Coordinates: 14°33′11″N 78°42′36″E / 14.553013°N 78.71006°E / 14.553013; 78.71006

వల్లూరు

వికీపీడియా నుండి
Jump to navigation Jump to search
వల్లూరు
—  రెవిన్యూ గ్రామం  —
వల్లూరు is located in Andhra Pradesh
వల్లూరు
వల్లూరు
అక్షాంశరేఖాంశాలు: 14°33′11″N 78°42′36″E / 14.553013°N 78.71006°E / 14.553013; 78.71006
రాష్ట్రం ఆంధ్రప్రదేశ్
జిల్లా కడప జిల్లా
మండలం వల్లూరు
ప్రభుత్వం
 - సర్పంచి శ్రీమతి ఆదిమూలం శారద
జనాభా (2011)
 - మొత్తం 3,162
 - పురుషులు 1,541
 - స్త్రీలు 1,621
 - గృహాల సంఖ్య 892
పిన్ కోడ్ 516293
ఎస్.టి.డి కోడ్ 08562

వల్లూరు, ఆంధ్రప్రదేశ్ రాష్ట్రం లోనివైఎస్‌ఆర్ జిల్లా, వల్లూరు మండలం లోని గ్రామం. ఇది సమీప పట్టణమైన కడప నుండి 16 కి. మీ. దూరంలో ఉంది. 2011 భారత జనగణన గణాంకాల ప్రకారం ఈ గ్రామం 1516 ఇళ్లతో, 5776 జనాభాతో 1471 హెక్టార్లలో విస్తరించి ఉంది. గ్రామంలో మగవారి సంఖ్య 2939, ఆడవారి సంఖ్య 2837. షెడ్యూల్డ్ కులాల సంఖ్య 1915 కాగా షెడ్యూల్డ్ తెగల సంఖ్య 98. గ్రామ జనగణన లొకేషన్ కోడ్ 593323[1] అలనాటి వల్లభాపురం.. ప్రస్తుత వల్లూరు.

విద్యా సౌకర్యాలు[మార్చు]

గ్రామంలో ఒక ప్రైవేటు బాలబడి ఉంది. ప్రభుత్వ ప్రాథమిక పాఠశాలలు 11, ప్రభుత్వ ప్రాథమికోన్నత పాఠశాలలు రెండు, ప్రభుత్వ మాధ్యమిక పాఠశాలలు రెండు ఉన్నాయి. సమీప జూనియర్ కళాశాల, ప్రభుత్వ ఆర్ట్స్ / సైన్స్ డిగ్రీ కళాశాల కమలాపురం లోను, ఇంజనీరింగ్ కళాశాల, సమీప వైద్య కళాశాల, మేనేజిమెంటు కళాశాల, పాలీటెక్నిక్, సమీప వృత్తి విద్యా శిక్షణ పాఠశాల, అనియత విద్యా కేంద్రం, దివ్యాంగుల ప్రత్యేక పాఠశాల కడపలో ఉన్నాయి.

గ్రామ ప్రముఖులు[మార్చు]

  • వల్లూరు ఆదంసాహెబ్ 1850, నాదస్వర విద్వాంసులు.

వైద్య సౌకర్యం[మార్చు]

ప్రభుత్వ వైద్య సౌకర్యం[మార్చు]

వల్లూరులో ఉన్న ఒకప్రాథమిక ఆరోగ్య కేంద్రంలో ఒక డాక్టరు, ఇద్దరు పారామెడికల్ సిబ్బందీ ఉన్నారు. ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఒకరు పారామెడికల్ సిబ్బంది ఉన్నారు. ఒక పశు వైద్యశాలలో ఒక డాక్టరు, ఒకరు పారామెడికల్ సిబ్బందీ ఉన్నారు. ఒక సంచార వైద్య శాలలో డాక్టర్లు లేరు. ముగ్గురు పారామెడికల్ సిబ్బంది ఉన్నారు. సమీప సామాజిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం[మార్చు]

గ్రామంలో9 ప్రైవేటు వైద్య సౌకర్యాలున్నాయి. ఎమ్బీబీయెస్ డాక్టర్లు ఇద్దరు, ఎమ్బీబీయెస్ కాకుండా ఇతర డిగ్రీలు చదివిన డాక్టర్లు ఐదుగురు, డిగ్రీ లేని డాక్టర్లు ఇద్దరు ఉన్నారు. ఒక మందుల దుకాణం ఉంది.

తాగు నీరు[మార్చు]

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది. బోరుబావుల ద్వారా కూడా ఏడాది పొడుగునా నీరు అందుతుంది.

పారిశుధ్యం[మార్చు]

మురుగునీరు బహిరంగ కాలువల ద్వారా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా కూడా ప్రవహిస్తుంది. మురుగునీటిని శుద్ధి ప్లాంట్‌లోకి పంపిస్తున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు.సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు[మార్చు]

వల్లూరులో పోస్టాఫీసు సౌకర్యం, సబ్ పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్, ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ మొదలైన సౌకర్యాలు ఉన్నాయి. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులుప్రైవేటు బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. రైల్వే స్టేషన్ ఉంది. ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. రాష్ట్ర రహదారి గ్రామం నుండి 5 నుండి 10 కి.మీ. దూరంలో ఉంది. జాతీయ రహదారి గ్రామం నుండి 10 కి.మీ.కి పైబడిన దూరంలో ఉంది. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

మార్కెటింగు, బ్యాంకింగు[మార్చు]

గ్రామంలో వాణిజ్య బ్యాంకు, సహకార బ్యాంకు, వ్యవసాయ పరపతి సంఘం ఉన్నాయి. గ్రామంలో స్వయం సహాయక బృందం, పౌర సరఫరాల కేంద్రం, వారం వారం సంత ఉన్నాయి. ఏటీఎమ్ గ్రామం నుండి 10 కి.మీ.కి పైబడిన దూరంలో ఉంది. వ్యవసాయ మార్కెటింగ్ సొసైటీ గ్రామం నుండి 10 కి.మీ.కి పైబడిన దూరంలో ఉంది.

ఆరోగ్యం, పోషణ, వినోద సౌకర్యాలు[మార్చు]

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో ఆటల మైదానం, సినిమా హాలు, గ్రంథాలయం, పబ్లిక్ రీడింగ్ రూం ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి.

విద్యుత్తు[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 10 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం[మార్చు]

వల్లూరులో భూ వినియోగం కింది విధంగా ఉంది:

  • వ్యవసాయేతర వినియోగంలో ఉన్న భూమి: 733 హెక్టార్లు
  • వ్యవసాయం సాగని, బంజరు భూమి: 1 హెక్టార్లు
  • తోటలు మొదలైనవి సాగవుతున్న భూమి: 5 హెక్టార్లు
  • వ్యవసాయం చేయదగ్గ బంజరు భూమి: 27 హెక్టార్లు
  • సాగులో లేని భూముల్లో బీడు భూములు కానివి: 182 హెక్టార్లు
  • బంజరు భూమి: 14 హెక్టార్లు
  • నికరంగా విత్తిన భూమి: 505 హెక్టార్లు
  • నీటి సౌకర్యం లేని భూమి: 409 హెక్టార్లు
  • వివిధ వనరుల నుండి సాగునీరు లభిస్తున్న భూమి: 292 హెక్టార్లు

నీటిపారుదల సౌకర్యాలు[మార్చు]

వల్లూరులో వ్యవసాయానికి నీటి సరఫరా కింది వనరుల ద్వారా జరుగుతోంది.

  • బావులు/బోరు బావులు: 292 హెక్టార్లు

ఉత్పత్తి[మార్చు]

వల్లూరులో ఈ కింది వస్తువులు ఉత్పత్తి అవుతున్నాయి.

ప్రధాన పంటలు[మార్చు]

వరి, వేరుశనగ, పొద్దుతిరుగుడు

గ్రామ చరిత్ర[మార్చు]

చోళకాలం చరిత.. కాకతీయుల వైభవం.. విజయనగర శిల్ప వైవిధ్య వికాసాలకు సంకేతంగా నిలిచిన నగరం అలనాటి వల్లభాపురం.. ప్రస్తుత వల్లూరు.కడప జిల్లాలో వల్లూరు, కమలాపురం, సంబటూరు, కోగటం, తిప్పలూరు, అంబవరం, గోటూరు, ఎర్రగుడిపాడు, కలమల తదితర ప్రాంతాల్లో లభిస్తున్న శాసనాలు, ఆలయాలు నాటి వైభవాన్ని మనకు తెలుపుతున్నాయి. తొలి తెలుగు శాసనాలైన కలమల, ఎర్రగుడిపాడు, ప్రాచీన తెలుగుభాషా చరిత్రను అవగాహనకు నిలువెత్తు ఆధారాలైన తిప్పలూరు, గోటూరు, అంబవరం వంటి శాసనాలెన్నో లభ్యమైన ఈ ప్రాంతంలో గత సాక్ష్యాలు బయల్పడుతూనే ఉన్నాయి. ప్రాచీన భాషా చరితను తెలుసుకోవాలంటే కడప శాసనాలు పరిశీలించక తప్పదన్న భాషా శాస్త్ర పరిశోధకులు అభిప్రాయంతో ఏకీభవించని వారు లేరు.

గోటూరు శిలాశాసనం[మార్చు]

సా.శ. 1 లేదా 2 శతాబ్దాల నాటిదైన స్మరణ ఛాయాస్తూప శాసనం బయల్పడింది. ఇదే కాలానికి చెందినదిగా గంగపేరూరులో రెండో శతాబ్దానికి చెందిన శాసనం గతంలో బయల్పడినట్లు శాసన పరిశోధకుడు చెబుతున్నారు. ఆలయాల ప్రాచీనతను గుర్తించిన అధికారులు వారసత్వ పరిరక్షణకు శ్రీకారం చుట్టారు. కేంద్ర రావస్తు శాఖాధికారులు గోటూరు శాసనాన్ని పరిశీలించి ఆ స్థలంలో లభ్యమైన ఇటుకలు పరిశీలించారు. శాసన పరిశోధకులు శాసనాన్ని రికార్డు చేసుకున్నారు. ప్రాచీన కాలంలో ఇక్కడ గ్రామం పరిసర ప్రాంతాల్లో శ్మశానం ఉన్నట్లు తెలుస్తోందని వారు అభిప్రాయపడ్డారు.

దర్శనీయ ప్రదేశాల/దేవాలయాలు[మార్చు]

మబ్బు దేవాలయం[మార్చు]

ఈ ఆలయం వల్లూరు ప్రాంత గత వైభవానికి ప్రత్యక్షసాక్షిగా నిలుచుచున్నది. 13వ శతాబ్దంలో అంబదేవుడు వల్లూరును రాజధానిగా చేసుకొని పాలించాడనటానికి ఇది ఏకైక ఋజువు. వల్లూరులో సర్వే నంబరు-240లో, 5 సెంట్ల విస్తీర్ణంలో ఈ ఆలయం ఉంది. ఆలయ ప్రాంగణాన్ని కాపాడుకొనదానికి, 13వ ఆర్థిక సంఘం, రు.26 లక్షల నిధులు మంజూరు చేసింది. శిల్పి ఉలి అంచుల ఓంకృతులు పలికిన సుందర దేవతామూర్తులు, ఎన్నో పూజలు, అభిషేకాలు, బ్రహ్మోత్సవాది వైభవాలందుకున్న దేవతామూర్తులు అడుగడుగునా సాగు భూముల్లో కనిపిస్తూ తమ స్థితిని తెలుసుకోమంటున్నాయి.

శ్రీ వేంకటేశ్వరస్వామివారి ఆలయం[మార్చు]

వల్లూరు ఎస్.సి.కాలనీలో శ్రీ వేంకటేశ్వరస్వామివారి ఆలయ నిర్మాణానికి, శ్రీవారి జన్మనక్షత్రం,27-9-2020, ఆదివారంనాడు భూమిపూజ నిర్వహించారు. వేదపండితులు గడియారం పుండరీకశర్మ, శాస్త్రోక్తంగా భూమిపూజలు నిర్వహించి, ఆలయ నిర్మాణ పనులను ప్రారంభించారు. పది సంవత్సరాల క్రితం, గ్రామస్థులు, స్థానికులు, భక్తులు చందాలు వేసుకొని, స్థలాన్ని సేకరించి, భూమిపూజ నిర్వహించారు.

మూలాలు[మార్చు]

  1. "Office of the Registrar General & Census Commissioner, India - Village amenities of 2011".
"https://te.wikipedia.org/w/index.php?title=వల్లూరు&oldid=4045336" నుండి వెలికితీశారు