టి.యస్.విజయచందర్

టి.యస్.విజయచందర్ ఒక ప్రముఖ తెలుగు సినిమా నటుడు. ఇతడు నటించిన చారిత్రాత్మకమైన కరుణామయుడు, ఆంధ్రకేసరి మొదలైన సినిమాలు ప్రేక్షకుల్ని అలరించాయి. ఆయన అసలు పేరు రామచందర్. 1942లో మద్రాస్ లో పుట్టాడు. ఆంధ్రప్రదేశ్ తొలి ముఖ్యమంత్రి టంగుటూరి ప్రకాశం పంతులు ఈయనకు తాత అవుతారు. తల్లిదండ్రులు పుష్పావతి, తెలిదేవర వెంకట్రావు. ఈయన తండ్రి హోమియోపతి వైద్యులు. బ్యాడ్మింటన్ ఛాంపియన్ కూడా. ఆరుమంది సంతానంలో ఈయన మూడోవాడు. విద్యాభ్యాసం అంతా కాకినాడలో జరిగింది.

కాకినాడ పి.ఆర్. ప్రభుత్వ కళాశాల లో ఉండగా ఆయన దృష్టి నాటకాల వైపు మళ్ళింది. ఏడిద నాగేశ్వర రావు, వి.బి. రాజేంద్ర ప్రసాద్ లు ఆయనకు సీనియర్లు. ఆయన వేసిన తొలి నాటిక లోభి. మాడా వెంకటేశ్వరరావు, ఏడిద నాగేశ్వరరావు తదితరులు స్థాపించిన రాఘవ కళాసమితి లో అనేక నాటకాల్లో పాల్గొన్నాడు.

సినిమాలు

• త్రీ (2008)
• కబీర్ దాస్ (2003) .... కబీర్ దాస్
• ఆపద్బాంధవుడు (1992)
• రాత్ (1992)
• గీతాంజలి (1989)
• యోగి వేమన (1988) .... వేమన
• శ్రీ షిర్డీ సాయిబాబా మహత్యం (1986) .... సాయిబాబా
• రాజాధిరాజు (1980)
• కరుణామయుడు (1978) (ఏసుక్రీస్తు) (నటుడు మరియు నిర్మాత)
• సుడిగుండాలు (1967)

బయటి లింకులు

• ఐ.ఎమ్.డి.బి.లో విజయచందర్ పేజీ.