జావా

జావా ప్రోగ్రామింగు భాష చిహ్నం

జావా అనేది సన్ మైక్రో సిస్టమ్స్ రూపొందించిన ఒక కంప్యూటర్ భాష. దీనిని 1995లో సన్ సంస్థ యొక్క జావా ప్లాట్ ఫాంలో ప్రధానమైన భాగంగా విడుదల చేశారు. దీని సింటాక్సు చాలా వరకు సీ, సీ ప్లస్ ప్లస్ పోలి ఉన్నప్పటికీ వాటికంటే సులభతరమైన ఆబ్జెక్టు మోడల్ ఆధారంగా అభివృద్ధి చేయబడింది. కానీ ఇది సీ/సీ ప్లస్ ప్లస్ లాగా క్రింది స్థాయి ప్రోగ్రామింగ్ చేయడానికి అంతగా అనుకూలించదు. జావా ప్రోగ్రాములు ఎక్జిక్యూట్ చెయ్యడానికి ముందు జావా కంపైలర్‌చే బైట్ కోడ్ లోకి తర్జుమా ఛఛబదథ్అకి. ఈ బైట్ కోడ్ ఫైలును జావా వర్చువల్ మెషీన్ ఎక్జిక్యూట్ చేస్తుంది. జావా వర్చువల్ మెషీన్ అన్ని రకాలైన కంప్యూటర్లలో పనిచేసే విధంగా రూపొందించబడి ఉంటుంది కాబట్టి జావా డెస్కుటాప్ కంప్యూటర్లు, ల్యాప్ టాప్ లు, మొబైల్ ఫోన్లు, పిడిఏలు మొదలైన అన్ని రకాల కంప్యూటర్లలో పని చేస్తుంది.

చరిత్ర

1991లో ఒక సెట్ టాప్ బాక్సు ప్రాజెక్టు కోసం మొట్టమొదటి సారిగా జావాను తయారుచేసారు. దీని రూపకర్తలు జేమ్స్ గోస్లింగ్, పాట్రిక్ నాటన్, క్రిస్ వర్త్, ఎడ్వర్డ్ ఫ్రాంక్, మరియు మైక్ షెరిడాన్. ఇంకా బిల్ జాయ్, జోనాథన్ పేన్, ఫ్రాంక్ యెల్లిన్, ఆర్థర్ వాన్ హాఫ్,టిమ్ లింఢామ్ మొదలైన వారు దీన్ని అభివృద్ధి పరచడంలో పాలు పంచుకొన్నారు. మొట్ట మొదటి పనిచేసే వర్షన్ ను రూపొందించడానికి గోస్లింగ్ బృందానికి 18 నెలల సమయం పట్టింది. మొదట్లో జావాను ఓక్ అని పిలిచేవారు (గోస్లింగ్ పని చేసే ఆఫీస్ బయట ఉండే ఓక్ వృక్షానికి గుర్తుగా ఆ పేరు పెట్టాడు). తరువాత గ్రీన్ అనీ, చివరకు జావా అనీ రూపాంతరం చెందింది. జావాను ఇప్పుడు ఇంటర్నెట్ అప్లికేషన్లలో విరివిగా వాడుతున్నప్పటికీ నిజానికి మొదట్లో దీన్ని ఇంటర్నెట్ ను దృష్టిలో పెట్టుకొని రూపొందించలేదు. మైక్రోవేవ్ ఒవెన్లు, రిమోట్ కంట్రోళ్ళు తదితర ఎలక్ట్రానిక్ ఉపకరణాలు దీనిని రూపొందించడానికి ప్రేరణ. వీటిలో చాలా రకాలైన సిపియు లను కంట్రోలర్లుగా వాడుతుంటారు. ఒక వర్చువల్ మెషీన్ను తయారు చేసి, దానికోసం సీ/సీ ప్లస్ ప్లస్ బాషలను పోలి ఉండే ఒక కంప్యూటర్ భాషను తయారు చేయాలన్నది గోస్లింగ్ మొదట్లో నిర్దేశించుకున్న లక్ష్యాలు. సీ/సీ ప్లస్ ప్లస్ లతో వచ్చిన సమస్య ఏమిటంటే వీటిలో రాసిన ప్రోగ్రాములు ఎవో కొద్ది ప్లాట్ ఫాం లకోసం కంపైల్ చెయ్యబడేలా రూపొందించబడి ఉంటాయి. సీ/సీ ప్లస్ ప్లస్ ప్రోగ్రామును ఒక సిపియు మీద నడపాలంటే దానికి సంభందించిన కంపైలర్ రాయాలి. కానీ మార్కెట్లో లభిస్తున్న ప్రతీ సిపియుకూ కంపైలర్ను రూపొందించాలంటే అది ఖర్చు మరియు సమయం తో కూడిన పని. ఈ సమస్యకు పరిష్కారంగానే జావాను కనుగొనడం జరిగింది. జావా మొట్ట మొదటి సారిగా 1995 లో జావా 1.0గా విడుదల అయ్యింది. ఒక్క సారి ప్రోగ్రామును రాయండి, ఎక్కడైనా నడపండి అన్న నినాదంతో, ప్రస్తుతం ప్రధానంగా ప్రాచుర్యంలో ఉన్న కొన్ని ప్లాట్ ఫాంలకోసం వర్చువల్ మెషీన్ను తయారు చేశారు. ఈ వర్చువల్ మెషీన్ మంచి రక్షణ వ్యవస్థ కలిగిఉండి, నెట్ వర్క్ యాక్సెస్ ను, మరియు ఫైల్ యాక్సెస్ ను నియంత్రించడం మొదలైన రక్షణాపరమైన సౌలభ్యాన్ని కూడా కల్గించింది. అనతి కాలంలోనే ప్రజాధరణ పొందిన వెబ్ బ్రౌజర్లన్నీ జావా అప్లెట్లు నడపడానికి కావాల్సిన సౌకర్యాలను కల్పించాయి. జావా 2 రాకతో వేర్వేరు ప్లాట్ ఫాం లకు వేర్వేరు కాన్ఫిగరేషన్ లతో విడుదల అయ్యింది. ఎంటర్ ప్రైస్ అప్లికేషన్ల కోసం J2EE గా, మొబైల్ అప్లికేషన్ల కోసం J2ME, సాధారణ అప్లికేషన్ల కోసం J2SE సరికొత్త రూపాన్ని సంతరించుకొంది.no more corrections please

సింటాక్సు

జావా సింటాక్సు చాలా భాగం సీ/ సీ ప్లస్ ప్లస్ సింటాక్సును పోలి ఉన్నప్పటికీ వాటి వలే స్ట్రక్చర్డు ప్రొగ్రామింగ్, ఆబ్జెక్టు ఓరియెంటెడ్ ప్రోగ్రామింగు విధానాలను కలగలిపి కాకుండా, జావా కేవలం ఆబ్జెక్టు ఓరియెంటెడ్ భాష గానే రూపొందించబడింది. అందువల్లనే జావాలో ప్రతీదీ ఆబ్జెక్టు గానే పరిగణించబడుతుంది. ఏది రాసిన క్లాస్ యొక్క లోపలనే రాయాలి. జావాలో Hello Java ప్రోగ్రాము ఇలా ఉంటుంది.

 class HelloJavaProgram{
     public static void main(String s[]) {

         System.out.println("Hello Java");
     }
 }


O/P : Hello Java

ప్రధాన లక్ష్యాలు

జావా రూప కర్తలు దీనిని రూపొందించేటపుడు ఐదు ప్రధానమైన లక్ష్యాలను దృష్టిలో ఉంచుకున్నారు.

1. ఇది ఆబ్జెక్టు ఓరియెంటెడ్ ప్రోగ్రామింగ్ విధానాన్ని అవలంభించాలి.

2. ఒకే ప్రోగ్రాము వివిధ రకాలైన ఆపరేటింగ్ సిస్టమ్సు మీద నడపగలిగేలా ఉండాలి.

3. నెట్ వర్కింగ్ ప్రోగ్రాములు సులువుగా రాయడం కోసం అవకాశం కలిగించాలి.

4. దూర ప్రాంతాలనుంచి భద్రంగా నడపడానికి అనుగుణంగా రూపొందించబడాలి.

5. ఉపయోగించడానికి సులభంగా ఉండాలి.

విమర్శ

జావా బైట్ కోడ్ ఆ ప్రోగ్రాము నడిపేటపుడు అప్పటికప్పుడు మెషీన్ కోడుకు మార్చడం వలన జావా ప్రోగ్రాములు నిదానంగా నడపబడతాయన్న విమర్శ ఉంది. కొంత రక్షణ విషయాలు కూడా పట్టించుకోవడం కూడా ఇందుకు కారణం. అయితే జావా ఉద్బవించినప్పటినుంచీ ఇప్పటి దాకా ప్రోగ్రాములు తొందరగా నడపబడడానికి కావాల్సిన మార్పులు చేపడుతూనే ఉన్నారు. అందులో ఒకటి జస్ట్ ఇన్ టైమ్ కంపైలర్. ఇది జావా బైట్ కోడు ను అప్పటికప్పుడు మెషీన్ కోడు లోకి మారుస్తుంది. దీనివలన ప్రోగ్రాము కొద్ది పాటి వేగం పుంజుకోగలదు.

మూలాలు

జావా ని మొబైల్ ఫొన్ అప్లికెషన్స్ లొ ఉపయోగిస్తారు కూడ.

బయటి లింకులు

• Java home page
• Java for developers
• Java: The Inside Story
• A history of Java
• M254 Java Everywhere (free open content documents from the Open University)
• Java Language Specification (pdf)