ఎ. జి. రత్నమాల

A. G. Rathnamala
వ్యక్తిగత సమాచారం
జన్మ నామం	ఎ.జి.రత్నమాల తమిళం: ஏ. ஜி. ரத்தினமாலா
జననం	1931 మద్రాసు రాజ్యం, బ్రిటిష్ ఇండియా
మరణం	2007 జూలై 3 (2007-07-03)(వయసు 75–76) చెన్నై, తమిళనాడు, భారతదేశం
రంగం	సినిమా సంగీతం, నేపధ్య గాయని
వృత్తి	Singer, actor
వాయిద్యాలు	Vocalist
క్రియాశీల కాలం	1950–1964

రత్నమాల (1931 – 3 జూలై 2007) అలనాటి తమిళ సినిమా నటీమణి, రంగస్థల కళాకారిణి, నేపధ్య గాయని. ఆమె తమిళ, తెలుగు, మలయాళ, కన్నడ భాషా సినిమాలలో సుమారు 500 పాటలను పాడింది. రంగస్థల నటిగా జీవితాన్ని ప్రారంభించిన రత్నమాల ఎమ్.జీ.రామచంద్రన్, శివాజీ గణేషన్ వంటి అగ్రనటుల సరసన అనేక సినిమాలలో కథానాయకిగా నటించింది. శివాజీ గణేషన్ నటించిన వీరపాండ్య కట్టబొమ్మన్ చిత్రంలో కట్టబొమ్మన్ భార్య పాత్రలో రత్నమాల నటన సినీ ప్రపంచములో పలువురి మన్ననలను అందుకొన్నది.

జీవిత విశేషాలు

రంగస్థల కళాకారిణిగా

ఆమె ఎం. జి. రామచంద్రన్ డ్రామా బృందంలో ఉన్నప్పుడు, ఇన్బా కనవు అనే నాటకంలో అతనితో జంటగా నటించింది. ఇది కాకుండా ఆమె టి. ఆర్ మహలింగంతో కలిసి ఓర్ ఇరావు అనే నాటకంలో నటించింది. ఆమె కె. ఆర్. రామస్వామి డ్రామా బృందంతో కూడా నటించింది.

టి. ఎస్. నటరాజన్ నాటకం ఆధారంగా ఎన్ తంగై అనే సినిమా రూపొందించబడింది. స్టేజ్ డ్రామాలో శివాజీ గణేషన్ హీరో అయితే ఆమె అతని చెల్లెలుగా నటించింది. తరువాత ఆమె శివాజీ గణేషన్ డ్రామా బృందంలో చేరి వీరపాండ్యన్ కట్టబొమ్మన్ అనే నాటకంలో జక్కమ్మ పాత్రను పోషించింది.

ఆమె వివిధ సంగీత స్వరకర్తలకు పాడిన పాటలు

అనేక మంది సంగీత స్వరకర్తలకు ఆమె పాటలు పాడింది. వారిలో కె.వి.మహదేవన్, విశ్వనాథన్-రమమూర్తి, ఎస్.ఎం.సుబ్బయ్య నాయుడు, సి.ఆర్ సుబ్బురామన్, సి.ఎన్.పాండురంగన్, ఎస్.వి.వెంకట్రమన్, ఆర్. సుదర్శనం. టి.ఆర్. పప్పా, జి. గోవిందరాజులు నాయుడు. టి.జి. లింగప్ప, ఎం. ఎస్. విశ్వనాథన్, ఎస్. దక్షిణామూర్తి, కెనెన్.దండాయుధపాణి పిళ్ళై, సాలూరు రాజేశ్వరరావు, సాలూరు హనుమంతరావు, టి.ఆర్. రామనాథన్, ఆర్, గోవిందనం, వేధ, హెచ్.ఆర్.పద్మనాభశాస్త్రి, పెండ్యాల నాగేశ్వరరావు, ఘంటసాల వెంకటేశ్వరరావు, ఎం.ఎస్.జ్ఞానమణి ఉన్నారు.

రత్నమాల చాలాకాలం అనారోగ్యముతో బాధపడుతూ 76 యేళ్ల వయసులో 2007 జూన్ 3 న మద్రాసులో మరణించింది. ఈమెకు ఒక కుమారుడు.