ఆమ్‌స్టర్‌డ్యామ్

వికీపీడియా నుండి
Jump to navigation Jump to search

ఆమ్‌స్టర్‌డ్యామ్ నెదర్లాండ్స్ రాజధాని. 872,680 జనాభాతో [1] ఇది ఆ దేశంలో అత్యధిక జనాభా కలిగిన నగరం కూడా. మెట్రోపాలిటన్ ప్రాంత జనాభా 2,410,960. నగరంలో ఉన్న అనేక కాలువల కారణంగా దీన్ని ఉత్తరాది వెనిస్ గా దీన్ని పేర్కొంటారు. ఈ కాలువలను యునెస్కో వారసత్వ ప్రదేశంగా గుర్తించారు.

ఆమ్‌స్టెల్ అనే నది పైన కట్టిన డ్యాము వద్ద ఉన్న నగరంగా దీనికి ఆ పేరు వచ్చింది. [2] 12 వ శతాబ్దిలో చేపల పట్టే వారి పల్లెగా ఇది వెలసింది. 17 వ శతాబ్దిలో ఒక ముఖ్యమైన రేవుపట్టణంగా, వాణిజ్య కేంద్రంగా విలసిల్లింది.[3] 19, 20 శతాబ్దాల్లో నగరం బాగా విస్తరించింది.

ఆమ్‌స్టర్‌డ్యామ్ నెదర్లాండ్స్‌కు వాణిజ్య రాజధని. సాంస్కృతిక రాజధాని కూడా.[4] ఫిలిప్స్, అక్జోనోబెల్, టోంటోం, ఐఎన్‌జి వంటి అనేక సంస్థల కేంద్ర కార్యాలయాలు ఇక్కడే ఉన్నాయి.[5] ఉబర్, నెట్‌ఫ్లిక్స్, టెస్లా వంటి విదేశీ సంస్థల ఐరోపా కార్యాలయాలు ఇక్కడ ఉన్నాయి.[6] 2012 లో, ఐరోపా లోని అత్యంత జీవనానుకూలమైన నగరాల్లో రెండవదిగా ఆమ్‌స్టర్‌డ్యామ్ ఎంపికైంది. [7] జీవన నాణ్యతలో ప్రపంచంలో 12 వ అత్యుత్తమ నగరంగా మెర్సర్ ఎంపిక చేసింది.[8] అత్యుత్తమ సాంకేతిక కేంద్రాల్లో ప్రపంచంలో 4 వ స్థానంలోను, ఐరోపాలో రెండవ స్థానం లోనూ నిలిచింది. [9] ఆమ్‌స్టర్‌డ్యామ్ ఐరోపాలో ఐదవ అతి పెద్ద రేవుపట్టణం.[10] ఆమ్‌స్టర్‌డ్యామ్ లోని షిఫోల్ విమానాశ్రయం ప్రయాణీకుల రద్దీలో ఐరోపా లోకెల్లా మూడవ స్థానంలో ఉంది. ఆమ్‌స్టర్‌డ్యామ్ పౌరుల్లో ప్రముఖులు రెంబ్రాంట్, వాన్ గాఫ్.

భౌగోళికం[మార్చు]

ఆమ్‌స్టర్‌డ్యాం, నార్త్‌ సీ కాలువల ఉపగ్రహ చిత్రం

ఆమ్‌స్టర్‌డ్యామ్ నెదర్లాండ్స్ పశ్చిమ భాగంలో నార్త్ హాలండ్ ప్రావిన్సులో ఉంది.అంస్టెల్ నది నగరం మధ్య వరకూ ప్రవహించి ఆగిపోతుంది. అక్కడి నుండి అనేక కాలువలుగా చీలి పోతుంది. ఆమ్‌స్టర్‌డ్యామ్ సముద్ర మట్టానికి 2 మీటర్ల దిగువన ఉంటుంది.[11] నగర విస్తీర్ణం 219.4 చ.కి.మీ. ఇందులో పార్కులు, ప్రకృతి వనాలు 12% భాగాన్ని ఆక్రమిస్తాయి..[12]

మూలాలు[మార్చు]

  1. https://opendata.cbs.nl/statline/#/CBS/nl/dataset/37230ned/table?ts=1578685738191
  2. Encyclopædia Britannica Eleventh Edition, Vol 1, pp. 896–898.
  3. Cambridge.org, Capitals of Capital -A History of International Financial Centres – 1780–2005, Youssef Cassis, ISBN 978-0-521-84535-9
  4. After Athens in 1888 and Florence in 1986, Amsterdam was in 1986 chosen as the European Capital of Culture, confirming its eminent position in Europe and the Netherlands. See EC.europa.eu for an overview of the European cities and capitals of culture over the years. Archived 14 డిసెంబరు 2008 at the Wayback Machine
  5. Forbes.com, Forbes Global 2000 Largest Companies – Dutch rankings.
  6. "The Next Global Tech Hotspot? Amsterdam Stakes Its Claim".
  7. "Best cities ranking and report" (PDF).
  8. "Best cities in the world (Mercer)". City Mayors. 26 May 2010. Archived from the original on 1 November 2010. Retrieved 10 October 2010.
  9. "Tech Cities in Motion – 2019". Savills. 4 February 2019.
  10. "Port Statistics 2015" (PDF) (Press release). Rotterdam Port Authority. May 2016. p. 6. Archived (PDF) from the original on 9 February 2017. Retrieved 9 February 2017.
  11. "Actueel Hoogtebestand Nederland" (in Dutch). Retrieved 18 May 2008.CS1 maint: unrecognized language (link)
  12. "Openbare ruimte en groen: Inleiding" (in Dutch). Archived from the original on 24 June 2008. Retrieved 18 May 2008.CS1 maint: unrecognized language (link)