబాల పేరుతో ఉన్న మరో వ్యాసం కొరకు, మధుబాల చూడండి.

మధుబాల
జననం	మధు (1972-03-26) 1972 మార్చి 26 చెన్నై, భారతదేశం
వృత్తి	చలనచిత్ర నటి
క్రియాశీలక సంవత్సరాలు	1991-2001, 2013 - ప్రస్తుతం
మతం	హిందూ మతం
భార్య / భర్త	ఆనంద్ షా
పిల్లలు	అమేయ, కేయా
తండ్రి	టి.రఘునాథ్
తల్లి	రేణుక

మధుబాల ఒక భారతీయ చలనచిత్ర నటి. ఈమె హిందీ, తమిళ,తెలుగు, మలయాళ భాషలలో సుమారు 52 చలన చిత్రాలలో నటించింది. ఈమె అసలు పేరు మధు కాగా దర్శకుడు కె.బాలచందర్ సలహాతో మధుబాలగా మార్చుకుంది. ఈమెకు బాగా పేరు తెచ్చిపెట్టిన సినిమా మణిరత్నం దర్శకత్వంలో వచ్చిన రోజా. ఈ సినిమా దాదాపు అన్ని ప్రధాన భారతీయ భాషలలోకి అనువదించబడింది.

విశేషాలు

ఈమె ప్రముఖ హిందీ నటి హేమా మాలినికి మేనకోడలు.ఈమె తండ్రి టి.రఘునాథ్ చలనచిత్ర నిర్మాత. తల్లి పేరు రేణుక. ఈమె తల్లి వద్ద భరతనాట్యం నేర్చుకుంది. ఈమె తల్లి క్యాన్సర్ వ్యాధితో మధు 13 ఏళ్ల వయసులోనే మరణించింది.ఈమె తన మేనత్త హేమా మాలినిని ఆదర్శంగా తీసుకుని సినిమాలలో నటించాలని భావించింది. దానికోసం రోషన్ తనేజా స్కూల్ ఆఫ్ యాక్టింగ్‌లో కొంతకాలం తర్ఫీదు తీసుకుంది. ఈమె మొదట ఒట్టయల్ పట్టాలమ్‌(ഒറ്റയാൾ പട്ടാളം) అనే మలయాళ సినిమాలో నటించింది. రెండవ సినిమాకే కె.బాలచందర్ దర్శకత్వంలో నటించే అవకాశం వచ్చింది. హిందీ భాషలో అజయ్ దేవగణ్ తో ఫూల్ ఔర్ కాంటే చిత్రంలో తొలిసారి నటించింది. ఈమె 2001 వరకు సినిమాలలో విరివిగా నటించి అటు పిమ్మట సినిమాలకు కొంత విశ్రాంతిని ఇచ్చి ఇప్పుడు మళ్ళీ కొన్ని సినిమాలలో నటిస్తూ ఉన్నది. ఈమె గుజరాతీ వ్యాపారి ఆనంద్ షాను వివాహం చేసుకుని అమెరికాలో నివసించింది. వీరికి అమేయ, కేయా అనే ఇద్దరు కూతుళ్లు ఉన్నారు.

ఫిల్మోగ్రఫీ

సంవత్సరము	చిత్రము	భాష	దర్శకత్వం	ఇతర నటులు
1993	అల్లరి ప్రియుడు	తెలుగు	కె.రాఘవేంద్రరావు	రాజశేఖర్, రమ్యకృష్ణ
1993	జెంటిల్ మేన్	తమిళం, తెలుగు	ఎస్.శంకర్	అర్జున్
1994	పుట్టినిల్లు - మెట్టినిల్లు	తెలుగు	కె.వాసు	భానుచందర్
1996	మిస్టర్ రోమియో	తమిళం, తెలుగు, హిందీ	కె.ఎస్.రవి	ప్రభుదేవా, శిల్పా శెట్టి
2013	అంతకు ముందు... ఆ తరువాత...	తెలుగు	ఇంద్రగంటి మోహనకృష్ణ	సుమంత్ అశ్విన్
2016	నాన్నకు ప్రేమతో	తెలుగు	సుకుమార్	ఎన్.టి.ఆర్, రకుల్ ప్రీత్ సింగ్

బయటిలింకులు

• ఇంటర్నెట్ మూవీ డేటాబేసు లో మధుబాల పేజీ