వాడుకరి:Chaduvari: కూర్పుల మధ్య తేడాలు
దిద్దుబాటు సారాంశం లేదు |
|||
పంక్తి 126: | పంక్తి 126: | ||
|అనువాదం |
|అనువాదం |
||
|నెలలో సాధించాలని పెట్టుకున్న 6 లక్షల బైట్ల లక్ష్యాన్ని చేరుకున్నాను. |
|నెలలో సాధించాలని పెట్టుకున్న 6 లక్షల బైట్ల లక్ష్యాన్ని చేరుకున్నాను. |
||
|- |
|||
|ఏప్రిల్ 7 |
|||
|[[ఉత్తర ధ్రువం]], [[అండమాన్ సముద్రం]], [[అంటార్కిటికా]] |
|||
|80,583 |
|||
|7,34,478 |
|||
|అనువాదం |
|||
|చేర్చిన పాఠ్యం:-- ఉత్తర ధ్రువం: 47,608, అండమాన్ సముద్రం:23,153 , అంటార్కిటికా: 9822 |
|||
|} |
|} |
||
<br /> |
<br /> |
17:06, 8 ఏప్రిల్ 2020 నాటి కూర్పు
స్వాగతం! "మరియు" అనే మాట తెలుగు భాషకు సహజమైన వాడుక కాదు. ప్రామాణికమైన ప్రచురణల్లోను, నాణ్యమైన వార్తాపత్రికల్లోనూ దాన్ని వాడరు.
వికీపీడియాలో "మరియు" రాయకూడదు. నేను రాయను. మరి మీరు? |
వాడుకరిగా మామూలు దిద్దుబాట్లు చేస్తూ కూడా, ఆరు నెలల్లో కనీసం 20 నిర్వాహక దిద్దుబాట్లైనా చేసి ఉండనట్లైతే, నిర్వాహకత్వాన్ని సముదాయం తొలగిస్తుందని వికీపీడియా:నిర్వాహకత్వ హక్కుల ఉపసంహరణ విధానం చెబుతోంది. 20 దిద్దుబాట్ల ఈ కనీస పరిమితిని తక్కువగా నేను భావిస్తున్నాను. సముదాయం నిర్ణయాన్ని గౌరవిస్తూనే, నావరకూ నేను దీన్ని 50 దిద్దుబాట్లుగా పరిగణిస్తున్నాను. ఆరు నెలల్లో కనీసం ఒక్ఖ మామూలు దిద్దుబాటైనా చేసే తీరిక ఉండి కూడా, నిర్వాహక దిద్దుబాట్లు కనీసం 50 అయినా చెయ్యకపోతే నేను స్వచ్ఛందంగా నిర్వాహకత్వం నుండి తప్పుకుంటాను. తప్పుకోకపోతే, సముదాయం నన్ను తొలగించవచ్చు. ప్రతీ ఏప్రిల్, అక్టోబరు నెలల్లో ఈ పరిశీలన చేసుకుంటాను. నిర్వాహకుడిగా నేను చేసిన పనులు ఇక్కడ చూడొచ్చు.
తేదీలను ఇలా రాయాలి: YYYY Month DD (ఉదా:2019 సెప్టెంబరు 21) శైలి గురించి మరింత సమాచారం కోసం చూడండి. |
---|
నాది కావూరు. నేనిక్కడ తొంభయ్యేడో వాణ్ణి. నేనో నిర్వాహకుణ్ణి, ఓ అధికారినీ.
వాడుకరి:ChaduvariAWB పేరుతో నాకు మరొక వాడుకరిపేరు ఉంది. దాని పేరిట AWB సాయంతో మార్పుచేర్పులు చేస్తూంటాను. ఆ వాడుకరిని అందుకు తప్పించి మరెందుకూ వాడను.
వాడుకరి:ChaduvariAWBNew పేరుతో నాకు ఇంకొక వాడుకరిపేరు ఉంది. దాని పేరిట కూడా AWB సాయంతో మార్పుచేర్పులు చేస్తూంటాను. ఆ వాడుకరిని అందుకు తప్పించి మరెందుకూ వాడను.
పై రెండు వాడుకరిపేర్లతో జరిగే మార్పుచేర్పులన్నిటికీ, వాటిలో దొర్లే తప్పొప్పులన్నిటికీ నాదే బాధ్యత.
నా ఆసక్తులు
తెలుగు భాష, సాహిత్యం: ఛందోబద్ధమైన పద్యాలు (కాస్తో కూస్తో రాయడం కూడా), అవధానాలు వగైరా.. కానీ వీటి గురించి వికీలో పెద్దగా రాయను.
రాజకీయాలు: రాజకీయాలు నాకు బాగా ఇష్టం. రాష్ట్ర, దేశ, అంతర్జాతీయ - ఈ వరసలో ఉంటాయి నా ఇష్టాలు. అయితే రాజకీయాలకు సంబంధమున్న వ్యాసాలను వికీలో రాయడం మానేసాను -నిష్పాక్షికంగా రాయడం కష్టం అనిపించింది కాబట్టి.
అంతరిక్ష యాత్రలు: అంతరిక్ష విజ్ఞానంలో అనేక అంగాలు.. వాటిలో యాత్రలు ఒకటి. నాకెంతో ఇష్టమైన విషయాల్లో ఇదొకటి. కక్ష్యలు, అంతరిక్ష నౌకలు, వాహనాలు, వాటి ఇంజన్లు.. వగైరా. వీటి గురించి వికీలో రాస్తూంటాను.
క్షిపణులు వగైరా: భారతీయ క్షిపణులు, యుద్ధనౌకల వంటి భారత రక్షణ వ్యవస్థకు చెందిన విషయాలు నాకు ఇష్టాలు. వికీలో రాస్తూంటాను కూడా.
చరిత్ర: భారత చరిత్రకు సంబంధించిన విషయాలు వికీలో రాస్తూంటాను.
మానవ పరిణామం: నాకు ఆసక్తి ఉన్న మరో అంశం మానవ పరిణామం. ఇందులో నేను కొన్ని వ్యాసాలు రాసాను. అన్నీ ఇంగ్లీషు నుండి చేసిన అనువాదాలే.
యుద్ధాలు: యుద్ధాలు, ముఖ్యంగా భారత చైనా, భారత పాకిస్తాన్ యుద్ధాల గురించి రాయడం కూడా ఇష్టం.
నా కిష్టమైన, నేను చేస్తున్న/చెయ్యాలనుకుంటున్న వికీ పనులు
వికీపీడియాలో నాకోసం నేను నిర్దేశించుకున్న పనులు 2017 నవంబరు నాటికి ఇవి. కింది జాబితా సుమారుగా ప్రాథమ్య పరంగా తయారు చేసాను.
- సమాచార నాణ్యత: వికీపీడియాలో చేరుస్తున్న సమాచారపు నాణ్యతను పరిశీలించడం, మెరుగు పరచడం. ఇది నా పనులన్నిటి లోకీ ముఖ్యమైనది. మొట్టమొదటి ప్రాథమ్యం, అత్యధిక ప్రాథమ్యమూ దీనికే.
- వ్యాసాల్లోని భాషాదోషాలను సరిచెయ్యడం: AWB ని వాడి భాషదోషాలను సవరించడం. అవసరాన్ని బట్టి కొత్త రెగెక్సులను చేర్చడం. ఇవి నిరంతరం జరిగే పనులు.
- గ్రామాల పేజీల్లో చేర్చిన సమాచారం నాణ్యంగా ఉందో లేదో గమనించడం, అవసరమైన మార్పులను చెయ్యడం, నాణ్యతను మెరుగుపరచడం. తెలంగాణలో జిల్లాల పునర్వ్యవస్థీకరణ తరువాత సమాచారం చేర్చేటపుడు పాత సమాచారాన్ని తగు విధంగా సవరించాల్సి ఉంది.
- ఆంధ్ర తెలంగాణ రాష్ట్రాల్లోని గ్రామాల పేజీలకు పేర్లు సరిగా లేవు. అనేక గ్రామాల పేర్లు తప్పుగా రాసాం. వాటిని సరైన పేర్లకు తరలించాలి. దాదాపు ఆరేడు వేల పేజీలను తరలించాల్సి ఉంటుందని నా అంచనా.
- విధానాలు, మార్గదర్శకాల చేర్పు,మార్పు: అవసరమైన చోట్ల విధానాలను నిర్వచించడం, అందుకోసం అవసరమైన చర్చలను నిర్వహించడం.
- నిర్వహణ పనులు
- తెలంగాణలో జిల్లాల, మండలాల పునర్వ్యవస్థీకరణ తరువాతి పరిస్థితిని ఇక్కడి వ్యాసాల్లో చేర్చాలి. ఇదొక పెద్ద పని. గ్రామాలు, మండలాల వ్యాసాలు, మండలాల మూసలు, జిల్లాల మూసలు, సంబంధిత వర్గాలు మొదలైన చోట్ల మార్పుచేర్పులు చెయ్యాలి. యర్రా రామారావు గారే ఈ పని చేసారు. అజయ్ బండి గారు కొంత చేసారు. నేను కొద్దిగా చేసాను.
- ప్రత్యేక పేజీలు: అప్పుడప్పుడూ ప్రత్యేకపేజీలను చూస్తూ, అవసరమైన చోట్ల చర్య తీసుకోవడం. ఉదా: అనాథ పేజీలు, అగాధ పేజీలు, వికీడేటాలో అంశం లేని పేజీలు, భాషాంతర లింకులు లేని పేజీలు, అయోమయ నివృత్తి పేజీకున్న లింకులు, మూసల దిగుమతి వగైరాలు.
- సెమీ ఆటోమేషన్: అవకాశాలు ఉన్నచోట్ల సెమీ ఆటోమేషన్ పద్ధతిలో మార్పు చేర్పులు చెయ్యడం.
- గ్రామాల పేజీల్లో జనగణన సమాచారం చేర్చడం: ప్రాజెక్టు పేజీలో చూపినట్లుగా అప్లికేషను తయారీ పని అయింది. తెలుగీకరణ పని, టెక్స్టు ఫైళ్ళ తయారీ పనిని పూర్తి చెయ్యాలి. పేజీల్లో సమాచారాన్ని చేర్చాలన్న ఆసక్తి కలిగిన వారికి టెక్స్టు ఫైళ్ళను పంపించాలి.
- "మరియు", "యొక్క" - ఈ రెండు పదాలు భాషకు అసహజంగా ఉంటాయి - ముఖ్యంగా "మరియు". 2018 ఆగస్టు 17 నాటికి వికీలో 20539 "మరియు"లు, 31427 "యొక్క"లు ఉన్నాయి. "మరియు"ను వాడకూడదు, ఉన్నవాటిని తొలగించాలి అనేది నా సంకల్పం. 2020 మార్చి 22 ఈ పని పూర్తైంది.
- నాణ్యతా మూల్యాంకనం చెయ్యాలి. అందరికీ అమోదయోగ్యమైన పద్ధతి ఒకటి రూపొందించాలి.
- ఈ పనిలో భాగంగా.. పవన్ సంతోష్ గారితో కలిసి, ఎన్వికీలో ఉన్న మంచి వ్యాసం ప్రమాణాలను ఇక్కడికి తెచ్చాను. ప్రాసెస్ను పరీక్షించి చూసాం. అంతా బానే ఉంది.
గూగుల్ యాంత్రికానువాదాలు
అనేక చర్చోపచర్చల తరవాత గూగుల్ యాంత్రికానువాద వ్యాసాలను 2020 ఫిబ్రవరి 5 న తొలగించాం. ఆ మేరకు వికీ నాణ్యత మెరుగుపడింది. వ్యాసాలను తొలగించేటపుడు వాటన్నిటినీ ఒక జాబితాగా చేసాం. ఆ జాబితాలోంచి మార్చి 31 లోపు రాయడానికి 20 వ్యాసాలను ఎంచుకున్నాను. ఆ వ్యాసాలన్నిటినీ ఆ గడువు లోపునే ప్రచురించేసాను. ఆ వ్యాసాలివి:
చమురు ఒలకడం, గ్రీన్హౌస్ వాయువు, బ్లాక్ హోల్, గ్రీన్హౌస్ ప్రభావం, చిలికా సరస్సు , పారిశ్రామికీకరణ, పారిశ్రామిక విప్లవం, భారతదేశ జాతీయ రహదారులు , భూ సర్వే, శబ్ద కాలుష్యం, జల వనరులు , ఓజోన్ క్షీణత, నియాండర్తల్ , పులి, గ్లోబల్ వార్మింగ్, అగ్నిపర్వతం , తేజస్ (యుద్ధ విమానం) , మున్నార్ , భారతదేశ రాష్ట్రాలు, కేంద్రపాలిత ప్రాంతాలు , నీటి కాలుష్యం
మొత్తం ఎంచుకున్న వ్యాసాలు 20. రాసినవి 20. వీటిలో 19 కొత్త పేజీలు, ఒకటి రాజశేఖర్ గారు సృష్టించిన దారిమార్పు పేజీలో ఓవర్రైట్ చేసాను. ప్రచురించినపుడు పేజీల మొత్తం పరిమాణం (ఇప్పుడు పెరిగి ఉంటుంది): 18,22,802 బైట్లు. అంటే ఒక్కో పేజీ సగటు పరిమాణం: 91,140 బైట్లు.
రెండు వేల వ్యాసాలను తొలగించేందుకు రెణ్ణిముషాలు పడితే, రెండు పదుల వ్యాసాలను సృష్టించేందుకు రెణ్ణెల్లు పట్టింది.
ఈ రెండు నెలల్లో పైవి కాకుండా మరో 11 కొత్త వ్యాసాలను కూడా ప్రచురించాను. ఇవి తొలగించిన వ్యాసాలతో సంబంధం లేనివి. ఆ వ్యాసాలు:
సెరెంగెటి, జేమ్స్ వెబ్ స్పేస్ టెలిస్కోప్, పీర్ పంజాల్ కనుమ, పీర్ పంజాల్ శ్రేణి, కెన్యాంత్రోపస్ , భారతదేశంలో అగ్నిపర్వతాల జాబితా, నార్కోండం ద్వీపం, బ్యారెన్ ఐలాండ్, కోట హరినారాయణ , టెర్రాఫార్మింగ్, పారాంత్రోపస్ రోబస్టస్
వీటి సగటు పరిమాణం: 26,710 బైట్లు
*** మొత్తం అన్నీ కూడా గూగుల్ అనువాద పరికరం ద్వారా అనువదించినవే. ***
2020 ఏప్రిల్ నెలలో వ్యాసాల అభివృద్ధి ఉద్యమంలో నేను చేసినపని
2020 ఏప్రిల్లో తలపెట్టిన వ్యాసాల అభివృద్ధి ఉద్యమంలో పనిచేస్తున్నాను. ఉద్యమం నడిచే నెల రోజుల్లోనూ (ఏప్రిల్ 1 నుండి 30 వరకూ) మొత్తం 6 లక్షల బైట్లను చేర్చాలనే లక్ష్యం పెట్టుకున్నాను. ఆ పనిలో పురోగతి ఇలా ఉంది:
తేది | వ్యాసం పేరు | చేర్చిన బైట్లు | సంకలిత బైట్లు | చేసిన పని, ఒక్క ముక్కలో | ఇంకా చెప్పేదేమైనా ఉందా..? |
---|---|---|---|---|---|
ఏప్రిల్ 1 | మిఖాయిల్ గోర్బచేవ్ | 1,31,635 | 1,31,635 | అనువాదం | ఇంగ్లీషును తొలగించడం, అనువాదాన్ని చేర్చడం ఒక్క దిద్దుబాటు లోనే చేసాను (మొదటి తడవ). అందువలన ఉండాల్సిన దానికంటే సుమారు 15,000 బైట్లు తగ్గింది. |
ఏప్రిల్ 2 | మిఖాయిల్ గోర్బచేవ్ | 91,314 | 2,22,949 | అనువాదం | |
ఏప్రిల్ 3 | మిఖాయిల్ గోర్బచేవ్ | 58,085 | 2,81,034 | అనువాదం | |
ఏప్రిల్ 4 | మొదటి ప్రపంచ యుద్ధం | 54,128 | 3,35,162 | అనువాదం | |
ఏప్రిల్ 5 | మొదటి ప్రపంచ యుద్ధం | 1,25,407 | 4,60,569 | అనువాదం | |
ఏప్రిల్ 6 | మొదటి ప్రపంచ యుద్ధం | 1,07,469 | 5,68,038 | అనువాదం | |
ఏప్రిల్ 7 | అంతర్జాతీయ అంతరిక్ష కేంద్రం | 85,857 | 6,53,895 | అనువాదం | నెలలో సాధించాలని పెట్టుకున్న 6 లక్షల బైట్ల లక్ష్యాన్ని చేరుకున్నాను. |
ఏప్రిల్ 7 | ఉత్తర ధ్రువం, అండమాన్ సముద్రం, అంటార్కిటికా | 80,583 | 7,34,478 | అనువాదం | చేర్చిన పాఠ్యం:-- ఉత్తర ధ్రువం: 47,608, అండమాన్ సముద్రం:23,153 , అంటార్కిటికా: 9822 |
మ.రి.యు
"మరియు"ల ఏరివేతపై చేసిన పని గురించి క్లుప్తంగా ఇక్కడ చూడవచ్చు.
కన్నతల్లి, జన్మభూమి, మాతృభాష
కన్నతల్లి, జన్మభూమి, మాతృభాష - ఈ మూడిటి కన్న మిన్నయైనది, గౌరవప్రదమైనది, ఆరాధనీయమైనది మరోటి లేదు. వీటిలో, మాతృభాషను తెలుగువారు ఉపేక్షిస్తున్నారు. మనభాషను మనమే చులకన చేస్తే మనమే పలుచన అవుతాం. తెలుగు జాతిని, తెలుగు భాషను, తెలుగు దేశాన్ని కాపాడుకోవాలని చెప్తూ కాకతీయుల సమకాలికుడైన నన్నెచోడ మహాకవి తెలుగు నిలుపుట అనే మాట చెప్పాడని ప్రముఖ చరిత్ర పరిశోధకుడు, తేరాల సత్యనారాయణ శర్మ రాసాడు. ఆనాడు భాషను కాపాడుకోవలసి వచ్చింది - పర దేశస్థుల దండయాత్రల నుండి, వారి సాంస్కృతిక దురాక్రమణల నుండి. ఇప్పుడు మాత్రం.. మనకు మనమే శత్రువులం. ఎంత విషాదం!
ఉపపేజీలు
ఏది వికీపీడియా కాదు
- వికీపీడియా వంటల పుస్తకమా?
కాదు
- వికీపీడియా సినిమా పాటల పుస్తకమా?
కాదు
- వికీపీడియా మొలకల నర్సరీ మాత్రమేనా?
కాదు
- వికీపీడియా అనాథ పేజీల ఆశ్రమమా?
కాదు
- వికీపీడియా వ్యాసమంటే విషయం గురించిన ఉపోద్ఘాతం/నిర్వచనం/పరిచయం మాత్రమేనా ?
కాదు
- వికీలో ఏదో ఒకటి రాసి తీరాల్సిన అవసరం ఏమైనా ఉందా?
లేదు
- పుంఖానుపుంఖంగా మొలకలు తయారు చేసి వికీలో పడెయ్యాల్సిన అవసరం ఉందా?
వికీపీడియాకైతే లేదు
- సమాచారమేమీ లేకుండా కేవలం శీర్షికలు, ఉపశీర్షికలతో పేజీలు నింపెయ్యడం అవసరమా?
వికీపీడియాకు అలాంటి పేజీల అవసరం లే...దు
కొత్తవారికి
కొత్త సభ్యుడు: వికీపీడియా అంతా గందరగోళంగా ఉంది. నేనూ ఇక్కడ రాయాలంటే ఏం చెయ్యాలి, ఎలా రాయాలి?:
వికీపీడియను: నిజమే, కొత్తలో వికీపీడియా కొంత గందరగోళంగానే ఉంటుంది. (పాతబడ్డాక కూడా కొత్త కొత్తగానే ఉంటుంది) ఈ గందరగోళంలోంచి దారి చూసుకుని ముందుకు పోయేందుకు కొన్ని చిట్కాలు ఇస్తున్నాను. అటూ ఇటూ చూడకుండా కింది లింకులను పట్టుకుని వెళ్ళి పోండంతే!
- ముందుగా కొన్ని వ్యాసాలను చదవండి. ఆ వ్యాసాల ఆకృతిని పరిశీలించండి. ఎలా మొదలుపెడుతున్నారు (ఉపోద్ఘాతంతో), ఎలా ముగిస్తున్నారు (మూలాలు వనరులతో) వగైరాలను గమనించండి. ఉదాహరణకు ఈ వ్యాసాలు చూడండి: కలివికోడి, పొందూరు, మంచుమనిషి, మానవ పరిణామం, యోగా, ఛందస్సు, పోతులూరి వీరబ్రహ్మేంద్రస్వామి. ఈ వ్యాసాల్లో తప్పులేమైనా ఉన్నాయేమో గమనించండి. తప్పులు సరిదిద్దవచ్చు. అది మీ హక్కు అని మీకు చెబుతున్నాను. త్వరలోనే అది మీ బాధ్యత అని తెలుసుకుంటారు. అయితే, దిద్దుబాట్లు చెయ్యబోయే ముందు...
- వికీలో ఓ ఖాతా సృష్టించుకోండి: పేజీకి పైన కుడిపక్కన ఉన్న లింకును చూడండి, ఇక సృష్టించుకోండి.
- ..కున్నాక, లాగినవండి
- తెలుగులో ఎలా రాయాలో తెలుసుకోండి. మీరు ఇంగ్లీషులో టైపు చేసుకుంటూ పోతుంటే, వికీపీడియా తెలుగులోకి మార్చుకుంటూ పోతుంది.
- లాగినయ్యాక, పేజీకి పైన, కుడివైపున ఉన్న మీ పేరును నొక్కితే మీ వాడుకరి పేజీకి వెళ్తారు. అక్కడ వికీకి సంబంధించినంత వరకూ మీగురించి క్లుప్తంగా రాసుకోవచ్చు
- ఆ లింకు పక్కన ప్రయోగశాల అనే లింకు కుడా ఉంటుంది. ఆ పేజీలో మీకు కావలసిన ప్రయోగాలు చేసుకోవచ్చు.
- అక్కడ తెలుగులో రాయడం సాధన చెయ్యండి. రాయడానికి అలవాటు పడ్డాక, ఇక మొదలుపెట్టండి.
- ముందుగా..
- మీ ఊరి పేరుతో వెదకండి. (వెదకడానికి పేజీలో పైన కుడిపక్కన వెతుకుపెట్టె ఉంటుంది, చూడండి.) నాకు తెలిసి మీ ఊరి పేరిట పేజీ ఉండే ఉంటుంది; లేకపోయే అవకాశం పది శాతం కూడా లేదు. ఆ పేజీలో ఉన్న సమాచారాన్ని చదవండి. కొత్త సమాచారాన్ని చేర్చాలని అనిపిస్తే చేర్చెయ్యండి, వెనకాడకండి. తప్పు జరుగుతుందేమోనని భయపడకండి. తప్పులను సరిచేసుకుందాం. కానీ ఏకంగా సమాచారమే తప్పు కాకుండా చూసుకోండి.
- పేజీకి ఎడమవైపున ఉన్న లింకులను చూసారా? కొన్ని లింకులను గురించి చెబుతా నిక్కడ:
- వికీపీడియాలో ఏ పని ఎలా చెయ్యాలో సహాయసూచిక చెబుతుంది.
- వికీపీడియాలో ఏం జరుగుతోందో ఇటీవలి మార్పులు చెబుతుంది.
- వికీపీడియాలో ఏం చెయ్యాలో, ఎలా చెయ్యాలో చర్చించవచ్చు రచ్చబండ లో.
- వ్యాసాల్లో వ్యావహారిక భాష వాడాలి. శిష్ట వ్యావహారికం వాడరాదు. సరళ గ్రాంథికం, శిష్ట గ్రాంథికం అసలే కుదరదు. కొన్ని ఉదాహరణలిక్కడ. ఈనాడు, ప్రజాశక్తి, విశాలాంధ్ర, ఆంధ్రజ్యోతి, నవతెలంగాణ, ఆంధ్రప్రభ లాంటి ప్రామాణిక దినపత్రికలు ఎలా రాస్తున్నాయో చూడండి. వాటిని అనుసరించండి.
ఏం వాడకూడదు | ఏం వాడాలి |
---|---|
వచ్చెను | వచ్చాడు, వచ్చారు, వచ్చింది |
మూలము | మూలం |
కలదు, కలవు | ఉంది, ఉన్నాయి |
కారణములు కలవు | కారణాలున్నాయి / కారణాలు ఉన్నాయి |
గమనిస్తూ ఉండాల్సినవి
- పేజీ నుండి బయటికి పోయే లింకులు
- అగాధ పేజీలు
- బాగా తక్కువ అంతర్గత లింకులున్న పేజీలు
- పేజీకి వచ్చే (ఇన్కమింగ్) లింకులు: అనాథ పేజీలు
- పేజీ సైజు: మొలకలు
- మూలాలు: మూలాల్లో దోషాలున్న పేజీలు
ఇతరత్రా.త్రా..త్రా...
- श्रीश्री: श्रीश्री: तेलुगु साहित्य की महाकवी श्रीरंगं श्रीनिवासराव (१९१० अप्रैल ३०- १९८३ जून, १५) है। वे श्रीश्री के नाम पर प्रसिद्ध हुये। क्रांतिकारी कवि के रूप मे, पारंपरिक, छंदोयुत् कवित्व को धिक्कार्ने वाले श्रीश्री, प्रगतिशील लेखक संघ के अध्यक्ष, और क्रांतिकारी लेखक संघ के संस्थापक अध्यक्ष रहे। फिल्म गीत लेखन मे भी वह प्रसिद्ध है।
ఈ వాడుకరి, అయోమయ నివృత్తి పేజీలకు ఉన్న లింకులను పరిష్కరిస్తూంటారు. |
గుర్తింపు
ఇక్కడ నేను చేసిన పనులకు నాకు లభించిన బహుమతులివి: