ఎలక్ట్రో ఎన్సెఫాలో గ్రఫీ

వికీపీడియా నుండి
ఇక్కడికి గెంతు: మార్గసూచీ, వెతుకు
మెదడు యొక్క విద్యుత్ తరంగాల పరిశోధనలో భాగంగా ఈఈజి ని రికార్డు చేసే పరికరాలతో ఒక మనషి


ఈఈజి ని ఆంగ్లం లో Electro Encephalo Graphy అని వ్రాస్తారు. ఈఈజి (EEG) అనే పదాన్ని ఇలా విడకొట్టవచ్చు - encephalo : మెదడు ; electro : విద్యుత్తు కి సంబంధించిన ; graphy : రాయుట. అనగా మెదడు లో వుత్పత్తి అయ్యే విద్యుత్తరంగాలని సేకరించుట అని అనవచ్చు.ఎలక్ట్రో ఎన్సెఫాలో గ్రఫీ లో మన మెదడు లో వున్న నాడీ కణాల మధ్య జరిగే ఆయనిక విద్యుత్ సరఫరా లో వచ్చే వోల్టేజ్ మార్పులను సేకరించడం జరుగుతుంది . ఈ తరంగాలకి ఎంతో ప్రాధాన్యం వుంది. మెదడు కు సంబందించిన చాలా రుగ్మతలను ఈ తరంగాల యొక్క ప్రవర్తన ఆధారంగా గుర్తించవచ్చు. ముఖ్యంగా మూర్ఛ రోగం (epilepsy) యొక్క ఆనవాలు ఈ తరంగాల ద్వారా అధ్యయనం చేయడం జరుగుతుంది. నిద్ర పోవు వేళల్లో కూడా ఈ తరంగాలని గ్రహించి రోగి యొక్క మానసిక పరిస్థితి ని గమనించవచ్చు. మన శరీరం లో కేవలం కన్ను మాత్రం పని చేస్తే మన మెదడులో ఎటువంటి తరంగాలు వస్తాయో తెలుసుకొనే అధ్యయనం లో ఒక మనిషిని విశ్రాంత పరిచి కేవలం కొన్ని సంజ్ఞలను ప్రసారం చేసి ఈ తరంగాలను గ్రహిస్తారు. ఇలాగే కొన్ని ప్రత్యేకమైన ధ్వనులని ఆ మనిషికి వినిపిస్తూ కూడా ఈ తరంగాలను గ్రహిస్తారు. ఒక ఆరోగ్యమైన మనిషి కొన్ని శబ్దాలను వినడం వలన వుత్పత్తి అయ్యే తరంగాలను అధ్యయనం చేసి చెవిటి రోగులకు కోక్లియర్ ఇంప్లాంట్లు (cochlear implants) తయారు చేస్తారు.

చరిత్ర[మార్చు]

వైద్యుడైనటువంటి రిచర్డ్ కేటన్ (క్రీ||శ|| 1842-క్రీ||శ||1926) మొట్టమొదటి సారిగా క్రీ||శ|| 1875 లో బ్రిటిష్ వైద్య పత్రిక లో కోతి మరియు కుందేలు యొక్క మెదడు భాగం లో జరిగేటటువంటి విద్యుత్ సంఘటనలను పొందుపరిచారు. క్రీ||శ|| 1890 లో పోలాండ్ కు చెందిన అడాల్ఫ్ బెక్ అనే మనస్తత్వవేత్త కుందేలు మరియు శునకాలలో కాంతి మార్పుల వల్ల మెదడులో సంభవించే లయబద్ధమైన విద్యుత్తరంగాలను గమనించారు. క్రీ||శ|| 1924న జర్మన్ శాస్త్రవేత్త హాన్స్ బర్గర్ మొట్ట మొదటి సారిగా మనిషి ఈఈజీ ని గ్రహించారు. ఈఈజి ని గ్రహించగల ఎలక్ట్రో ఎన్సెఫలో గ్రాం అనే పరికరాన్ని ఈయన రూపొందించారు. ఈ ఆవిష్కరణను నాడీ వ్యవస్థ శాస్త్రం లోనే అతి గొప్పదిగా భావిస్తారు.

నమూనా ఈఈజి రికార్డింగ్