మణి శంకర్ అయ్యర్

వికీపీడియా నుండి
Jump to navigation Jump to search
Mani Shankar Aiyar

నియోజకవర్గము Mayiladuthurai

వ్యక్తిగత వివరాలు

జననం (1941-04-10) 1941 ఏప్రిల్ 10 (వయస్సు: 78  సంవత్సరాలు)
Lahore, British India
రాజకీయ పార్టీ INC
జీవిత భాగస్వామి Suneet Mani Aiyar
సంతానము 3 daughters
నివాసము Mayiladuthurai
September 22, 2006నాటికి మూలం http://164.100.24.208/ls/lsmember/biodata.asp?mpsno=12

మణి శంకర్ అయ్యర్ (హిందీ: मणि शंकर अय्यर | తమిళం: மணிசங்கர் அய்யர்) (జననం ఏప్రిల్ 10, 1941, లాహోర్) ఒక మాజీ భారత దౌత్యవేత్త, 1989-1991 మధ్యకాలంలో రాజీవ్ గాంధీ కోసం పనిచేసేందుకు, విదేశాంగ శాఖలో తన విధులకు రాజీనామా చేసి ఆయన రాజకీయ నాయకుడిగా మారారు. భారత జాతీయ కాంగ్రెస్ పార్టీలో ఆయన ఒక సభ్యుడు, అంతేకాకుండా 2009 ఎన్నికల్లో తన సీటు కోల్పోయే వరకు పంచాయితీరాజ్ శాఖ మంత్రిగా పనిచేశారు. ఆయన మే 2004 నుంచి జనవరి 2006 వరకు కేంద్ర పెట్రోలియం మరియు సహజ వాయువు శాఖ మంత్రిగా పనిచేశారు, మరియు 2009 వరకు యువజన వ్యవహారాలు మరియు క్రీడల శాఖ మంత్రిగా విధులు నిర్వహించారు.

ఆయన తమిళనాడులోని మయిలాడుతురై నియోజవర్గం నుంచి 14వ లోక్‌సభకు ప్రాతినిధ్యం వహించారు.

బాల్య జీవితం[మార్చు]

దస్త్రం:PM Arunachal Hindu 31012008 02.jpg
ఎడమవైపు నుంచి రెండో వ్యక్తి మణి శంకర్ అయ్యర్, అరుణాచల్ ప్రదేశ్ ముఖ్యమంత్రి డోర్జీ ఖాండు మరియు భారత ప్రధానమంత్రి మన్మోహన్ సింగ్

మణి శంకర్ అయ్యర్ ఛార్టర్డ్ అకౌంటెంట్‌ వి. శంకర్ అయ్యర్ మరియు భాగ్యలక్ష్మీ శంకర్ అయ్యర్ దంపతుల కుమారుడు. ఆయన చిన్న సోదరుడు స్వామినాథన్ అయ్యర్ ఒక జర్నలిస్ట్. 12 ఏళ్ల వయస్సులో ఒక విమానం ప్రమాదంలో ఆయన తండ్రిని కోల్పోయారు.

వెల్హామ్ బాయ్స్ స్కూల్, డూన్ స్కూల్ మరియు సెయింట్ స్టీఫెన్స్ కాలేజ్, ఢిల్లీ తదితర విద్యాసంస్థల్లో ఆయన చదువుకున్నారు. తండ్రిని కోల్పోయిన తరువాత, డూన్‌లోనే ఫీజుల తగ్గింపుతో ఆయన చదువును కొనసాగించేందుకు అయ్యర్ తల్లి ఆ పాఠశాలలో బోధకురాలిగా పనిచేశారు.[1]

ఢిల్లీ యూనివర్శిటీ నుంచి ఆయన అర్థశాస్త్రంలో పట్టభద్రుడయ్యారు, కేంబ్రిడ్జ్ విశ్వవిద్యాలయంలో అర్థశాస్త్రంలో రెండేళ్ల ట్రిపోస్ చేశారు, ఆక్స్‌బ్రిడ్జ్ సంప్రదాయంలో ఇది M.A.తో సమానమైన పట్టా. ఆయన ఒకప్పుడు ట్రినిటీ హాల్ సభ్యుడిగా ఉన్నారు. కేంబ్రిడ్జ్‌లో ఆయన మార్క్సిస్ట్ సంఘంలో ఒక క్రియాశీల సభ్యుడిగా కూడా వ్యవహరించారు. కేంబ్రిడ్జ్‌లో, అయ్యర్ విద్యార్థి రాజకీయాల్లో అడుగుపెట్టారు, ఒకసారి అధ్యక్ష పోటీలో కూడా గెలిచేందుకు ప్రయత్నించారు. ఆయనకు ఈ ఎన్నికల ప్రచారంలో రాజీవ్ గాంధీ మద్దతు ఇచ్చారు, డూన్ మరియు కేంబ్రిడ్జ్ రెండు విద్యా సంస్థల్లో రాజీవ్ గాంధీ ఆయనకు జూనియర్‌గా చదివారు.

ఇటీవల కాలం వరకు ఆయన సైనిక్ ఫామ్‌లో నివసించారు, అయితే దీనిని ఢిల్లీ హైకోర్టు అక్రమ నిర్మాణంగా ప్రకటించింది (గత లోక్‌సభ సభ్యుల వార్షికపుస్తకం 2006 ప్రకారం).

వృత్తి జీవితం[మార్చు]

దస్త్రం:Manishankar.jpg
పార్టీ కార్యకర్తలతో మణిశంకర్ అయ్యర్

ఆయన 26 ఏళ్లపాటు IFSలో పనిచేశారు, దీనిలో చివరి ఐదు సంవత్సరాలు ఆయన రాజీవ్ గాంధీ (1985-1989) నేతృత్వంలోని ప్రధానమంత్రి కార్యాలయంలో పనిచేశారు. 1989లో ఆయన రాజకీయాల్లోకి వచ్చేందుకు తన విధులకు రాజీనామా చేశారు, మయిలాడుతురై నుంచి 1991లో కాంగ్రెస్ ఎంపీ (MP)గా ఆయన పార్లమెంట్‌లో అడుగుపెట్టారు, తరువాత 1999 మరియు 2004 ఎన్నికల్లో కూడా ఆయన ఎంపీగా ఇక్కడి నుంచి విజయం సాధించారు, 1996, 1998 మరియు 2009 ఎన్నికల్లో పరాజయం చవిచూశారు.

కాంగ్రెస్ వర్కింగ్ కమిటీలో ఆయన ఒక ప్రత్యేక ఆహ్వానితుడిగా ఉన్నారు, పార్టీ రాజకీయ శిక్షణా విభాగం మరియు రాజకీయ ప్రణాళిక మరియు సమన్వయ విభాగం రెండింటికీ ఛైర్మన్‌గా వ్యవహరిస్తున్నారు. అంతేకాకుండా, ఆయన ప్రముఖ రాజకీయ సంపాదకీయ రచయితగా ఉన్నారు, పాకిస్థాన్ పేపర్స్ మరియు రిమెంబరింగ్ రాజీవ్ వంటి పలు పుస్తకాలు రాశారు, రాజీవ్ గాంధీస్ ఇండియా అనే పుస్తక నాలుగు సంచికలకు సంపాదకుడిగా పనిచేశారు.

ప్రజాస్వామ్య మూలాలు, భారత విదేశాంగ విధానం, ముఖ్యంగా భారతదేశ పొరుగు దేశాలు, పశ్చిమాసియా దేశాలతో భారత విదేశాంగ విధానం మరియు అణు నిరాయుధీకరణ తదితర అంశాలు ఆయనకు ప్రత్యేక ఆసక్తులుగా ఉన్నాయి

వ్యక్తిగత జీవితం[మార్చు]

జనవరి 4, 1973న ఆయన సునీత్ మణి అయ్యర్‌ను వివాహం చేసుకున్నారు. ఈ దంపతులు ముగ్గురు కుమార్తెలకు జన్మనిచ్చారు: పెద్ద కుమార్తె న్యాయవాదికాగా, రెండో కుమార్తె డెవెలప్‌మెంట్ కన్సల్టెంట్‌గా పనిచేస్తున్నారు, చిన్న కుమార్తె చరిత్రకారురాలు అయ్యేందుకు హార్వర్డ్‌లో PhD చేస్తున్నారు.[ఉల్లేఖన అవసరం]

ప్రముఖ ఉల్లేఖనాలు[మార్చు]

  • "అయ్యా, గౌరవనీయ సభ్యుడికి నా లౌకిక సమాధానం ఏమిటంటే అల్లా చేతుల్లో అది ఉన్నప్పుడు, మనం అల్లావైపు చూస్తాము, అది ఒక మనిషి చేతుల్లో ఉంటే, మనం ఆ మనిషివైపు చూస్తాము." [2]
  • "ప్రతి ఐదేళ్లకు, ప్రభుత్వాన్ని ఎవరు ఏర్పాటు చేయాలో ప్రజలు నిర్ణయిస్తారు. ఈ ఐదేళ్ల మధ్య కాలంలో ప్రభుత్వం ఏం చేయాలో వర్గాలు నిర్ణయిస్తాయి." [3]

సావర్కర్ వివాదం[మార్చు]

మణి శంకర్ ఇండియా ఆయిల్ ఫౌండేషన్ ఛైర్మన్ హోదాలో అండమన్ జైలును సందర్శించిన సందర్భంగా ఒక వివాదంలో చిక్కుకున్నారు. ఇండియన్ ఆయిల్ ఫౌండేషన్ ఛైర్మన్ హోదాలో ఉన్న మణి శంకర్ ఇక్కడ మాట్లాడుతూ సావర్కర్ యొక్క ఉల్లేఖనాలు ఉన్న ఒక జైలు గదిలోని ఫలకాన్ని తొలగించాలని ఆదేశిస్తున్నట్లు పేర్కొన్నారు. నేను ఛైర్మన్‌గా ఉన్నంతవరకు జైలులోని ఈ ఫలకాన్ని తిరిగి దాని స్థానంలో పెట్టే ప్రశ్నే లేదని విలేకరులతో చెప్పారు. "ఈ వివాదంపై నేను క్షమాపణ చెప్పబోనన్నారు"

సావర్కర్‌‌కు మద్దతుగా పలువురు ప్రముఖ రాజకీయ నాయకుల నేతృత్వంలో దేశవ్యాప్తంగా నిరసనలు వ్యక్తమయ్యాయి. అయ్యర్ యొక్క దిష్టిబొమ్మను వేదిక పక్కన ఒక చెక్క పోస్టుకు కట్టి నిలబెట్టారు. బాలాసాహెబ్ థాకరే ఈ వివాదంపై మాట్లాడుతూ అయ్యర్ వ్యాఖ్యలపై అసంతృప్తి వ్యక్తం చేశారు. "ఈ అయ్యర్ ఎవరు, ఆయనకు దేశ స్వాతంత్ర్య పోరాటం గురించి ఏం తెలుసు?" సుభాష్ చంద్ర బోస్ మరియు బీఆర్ అంబేడ్కర్ వంటి నేతలు సావర్కర్ గురించి ఏం చెప్పారో గుర్తు చేశారు.[4]

ప్రచురణలు[మార్చు]

అయ్యర్ నాలుగు పుస్తకాలు రాశారు -

  • "రిమెంబరింగ్ రాజీవ్", రూపా, న్యూఢిల్లీ, 1992
  • "వన్ ఇయర్ ఇన్ పార్లమెంట్", కోణార్క్, న్యూఢిల్లీ, 1993
  • "పాకిస్థాన్ పేపర్స్", UBSPD, న్యూఢిల్లీ, 1994
  • "నికెర్‌వల్లాస్, సిల్లీ-బిల్లీస్ అండ్ అదర్ క్యూరియస్ క్రియేచర్స్", UBS పబ్లిషర్స్, 1995
  • "రాజీవ్ గాంధీస్ ఇండియా", 4 వాల్యూమ్‌లు. (జనరల్ ఎడిటర్), UBSPD న్యూఢిల్లీ, 1997
  • "కన్‌ఫెషన్స్ ఆఫ్ ఎ సెక్యులర్ ఫండమెంటలిస్ట్", పెంగ్విన్, 2004.
  • "ఎ టైమ్ ఆఫ్ ట్రాన్షిషన్: రాజీవ్ గాంధీ టు ది 21st సెంచరీ", పెంగ్విన్, 2009.

సూచనలు[మార్చు]

  1. "'The IB ultimately came to the conclusion that I was indeed a Marxist, but of the Groucho variety'". Tete-a-tete. The Telegraph - Calcutta (Kolkata). May 18, 2008.
  2. ది పయనీర్ > కాలమిస్ట్స్[dead link]
  3. Mani Shankar Aiyar (October 16, 1998). "Stop the review!". Rediff On The NeT. Cite news requires |newspaper= (help)
  4. [3] ^ http://www.hindu.com/2008/07/09/stories/2008070960991200.htm

బాహ్య లింకులు[మార్చు]

రాజకీయ కార్యాలయాలు
New title Minister of Panchayati Raj
2004 – 2009
తరువాత వారు
unknown