గిన్నీస్ ప్రపంచ రికార్డులు

గిన్నీస్ ప్రపంచ రికార్డులు
గిన్నీస్ ప్రపంచ రికార్డులు 2008 సంచిక
కృతికర్త:	ఎవరూ లేరు
అనువాదకులు:	ఎవరూ లేరు
బొమ్మలు:	ఇయన్ బుల్ , ట్రుడి వెబ్బ్
ముఖచిత్ర కళాకారుడు:	యేఉంగ్ పూన్
దేశం:	United Kingdom
భాష:	English, Arabic, Brazilian, Portuguese, Chinese, Croatian, Czech, Danish, Dutch, Finnish, French, German, Greek, Hebrew, Hungarian, Icelandic, Italian, Japanese, Norwegian, Russian, Slovakian, Spanish, Swedish and Turkish
సీరీస్:	గిన్నీస్ ప్రపంచ రికార్డులు
ప్రక్రియ:	ప్రపంచ రికార్డులు
విభాగం (కళా ప్రక్రియ):	సమాచారం
ప్రచురణ:	హిట్ ఎంటర్టైన్మెంట్
విడుదల:	ఆగష్టు 27, 2007
పేజీలు:	288 (2006) 287 (2007) 289 (2008)
ఐ.ఎస్.బి.ఎన్(ISBN):	ISBN 978-1-904994-18-3

ప్రపంచంలో రికార్డులు సాధించిన వారి వివరములు గల పుస్తకము.

గిన్నీస్ ప్రపంచ రికార్డులు, (2000 వరకు ది గిన్నీస్ బుక్ ఆఫ్ రికార్డ్స్ అని పిలవబడ్డాయి) ప్రతి సంవత్సరం ప్రచురించబడే ఒక ప్రమాణిక పుస్తకము. అంతర్జాతీయంగా గుర్తింపు పొందిన ప్రపంచ రికార్డులను నమోదు చేస్తుంది. ఇందులో మానవులు సాధించిన ఘనవిజయాలు మరియు ప్రకృతిలో జరిగే విపరీతాలను గుర్తింపబడతాయి. ఈ పుస్తకమే కాపీరైటు పొందిన పుస్తకాల అమ్మకాలలో ఒక ప్రపంచ రికార్డు సాధించింది.

చరిత్ర

నవంబరు 10 1951, సర్ హగ్ బీవర్, ఐర్లాండ్ లోని గిన్నీస్ బ్రెవరీ కంపెనీ డైరెక్టరు ఒక రోజు స్నేహితులతో ప్రపంచంలో అత్యంత వేగంగా పరుగెత్తే పక్షి ఏది అని వాదిస్తున్నాడు. అయితే తొందరలోనే ఈ విషయాన్ని నిర్ధారించడం చాలా కష్టమని అతనికి అర్ధం అయింది. అయితే బ్రిటన్లో ప్రచురించబడే 81,400 ప్రచురణలలో ఇలాంటి వివాదాలను పరిష్కరించే పుస్తకం అప్పటివరకు విడుదలకాలేదు. అతని ఆలోచనలో ఇలాంటి ప్రశ్నలకు సమాధానాలను చూపించే పుస్తకం చాలా ప్రాచుర్యం పొందుతుందని భావించారు.

బీవర్ ఆలోచనను గిన్నీస్ కంపెనీలో ఉద్యోగిగా ఉండే క్రిష్టాఫర్ కాటవే బాగా సమర్ధించి లండన్లోని నోరిస్ మరియు రాస్ అనే ఇద్దరు కవలలకు ఆ పని అప్పగించాడు. ఈ అన్నదమ్ములు పూర్తిచేసిన పుస్తకం "ది గిన్నీస్ బుక్ ఆఫ్ రికార్డులు" ఆగష్టు 1954లో ఒక వెయ్యి కాపీలు ముద్రించి అందరికీ పంచిపెట్టారు.

గిన్నీస్ బుక్ ఆఫ్ రికార్డులు స్థాపించిన తరువాత మొదటి 198-పేజీల ప్రతిని 27 ఆగష్టు 1955లో విడుదలచేశారు. క్రిస్టమస్ కల్లా బ్రిటిష్ బెస్ట్ సెల్లర్ గా నమోదయింది. ఆ తరువాతి సంవత్సరం అమెరికాలో విడుదల చేసి 70,000 కాపీలు అమ్ముడయ్యాయి. అప్పటినుండి ప్రతి సంవత్సరం కొత్త రికార్డులతో అక్టోబరులో ఈ పుస్తకాన్ని విడుదల చేస్తున్నారు. మెక్ విటర్స్ అన్నదమ్ములు తరువాత బహుళ ప్రాచుర్యం పొందిన దూరదర్శినిలో పిల్లల ప్రశ్నలకు సమాధానాలు చెప్పెవారు.

గిన్నీస్ మ్యూజియం

హాలీవుడ్ లోని గిన్నీస్ మ్యూజియం.

1976 సంవత్సరంలో గిన్నీస్ బుక్ ఆఫ్ ప్రపంచ రికార్డుల ఎగ్జిబిషన్ హాలు ఎంపైర్ స్టేట్ బిల్డింగ్లో ప్రారంభించబడినది. దీనిలో ప్రపంచంలోని అత్యంత పొడువైన మనిషి (రాబర్ట్ వాడ్లో) విగ్రహం, ప్రపంచంలో అత్యంత పొడవైన వానపాము, కత్తులను మ్రింగే వ్యక్తి X-రే ఫోటో, మెరుపుల వలన కన్నాలు పడిన టోపీ మొదలైనవి ఉన్నాయి.

ఈ మధ్యకాలంలో గిన్నీస్ కంపెనీ అమెరికాలోనే కాకుండా ఇతర దేశాలలో మూజియంలు స్థాపించడానికి అంగీకరించింది. ప్రస్తుతం టోక్యో, కోపెన్ హాగన్, సాన్ ఆంటోనియో, నయగారా జలపాతాలు, కాలిఫోర్నియా, లాస్ ఏంజిల్స్, టెన్నిస్సె లలో ఉన్నాయి.

రికార్డ్ సృష్టించిన భారతీయులు

• ఎక్కువ పాటలు (వివిధ బాషలలో) పాడిన గాయకురాలు లతా మంగేష్కర్ = 32 వేలకు పైగా పాటలు.
• అసుతోష్ పాణిగ్రాహి
• రాజన్ మహదేవన్-జ్ఞాపక శక్తి
• శ్రీధర్ చిల్లాల్-4.25 అడుగులు పొడవయిన చేతి గోళ్ళు
• 2006 : కిషన్ శ్రీకాంత్ - అతిపిన్న వయసులో(10 ఏళ్ల వయసు) సినిమా దర్శకత్వం
• మురుగప్ప చన్నవీరప్ప మోడి -నేత్ర వైద్యుడు,ఒక రోజులో 833 కంటి శుక్లాల శస్త్ర చికిస్చ్చాలు చేసారు. 46,120 గ్రామాలు సందర్శించి 12,118,630 కంటి రోగులను పరిశీలించి ఫిబ్రవరి,1993వ సంవత్సరానికే 610,564కంటి శస్త్ర చికిస్చ్చాలు నిర్వహించిన ఈయన వైద్యో నారాయణో హరి అనే గౌరవానికి అర్హుడు.
• మనోరమ - అత్యధిక సినిమాలలో నటించిన వ్యక్తి.

సంఘటనలు

• 2004 : 17,921 మందితో రక్త దాన శిబిరము-అక్టోబర్ 10, 2004 న బాపుజి గ్రామం, శ్రీగంగానగర్,ఇండియా
• 1999వ సంవత్సరములో సుయంవరం(తమిళ సినిమా) పేరుతొ స్వయంవరం(తెలుగు అర్థం) 10మంది దర్శకులు,5గురు సంగీత దర్శకులు,12మంది కథానాయకులు,10మంది నాయికలు, 23 గంటలలో చిత్రీకరణ, నిర్మాణాంతర కార్యక్రమాలు పూర్తిచేసి సినిమాని విడుదలకి సిద్దం చేసిన అరుదయిన సంఘటన.
• ఎక్కువ సినిమాల నిర్మాణం
• ఎక్కువ సినిమా థియేటర్లు
• ఎక్కువ ప్రేక్షకులు
• కుంభమేళా
• తిరుమలలో శ్రీవారికి సమర్పించు శిరోజాలు
• అన్నమాచార్యుని 601 జన్మదినాన హైదరాబాదులో జరిగిన 'లక్షగళ సంకీర్తనార్చన'లో 1,60,000 మంది ఒకేసారి అన్నమాచార్య కీర్తనలు గానం చేశారు.

తెలుగువారు

గిన్నీస్ ప్రపంచ రికార్డులు వారిచే గుర్తింపబడిన ప్రపంచములోనే

• అతిపెద్ద ఆధునికమైన ఫిల్మ్ స్టూడియో రామోజీ ఫిల్మ్ సిటీ మన హైదరాబాద్ శివార్లలో ఉంది, నిర్మించింది రామోజీరావు
• ఎక్కువ పాటలు(వివిధ బాషలలో)పాడిన గాయకుడు ఎస్.పీ.బాలసుబ్రహ్మణ్యం30 వేలకు పైగా
• ఎక్కువ సినిమాలకి (వివిధ బాషలలో) దర్శకత్వం వహించిన దర్శకుడు దాసరి నారాయణ రావు(100 సినిమాలకి పైగా)
• ఎక్కువ సినిమాలు (వివిధ బాషలలో) నిర్మించిన నిర్మాత రామానాయుడు(100 సినిమాలకి పైగా)
• అతితక్కువ కాలములో ఎక్కువ సినిమాలలో నటించిన నటుడు బ్రహ్మానందం (750 సినిమాలకి పైగా)
• 2000 : ఎక్కువ సినిమాలకి దర్శకత్వం వహించిన మహిళా దర్శకురాలు విజయనిర్మల(42 సినిమాలు)
  మన తెలుగు చలనచిత్ర సీమకు గొప్పదనం,గౌరవం,ప్రపంచములో గుర్తింపు తెచ్చిన ప్రతిభావంతులు.

బయటి లింకులు

• గిన్నీస్ ప్రపంచ ఆకర్షణలు (అధికారిక మ్యూజియం వెబ్ సైటు)
• గిన్నీస్ ప్రపంచ రికార్డులు (అధికారిక పుస్తకం వెబ్ సైటు)
• ది జిమ్ పాటిసన్ గ్రూపు (parent కంపెనీ)