మన దేశం

మన దేశం (1949 తెలుగు సినిమా)
దర్శకత్వం	ఎల్.వి.ప్రసాద్
నిర్మాణం	కృష్ణవేణి మరియు ఆమె భర్త మీర్జాపురం రాజా
రచన	సముద్రాల రాఘవాచార్య శరత్ బెంగాలీ నవల ఆధారంగా
తారాగణం	ఎన్.టి. రామారావు, ఎస్.వి. రంగారావు, చిత్తూరు నాగయ్య చిత్రపు నారాయణరావు కృష్ణవేణి (శోభ), రేలంగి వెంకట్రామయ్య, వంగర వెంకటసుబ్బయ్య, రామనాధశాస్త్రి, కాంచన, సురభి బాలసరస్వతి, హేమలత, లక్ష్మీకాంతం
సంగీతం	ఘంటసాల వెంకటేశ్వరరావు
నేపథ్య గానం	ఘంటసాల, లీల, ఎమ్.ఎస్. రామారావు, జిక్కి
ఛాయాగ్రహణం	ఎమ్.ఎ. రెహమాన్
నిర్మాణ సంస్థ	ఎం.ఆర్.ఏ ప్రొడక్షన్స్
విడుదల తేదీ	నవంబర్ 24, 1949
నిడివి	172 నిముషాలు
భాష	తెలుగు
ఐ.ఎమ్.డీ.బి పేజీ

మన దేశం, 1949లో విడుదలైన ఒక సాంఘిక తెలుగు సినిమా. ఇది ఎన్.టి. రామారావు మొదటి సినిమా. దీనికి దర్శకుడు ఎల్.వి.ప్రసాద్. ప్రసిద్ధ నటి కృష్ణవేణి ఈ చిత్రానికి నిర్మాత. ఈ సినిమా "విప్రదాస్" అనే బెంగాలీ నవల ఆధారంగా నిర్మింపబడింది. భారత స్వాతంత్ర్య సంగ్రామం ఈ చిత్ర కధకు నేపధ్యం.

విశేషాలు

• ఈ చిత్రం ద్వారా పరిచయమైన ఎన్.టి. రామారావు మరియు ఎస్.వి.రంగారావు తరువాత తెలుగు చలనచిత్ర రంగంలో ఎంతో ప్రసిద్ధులయ్యారు. అలాగే ఈ చిత్రం ఘంటసాల వెంకటేశ్వరరావు సంగీత దర్శత్వం వహించిన మొదటి సినిమా. గాయని పి. లీల కూడా ఈ సినిమా ద్వారా తెలుగు సినిమా రంగం నేపధ్యగానంలో ప్రవేశించింది. ఇందులో రామారావు పోలీసు వేషం వేశాడు.
• సినిమా కధనంలో బుర్ర కథ, ఒగ్గు కథ, వీధి నాటకాలు, బొమ్మలాటలు వంటి సాంస్కృతిక కళారూపాలను కదనానికి వినియోగించారు. ఇంకా దేశ భక్తి గీతాలు, దంపుడు పాటలు, భజనలు, ఇతర జానపద గీతాలను వాడారు.
• సినిమాలో గాంధీ గారి ఉన్నతాదర్శాలను, స్వాతంత్ర్యం తరువాత దిగజారిన విలువలను చూపౌఇంచారు.
• ఇది బెంగాలీ కధ ఆధారంగా వెలువడిన మొదటి తెలుగు సినిమా. తరువత దేవదాసు, ఆరాధన వంటి అనేక బెంగాలీ నవలలు తెలుగు సినిమా కధలుగా వెలువడి విజయవంతమయ్యాయి.

పాటలు

1. ఏషా మధ్యేకాంచితంనో: రాజ్యం భోగ సుఖానిచ (శ్లోకం) - ఘంటసాల
2. ఏమిటో సంబంధం ఎందుకో ఈ అనుబంధం - ఎం.ఎస్. రామారావు, కృష్ణవేణి - రచన: సముద్రాల
3. కళ్ళ నిన్ను చూచినానే పిల్లా ఒళ్ళు ఝల్లుమన్నదే - ఘంటసాల,జిక్కి - రచన: సముద్రాల
4. చెలో చెలో చెలో చెలో రాజా చెలో చెలో చెలో - ఎం.ఎస్. రామారావు, కృష్ణవేణి - రచన: సముద్రాల
5. జయహే జయహే - ఘంటసాల,కృష్ణవేణి బృందం - రచన: సముద్రాల *
6. జడియకురా ధీరా సాత్వికరణ విజయము నీదేరా - నాగయ్య - రచన: సముద్రాల
7. జననీ జన్మభూమిశ్చ స్వర్గాదపి గరీయతి (శ్లోకం) - ఘంటసాల - రచన: సముద్రాల
8. జయ జననీ పరమపావనీ జయ జయ భారతజనని- ఘంటసాల,కృష్ణవేణి - రచన: సముద్రాల
9. దారులు కాచే రాజుసేనలు దాసి (బుర్రకధ) - ఘంటసాల, కృష్ణవేణి బృందం - రచన: సముద్రాల
10. నిర్వేదమేలా కన్నీరదేల భరతజాతికపూర్వపర్వము ఈవేళ - నాగయ్య - రచన: సముద్రాల
11. భారత యువకా కదలరా భారతయువతా - ఘంటసాల బృందం - రచన: సముద్రాల
12. మరువలేనురా నిను నేను మరువలేనురా ఓ పంచదారవంటి - జిక్కి - రచన: సముద్రాల
13. మావా నందయ మావా అందుకో నన్నందుకో నా అందాలే - జిక్కి - రచన: సముద్రాల
14. మాటా మర్మము నేర్చినవారు మనసు - ఘంటసాల,కృష్ణవేణి బృందం - రచన: సముద్రాల
15. వెడలిపో తెల్లదొరా మాదేశపు ఎల్ల దాటీ వెడలిపో - ఘంటసాల బృందం - రచన: సముద్రాల
16. వైష్ణవ జనతో తేనే కహియే పీడపరాయీ (గుజరాతీ) - ఘంటసాల - రచన: నరసింహ మెహతా

మూలాలు

• ఘంటసాల గళామృతము బ్లాగు - కొల్లూరి భాస్కరరావు, ఘంటసాల సంగీత కళాశాల, హైదరాబాద్ - (చల్లా సుబ్బారాయుడు సంకలనం ఆధారంగా)