ఉసిరి

విజయనగరం జిల్లాలో ఉసిరి (గ్రామం) ఉంది.

ఉసిరి
శాస్త్రీయ వర్గీకరణ
Kingdom:	ప్లాంటే
Division:	పుష్పించే మొక్కలు
Class:	Magnoliopsida
Order:	Malpighiales
Family:	ఫిలాంథేసి
Tribe:	Phyllantheae
Subtribe:	Flueggeinae
Genus:	ఫిలాంథస్
Species:	ఫి. ఎంబ్లికా
Binomial name
ఫిలాంథస్ ఎంబ్లికా Gaertn.
Synonyms
సిక్కా ఎంబ్లికా Kurz ఎంబ్లికా అఫిసినాలిస్ Gaertn. మిరాబలనస్ ఎంబ్లికా Burm. ఫిలాంథస్ మైరీ Lév.

ఉసిరి ఒక చెట్టు. ఉసిరికాయల గురించి వీటిని పెంచుతారు. ఉసిరి కాయను ఆంగ్లంలో The Indian gooseberry (Phyllanthus emblica, syn. Emblica officinalis), అనీ, హిందీలో "ఆమ్ల' అనీ, సంస్కృతంలో "ఆమలక" అనీ అంటారు. దీనిలో విటమిన్ సి. పుష్కలంగా ఉంటుంది. ఉసిరి కాయలను, గింజలను, ఆకులను, పూలను, వేళ్ళను, బెరడును ఆయుర్వేద ఔషధాలలో వాడతారు-ముఖ్యంగా చ్యవన ప్రాశ్‌లో. మలబద్ధకానికి ఉసిరి కాయ దివ్యౌషధం. షాంపూలో కూడ ఉసిరి కాయను వాడతారు.

వర్ణన

• ఉసిరిచెట్టు 8 నుండి 18 మీటర్ల ఎత్తు పెరుగుతుంది.
• ఆకులు 7-10 సె.మీ. ఉంటాయి.
• పువ్వులు ఆకుపచ్చ-పసుపు రంగులో ఉంటాయి.
• ఉసిరికాయలు గుండ్రంగా లేత ఆకుపచ్చ-పసుపు రంగులో గట్టిగా ఉండి 6 నిలువుచారలు కలిగి ఉంటాయి. ఇవి పుల్లగా పీచుతో ఉంటాయి.

ఉపయోగాలు

ఉసిరి కాయ

• ఉసిరికాయలో విటమిన్ సి చాలా ఎక్కువగా ఉండి ఆరోగ్యానికి మంచిది. ఆయుర్వేదంలో చ్యవన్ ప్రాస్ దీని నుండి తయారుచేస్తారు.
• దక్షిణ భారతదేశంలో ఉసిరికాయను ఊరగాయ క్రింద లేదా ఉప్పు, కారంలో ఊరబెట్టి తినడానికి చాలా ఇష్టపడతారు.
• హిందువులు ఉసిరిచెట్టును పవిత్రంగా భావిస్తారు. కార్తీకమాసంలో వనమహోత్సవాలలో ఉసిరిచెట్టు క్రింద భోజనం చేయడం శ్రేష్ఠం అన్ని నమ్ముతారు.