కాకినాడ లోక్‌సభ నియోజకవర్గం

ఆంధ్ర ప్రదేశ్ లోని 42 లోక్‌సభ నియోజకవర్గాలలో ఇది ఒకటి. ఈ లోక్‌సభ నియోజక వర్గంలో 7 అసెంబ్లీ నియోజక వర్గాలు ఉన్నాయి. 2007లో చేయబడిన నియోజకవర్గాల పునర్వ్యవస్థీకరణ వలన ఈ నియోజకవర్గం పెద్దగా మార్పులకు గురికాలేదు. ఈ నియోజకవర్గంలోని అన్ని అసెంబ్లీ సెగ్మెంట్లు కూడా జనరల్ స్థానాలుగానే ఉండటం విశేషం. ఈ నియోజకవర్గం పరిధిలో కాపు కులస్థులు అధికంగా ఉండుటవలన దాదాపు అన్ని రాజకీయ పార్టీలు ఆ కులస్థులకే అత్యధిక సార్లు సీట్లు కేటాయించాయి. ఈ నియోజకవర్గం నుంచి గెలుపొందిన వారికి కేంద్రంలో మంత్రిపదవులు కూడా చాలా సార్లు లభించాయి. గతంలో భారతీయ జనతా పార్టీ తరఫున గెలిచిన యు.వి.కృష్ణంరాజు మంత్రిపదవిని పొందగా, రామసంజీవరావు కేంద్ర కమ్యునికేషన్ శాఖా మంత్రిగా పనిచేశాడు. రామసంజీవరావు కుమారుడైన పళ్ళంరాజు ప్రస్తుతం ఈ నియోజకవర్గానికి ప్రాతినిధ్యం వహిస్తూ కేంద్ర రక్షణ శాఖా సహాయ మంత్రిగా కొనసాగుతున్నాడు.

దీని పరిధిలోని అసెంబ్లీ నియోజకవర్గాలు

• తుని అసెంబ్లీ నియోజకవర్గం
• ప్రత్తిపాడు అసెంబ్లీ నియోజకవర్గం
• పిఠాపురం అసెంబ్లీ నియోజకవర్గం
• కాకినాడ గ్రామీణ అసెంబ్లీ నియోజకవర్గం
• పెద్దాపురం అసెంబ్లీ నియోజకవర్గం
• కాకినాడ సిటీ అసెంబ్లీ నియోజకవర్గం
• జగ్గంపేట అసెంబ్లీ నియోజకవర్గం

నియోజకవర్గపు గణాంకాలు

• 2001 లెక్కల ప్రకారం జనాభా: 18,15,092
• ఓటర్ల సంఖ్య: 12,42,734
• ఎస్సీ, ఎస్టీల శాతం: 15.31% మరియు 1.47%.

నియోజకవర్గం నుంచి గెలుపొందిన అభ్యర్థులు

లోక్‌సభ	పదవీకాలం	గెలిచిన అభ్యర్థి	పార్టీ
మొదటి	1952-57	సి.హెచ్.వి.రామారావు	సి.పి.ఐ.
రెండవ	1957-62	బి. ఎస్. మూర్తి మరియు మొసలికంటి తిరుమలరావు	భారత జాతీయ కాంగ్రెస్
మూడవ	1962-67	మొసలికంటి తిరుమలరావు	భారత జాతీయ కాంగ్రెస్
నాల్గవ	1967-71	మొసలికంటి తిరుమలరావు	భారత జాతీయ కాంగ్రెస్
ఐదవ	1971-77	మల్లిపూడి శ్రీరామ సంజీవరావు	భారత జాతీయ కాంగ్రెస్
ఆరవ	1977-80	మల్లిపూడి శ్రీరామ సంజీవరావు	భారత జాతీయ కాంగ్రెస్
ఏడవ	1980-84	మల్లిపూడి శ్రీరామ సంజీవరావు	భారత జాతీయ కాంగ్రెస్
ఎనిమిదవ	1984-89	తోట గోపాలకృష్ణ	తెలుగుదేశం పార్టీ
తొమ్మిదవ	1989-91	మల్లిపూడి మంగపతి పళ్ళంరాజు	భారత జాతీయ కాంగ్రెస్
పదవ	1991-96	తోట సుబ్బారావు	తెలుగుదేశం పార్టీ
పదకొండవ	1996-98	తోట గోపాలకృష్ణ	తెలుగుదేశం పార్టీ
పన్నెండవ	1998-99	ఉప్పలపాటి వెంకట కృష్ణంరాజు	భారతీయ జనతా పార్టీ
పదమూడవ	1999-04	ముద్రగడ పద్మనాభం	తెలుగుదేశం పార్టీ
పదునాల్గవ	2004-2009	మల్లిపూడి మంగపతి పళ్ళంరాజు	భారత జాతీయ కాంగ్రెస్
15వ	2009-ప్రస్తుతం వరకు	మల్లిపూడి మంగపతి పళ్ళంరాజు	భారత జాతీయ కాంగ్రెస్

2009 ఎన్నికలు

2009 ఎన్నికలలో భారతీయ జనతా పార్టీ తరఫున బిక్కిన విశ్వేశ్వరరావు పోటీ చేస్తున్నాడు. కాంగ్రెస్ పార్టీ తరఫున ఎం.ఎం.పళ్ళంరాజు పోటీలో ఉన్నాడు.