2019 భారత సార్వత్రిక ఎన్నికలు

భారత దేశంలో 17 వ లోక్‌సభకు జరిగే ఎన్నికలే 2019 భారత సార్వత్రిక ఎన్నికలు. ఈ ఎన్నికల షెడ్యూలును భారత ఎన్నికల కమిషను 2019 మార్చి 10 న ప్రకటించింది. ఏడు దశల్లో జరిపే పోలింగు 2019 మే 19 వ తేదీతో ముగుస్తుంది. వోట్ల లెక్కింపు 2019 మే 23 వ తేదీన జరుగుతుంది. ఎన్నికల ప్రవర్తన నియమావళి తక్షణం అమల్లోకి వచ్చినట్లు ప్రధాన ఎన్నికల కమిషనరు సునీల్ అరోరా తెలిపాడు.

బీహారు, ఉత్తర్ ప్రదేశ్, పశ్చిమ బెంగాల్ - ఈ మూడు రాష్ట్రాల్లో పోలింగు అన్ని దశల్లోనూ జరుగుతుంది. జమ్మూ కాశ్మీరులో పోలింగు 5 దశల్లో జరుగుతుంది. నాలుగు రాష్ట్రాల్లో 4 దశల్లోను, రెండు రాష్ట్రాల్లో మూడు దశల్లోను, నాలుగు రాష్ట్రాల్లో 2 దశల్లోనూ వోటింగు జరగనుంది. మిగతా రాష్ట్రాల్లో ఒకే దశలోనే వోటింగు పూర్తవుతుంది.

ఆంధ్ర ప్రదేశ్, ఒడిషా, అరుణాచల్ ప్రదేశ్, సిక్కిం రాష్ట్రాల శాసనసభల కాలం ముగుస్తున్నందున వాటి ఎన్నికలు కూడా సార్వత్రిక ఎన్నికలతో పాటు జరగనున్నాయి.

ఎన్నికల షెడ్యూలు

మార్చి 10 న ప్రధాన ఎన్నికల కమిషనరు సునీల్ అరోరా ప్రకటించిన ఎన్నికల షెడ్యూలు కింది విధంగా ఉంది. ఎన్నికల ప్రవర్తన నియమావళి తక్షణమే అమల్లోకి వచ్చినట్లు అయన తెలిపాడు.

2019 సార్వత్రిక ఎన్నికల షెడ్యూలు

		మొత్తం	మొదటి దశ	రెండవ దశ	మూడవ దశ	నాలుగవ దశ	ఐదవ దశ	ఆరవ దశ	ఏడవ దశ
	పోలింగు తేదీ		2019 ఏప్రిల్ 11	2019 ఏప్రిల్ 18	2019 ఏప్రిల్ 23	2019 ఏప్రిల్ 29	2019 మే 6	2019 మే 12	2019 మే 19
	లెక్కింపు తేదీ		2019 మే 23	2019 మే 23	2019 మే 23	2019 మే 23	2019 మే 23	2019 మే 23	2019 మే 23
	నియోజక వర్గాలు	543	91	97	115	71	51	59	59
	ఒకే దశ	మొత్తం	మొదటి దశ	రెండవ దశ	మూడవ దశ	నాలుగవ దశ	ఐదవ దశ	ఆరవ దశ	ఏడవ దశ
1	ఆంధ్ర ప్రదేశ్	25	25
2	అరుణాచల్ ప్రదేశ్	2	2
3	గోవా	2			2
4	గుజరాత్	26			26
5	హర్యానా	10						10
6	హిమాచల్ ప్రదేశ్	4							4
7	కేరళ	20			20
8	మేఘాలయ	2	2
9	మిజోరం	1	1
10	నాగాల్యాండ్	1	1
11	పంజాబ్	13							13
12	సిక్కిమ్	1	1
13	తమిళనాడు	39		39
14	తెలంగాణ	17	17
15	ఉత్తరాఖండ్	5	5
16	అండమాన్ నికోబార్ దీవులు	1	1
17	దాద్రా నగర్ హవేలి	1			1
18	దామన్ డయ్యు	1			1
19	పుదుచ్చేరి	1		1
20	చండీగఢ్	1							1
21	ఢిల్లీ	7						7
22	లక్షద్వీప్	1	1
	2 దశల్లో	మొత్తం	మొదటి దశ	రెండవ దశ	మూడవ దశ	నాలుగవ దశ	ఐదవ దశ	ఆరవ దశ	ఏడవ దశ
1	కర్ణాటక	28		14	14
2	మణిపూర్	2	1	1
3	రాజస్థాన్	25				13	12
4	త్రిపుర	2	1	1
	3 దశల్లో	మొత్తం	మొదటి దశ	రెండవ దశ	మూడవ దశ	నాలుగవ దశ	ఐదవ దశ	ఆరవ దశ	ఏడవ దశ
6	అస్సాం	14	5	5	4
7	చత్తీస్ గఢ్	11	1	3	7
	4 దశల్లో	మొత్తం	మొదటి దశ	రెండవ దశ	మూడవ దశ	నాలుగవ దశ	ఐదవ దశ	ఆరవ దశ	ఏడవ దశ
1	జార్ఖండ్	14				3	4	4	3
2	మధ్య ప్రదేశ్	29				6	7	8	8
3	మహారాష్ట్ర	48	7	10	14	17
4	ఒరిస్సా	21	4	5	6	6
	5 దశల్లో	మొత్తం	మొదటి దశ	రెండవ దశ	మూడవ దశ	నాలుగవ దశ	ఐదవ దశ	ఆరవ దశ	ఏడవ దశ
1	జమ్మూ కాశ్మీరు	6	2	2	1	1	2
	7 దశల్లో	మొత్తం	మొదటి దశ	రెండవ దశ	మూడవ దశ	నాలుగవ దశ	ఐదవ దశ	ఆరవ దశ	ఏడవ దశ
1	బీహార్	40	4	5	5	5	5	8	8
2	ఉత్తర్ ప్రదేశ్	80	8	8	10	13	14	14	13
3	పశ్చిమ బెంగాల్	42	2	3	5	8	7	8	9

ఇతర ఎన్నికలు

సార్వత్రిక ఎన్నికలతో పాటు ఆంధ్ర ప్రదేశ్, ఒడిషా, అరుణాచల్ ప్రదేశ్, సిక్కిం రాష్ట్రాల శాసనసభలకు ఎన్నికలు, దేశవ్యాప్తంగా 34 శాసనసభల స్థానాలకు ఉప ఎన్నికలూ జరగనున్నాయి.

ఇతర విశేషాలు

ఈ సార్వత్రిక ఎన్నికల్లో కొన్ని ప్రత్యేకతలున్నాయి. అవి:

• జమ్మూ కాశ్మీరు లోని అనంతనాగ్ నియోజకవర్గంలో పోలింగు మూడు విడతల్లో - మూడు, నాలుగు, దశల్లో - జరుగుతుంది. ఒకే నియోజకవర్గంలో ఇన్ని విడతల్లో పోలింగు జరగడం ఇదే తొలిసారి. ఈ నియోజకవర్గంలో మూడు దశల్లో పోలింగ్‌ జరగనుందంటే అక్కడ ఎంతటి సమస్యాత్మక పరిస్థితులు నెలకొన్నాయో అర్ధం చేసుకోవచ్చని ప్రధన ఎన్నికల కమిషనరు అన్నాడు.
• ఉత్తర ప్రదేశ్, బీహార్, పశ్చిమ బెంగాల్ రాష్ట్రాల్లో మొత్తం 7 దశల్లోనూ పోలింగు జరుగుతుంది. ఒకే రాష్ట్రంలో ఇన్ని దశల్లో పోలింగు జరగడం ఇదే ప్రథమం.
• సార్వత్రిక ఎన్నికల్లో ఎలక్ట్రానిక్ వోటింగు యంత్రంతో పాటు వీవీప్యాట్‌లు కూడా ఉపయోగించడం ఇదే తొలిసారి.
• వోటింగు యంత్రంపై పార్టీ గుర్తు, అభ్యర్థి పేరుతో పాటు, 2019 ఎన్నికల్లో అభ్యర్థి ఫోటో కూడా ముద్రిస్తారు. ఒకేపేరుతో వేరువేరు పార్టీలనుంచి అభ్యర్థులుంటే ఓటర్లు తికమక పడకుండా ఉండేందుకు వీలుగా ఈ ఏర్పాటు చేసారు.
• నిజామాబాద్ లోక సభ నియోజకవర్గానికి దేశంలోనే రికార్డు స్థాయిలో 185 మంది పోటీ చేస్తుండండంతో ఆధునీకరించిన ఎమ్-3 ఎలెక్ట్రానిక్ వోటింగ్ యంత్రాన్ని వాడబోతున్నారు.

ఇవీ చూడండి

• 2019 భారత సార్వత్రిక ఎన్నికలు - ఆంధ్ర ప్రదేశ్
• 2019 భారత సార్వత్రిక ఎన్నికలు - తెలంగాణ