హన్సికా మోట్వాని

వికీపీడియా నుండి
ఇక్కడికి గెంతు: మార్గసూచీ, వెతుకు
హన్సికా మోట్వాని
Star Hansika.jpg
జన్మ నామం హన్సికా ప్రదీప్ మోత్వాని
జననం (1991-08-09) ఆగష్టు 9, 1991 (వయస్సు: 22  సంవత్సరాలు)
ముంబాయి,మహారాష్ట్ర
క్రియాశీలక సంవత్సరాలు 2001-ప్రస్తుతం

హన్సికా మోత్వాని (మరాఠీ: हंसीका मोटवानी), భారతీయ సినిమా నటి మరియు మాజీ బాల్యనటి

వ్యక్తిగత జీవితం[మార్చు]

ముంబాయిలో జన్మించిన హన్సికా మోత్వాని ప్రస్తుతం పొద్దర్ అంతర్జాతీయ పాఠశాల ఏ లెవెల్లో 12వ తరగతి చదువుతున్నది. హన్సిక తెలుగు, ఇంగ్లీషు, హిందీ మరియు తుళు భాషలు మాట్లాడగలదు. ఈమె తండ్రి ప్రదీప్ మోత్వానీ వ్యాపరస్తుడు మరియు తల్లి మోనా మోత్వానీ ప్రసిద్ధి చెందిన చర్మవైద్యురాలు (డెర్మటాలజిస్ట్). వీరిద్దరూ విడాకులు తీసుకొన్నారు. ప్రస్తుతము హన్సిక సంరక్షణా బాధ్యతలను తల్లి మోనా చూసుకొంటున్నది.

నట జీవితం[మార్చు]

  • హన్సిక చాలా సీరియళ్లలోను, సినిమాల్లోనూ చిన్నతనంలోనే నటించింది. 2001 నుంచే షకలక బూమ్ బూమ్.. హమ్ దో హై.. వంటి సీరియళ్లలో చైల్డ్ ఆర్టిస్ట్‌గా చేసింది.
  • అవే కాకుండా హవా, కోయ్ మిల్ గయా, అబ్రక దబ్రా, జాగో.. వంటి సినిమాల్లో కూడా కనిపించింది.
  • 2007లో పూరీజగన్నాధ్ తీసిన 'దేశముదురు' సినిమాతో తెలుగు తెరకు హీరోయిన్‌గా పరిచయమైంది. టాలీవుడ్‌లో మొదటి సినిమాతోనే హిట్ కొట్టడమే కాకుండా అందరి దృష్టినీ తన వైపుకు సునాయాసంగా మళ్లించుకోగలిగింది.
  • తర్వాత 2008లో జూనియర్ ఎన్టీఆర్ పక్కన 'కంత్రీ'లో ఆడిపాడింది. రామ్‌తో 'మస్కా' చిత్రంలో నటించి మంచి మార్కులు సంపాదించుకుంది. తర్వాత ప్రభాస్ నటించిన 'బిల్లా' సినిమాలో 'ప్రియ'గా గెస్ట్ రోల్‌లో నటించింది.
  • 'జయీభవ'తో కల్యాణ్‌రామ్‌తో జతకట్టినా ఆ చిత్రం వూహించిన అంచనాలను చేరుకోలేకపోయింది. తర్వాత నితిన్‌తో 'సీతారాముల కల్యాణం'లో నటించింది. అది కూడా బాక్సాఫీసు వద్ద బోల్తా పడింది. దాంతోతన దృష్టిని తమిళ పరిశ్రమ వైపు మళ్లించింది.
  • అలా 2011లో 'మాప్పిళ్త్లె' సినిమాతో తమిళంలో బోణీ కొట్టినా విజయం మాత్రం దక్కలేదు. అయినా వెనుకడుగేయకుండా హిట్ కోసం పట్టు బట్టి మరీ తమిళంలో సినిమాలు చేస్తూనే వచ్చింది.
  • తమిళంలో విజయ్ సరసన నటించిన 'వెలాయుధం' సినిమాతో విజయాన్ని అందుకుంది.
  • అటు తమిళంలో సినిమాలు చేస్తూనే ఇటు తెలుగు సినిమాల పైనా దృష్టి సారించింది. 'కందిరీగ', 'ఓ మై ఫ్రెండ్', 'దేనికైనా రెడీ..', 'సమ్‌థింగ్.. సమ్‌థింగ్..' వంటి సినిమాలతో తెలుగు ప్రజల్ని పలకరిస్తూ.. హిట్‌లను తన ఖాతాలో జమ చేసుకుంది.
  • కేవలం తెలుగు, తమిళంలోనే కాకుండా హిందీలో కూడా 'ఆప్ కా సరూర్' సినిమాతో ఈ అమ్మడి లక్‌ని పరీక్షించుకుంది. అక్కడ కూడా హిట్ కొట్టడంతో 'మనీ హై తో హనీ హై' సినిమాలో నటించే అవకాశం దక్కించుకుంది.
  • తన అందంతో ఎందరో కుర్రకారు మనసుల్ని ఉర్రూతలూగించిన హన్సిక తను శింభుకే సొంతమని అప్పట్లో ఓపెన్‌గా చెప్పేసింది. తమ గురించి హల్‌చల్ చేస్తున్న పుకార్లన్నిటికీ 'మేం లవ్‌లో ఉన్నమాట నిజమే' అంటూ ఫుల్‌స్టాప్ పెట్టేసిందీ జంట. కానీ, ఆ బంధం కాస్తా బెడిసికొట్టడంతో.. నా దృష్టంతా కెరీర్‌పైనే అని ప్రకటించింది.
  • కేవలం నటన పరంగానే కాకుండా మానవత్వం ఉన్న మనిషిగా కూడా హన్సికని మెచ్చుకోవాల్సిందే. ఎందుకంటే ప్రతి పుట్టిన రోజుకీ ఒక అనాథ అమ్మాయి లేదా అబ్బాయిని దత్తత తీసుకుని ఆదరిస్తుందట! అలా ఈమె దత్తత తీసుకున్న పిల్లల సంఖ్య 20కి పైగానే ఉంటుంది.
  • ఈమె కు పాలంటే అస్సలు నచ్చవట. ఏ మాత్రం తీరిక దొరికినా వంట చేయడానికి ఆసక్తి చూపిస్తుందట! అలాగే ప్రయాణం చేస్తూ లోకమంతా చుట్టిరావడమంటే చాలా ఇష్టమట. ఇంట్లో ఆమెకున్న పెద్ద ఎంటర్‌టైన్‌మెంట్ తన బ్రదరే అంటూ కితాబిచ్చేస్తోంది.
  • 2013లో విడుదలైన సింగం-2లో నటనకుగాను అందరి ప్రశంసలూ అందుకున్న ఈ అందాల ముద్దుగుమ్మ తమిళంలో 'బిరియాని', 'వాలు', 'వెట్త్టె మన్నన్'.. వంటి ఆరు సినిమా ప్రాజెక్టులతో వూపిరి సలపనంత బిజీ బిజీగా ఉంది. 2014లో తెలుగులో కూడా ఒక సినిమా చేయడానికి అంగీకరించింది.

చిత్రసమాహారం[మార్చు]

బాల్యనటిగా ధారావాహికలలో[మార్చు]

  • హమ్ దో హైనా --- కరీనా మరియు కోయల్
  • క్యోంకీ సాస్ భీ కభీ బహూ థీ --- సావ్రీ
  • షక లక బూమ్ బూమ్ --- కరుణ
  • దేశ్ మే నిక్లా హోగా చాంద్ --- టీనా

వ్యాపార ప్రకటనలు[మార్చు]

బాల్యనటిగా[మార్చు]

  • ఆబ్ర కా దబ్ర (డిసెంబర్ 24, 2004)
  • హమ్ కౌన్ హై (సెప్టెంబర్ 3, 2004) ...... సారా విలియమ్స్
  • జాగో (ఫిబ్రవరి 6, 2004) ...... శృతి
  • కోయీ మిల్ గయా (ఆగష్టు 8, 2003) ...... ది సూపర్ సిక్స్
  • హవా (జూలై 4, 2003)
  • ఎస్కేప్ ఫ్రమ్ తాలిబాన్ (ఫిబ్రవరి 14, 2003)...... గున్చా (సీమా మోట్వానీగా)

కథానాయకిగా[మార్చు]

సినిమా విడుదల తేదీ భాష సహనటులు ఇతరత్రా
దేశముదురు జనవరి 12,2007 తెలుగు అల్లు అర్జున్
ఆప్ కా సురూర్ జూన్ 29,2007 హిందీ హిమేష్ రేషమ్మియా
బిందాస్ ఫిబ్రవరి 15,2008 కన్నడ పునీత్ రాజ్‌కుమార్
కంత్రి మే 9,2008 తెలుగు జూనియర్ ఎన్.టి.ఆర్
మనీ హై తో హనీ హై జూలై 25, 2008 హిందీ గోవిందా
బిల్లా తెలుగు ప్రభాస్ అతిధిపాత్ర
మస్కా తెలుగు రామ్
కందిరీగ (సినిమా) తెలుగు రామ్

మూలాలు[మార్చు]

బయటి లింకులు[మార్చు]