జీవసాంకేతిక శాస్త్రం

వికీపీడియా నుండి
(జీవ సాంకేతిక శాస్త్రం నుండి దారిమార్పు చెందింది)
Jump to navigation Jump to search

Kona jadu reddy

ఇన్సులిన్ క్రిస్టల్స్ .

జీవ శాస్త్రంపై ఆధారపడిన, ఒక శాస్త్రాన్ని ప్రత్యేకించి వ్యవసాయం, ఆహారశాస్త్రం మరియు వైద్యశాస్త్రాలలో ఉపయోగించినపుడు దానిని జీవసాంకేతిక శాస్త్రం లేదా బయోటెక్నాలజీ (ఆంగ్లం: Bio - Technology) అని చెప్పవచ్చు. జీవవైవిధ్యంపై ఏర్పడిన ఐక్య రాజ్య సమితి సదస్సు జీవసాంకేతికశాస్త్రాన్ని ఈ విధంగా నిర్వచించింది:[1]

జీవసాంకేతికశాస్త్రం తరచూ 21 వ శతాబ్దానికి చెందిన జన్యు ఇంజనీరింగ్ శాస్త్రాన్ని సూచించడానికి వాడబడుతుంది, కాని ఈ పదాన్ని విస్త్రుతార్ధంలో జీవరాసులను మానవజాతి అవసరాలకు తగినట్లుగా మెరుగుపరచడం, సహజ మొక్కల తొలి మార్పులను కృత్రిమ ఎంపిక మరియు సంకరీకరణల ద్వారా మెరుగుపరచబడిన ఆహారపంటలుగా మార్చడం అనే చారిత్రాత్మక పద్ధతులను సూచించేదిగా చెప్పవచ్చు.జీవసాంకేతికశాస్త్ర ఉపయోగాలన్నీ జీవ ఇంజనీరింగ్ శాస్త్రంపై ఆధారపడి ఉన్నాయి.నూతన విధానాలు మరియు ఆధునిక సాంకేతికతల అభివృద్ధి వలన, సాంప్రదాయక జీవసాంకేతిక పరిశ్రమలు కూడా నూతన అవధులు పొంది వాటి ద్వారా ఉత్పత్తుల నాణ్యతను మరియు ఉత్పాదకత పెంపుదలను పొందుతున్నాయి.

1971 కి ముందు జీవసాంకేతికశాస్త్రం అనే పదం ప్రాథమికంగా వ్యవసాయం మరియు వ్యావసాయిక పరిశ్రమలలో వాడబడేది.1970 ల నుండి జీవశాస్త్ర పరిశోధనలో ప్రయోగశాల-ఆధారిత పద్ధతులైన, దన నిర్మాణంలేక కణజాల ప్రవర్ధన ఆధారిత పద్ధతులు, లేక మొక్కలలో సమ జన్యుమార్పిడి, ఆతిధేయ జీవిలో DNA మార్పిడి చేయుటకు ఆగ్రోబాక్టీరియం వంటి రోగకారక బాక్టీరియాని ఉపయోగించడం వంటి వాటికి పశ్చిమ దేశాల శాస్త్రీయ సంస్థలచే సూచించబడ్డాయి. నిజానికి, ఈ పదాన్ని విస్త్రుతార్ధంలో ఆహార ఉత్పత్తి డిమాండ్లను అందుకోవటానికి ఉపయోగపడే సేంద్రీయ పదార్ధాల పెంపుకు వాడే, పురాతన మరియు ఆధునిక పద్ధతుల పూర్తి శ్రేణిని సూచించడానికి వాడవచ్చు.సూక్ష్మజీవుల, లేదా ఉన్నత జీవుల కణ మరియు కణజాలాల శాస్త్రీయ విజ్ఞాన నిర్వహణను దేశీయంగా వినియోగించుకొని, తద్వారా ఈపదార్ధాల లభ్యత మరియు సేవలను ఆహార పరిశ్రమకు మరియు దాని వినియోగదారులకు అందించడంగా ఈపదాన్ని నిర్వచించవచ్చు.[2]

జీవసాంకేతిక శాస్త్రం వివిధ విభాగాలైన జన్యుశాస్త్రం, అణు జీవశాస్త్రం, జీవరసాయన శాస్త్రం, అండోత్పత్తి శాస్త్రం మరియు కణ జీవశాస్త్రం వంటి శాస్త్రాలతో ప్రయోగాత్మక విభాగాలైన కెమికల్ ఇంజనీరింగ్, సమాచార సాంకేతిక శాస్త్రం మరియు బయోరోబోటిక్స్ లను సమ్మిళితం చేస్తుంది.పాధో-బయోటెక్నాలజీ రోగకారకాలను లేదా కారకం నుండి సమ్మేళనాల ఉపయుక్త ప్రభావాలను వెలికితీస్తుంది.

విషయ సూచిక

చరిత్ర[మార్చు]

250 pxBrewing జీవ సాంకేతిక శాస్త్ర మొదటి ఉపయోగం

సాధారణంగా జీవసాంకేతిక శాస్త్రంగా భావించక పోయినా, "ఉత్పత్తుల తయారీకి జీవశాస్త్ర పద్ధతులను ఉపయోగించటం", అంటే మొక్కలను సాగుచేయడం జీవసాంకేతిక శాస్త్ర ప్రథమ కృత్యం అనే విస్తృతమైన నిర్వచనానికి వ్యవసాయం సరిగా సరిపోతుంది. కొత్తరాతియుగ పరిణామం నుండి వ్యవసాయం అనేది ఆహారాన్ని ఉత్పత్తి చేసే ఒక ప్రబలమైన విధానంగా భావించడం జరుగుతోంది.ఆరంభం నుండి వ్యవసాయ పద్ధతులు మరియు విధానాలు యాంత్రిక మరియు జీవశాస్త్రాల ద్వారా మెరుగు పెట్ట బడుచున్నాయి. జీవసాంకేతికత ప్రారంభదశలో వ్యవసాయదారులు అధిక దిగుబడినిచ్చే మేలురకపు పంటలను పెరుగుతున్న జనాభా ఆహార అవసరాలకు అనుగుణంగా పండించారు. పంటలు, కమతాలు పెద్దవై నిర్వహణ కష్టమైనపుడు జీవసాంకేతికశాస్త్ర ఇతర ఉపయోగాలు కూడా అవసరమైనాయి. ప్రత్యేక జీవరాసులు మరియు జీవరాసుల ఉప ఉత్పత్తులు ఫలదీకరణకు, నత్రజని స్థాపనకు మరియు తెగులు నివారణకు ఉపయోగించుకోబడ్డాయి. వ్యవసాయం చేస్తున్నప్పటి నుంచీ రైతులు తమ పంటలను కొత్త పరిసరాలలో ప్రవేశ పెట్టడం మరియు కొత్త జాతులతో కలపడం వారికి తెలియకుండానే జన్యు మార్పిడి జరగడం జీవ సాంకేతిక విధానాలలో మొదటి రకం. మేసోపోటేమియా, ఈజిప్టు, భారతదేశం వంటి సంస్కృతులు సారాయి కాచడాన్ని అభివృద్ధి చేసాయి. ఇప్పటికీ అదే పద్ధతిలో నానపెట్టిన ధాన్యం [ఎంజైములు కలిగి ఉన్న] పిండిని చక్కెరగా మార్చి దానికి ఈస్ట్ ను కలపడం ద్వారా సారాయి తయారు చేస్తున్నారు. ఈ పద్ధతిలో ధాన్యంలోని పిండి పదార్ధాలు ఇథనోల్ వంటి ఆల్కహాల్ గా విడగొట్టబడతాయి. పురాతన భారతీయులు కూడా ఎఫెడ్రా వల్గారిస్ అనే మొక్క నుండి తీసిన సోమ అనే రసమును వాడేవారు.[5][5] తరువాతి కాలంలో వివిధ సంస్కృతుల ప్రజలు లాక్టిక్ ఆసిడ్ పులియబెట్టుట వంటి విధానాలను కనుగొని కిణ్వప్రక్రియ మరియు ఇతర రకాలైన ఆహార నిల్వ పద్ధతులను కనుగొన్నారు. పులిసి ఉబ్బినట్లు ఉండే బ్రెడ్ తయారీకి ఈ కాలంలో కిణ్వప్రక్రియను వాడేవారు. 1857 లో లూయీ పాశ్చర్ కనుగొనే వరకు కిణ్వప్రక్రియ గురించి పూర్తిగా తెలియనప్పటికీ, ఒక ఆహార మూలాన్ని వేరొక రూపంలోకి మార్చడానికి వాడిన జీవ సాంకేతిక శాస్త్ర మొదటి ఉపయోగంగా దానిని చెప్పవచ్చు.

అనేక నాగరికతలలో మొక్కలు మరియు ఇతర జీవరాసుల మిశ్రమాలను ఔషధాలుగా వాడేవారు. 200 BC నుండే ప్రజలు అశక్తమైన లేదా సూక్ష్మ మొత్తంలో రోగకారకాలను రోగ నిరోధక శక్తిని పెంచుటకు వాడేవారు. ఇటువంటి అనేక పద్ధతులు ఆధునిక వైద్య శాస్త్రంలో యాంటి బయాటిక్స్, వాక్సిన్లు,మరియు ఇతర రోగ పోరాటక పద్ధతులను కనుగొనుటకు దారితీసాయి.

ఇరవై ఒకటవ శతాబ్దం ప్రథమ భాగంలో శాస్త్రవేత్తలు సూక్ష్మజీవశాస్త్రం పై అవగాహన పెంచుకొని అనేక ప్రత్యేక ఉత్పత్తులను కనుగొనగలిగారు. 1917, ఛైమ్ వీజ్మాన్, యునైటెడ్ కింగ్డం, మొదటి ప్రపంచ యుద్ధంలో పేలుడు పదార్ధాలు తయారు చేయడానికి అత్యవసరమైన ఎసిటోన్ ను, మొక్కజొన్నపిండిని క్లోస్త్రిదియం అసిటోబుటిలికుం తో కలిపి, పారిశ్రామిక విధానంలో శుద్ధ సూక్ష్మ జీవశాస్త్ర పరిజ్ఞానాన్ని ఉపయోగించాడు.[3]

డైమెండ్ వి.చక్రబర్తి కేసులో జన్యు-పరంగా సవరించిన సూక్ష్మ జీవులకు పేటెంట్ చేయవచ్చునన్న యునైటెడ్ స్టేట్స్ సుప్రీం కోర్ట్ తీర్పుతో, 1980 జూన్ 16 న ఆధునిక జీవసాంకేతిక శాస్త్ర భావన మొదలైంది.[4]జనరల్ ఎలక్ట్రిక్లో పనిచేస్తున్న భారతీయ సంతతికి చెందిన ఆనంద చక్రబర్తి క్రూడ్ ఆయిల్ ను విడగొట్టగల ఒక బాక్టీరియుంను (సుడో మొనాస్ జాతికి చెందినది)అభివృద్ధి చేసారు, అది ఆయిల్ ధారగా కార్చుటకు ఉపయోగిస్తుందని భావించారు.

ఈ పరిశ్రమలో ఆదాయం 2008 నాటికి 12.9%తో పెరుగుతుందని అంచనా. ప్రపంచ వ్యాప్తంగా అభివుద్ధి చెందిన మేధో సంపత్తి హక్కుల చట్టాలు-వాటి అమలు, వయస్సు, మరియు వ్యాధులకు సంబంధిచి యునైటెడ్ స్టేట్స్ జనాభా డిమాండ్లకు అనుగుణంగా వైద్య మరియు ఔషధ ఉత్పత్తులను తయారు చేయడం వంటివి జీవసాంకేతిక రంగ విజయాన్ని ప్రభావితం చేస్తున్న అంశాలుగా చెప్పవచ్చు.[5]

జీవ ఇంధనాలకు పెరుగుతున్న డిమాండ్ జీవసాంకేతిక రంగానికి ఒక శుభవార్త,డిపార్టుమెంటు అఫ్ ఎనర్జీ అంచనా ప్రకారం ఇథనాల్ వాడకం వలన 2030 నాటికి పెట్రోలియం సంబధిత ఇంధనాల వినియోగం 30% వరకు తగ్గ వచ్చు. జన్యు పరంగా సవరించిన, చీడలు మరియు కరువు పరిస్థితులను తట్టుకోగలిగిన విత్తనాలతో జీవఇంధనాలకు అవసరమైన మొక్కజొన్న మరియు సోయాబీన్స్ ఉత్పత్తులను యునైటెడ్ స్టేట్స్ వ్యవసాయ పరిశ్రమ గణనీయంగా పెంచడానికి జీవ సాంకేతిక రంగం వీలు కల్పించింది.వ్యవసాయ ఉత్పత్తులను పెంచడం ద్వారా, జీవఇంధనాల ఉత్పత్తి లక్ష్యాలను చేరుకోవడంలో జీవసాంకేతికశాస్త్రం ముఖ్య పాత్ర వహిస్తోంది.[6]

ఉపయోగాలు[మార్చు]

కణజాల ప్రవర్ధనంలో కణాలు పెరిగిన గులాబి మొక్క

జీవసాంకేతికశాస్త్ర ఉపయోగాలు నాలుగు రంగాలలో ఉన్నాయి, అవి ఆరోగ్యం (వైద్యం), ఆహార ఉత్పత్తి మరియు వ్యవసాయం, పంటల మరియు ఇతర ఉత్పత్తుల ఆహారేతర ఉపయోగాలు, (ఉదా.బయోడిగ్రేడబుల్ ప్లాస్టిక్స్, వెజిటబుల్ ఆయిల్స్, జీవ ఇంధనాలు), మరియు పర్యావరణ అవసరాలు.

జీవసాంకేతిక శాస్త్ర ఒక ఉపయోగానికి ఉదాహరణగా సేంద్రీయ పదార్ధాల (సారాయి మరియు పాల ఉత్పత్తుల వంటివి) తయారీకి జీవరాసులను వాడడాన్ని చెప్పవచ్చు. సహజ స్థిత బాక్టీరియాను మైనింగ్ పరిశ్రమలో బయోలీచింగ్కి ఉపయోగించడం మరొక ఉదాహరణ. రిసైకిల్ చేయడానికి, వ్యర్ధాలను శుద్ధి చేయడానికి, పారిశ్రామిక కార్యక్రమాల వలన కలుషితమైన స్థలాలను శుభ్రం చేయడానికి (బయో రెమేడిఎషన్), జీవ అయధాల ఉత్పత్తికి కూడా జీవసాంకేతిక శాస్త్రం ఉపయోగ పడుతోంది.

జీవ సాంకేతిక శాస్త్ర వివిధ విభాగాలను గుర్తించడానికి వీలుగా కొన్ని పదాలు ఏర్పడ్డాయి:-బయో ఇన్ఫార్మాటిక్స్

  • జీవ శాస్త్ర విషయ విశ్లేషణకు వీలు కలిగించడం, త్వరిత నిర్వహణ, గణాంక పద్ధతులను జీవశాస్త్ర సంబంధ విషయాలకు ఉపయోగించే అంతర్విభాగం బయో ఇన్ఫార్మాటిక్స్. ఈ రంగాన్ని కంప్యుటేషనల్ బయోలజిగా ఈ విధంగా నిర్వచించవచ్చు, "జీవశాస్త్రాన్నిఅణువుల పరంగా భావించి దానికి సమాచార పద్ధతులను అన్వయించి ఈ అణు వ్యవస్థను వాటికి సంబంధించిన సమాచారాన్ని అర్ధం చేసుకోవడం".{ 1}[10] బయో ఇన్ఫర్మాటిక్స్, ఫంక్షనల్ జీనోమిక్స్, స్ట్రక్చరల్ జీనోమిక్స్ మరియు ప్రోటోమిక్స్ వంటి విభాగాలలో కీలక పాత్ర పోషిస్తోంది, జీవసాంకేతిక మరియు ఔషధ రంగాలలో ముఖ్య భూమిక వహిస్తోంది.
  • సముద్ర మరియు జల సంబంధ విషయాలలో వాడే జీవ సాంకేతికశాస్త్రాన్ని నీలి జీవసాంకేతికశాస్త్రం (బ్లూ బయో టెక్నాలజీ) అని వ్యవహరిస్తారు, కాని ఇది అరుదుగా వాడతారు.
  • వ్యవసాయ పద్ధతులలో వాడే జీవసాంకేతిక శాస్త్రం హరిత జీవసాంకేతికశాస్త్రం. (గ్రీన్ బయో టెక్నాలజీ )దీనికి ఉదాహరణగా సూక్ష్మ ప్రసరణ విధానం ద్వారా మొక్కల ఎంపిక మరియు పెంపకాన్ని చెప్పవచ్చు. కృత్రిమ రసాయనాల సహాయంతో (లేదా లేకుండా) కొన్ని ప్రత్యేక వాతావరణ పరిస్థితులలో పెరిగే జన్యు మార్పిడి మొక్కల రూపకల్పన చేయడం మరొక ఉదాహరణ. సంప్రదాయ వ్యవసాయ, పారిశ్రామిక విధానాలకంటే, పర్యావరణానికి అనుకూలమైన విధానాలను హరిత జీవ సాంకేతికశాస్త్రం ఉత్పత్తి చేస్తుందని ఆశించ వచ్చు. దీనికి ఉదాహరణగా చీడలను తట్టుకోగల మొక్కలను రూపొందించి, తద్వారా తెగులు నివారణ మందులను ఉపయోగించడాన్ని నివారించడాన్ని పేర్కొనవచ్చు. దీనికి ఉదాహరణ బిటి.మొక్కజొన్న ఈ విధమైన హరిత జీవసాంకేతిక శాస్త్ర ఉత్పత్తులు పర్యావరణానికి అనుకూలమైనవా కాదా అనేది విస్తారంగా చర్చించ వలసిన విషయం.
  • ఎరుపు జీవసాంకేతిక శాస్త్రం (రెడ్ బయో టెక్నాలజీ ) వైద్య విధానాలలో వాడతారు.జీవరాసులనుండి యాంటీబయోటిక్స్ ఉత్పత్తికి రూపకల్పన చేయడం, జెనోమిక్ మానిపులేషన్ ద్వారా జన్యు స్వస్థతలకు రూపకల్పన చేయడం దీనికి ఉదాహరణలు.
  • శ్వేత జీవసాంకేతిక శాస్త్రాన్ని (వైట్ బయో టెక్నాలజీ)పారిశ్రామిక జీవసాంకేతిక శాస్త్రమని కూడా పిలుస్తారు, ఇది పారిశ్రామిక విధానాలలో ఉపయోగపడుతుంది. దీనికి ఉదాహరణగా జీవరాసులను ఉపయోగకరమైన రసాయనాలను తయారు చేయడానికి ఉపయోగించడాన్ని చెప్పవచ్చు.ఎంజైములను పారిశ్రామిక ఉత్ప్రేరకంగా వాడి ఉపయోగకరమైన రసాయనాలను తయారు చేయడం లేదా వినాశకారక, కాలుష్యకారక రసాయనాలను నాశనం చేయడాన్ని ఇంకొక ఉదాహరణగా చెప్పవచ్చు. పారిశ్రామిక వస్తువులను ఉత్పత్తి చేయడానికి సాంప్రదాయ విధానం కంటే శ్వేత జీవసాంకేతిక శాస్త్రం తక్కువ వనరులను ఉపయోగించు కుంటుంది.
  • ఈ అనుప్రయుక్త జీవసాంకేతికశాస్త్రాలలో పెట్టుబడులను, ఆర్ధిక ప్రయోజనాన్ని తెలియచేసేదే జీవఆర్ధికశాస్త్రం (బయో ఎకనామి).

వైద్యశాస్త్రం[మార్చు]

వైద్యశాస్త్రంలో ఆధునిక జీవసాంకేతికశాస్త్ర ఉపయోగయు ఈ క్రింది రంగాలలో ఉంది.

ఫార్మకోజెనోమిక్స్[మార్చు]

డి ఎన్ ఎ మైక్రోఅర్రే చిప్ -- సం కాన్ డు అస్ మెనీ అస్ అ మిలియన్ బ్లడ్ టెస్ట్స్ అట్ ఒన్స్

ఒక వ్యక్తి యొక్క జన్యు పరమైన అనువంశికత అతని శరీరాన్ని మందులకు ప్రతిస్పందిచడాన్ని ఏవిధంగా ప్రభావితం చేస్తుందో ఫార్మకోజెనోమిక్స్ అధ్యయనం చేస్తుంది.ఈ పదం ఫార్మకోలజి మరియు జనోమిక్స్ అనే పదాల కలయికతో ఏర్పడింది.అందువలన దీనిని ఔషధాలు మరియు జన్యువుల మధ్య సంబంధాల అధ్యయనంగా భావించవచ్చు.ఒక వ్యక్తి అనువంశిక అవసరాలను పూరించే మందులను రూపొందించడం ఫార్మకోజెనోమిక్స్ ముఖ్యఉద్దేశం.[7]

ఫార్మకోజెనోమిక్స్ ఫలితాలు క్రింది ఉపయోగాల్నిస్తున్నాయి:[7]

  1. అప్పటికప్పుడు వాడగల మందులను అభివృద్ధి పరచడం.ఔషధ కంపెనీలు ఫార్మకోజెనోమిక్స్ ఉపయోగించి ప్రోటిన్స్, ఎంజైమ్లు మరియు ఆర్ఎన్ఎ అణువుల ఆధారంతో ప్రత్యేక జన్యు సంబంధ వ్యాధులకు మందులను సృష్టిస్తున్నాయి. ఈ విధంగా తయారు చేసిన మందులు వ్యాధి నివారణకు మాత్రమే కాక పరిసరాలలోని ఆరోగ్య వంతమైన కణాలూ దెబ్బ తినకుండా కాపాడతాయి.
  2. మందు పరిమాణాన్ని కచ్చితంగా నిర్దారించగల పద్ధతులు.ఒక పేషంట్ అనువంశికత వైద్యునికి అతని శరీరం ఏవిధంగా మందుని సోషించుకుంటుందో తెలుసుకొనుటకు తోడ్పడుతుంది.ఇది మందు పనితీరును పెంచి అధిక మోతాదులో మందులను ఇవ్వడాన్ని అరికడుతుంది.
  3. మందులను కనిపెట్టడం మరియు అనుమతులను పొందటంలో అభివృద్ధి.శక్తివంతమైన చికిత్సలు సులువుగా అందించడానికి జన్యు లక్ష్యాలు ఉపయోగ పడతాయి.అనేక రకాల వ్యాధులకు మరియు అపసవ్యాలకు జన్యువులు కారణం. ఆధునిక జీవసాంకేతికశాస్త్రంలో ఈజన్యువులను లక్ష్యంగా చేసుకుని రూపొందించిన చికిత్సలు ఔషధ నిర్ధారణను త్వరితం చేస్తున్నాయి.
  4. మేలురకపు వాక్సిన్లు . జన్యు ఇంజనీరింగ్ ద్వారా బదిలీ చేయబడిన జీవరాసులతో రక్షిత వాక్సిన్లు రూపొందించి తయారుచేస్తున్నారు. ఈ విధమైన వాక్సిన్లు రోగనిరోధకతను కలిగించి అంటురోగాల బారిన పడే అవకాశాన్ని తగ్గిస్తాయి. ఇవి చౌకగా ఉండి, స్థిరత్వాన్ని, తేలికగా భద్రపరచ గల, అనేక రకాల వ్యాధికారకాలను ఎదుర్కొనగలిగేవిగా ఉంటాయి.

ఔషధ ఉత్పత్తులు[మార్చు]

కంప్యూటర్ -జెనరేటెడ్ ఇమేజ్ అఫ్ ఇన్సులిన్ హేక్సామేర్స్ హైలైటింగ్ ది త్రీఫోల్ద్ సిమ్మెట్రీ, ది జింక్ అయన్స్ హోల్డింగ్ ఇట్ టుగదర్, అండ్ ది హిస్టిడిన్ రెసిడ్యూస్ ఇన్వోల్వేడ్ ఇన్ జింక్ బైండింగ్.

సాంప్రదాయ ఔషధ విధానంలోని మందులు సాధారణ అణువులను కలిగిఉండి, రోగాన్ని లేదా వ్యాధిని బట్టి యత్న-దోష పద్ధతిలో చికిత్సను అందించడం జరుగుతోంది. జీవ ఔషధాలు ప్రోటిన్స్ అనే పెద్ద జీవ అణువులను కలిగి ఉండి సాధారణంగా రోగాన్ని కలిగించే రోగ కారకాల పనితీరును గురిచూస్తాయి (కాని టైపు 1 డయాబెటిస్ మైల్యటిస్ కేసులలో,ఇన్సులిన్ ఉపయోగించి కేవలం వ్యాధి లక్షణాలకే చికిత్స చేయడం జరుగుతుంది కాని మూలకారణమైన స్వయం రోగనిరోధకతకు కాదు), ఇది చాల అభివృద్ధి చెందవలసి ఉంది.మానవులలో రోగలక్ష్యాలను సంప్రదాయ విధానంలో అందుకోలేరు. పేషంట్ కు చిన్న మొత్తంలో అణువులను టాబ్లెట్ ద్వారా, పెద్దమొత్తంలో ఐతే ఇంజెక్షన్ల ద్వారా అందచేస్తారు.

చిన్న అణువులను రసాయనాల ద్వారా తయారు చేస్తారు, కానీ పెద్ద అణువులు మానవ శరీరం వంటి జీవ కణాలలో ఉంటాయి: ఉదాహరణకు, బాక్టీరియా కణాలు, ఈస్ట్ కణాలు,వృక్ష లేక జంతు కణాలు.

ఆధునిక జీవ సాంకేతిక శాస్త్రం తరచుగా జన్యుపరంగా మార్పుచెందించిన ఈ.కోలి లేదా ఈస్ట్ వంటి సూక్ష్మ జీవరాసులను ఉపయోగించి సింధటిక్ ఇన్సులిన్ లేదా యాంటి బయాటిక్స్ వంటి పదార్ధాలను ఉత్పత్తి చేస్తుంది.దీనికి బిటి మొక్కజొన్న వంటి జన్యుమార్పిడి మొక్కలను లేదా జన్యుమార్పిడి జంతువులను ఉదాహరణగా చెప్పవచ్చు.జన్యుపరంగా సవరించిన చైనీస్ హంస్టర్ ఒవరీ (CHO)వంటి క్షీరదాల కణాలు కూడా కొన్ని రకాల ఔషధాల తయారీకి ఉపయోగిస్తారు. మొక్కల నుండి ఔషధాలను తయారు చేయడం జీవసాంకేతికశాస్త్ర కొత్త ఉపయోగం.

హెపటైటిస్ బి, హెపటైటిస్ సి,కాన్సర్లు, కీళ్ళవాపు, హేమోఫీలియా, బోన్ ఫ్రాక్చర్, మల్టిపుల్ స్క్లేరోసిస్, మరియు కార్డియో వాస్కులర్ ఇబ్బందులకు చికిత్స చేయగల నూతన వైద్య శాస్త్ర ఆవిష్కరణలు జీవ సాంకేతిక శాస్త్రంతో ముడిపడి ఉన్నాయి.రోగులకు ఒక నిర్దిష్ట ఔషధాన్ని ఇచ్చిన తరువాత రోగ నిర్ధారణలో అణు పరిశోధక పరికరాల వాడకం అభివృద్ధి చేయడం జీవసాంకేతిక పరిశ్రమ ముఖ్య కృషిగా ఉంది.రొమ్ము కాన్సర్ గల మహిళల కాన్సర్ కణాలు ప్రోటీన్ HER2 కలిగి ఉన్నట్లు నిర్ధారణ పరీక్షలో తేలితే వారికి హర్ సెప్టిన్ అనే మందును ఇవ్వడం ఒక ఉదాహరణ.

ప్రస్తుతం వాడుతున్న మందులను సులభంగా, తక్కువ ధరకు తయారు చేయడానికి కూడా జీవ సాంకేతిక శాస్త్రాన్ని ఉపయోగించుకోవచ్చు.ప్రథమంగా జన్యు ఇంజనీరింగ్ ద్వారా తయారు చేసిన మందులు మానవుల వ్యాధుల చికిత్సకు సంబంధించినవే. 1978 లో జీన్ టెక్ ప్లాస్మిడ్ రోగకారక జన్యువులు కలిపి దానిని ఎస్చేరిచియా కొలి అనే బాక్టీరియం లోకి ఎక్కించి కృత్రిమ మానవ ఇన్సులిన్ను అభివృద్ధి చేయడం ఒక ఉదాహరణ.డయాబెటిస్ వ్యాధికి విస్తృతంగా వాడె ఇన్సులిన్ను ఇంతకు ముందు కబెళాకు పంపే జంతువుల (పశువులు లేదా మరియు పందుల)అగ్నాసయము (పెంక్రియాస్) నుండి సేకరించే వారు. ఈ విధంగా జన్యు ఇంజనీరింగ్ ద్వారా తయారైన బాక్టీరియం కృత్రిమ మానవ ఇన్సులిన్ ను అధిక మొత్తంలో చౌక ధరకు ఉత్పత్తి చేయడానికి వీలు కలిగించింది, ఐతే ఈ విధంగా ఐన పొదుపు తయారీదారుల లాభాన్ని పెంచిందే కాని వినియోగ దారులకు గాని లేక వారి ఆరోగ్య రక్షణ దారులకు గాని అందలేదు.[8] 2003 లో ఇంటర్నేషనల్ డయాబెటిస్ ఫెడరేషన్ (IDF)సభ్య దేశాలలో కృత్రిమ మానవ ఇన్సులిన్ లభ్యత గురించి చేసిన అధ్యయనంలో, చాలా దేశాలలో ఖరీదు ఎక్కువగా ఉన్నట్లు తేలింది, కృత్రిమ మానవ ఇన్సులిన్ మరియు జంతు ఇన్సులిన్ రెండూ లభించే ఐరోపా దేశాలలో కృత్రిమ మానవ ఇన్సులిన్ పంది నుండి లభించే ఇన్సులిన్ కంటే రెండు రెట్లు ఖరీదుగా ఉన్నట్లు తేలింది.[9] ఐనప్పటికీ IDF దాని నివేదికలో "ఒక రకం ఇన్సులిన్ ను మరొకటి అధిగమిస్తుందనే ఆధారం లేదు" మరియు "[ఆధునిక, శుద్ధిచేసిన] జంతు ఇన్సులిన్ లు అనుసరించదగిన ప్రత్యామ్నాయంగా మిగిలి ఉన్నాయి" అని చెప్పడం జరిగింది.[10]

మానవ పెరుగుదల హార్మోను, హేమోఫిలియక్ లకు గడ్డ కట్టించే కారకాలు, ఫలదీకరణ మందులు, ఎరిత్రో పయోటిన్ వంటి ఇతర మందులను సులభంగా తక్కువ ధరకు ఆదునిక జీవసాంకేతిక శాస్త్రం అందించ గలుగుతోంది.[11] చాలా మందులు నేడు సుమారు 500 అణులక్ష్యాల ఆధారంగా తయారవుతున్నాయి. వ్యాధులు, వ్యాధి కారకాలు, మరియు ఔషధ-ప్రతి స్పందన మొదలైన జన్యువుల జెనోమిక్ జ్ఞానం కొన్నివేల కొత్త లక్ష్యాలను కనుగొన గలదు.[11]

జన్యు పరీక్ష[మార్చు]

జెల్ ఎలెక్ట్రోఫోరేసిస్

DNA అణువును ప్రత్యక్షంగ పరిశీలించడమే జన్యు పరీక్ష. ఒక శాస్త్రవేత్త రోగి యొక్క DNA నమూనాను ఉత్పరివర్తనాల కోసం సూక్ష్మ పరిశోధన చేస్తాడు.

జన్యు పరీక్షలు ముఖ్యంగా రెండు రకాలు. మొదటి దానిలో పరిశోధకుడు ఉత్పరివర్తన శ్రేణులతో పూరిమ్పబడగల DNA సూక్ష్మ భాగాలకు ("ప్రోబెస్")కు రూప కల్పన చేసి వాటి క్రమాన్ని ఉత్పరివర్తనాలతో సరి చూస్తాడు. ఒక వ్యక్తి యొక్క జెనోం ఆధార జతల నుండి ఈ ప్రోబెస్ వాటి పూరకాలను ఎన్నుకుంటాయి. రోగి యొక్క జెనోం ఉత్పరివర్తన శ్రేణిలో ఉంటే, ప్రోబ్ దానితో జతకూడి ఉత్పరివర్తనకు లొంగుతుంది.రెండవ దానిలో పరిశోధకుడు జన్యు పరీక్షను నిర్వహించి రోగి జన్యువుల DNA ఆధారాల శ్రేణిని ఆరోగ్యవంతమైన వ్యక్తుల లేక వారి సంతాన జన్యువులతో పోల్చుతాడు.

జన్యు పరీక్షలు ఈ క్రింది వానిలో ఉపయోగిస్తారు:

  • వాహకులను గుర్తించుట, లేదా రోగాన్ని గుర్తించడానికి రెండు కాపీల జన్యువులు అవసరం కాగా, ఒకే కాపీ కలిగి రోగ ప్రభావం లేని వ్యక్తులను గుర్తించటం;
  • సూచన ప్రాయంగా ఉన్న వ్యక్తులలో నిర్ధారణ కొరకు పరీక్ష;
  • లింగ నిర్ధారణ;
  • న్యాయ వైద్య (ఫోరెన్సిక్ )/గుర్తింపు పరీక్ష ;
  • నవజాత శిశు పరీక్ష ;
  • జనన పూర్వ నిర్ధారణ పరీక్షలు;
  • వయసు పెరిగే కొద్దీ కాన్సర్ రాగల అవకాశాలను సూచనకు పూర్వమే పరీక్షించి అంచనా వేయడం;
  • వయసుతో పాటు వచ్చే రుగ్మతలను ఊహించటానికి సూచనకు పూర్వమే పరీక్షించుట.

అభివృద్ధి చెందినా దేశాలలోనే ఉపయోగింపబడుతున్నప్పటికీ కొన్ని జన్యు పరీక్షలు ఇప్పటికే అందుబాటులో ఉన్నాయి.అరుదుగా వచ్చే జన్యు అపసవ్యతలైన సైస్టిక్ ఫైబ్రోసిస్, సికెల్ సెల్ అనేమియా, మరియు హంటింగ్ టాన్స్ వ్యాధి లతో సంబంధం కలిగిన ఉత్పరివర్తనాలను గుర్తించటానికి పరీక్షలు ప్రస్తుతం అందుబాటులో ఉన్నాయి.ఇటీవలి కాలంలో క్లిష్టమైన రొమ్ము, అండాశయ మరియు పెద్దప్రేగు కాన్సర్ల ఉత్పరివర్తనాలను కనుగొనే పరీక్షలు అభివృద్ధి చెందాయి.ఏదేమైనా, ఒక ప్రత్యేక పరిస్థితికి సంబంధించిన ఉత్పరివర్తనాన్ని జన్యు పరీక్షలు గుర్తించలేక పోవచ్చు, ఎందుకనగా ఇంకా చాలా వాటిని కనుగొన వలసి ఉండటం మరియు గుర్తించినవి విభిన్న వ్యక్తులకు మరియు జనాభాకు వివిధరకాలైన సమస్యలకు కారణం కావచ్చు.[11]

అసంగత ప్రశ్నలు[మార్చు]
బాక్టీరియం సీ విల్లోస్ లాడ సాధారణంగా జన్యు పరంగా ఉత్పత్తి చేయబడుతుంది.

జన్యు పరీక్షల ఉపయోగాల గురించి చాలా అంశాలు ప్రస్తావించ బడ్డాయి:

  1. స్వస్థత లేకపోవడం. జన్యు పరీక్షలను ఉపయోగించి ఇప్పటికే కనుగొన్న లేదా రాగలవని ఊహించిన రోగాలకు సమర్ధమైన చికిత్సా విధానం అందుబాటులో లేదు.భవిష్యత్తులో రాబోయే రోగాన్ని గురించి ముందుగా సమాచారాన్ని అందించి ఇప్పుడు స్వస్థతను చూపలేక పోవడం ఎంతవరకు మంచిదని వైద్యులను సంశయంలో ఉంచుతుంది.
  2. జన్యు సమాచారం యాజమాన్యం మరియు నియంత్రణ.జన్యు సమాచారం లేదా జన్యువుల గురించిన సమాచారం, జన్యు ఉత్పత్తులు, లేదా ఒక వ్యక్తి లేదా సజాతీయ సమూహాల నుండి పొందిన అనువంశిక లక్షణాల యాజమాన్యం మరియు నియంత్రణ ఎవరికి చెందుతుంది? స్థూల స్థాయిలో జన్యుపరమైన విభజనకు అవకాశం ఉంది, అభివృద్ధి చెందుతున్న దేశాల వైద్యశాస్త్రంలో జీవ సాంకేతిక శాస్త్ర ఉపయోగాలు ఇంకా రానందువలన వారి ప్రజల జన్యువుల నుండి తయారైన ఉత్పత్తులను వారే పొందలేకపోతున్నారు.పైగా ఒక ప్రత్యేక జనసమూహంగా గుర్తించి మైనారిటీ జన సమూహాలకు అపకీర్తిని కలిగించే అవకాశం జన్యుపరమైన సమాచారానికి ఉంది.

At '

వ్యక్తిగతంగా చూస్తే గుప్తత లేకపోవడం మరియు న్యాయ పరమైన భద్రత లేకపోవడం వలన చాలా దేశాలలో ఉద్యోగ లేదా భీమా లేదా ఇతర రంగాలలో వ్యక్తగత జన్యు శాస్త్ర సమాచారాన్ని దురుపయోగం చేసే అవకాశం ఉంది.జన్యుపరమైన గుప్తత, వైద్య శాస్త్ర గుప్తత విభిన్నమైనవా అనే ప్రశ్నలను ఇది రేకెత్తిస్తుంది.[12]

  1. సంతోనోత్పత్తి విషయాలు.దీనిలో జన్యుపరమైన సమాచారాన్ని ఉపయోగించి సంతానోత్పత్తికి సంబంధించిన నిర్ణయాలు తీసుకోవడం మరియు భవిష్యత్ తరాల వారికి అందచేసే సంతానోత్పత్తి కణాలను జన్యుపరంగా మార్చడం ఉన్నాయి.ఉదాహరణకు జెర్మ్ లైన్ చికిత్స ద్వారా ఒక వ్యక్తి యొక్క వారసుల జన్యుపరమైన నిర్మాణాన్ని ఎప్పటికీ మార్చివేయవచ్చు.అందువలన సాంకేతికత లేదా ఫలితంలో ఏదైనా తప్పు జరిగితే దాని పర్యవసానం చాలా ఎక్కువగా ఉంటుంది. ముందుగా రూపకల్పన చేసిన పిల్లలు మరియు మానవ క్లోనింగ్ వంటివి శాస్త్రవేత్తలు, నీతికోవిదుల మధ్య విభేదాలు రేకెత్తించాయి, ముఖ్యంగా పాతతరాల వారు వంశ మార్పుని వ్యతిరేకిస్తారు.
  2. రోగ పరీక్షకు సంబంధించిన విషయాలు.ఇవి వైద్యుల మరియు ఆరోగ్య సంస్థల సామర్ధ్యాలు మరియు పరిమితులపైన, జన్యు పరిస్థితులతో గుర్తించ బడిన ప్రజల పైన, జన్యుసమాచారంతో వ్యవహరించే సాధారణ ప్రజానీకం పైనా దృష్టి పెడతాయి.
  3. సామాజిక సంస్థలపై ప్రభావం.జన్యు పరీక్షలు వ్యక్తిని గురించి, వారి కుటుంబాన్ని గురించి సమాచారాన్ని బహిర్గతం చేస్తాయి.అందువలన ఈ పరీక్షల ఫలితాలు సామాజిక సంస్థలలో, ముఖ్యంగా కుటుంబంలో మార్పులు తెచ్చే అవకాశం ఉంది.
  4. మానవ బాధ్యతకు సంబంధించిన విషయగత మరియు తాత్విక అనుశీలనలు, జన్యుసంకల్పం,ఆరోగ్య మరియు రోగ విషయాలు.

జన్యు చికిత్స[మార్చు]

అడెనో వైరస్ అనే రోగ కారకాన్ని ఉపయోగించి చేసే జన్యు చికిత్స అడెనో వైరస్ అనే రోగ కారకంలో కొత్త జన్యువును పంపి, మార్పు చెందించిన డి ఎన్ ఎను మానవ కణంలోనికి పంపడం చికిత్స ఫలవంతమైతే, కొత్త జన్యువు క్రియాత్మక ప్రోటీన్ గా మారుతుంది.

కాన్సర్, ఎయిడ్స్ వంటి జన్యుపరమైన వ్యాధులు వచ్చినపుడు పాడైపోయిన జన్యువుల స్థానంలో కొత్తవాటిని ఉంచడం, లేదా రోగనిరోధక శక్తి సాధారణ స్థాయికి వచ్చేలా చేయడం చేసి చికిత్స లేదా స్వస్థతను జన్యు చికిత్స చేకూర్చ గలదు.ఇది సోమాటిక్ (ఉద.శరీరం)లేదా గమేట్స్ (ఉద.అండం మరియు వీర్యం)కణాల లక్ష్యంగా పనిచేస్తుంది.సోమాటిక్ జన్యు చికిత్సలో గ్రహీత యొక్క జేనోమే మార్చబడుతుంది, కాని ఈ మార్పు తరువాతి తరాలకు వ్యాపించదు.దీనికి విరుద్ధంగా జెర్మ్ లైన్ చికిత్సలో, తల్లితండ్రుల అండం మరియు వీర్యకణాలు వారి బిడ్డలలో మార్పు లను అందచేయడానికి మార్చబడతాయి .

సాధారణంగా జన్యుచికిత్సను రెండు పద్ధతులలో అందిస్తారు:

  1. Ex vivo, అనగా "శరీరానికి బాహ్యంగా" -రోగి రక్తం లేదా ఎముక మజ్జ నుండి కణాలను వేరుచేసి ప్రయోగశాలలో పెంచుతారు. తరువాత, దానిలో కావలసిన జన్యు వాహక వైరస్ ని ప్రవేశ పెడతారు. ఈ వైరస్ కణాలలో ప్రవేశించి అవసరమైన జన్యువుని కణాల డిఎన్ఏలో భాగంగా చేస్తుంది.ఈ కణాలను ప్రయోగశాలలో పెంచి రోగి శరీరంలోకి ఇంజెక్షన్ ద్వారా ఎక్కిస్తారు.
  2. In vivo, అనగా "శరీరం లోపల"-రోగి శరీరం నుండి కణాలు తొలగించ బడవు. దానికి బదులుగా రోగ కారకాల ద్వారా కావలసిన జన్యువును రోగి శరీరంలోకి ప్రవేశ పెడతారు.

ప్రస్తుతం జన్యు చికిత్స వాడకం పరిమితం గానే ఉంది. ప్రాథమికంగా సోమాటిక్ జన్యు చికిత్స ప్రయోగాత్మక దశలోనే ఉంది.జెర్మ్ లైన్ చికిత్స గురించి చర్చలు జరుగుతున్నాయి కాని దానిని పెద్ద జంతువులలో కానీ, మానవులలో కాని పరిశోధించడం జరగలేదు.

2001 జూన్ వరకు ప్రపంచ వ్యాప్తంగా 3500 మందిని గుర్తించి వారితో 500 జన్యు చికిత్సా ప్రయత్నాలు చేయడం జరిగింది.వీరిలో 78% యునైటెడ్ స్టేట్స్ కి, 18% యూరోప్ కి చెందిన వారు.ఈ ప్రయత్నాలలో అనేక రకాల కాన్సర్, బహు జన్యు సంబంధిత రోగాల గురించి అధ్యయనం చేయడం జరిగింది.ఇటీవలి కాలంలో సివిఎర్ కంబైండ్ ఇమ్యునో డేఫిషేయన్సీ డిస్ఆర్డర్ (SCID)తో పుట్టిన ఇద్దరు పిల్లలకు జన్యు ఇంజనీరింగ్ కణాల ద్వారా చికిత్సను అందించడం జరిగింది.

ఒక రోగ చికిత్సా విధానంగా జన్యు చికిత్స మారడానికి చాలా అడ్డంకులు ఉన్నాయి.[13] వీటిలో నాలుగు ఈ క్రింది విధంగా ఉన్నాయి.

  1. జన్యు వాహక పరికరాలు . జన్యువులు రోగాకారకాల ద్వారా శరీరంలోకి ప్రవేశ పెట్టబడతాయి.సామాన్యంగా వైరస్ లు రోగాకారకాలుగా పనిచేస్తాయి,రోగ సంబంధిత కారకాలుగా మానవశరీరంలోకి ఇవి జన్యువులను ప్రవేశ పెడుతున్నాయి.శాస్త్రవేత్తలు రోగకారక వైరస్ లను తీసివేసి చికిత్సకు అవసరమైన జన్యువులను పెంచుతారు.ఐనప్పటికీ, వైరస్ లు సమర్ధవంత మైనవి ఐనప్పటికీ ఇవి విషపూరితం చేయడం, రోగ నిరోధక శక్తి మరియు నొప్పుల వంటి ప్రతి స్పందనలు,జన్యు నియంత్రణ వంటి సమస్యలను కలిగిస్తాయి.జన్యు చికిత్సా క్రమంలో ఎప్పటికీ పూర్తి స్వస్థతతో ఉండేందుకు ప్రవేశ పెట్టిన జన్యువులు గ్రహీత జన్యువులతో పూర్తిగా కలిసి పోవలసి ఉంటుంది. కాని కొన్ని రోగకారక జన్యువులు స్వీకర్త శరీరంలో సమస్యలను సృష్టిస్తాయి.
  2. అధిక ధరలు. జన్యు చికిత్సా విధానం కొత్తది, ఇంకా ప్రయోగాత్మక దశలో ఉన్నందువలన చాల ఖరీదైన విధానంగా ఉంది. ప్రస్తుత అధ్యయనాలు అభివృద్ధి చెందిన దేశాల రోగాలపై కేంద్రీకరించ బడ్డాయి, ఎందుకంటే అక్కడి ప్రజలలో ఎక్కువమంది ఈ చికిత్సకయ్యే ఖర్చును భరించగలరు.అభివృద్ధి చెందుతున్న దేశాలు ఈ ప్రయోజనాలను పొందుటకు కొన్ని దశాబ్దాలు పట్టవచ్చు.
  3. జన్యువుల పనితీరుపై పరిమిత జ్ఞానం. ప్రస్తుతం శాస్త్రవేత్తలు కొన్ని జన్యువుల పనితీరు గురించి మాత్రమే తెలుసుకున్నారు. జన్యు చికిత్స ప్రత్యేక వ్యాధిని కలుగచేసే జన్యువుల గురించి మాత్రమే తెలుపుతుంది.ఇప్పటివరకు జన్యువులు ఒక పని కంటే ఎక్కువ చేస్తాయా అనే విషయం గురించి కచ్చితంగా తేలియదు, అందువల్ల జన్యువులకు బదులుగా కొత్త వాటిని పెట్టడం అవసరమా కాదా అని చెప్పలేము.
  4. బహుళ జన్యు అపసవ్యతలు మరియు పరిసరాల ప్రభావం. చాలావరకు జన్యు అపసవ్యతలు ఒకటి కంటే ఎక్కువ జన్యువులను కలిగి ఉంటాయి.చాలా వరకు వ్యాధులు పరిసరాలతో జన్యువుల ప్రతిచర్య వలన కలుగుతాయి. ఉదాహరణకు, కాన్సర్ రోగులలో చాలమందికి వ్యాధి కారక జన్యువుల అపసవ్యత అనువంశికత వల్ల కాక, కణితిని అణిచివేసే ప్రత్యేక జన్యువులను వారు పొందలేకపోవడం వలన కలుగుతుంది.ఆహారం, శారీరక శ్రమ, ధూమపానం మరియు ఇతర పరిసరాలు కూడా వ్యాధి రావడానికి కారణమవుతున్నాయి.

హ్యూమన్ జెనోం ప్రాజెక్ట్[మార్చు]

DNA రేప్లికషన్ ఇమేజ్ ఫ్రమ్ ది హ్యూమన్ జేనోం ప్రాజెక్ట్ (HGP)

హ్యూమన్ జెనోం ప్రాజెక్ట్ మానవ జన్యువులన్నిటినీ గుర్తించుట మరియు సంపూర్ణ మానవ జేనోం కొరకు ఒక ఉత్తమ నాణ్యత కలిగిన శ్రేణిని ఉత్పత్తి చేసే లక్ష్యంతో యునైటెడ్ స్టేట్స్ డిపార్టుమెంటు అఫ్ ఎనర్జీ ("DOE") చే చేపట్టబడింది.

యునైటెడ్ స్టేట్స్ కాంగ్రెస్ నూతన శక్తి వనరులను, సాంకేతికతను అభివృద్ధి చేసి మరియు పటిష్ఠమైన ఆరోగ్యం కొరకు, వాటి ఉత్పత్తుల వల్ల పర్యావరణానికి ఏర్పడే హాని గురించి సంపూర్ణ అవగాహన కలిగి ఉండే బాధ్యతను DOE మరియు దానికి ముందున్న సంస్థలకు అప్పగించింది.1986 లో DOE తన మానవ జేనోం అధ్యయనం గురించి ప్రకటన చేసింది.తదుపరి DOE మరియు నేషనల్ ఇన్స్టిట్యూట్ అఫ్ హెల్త్ సంయుక్తంగా మానవ జెనోం ప్రాజెక్ట్ (“HGP”), ప్రణాళికను అభివృద్ధి చేసి 1990లో అధికారికంగా ప్రకటించారు.

HGP పదిహేను సంవత్సరాలకొరకు రూపొందించబడింది.వేగవంతమైన సాంకేతిక అభివృద్ధి మరియు ప్రపంచవ్యాప్త భాగస్వామ్యం దీనిని 2003 కే (13 సంవత్సరాలు )పూర్తి అయ్యేలా చేసాయి.అప్పటికే దీనివలన పరిశోధకులు 30 కి పైగా రుగ్మతలకు కారణమైన జన్యువులను గుర్తించారు.[14]

క్లోనింగ్[మార్చు]

ఒక కణం నుండి కేంద్రకాన్ని తొలగించి, దానిని, కేంద్రకం క్రియా రహితం చేయబడిన లేదా తొలగించిన వేరొక ఫలదీకరణం చెందని అండకణం లోనికి ప్రవేశ పెట్టే ప్రక్రియ క్లోనింగ్.

క్లోనింగ్ రెండు విధాలుగా ఉంటుంది:

  1. ప్రత్యుత్పాదక క్లోనింగ్. కొంత విభజన తరువాత అండకణాన్ని గర్భాశయంలో ప్రవేశపెట్టినపుడు అది దాత కేంద్రకంతో జన్యుపరంగా సారూప్యత కలిగిన పిండంగా అభివృద్ధి చెందుతుంది.
  2. చికిత్సాయుత క్లోనింగ్ .[15] అండాన్ని రాతి గిన్నె (పెట్రి డిష్ )లో ఉంచినపుడు అనేక రుగ్మతలపై ప్రభావ వంతంగా పనిచేసే పిండ మూలకణాలుగా అభివృద్ధి చెందుతాయి.[16]

1997 లో రోస్లిన్ ఇన్స్టిట్యూట్ కి చెందిన ఇయన్ విల్ముట్ తన సహచరులతో కలిసి గొర్రె క్షీర గ్రంథుల నుండి డాలీ అనే గొర్రె పిల్లను క్లోనింగ్ ప్రక్రియ ద్వారా విజయవంతంగా సృష్టించినపుడు ఇది మీడియా దృష్టిని ఆకర్షించింది.డాలీని సృష్టించిన ప్రక్రియ లోనే మానవ క్లోనింగ్ కూడా సాధ్యమేనని చాలా మంది భావించారు.[17] ఇది నైతిక వివాదాలను సృష్టించింది.

వ్యవసాయం[మార్చు]

పంటల దిగుబడిని పెంచడం[మార్చు]

ఆధునిక జీవ సాంకేతిక శాస్త్ర పరిజ్ఞానాన్ని ఉపయోగించి ఒకటి లేదా రెండు జన్యువుల మార్పిడి ద్వారా అధిక దిగుబడినిచ్చే పంటల రకాలను అభివృద్ధి చేయవచ్చు.[18] అధిక దిగుబడి ఇవ్వగల పంటలను పెంచడం జీవ సాంకేతిక శాస్త్ర ఉపయోగాలలో ముఖ్యమైనదే ఐనప్పటికీ కష్టమైనది.ప్రస్తుత జన్యు ఇంజనీరింగ్ పధ్ధతులు ఒకే జన్యువుతో నియంత్రించబడే పరిస్థితులను బాగా ప్రభావితం చేస్తాయి. అధిక దిగుబడితో సంబంధం గల జన్యు లక్షణాలు అనేక జన్యువులచే నియంత్రించ బడతాయి, కానీ వీటిలో ప్రతి ఒక్కటీ పూర్తి పంటపై అల్ప ప్రభావాన్ని కలిగి ఉంటుంది.[19] అందువలన ఈ రంగంలో పరిశోధన ఇంకా జరుగవలసి ఉంది.

పర్యావరణ పరిస్థితులకు పంటల సామర్థ్యం దెబ్బతినుట[మార్చు]

జీవ మరియు నిర్జీవ ఒత్తిడులను తట్టుకోగలిగిన జన్యువులను కలిగిన పంటలను అభివృద్ధి చేయాలి.ఉదాహరణకు కరువు మరియు నేలల అతిలవణీయత పంటల దిగుబడిని పరిమితం చేసే ముఖ్య కారకాలు.జీవ సాంకేతిక శాస్త్రవేత్తలు ఈ రకమైన తీవ్ర పరిస్థితులను తట్టుకోగలిగిన మొక్కలపై అధ్యయనంలో దీనికి కారణమైన జన్యువులను కనుగొని, ఆ జన్యువులను,కావలసిన పంటలకి జన్యుమార్పిడి చేయుటకు ప్రయత్నిస్తున్నారు.జన్యు కోడ్ తెలిసి, తేలికగా పెంచదగి, మొక్కల పరిశోధనలో ఎక్కువగా వాడే thale cress అనే విత్తనం నుండి At-DBF2 అనే జన్యువును గుర్తించడం ఇటీవలి అభివృద్ధి.ఈ జన్యువును టమాటో మరియు పొగాకు కణాలలోనికి (RNA interference చూడండి) ప్రవేశపెట్టినపుడు ఇవి సాధారణ కణాలకంటే ఎన్నో రెట్లు ఎక్కువగా వాతావరణ ప్రతికూలతలైన లవణీయత, కరువు, అతిశీతల మరియు ఉష్ణ పరిస్థితులను తట్టుకోగలిగాయి. ఈ ప్రాథమిక ఫలితాలు భారీ ప్రయత్నాలలో విజయవంతమైనపుడు ఈ At-DBF2 జన్యువులు కఠిన వాతావరణ పరిస్థితులను తట్టుకోగలిగే పంటల సృష్టికి దోహద పడగలవు.[31]పరిశోధకులు ఇప్పటికే రైస్ ఎల్లో మోటెల్ వైరస్ (RYMV)ను తట్టుకోగల జన్యు మార్పిడి చేసిన వరి మొక్కలను రూపొందించారు.ఆఫ్రికాలో ఈ వైరస్ పంటలలో ఎక్కువ భాగాన్ని నాశనం చేయడమే కాక, మిగిలిన మొక్కలను ఫంగల్ ఇన్ఫెక్షన్ కు గురయ్యేలా చేసింది.[20]

పోషకాల నాణ్యత మరియు ఆహార పంటల పరిమాణంలో పెరుగుదల[మార్చు]

ఆహారం లోని ప్రోటీన్లను వాటి పోషక నాణ్యత పెరిగేలా మార్చవచ్చు. మానవుల సంతులిత ఆహారానికి అవసరమైన అమినో అసిడ్లను అందించడానికి అపరాలు మరియు ధాన్యాలలోని ప్రోటీన్లను మార్పు చేయవచ్చు.[19] ఇంగో పోట్రి కుస్ మరియు పీటర్ బెఎర్అనే ప్రొఫెసర్ లచే గోల్డెన్ రైస్ పై చేయబడిన పరిశోధన దీనికి మంచి ఉదాహరణ. (క్రింద చర్చించ బడింది.)

మెరుగుపడిన ఆహార రుచి మరియు రూప నిర్మాణం[మార్చు]

ఆధునిక జీవ సాంకేతికతను ఉపయోగించుకొని ఒక పండు చెడిపోయే స్వభావాన్ని నిదాన పరచి, అది చెట్టుపై ఎక్కువ కాలం పండి ఉండేలా చేసి,వినియోగదారుని చేరిన తరువాత కూడా ఎక్కువ కాలం నిల్వ ఉండేలా చేయవచ్చు.ఇది పండు యొక్క రుచిని, రూప నిర్మాణాన్ని మార్చి వేస్తుంది.ముఖ్యంగా ఇది పండ్లను ఎక్కువ కాలం నిల్వ ఉండేలా చేసి అభివృద్ధి చెందుతున్న దేశాల రైతులు తమ మార్కెట్ లను విస్తరించు కొనేలా చేసింది.ఏదేమైనా,అభివృద్ధి చెందిన దేశాల పరిశోధకులకు ప్రయోజనం పొందబోయే అభివృద్ధి చెందుతున్న దేశాల వాస్తవ అవసరాలపై సరియైన అవగాహన ఉండడం లేదు.ఉదాహరణకు త్వరగా చెడిపోని సోయాబీన్స్, కిణ్వప్రక్రియ ద్వారా తాయారు కాబడే ప్రోటీన్ యొక్క ముఖ్య వనరైన tempehను తయారు చేయడానికి తక్కువ ఉపయోగ కరంగా ఉన్నాయి.మార్పుచేసిన సోయాబీన్స్ యొక్క ముద్దలుగా అయ్యే గుణం, రుచి హీనత దానిని వంటకి అనువుగా చేయలేదు.

మొదటిగా జన్యు పరంగా మార్పు చేసిన ఆహార ఉత్పత్తి ఐన టమాటోను నిదానంగా పండేలా చేసారు.[21] ఇండోనేసియా, మలేషియా, థాయిలాండ్, ఫిలిప్పీన్స్ మరియు వియత్నాం లలో ప్రస్తుతము పనిచేస్తున్న పరిశోధకులు నోట్టింఘం విశ్వ విద్యాలయం మరియు జేనేకా లతో కలిసి త్వరగా పండని బొప్పాయిపై పరిశోధన చేస్తున్నారు.[22]

జున్ను ఉత్పత్తిలో జీవ సాంకేతికత:[23] సూక్ష్మ జీవులచే ఉత్పత్తి చేయబడే ఎంజైములు జున్ను తయారీకి ఉపయోగపడే పదార్ధానికి ప్రత్యామ్నాయంగా ఉపయోగాబడతాయి.ప్రస్తుతం సంస్లేషిత పాలు తయారు చేసే ఉద్దేశం లేనప్పటికీ, ఇవి జంతు సంబంధ మైనవనే ప్రజల అనుమానాలను తీరుస్తూ వారి వాదనలను బలహీనం చేస్తోంది.ఎంజైములు జంతు సంబంధ పదార్ధాలకి ప్రత్యామ్నాయంగా ఉపయోగ పడుతున్నాయి. నాణ్యతలో జంతు సంబంధ ఉత్పత్తులతో పోల్చదగినప్పటికీ, ఇవి తక్కువ ఖర్చుతో తయారవుతాయి.

సుమారు 85 మిలియన్ టన్నుల గోధుమపిండి ప్రతిసంవత్సరం బ్రెడ్ తయారీకి వాడబడుతుంది.[24] మల్తోజేనిక్ అమ్యలాస్ అనే ఎంజైమును పిండిలో కలపటం ద్వారా బ్రెడ్ ఎక్కువకాలం తాజాగా ఉంటుంది.10-15% బ్రెడ్ ని చెడిపోయిందని పారేస్తారనుకుంటే, దానిని మరొక 5–7 రోజుల పాటు తాజాగా ఉంచగలిగితే దానివల్ల ఒక సంవత్సరానికి 2 మిలియన్ టన్నుల గోధుమ పిండి ఆదా అవుతుంది. ఇతర ఎంజైములు బ్రెడ్ ని తేలిక ఉండే ముక్కలుగా లేదా ముక్కలను వివిధ రకాలుగా మార్చేలా చేస్తాయి.

ఎరువులు, పురుగుమందులు మరియు ఇతర వ్యావసాయిక రసాయనాలపై తగ్గిన భారం[మార్చు]

రైతులు వ్యావసాయిక రసాయనాలపై ఆధార పడటాన్ని తగ్గించడం వ్యవసాయరంగానికి చెందిన ఆధునిక జీవసాంకేతికశాస్త్ర వాణిజ్య ఉపయోగాలలో ముఖ్యమైనవి.బసిల్లుస్ తురిన్ జిఎన్సిస్ (బిటి) అనే నెలలో ఉండే బాక్టీరియం పురుగు మందుల లక్షణాలుగల ప్రోటీన్ను ఉత్పత్తి చేస్తుంది.సాంప్రదాయకంగా, కిణ్వప్రక్రియ విధానంలో ఈ విధమైన బాక్టీరియాను ఉపయోగించి పురుగుమందు తుంపరలను ఉత్పత్తి చేయడం జరుగుతుంది.ఈ విధానంలో బిటి టాక్సిన్ ఒక క్రియా రహిత ప్రోటాక్సిన్గా ఉండి, సమర్ధవంతంగా పనిచేయడానికి జంతువులచే జీర్ణం చేసుకోబడాలి.అనేక బిటి టాక్సిన్లు ప్రతి ఒక్కటీ ప్రత్యేక కీటకాల లక్ష్యంతో పనిచేస్తాయి.పంట మొక్కలు ఇపుడు బిటి టాక్సిన్ కలిగి ఉండే జన్యువులు ఉండేలా రూపొందించబడి, దానిని క్రియాత్మకంగా తయారు చేసుకోగల్గుతాయి.మార్పును ఆశించే కీటకం జన్యుపరంగా మార్పుచేసిన Bt ప్రోటీన్ ను కలిగి ఉన్న మొక్కను తిన్నపుడు, అది దాని ప్రేగు గోడలకి తాకి ఆహారం తీసుకోలేక మరణిస్తుంది.మందు విరజిమ్మడం ద్వారా ఇంతకుముందు నియంత్రించ బడిన కార్న్ బోరెర్ (అ లేపిదిప్తెరన్ ఇన్సెక్ట్), ఇప్పుడు చాలా దేశాలలో వాణిజ్యపరంగా బిటి కార్న్ రూపంలో నియంత్రించ బడుతోంది.

ఎక్కువ పరిధి గల హెర్బి సైడ్ (పంటలలో పెరుగు కలుపు మొక్కల నాశకాలు) లను తట్టుకోగల మొక్కలు జన్యు పరంగా రూపొందించ బడ్డాయి.తక్కువ ఖర్చుతో మొక్క దెబ్బతినకుండా, ఎక్కువ సమర్ధమైన హెర్బి సైడ్ లను రూపొందించడం కలుపు నిర్వహణలో నిరంతర పరిమితిగా ఉంది.వ్యవసాయ పంటలకు కీడు చేసే అనేక రకాల కలుపుమొక్కలజాతులను నశింప చేసేందుకు బహుళ ప్రయోజననాలు కల అనేక హెర్బిసైడ్లను సాధారణంగా వాడతారు కలుపు నిర్వహణ అస్థిత్వ పూర్వ విధానం పై ఆధార పడుతుంది-అనగా హెర్బి సైడ్లను పంటలకు కీడు చేస్తాయని ముందుగ ఊహించిన కలుపు మొక్కలను నివారించడానికి ఉపయోగిస్తారు కాని వాస్తవంగా ఉన్న కలుపు మొక్కలపై కాదు. హెర్బి సైడ్లను చల్లటం వల్ల నాశనం కాని కలుపు మొక్కలను యాంత్రిక విధానంలో కాని చేతులతో ఏరివేయటం వల్ల కాని తొలగించాలి హెర్బిసైడ్లను తట్టుకోగల పంటలకు కలుపు మొక్కల నిర్వహణలో ఉపయోగించే హెర్బిసైడ్లలో వాడే చురుకైన అనుఘటకాలను తగ్గించే శక్తి మరియు ఒక ఋతువులో వాడే హెర్బిసైడ్లను తగ్గించ గల శక్తి మరియు మెరుగు పరచ బడిన విత్తన నిర్వహణ ద్వారా తక్కువ పంట నష్టం మరియు ఎక్కువ దిగుబడిని పొందవచ్చు.గ్లయఫో సేట్, గ్లుఫో సినాట్ మరియు బ్రోమోక్సినిల్ లను తట్టుకోగలిగిన జన్యుమార్పిడి పంటలు అభివృద్ధి చేయబడ్డాయి. జన్యు మార్పిడి మొక్కలపై ఈ హెర్బిసైడ్లను చల్లటం ద్వారా పంట నష్టం జరగ కుండా పక్కనే ఉన్న కలుపు మొక్కలను నాశనం చేయవచ్చు.[25]

1996 నుండి 2001 వరకు, వాణిజ్యపరంగా లభించే జన్యుమార్పిడి పంటల యొక్క ముఖ్యలక్షణం హెర్బిసైడ్లను తట్టుకోవడం కాగా, తరువాతి లక్షణం క్రిమినిరోధకతగా ఉండేది.2001 లో 626,000 చదరపు కిలోమీటర్ల విస్తీర్ణంలో జన్యుమార్పిడి పంటలు వేయగా వాటిలో 77% హెర్బిసైడ్లను తట్టుకోగలిగిన సోయాబీన్, మొక్క జొన్న మరియు పత్తి మొక్కలు, 15% బిటి పంటలు మరియు హెర్బిసైడ్లను తట్టుకోగల, క్రిమి నిరోధకతల కోసం "పోగుపడిన జన్యువులు" కల పత్తి మరియు మొక్కజొన్న విత్తనాలు 8% గాను ఉన్నాయి.[26]

పంట మొక్కలలో కొత్త పదార్ధాల ఉత్పత్తి[మార్చు]

కేవలం ఆహారం కోసమే కాక జీవసాంకేతికశాస్త్రం ఇతర అవసరాలకు కూడా ఉపయోగించ బడుతోంది. ఉదాహరణకు నూనెగింజలను సబ్బుల తయారీకి ఉపయోగించే కొవ్వు ఆమ్లాలకు, ఇంధనాలకు మరియు పెట్రో రసాయనాలకు గుణపరచ వచ్చు.బంగాళ దుంపలు, టొమాటోలు, బియ్యము, రేరేరే పొగాకు, లేట్టుస్ (lettuce), కుసుమ పువ్వులు మరియు ఇతర మొక్కలు ఇన్సులిన్ మరియు ఇతర వాక్సిన్ లను ఉత్పత్తి చేయడానికి జన్యుపరంగా మార్చబడ్డాయి.భవిష్యత్తులో రోగసంబంధ పరీక్షల ప్రయత్నాలు విజయవంతమైతే ఈ ఆహార పదార్ధాల వాక్సిన్ ల ప్రయోజనం, ప్రత్యేకించి అభివృద్ధి చెందుతున్న దేశాలవారికి అపరిమితంగా ఉంటుంది. జన్యుపరంగా మార్పుచేసిన మొక్కలను చౌకగా మరియు స్థానికంగా పెంచవచ్చు. సాంప్రదాయకంగా తయారయ్యే వాక్సిన్లను ఎక్కవ దూరం రవాణా చేయవలసి వచ్చి నపుడు రవాణాలో వాటిని చల్లగా ఉంచడం వంటి సమస్యలను, విధాన నిర్వహణ మరియు ఆర్ధిక సమస్యలను ఈ వాక్సిన్లు తప్పిస్తాయి.సాంప్రదాయ విధానంలో తయారయ్యే వాక్సిన్ కు వాడే సిరంజి లకు అయ్యే అదనపుఖర్చు, అవి కలుషితమైనపుడు వ్యాప్తి చెందే వ్యాధులు వంటివి ఈ ఆహార పదార్ధాల వాక్సిన్లలో ఉండవు.[27] జన్యుపరంగా మార్చిన మొక్కల నుండి తయారయ్యే ఇన్సులిన్ జీర్ణకోశ వ్యవస్థలో ప్రోటీన్ విచ్ఛిన్నం కాబడుతుంది కావున దీనిని ఆహార ప్రోటీన్ గా ఉపయోగించడం లేదు. ఐతే దీనిని బయో రియాక్టర్లలో తయారయ్యే ఇన్సులిన్ కంటే తక్కువ ఖర్చుతో ఉత్పత్తి చేయవచ్చు.ఉదాహరణకు, కాల్గారీ, కెనడా -బేస్డ్సెం బయోసిస్ జెనెటిక్స్, ఇంక్. వారి అంచనా ప్రకారం కుసుమ పువ్వు నుండి తయారయ్యే ఇన్సులిన్, వాణిజ్య పరంగా 100 మిలియన్ డాలర్లకు పైగా ఖర్చు అయ్యే ఒక ఇన్సులిన్ యూనిట్లో 25% పైగా తక్కువ ఖర్చుతో తయారు చేయవచ్చుఅని తెలియ చేసింది.[28]

విమర్శ[మార్చు]

వ్యావసాయిక జీవ సాంకేతిక శాస్త్రానికి మరొక పార్శ్వం ఉంది.దీనిలో మొక్కలపై కలుపు నాశకాన్ని వాడకం పెరగటం వలన వాటి నిరోధకత పెరిగి పంటలలో వీటి అవశేషాలతో కూడిన "సూపర్ విత్తనాలు", జన్యు మార్పిడి జరగని పంటలలో వీటి వలన సేంద్రీయ వ్యవసాయ పద్ధతులను పాటించే రైతులను నష్ట పరచడంతో పాటు, గ్లయఫో సేట్ నుండి వన్య ప్రాణులకు హాని కలుగుతుంది.[29][30]

జీవశాస్త్ర ఇంజనీరింగ్[మార్చు]

జీవసాంకేతికశాస్త్ర ఇంజనీరింగ్ లేదా జీవశాస్త్ర ఇంజనీరింగ్, జీవసాంకేతికత లేదా జీవశాస్త్రం పై దృష్టిసారించే ఇంజనీరింగ్ విభాగం. దీనిలో జీవరసాయన ఇంజనీరింగ్, జీవవైద్య ఇంజనీరింగ్, బయో ప్రాసెస్ ఇంజనీరింగ్, జీవవ్యవస్థ ఇంజనీరింగ్ మొదలైన విభాగాలు ఉన్నాయి. ఈ రంగంలో ఉన్న కొత్తదనం వలన బయోఇంజనీర్ అనే పదం ఇంకా పూర్తిగా నిర్వచింపబడలేదు. ఏదేమైనా దీనిని ప్రధాన జీవశాస్త్రాలను మరియు సాంప్రదాయ ఇంజనీరింగ్ సిద్ధాంతాలను సమన్వ్యయ పరుస్తుంది.

ప్రయోగశాల ప్రక్రియలను, ఉత్పత్తి స్థాయికి తీసుకువెళ్ళి జీవ సాంకేతిక ఉత్పత్తులను పెంచటానికి బయోఇంజనీర్లు పనిచేస్తారు.ఇంతేకాకుండా, ఇతర ఇంజనీర్ల వలె వీరుకూడా నిర్వహణ, ఆర్ధిక మరియు న్యాయ పరమైన అంశాలతో పనిచేస్తారు.జీవ సాంకేతిక సంస్థలకు పేటెంట్లు మరియు నియంత్రణ (ఉదా.,యు.ఎస్.ఫుడ్ అండ్ డ్రగ్ అడ్మినిస్ట్రేషన్ రేగులేషన్ ఇన్ ది యు.ఎస్ ..)చాలా ముఖ్యమైనందువలన బయో ఇంజనీర్లకు ఈ విషయాలను గురించిన పరిజ్ఞానం అవసరం.

జీవసాంకేతిక సంస్థల సంఖ్య పెరుగుతూ ఉండటం వలన రాబోయే కాలంలో బయో ఇంజనీర్ల అవసరం ఎంతైనా ఉంది.ప్రపంచ వ్యాప్తంగా చాలా విశ్వవిద్యాలయాలు ఇప్పుడు బయో ఇంజనీరింగ్ మరియు బయో టెక్నాలజీ ప్రోగ్రాం లను అందిస్తున్నాయి (ప్రత్యేక ప్రోగ్రాంగా కాని లేక ఇతర వ్యవస్థీకృత ఇంజనీరింగ్ కోర్సులలో ఒక ప్రత్యేక ప్రోగ్రాంగా).

బయోరేమేడిఎషన్ మరియు బయోడిగ్రేడేషన్[మార్చు]

కలుషిత మైన పరిసరాలను శుభ్రం చేయడానికి ఉపయోగింపదగిన మార్గాలను కనుగొనే ప్రయత్నంలో జీవరాసులను, ప్రత్యేకించి సూక్ష్మ జీవరాసులను ఉపయోగించు కోవడానికి జీవ సాంకేతిక శాస్త్రం ఉపయోగ పడుతుంది.విస్తృతంగా ఉన్న కాలుష్య కారకాలను మరియు వ్యర్ధాలను పర్యావరణం నుండి పరిసరాలకు హాని కలగకుండా తొలగించడం మన సంఘ అభివృద్ధికి చాలా అవసరం.జీవప్రక్రియలు వ్యర్ధాలను తొలగించడంలో ప్రముఖ పాత్ర వహిస్తాయి మరియు సూక్ష్మ జీవులకు ఈ ప్రక్రియలలో ఉన్న ఆశ్చర్య కరమైన నైపుణ్యాన్ని జీవసాంకేతిక శాస్త్రం ఉపయోగించు కుంటుంది.సీక్వెన్సింగ్,జెనోమిక్స్, ప్రోటోమిక్స్, బయోఇన్ఫర్మాటిక్స్ మరియు ఇమేజింగ్ లలో క్రమానుగతంగా వచ్చిన కొత్త ఆవిష్కరణలు పెద్ద మొత్తంలో సమాచారాన్ని అందిస్తునాయి. పర్యావరణ సూక్ష్మ జీవ శాస్త్రంలో, ప్రపంచ వ్యాప్తంగా జరిగిన జేనోం ఆధారిత అధ్యయనాలు జీవక్రియ మరియు నియంత్రణ జాలంలో అనూహ్య ఇన్ సిలికో అభిప్రాయాలను, వినాశకర పరిణామాలకు ఆధారాన్ని కనుగొనడం మరియు మారుతున్న పర్యావరణ పరిస్థితులకు అనుగుణంగా అణు వ్యూహాలను మార్చుకోవడం ఉంటాయి.ఫంక్షనల్ జేనోమిక్ మరియు మెటాజేనోమిక్ పద్ధతులు నియత వాతావరణంలో కార్బన్ ప్రవాహం (కార్బన్ ఫ్లక్స్) యొక్క విభిన్న మార్గాలు మరియు నియంత్రణ జాలాల సాపేక్ష ప్రాముఖ్యత గురించి అవగాహన పెంచుతూ కొన్ని సమ్మేళనాలను, అవి బయో రెమేడియేషన్ టెక్నాలజీలను మరియు బయో ట్రాన్స్ఫర్మేషన్ పద్ధతులను వేగవంతం చేస్తాయి.[31]

సముద్ర పర్యావరణం ముఖ్యంగా చాలా తేలికగా కలుషిత మవుతుంది, ఎందుకంటే తీర ప్రాంతం లోని చమురు ప్రవాహాలు మరియు సముద్రం తక్కువ ఉపేక్షతను కలిగి ఉంటాయి మరియు ఉపశాంతి కూడా కష్టం.మానవ కార్య కలాపాల వలన కలిగే కాలుష్యంతో పాటు, ప్రతి సంవత్సరం కొన్ని మిలియన్ టన్నుల పెట్రోలియం సముద్రం పాలవుతోంది. దానికి విషతత్వం ఉన్నప్పటికీ, సముద్ర వ్యవస్థల లోకి ప్రవేశించే గణనీయ పరిమాణంలోని పెట్రోలియం, హైడ్రోకార్బన్లను తొలగించ గల అనేక సూక్ష్మజీవ జాతులచే, ప్రత్యేకంగా ఈ మధ్యనే కనుగొన్న ప్రత్యేక సమూహమైన హైడ్రో కర్బనో క్లాస్టిక్ బాక్టీరియా (HCCB) వంటి వాటిచే ప్రభావశూన్యం చేయబడుతుంది.[32]

విద్య[మార్చు]

ఉన్నత విద్యలో భాగంగా బి.టెక్ ( జీవసాంకేతిక శాస్త్రం) కోర్సు వివిధ విశ్వవిద్యాలయాల ద్వారా అందచేయబడుతున్నది.

ప్రఖ్యాత పరిశోధకులు మరియు వ్యక్తులు[మార్చు]

ఇంకా చూడుము[మార్చు]

సూచనలు /రేఫెరెన్సెస్[మార్చు]

  1. "ది కన్వెన్షన్ ఆన్ బయోలాజికల్ డైవెర్సిటీ (ఆర్టికల్ 2. యూస్ అఫ్ టెర్మ్స్)." ఐక్యరాజ్య సమితి 1992రేత్రీవేడ్ ఆన్ ఫిబ్రవరి 6, 2008.
  2. బున్దేర్స్, జే.; హవేర్కోర్ట్, డబల్యు .; హీంస్ట్రా, డబల్యు. "బయోటెక్నాలజీ: బిల్డింగ్ ఆన్ ఫార్మర్స్ నాలెడ్జ్." 1996, మాక్మిల్లన్ ఎడ్యుకేషన్, లిమిటెడ్. ఐఎస్ బి ఎన్ 0333670825
  3. స్ప్రింగ్హమ్, డి.; స్ప్రింగ్హమ్ , జి.; మోసెస్, వీ.; కేప్, ఆర్.ఇ. "బయోటెక్నాలజీ: ది సైన్సు అండ్ ది బిజినెస్." పబ్లిష్డ్ 1999, టేలెర్ & ఫ్రాన్సిస్ పి. 1 ఐఎస్ బిఎన్ 9057024071
  4. "డైమెండ్ వి. చక్రబర్తి, 447 యు.ఎస్. 303 (1980). నం. 79-139." యునైటెడ్ స్టేట్స్ సుప్రీం కోర్ట్. జూన్ 16, 1980. రెట్రీవిడ్ on మే 4, 2007.
  5. ఇబిస్ వరల్డ్
  6. ది రేసిషన్ లిస్టు - టాప్ 10 ఇండస్ట్రీస్ టు ఫ్ల్య్ అండ్ ఎఫ్l... విత్ ఆన్ ఇంక్రీసింగ్ షేర్ అక్కౌన్టెడ్ ఫర్ బై ...)
  7. 7.0 7.1 యు.ఎస్. డిపార్టుమెంటు అఫ్ ఎనర్జీ హ్యూమన్ జేనోం ప్రోగ్రాం, సుప్ర నోట్ 6.
  8. డబ్ల్యు. బిన్, జెనెటిక్ ఇంజనీరింగ్ ఫర్ ఆల్మోస్ట్ ఎవరీబడి: వాట్ డస్ ఇట్ డు? వాట్ విల్ ఇట్ డు? (లండన్ : పెంగ్విన్ బుక్స్, 1987), 99.
  9. ఐడిఎఫ్ 2003; "డయాబెటిస్ అట్లాస్,: 2న్ద్ ఎడ్."; ఇంటర్నేషనల్ డయాబెటిస్ ఫెడరేషన్, బృస్సేల్స్.
  10. ఐడిఎఫ్ మార్చ్ 2005; "పోసిషన్ స్టేట్ మెంట్." ఇంటర్ నేషనల్ డయాబెటిస్ ఫెడరేషన్ , బృస్సేల్స్.
  11. 11.0 11.1 11.2 యు .ఎస్ . డిపార్టుమెంటు అఫ్ స్టేట్ ఇంటర్నేషనల్ ఇన్ఫర్మేషన్ ప్రోగ్రామ్స్ , “ఫ్రీక్వేన్ట్లీ అస్కెద్ క్వస్చెన్స్ అబౌట్ బయోటెక్నాలజీ ”, యుఎస్ఐఎస్ ఆన్లైన్ ; అవైలబుల్ ఫ్రం http://usinfo.state.gov/ei/economic_issues/biotechnology/biotech_faq.html, accessed 13 Sept 2007. సిఎఫ్.సి.ఫెల్ద్ బామ్,“సం హిస్టరీ షుడ్ బి రిపీటెడ్”, 295 సైన్సు, 8 ఫిబ్రవరి 2002, 975.
  12. [20]రొమ్ము కాన్సర్ పై జాతీయ యాక్షన్ ప్లాన్ మరియు యునైటెడ్ స్టేట్స్ నేషనల్ ఇన్స్టిట్యూట్ అఫ్ హెల్త్ -డిపార్టుమెంటు అఫ్ ఎనర్జీ వర్కింగ్ గ్రూప్ వారు నైతిక, న్యాయ పరమైన మరియు సామాజిక అంశాల పట్ల పని చేసే ప్రదేశం మరియు భీమ వివక్షతల నివారణకు సూచించిన సిఫారసులు.జన్యు పరమైన వివిక్షతలను తొలగించే చట్టాలను అభివృద్ధి పరచునపుడు ఈ సిఫారసులలో ముఖ్యమైన వాటిని ఇక్కడ చూడవచ్చు, http://www.ornl.gov/hgmis/ elsi/legislat.html.
  13. ఇబిడ్
  14. యు.ఎస్. డిపార్టుమెంటు అఫ్ ఎనర్జీ హ్యూమన్ జేనోం ప్రోగ్రాం, సుప్ర నోట్ 6
  15. అనేక మంది శాస్త్ర వేత్తలు "థెరపాటిక్ క్లోనింగ్" అనే పదానికి బదులుగా "న్యూక్లియర్ ట్రాన్స్ ప్లాన్టేషన్" ను వాడడం వలన ప్రజలలో అయోమయాన్ని తగ్గించవచ్చని భావించారు.క్లోనింగ్ అనే పదం "సోమాటిక్ సెల్ న్యూక్లియర్ ట్రాన్స్ ఫెర్ " అనే పదానికి సమానర్ధంగా మారింది, ఈ పద్ధతిని అనేక ప్రక్రియ లకు ఉపయోగించవచ్చు, వీటిలో ఒకటి ఒక జీవిని పోలిఉండే జీవులను సృష్టించడం.వారు "క్లోనింగ్" అనేది పరిశోధన యొక్క తుది ఫలితం లేదా లక్ష్యం కానీ ఆ లక్ష్యాన్ని సాధించడానికి అనుసరించిన మార్గం లేదా పద్ధతి కాదు అని భావించారు.వారు పూర్తిగా జన్యు సారూప్యత కలిగిన మానవులను సృష్టించాలనే లక్ష్యానికి "హ్యూమన్ రిప్రొడక్టివ్ క్లోనింగ్" సరిపోగా, పునరుత్పత్తి వైద్యానికి వాడే మూల కణ సృష్టికి "థెరపాటిక్ క్లోనింగ్" అనే పదం సరికాదని వాదించారు.తరువాతి దాని లక్ష్యం గ్రహీత యొక్క జన్యువులతో సరిపోయే కణజాలాన్ని తయారు చేయడం, కానీ గ్రహీత యొక్క శక్తివంతమైన కణజాలానికి నకలును తయారు చేయడం కాదు.కనుక "థేరపేటిక్ క్లోనింగ్" అనేది విషయపరంగా సరినది కాదు. బి. వోగెల్ స్టెయిన్, బి. అల్బెర్త్స్, మరియు కే. షైన్, “ప్లీజ్ డోంట్ కాల్ ఇట్ క్లోనింగ్!”, సైన్సు (15 ఫిబ్రవరి 2002), 1237
  16. డి. కామెరాన్, “స్టాప్ ది క్లోనింగ్”, టెక్నాలజీ రివ్యూ, 23 మే 2002’. ఇక్కడ నుంచి కూడా చూడ వచ్చు http://www.techreview.com. [hereafter “Cameron”]
  17. ఎం.సి. నుస్స్బుం అండ్ సి.ఆర్. సన్ స్టెయిన్, క్లోన్స్ అండ్ క్లోన్స్: ఫాక్ట్స్ అండ్ ఫాంటసీస్ అబౌట్ హ్యూమన్ క్లోనింగ్ (న్యూ యార్క్: డబల్యు .డబల్యు . నార్టన్ & కో ., 1998), 11. మానవ క్లోనింగ్ విజయ వంతం అవడం గురించి శాస్త్రవేత్తలలో భిన్నాభిప్రాయాలు ఉన్నాయి. ఉదాహరణకు, వైట్ హెడ్ ఇన్స్టిటూట్ ఫర్ బయోమెడికల్ రిసెర్చ్ కు చెందిన డాక్టర్ రుడోల్ఫ్ జేనిస్క్ ప్రకారం పునరుత్పత్తి క్లోనింగ్ ప్రాధమిక జీవ క్రియా విధానాన్ని సూక్ష్మీకరిస్తుంది, ఈ విధంగా సాధారణ పద్ధతులలో బిడ్డలను కనలేరు. సాధారణ ఫలదీకరణంలో అందము మరియు వీర్య కణాలు ఫలవంతమయఎందుకు దీర్ఘ ప్రక్రియ ఉంది. క్లోనింగ్ ఈ ప్రక్రియను సూక్ష్మీకరించి జేనోం యొక్క కేంద్రకాన్ని కొన్ని నిమిషాలు లేదా గంటలలో పూర్తయ్యే టట్లు పునర్ వ్యవస్తీకరిస్తుంది.ఇది స్థూల శరీర అప నిర్మాణాల నుండి విచిత్రమైన నరాల కదలిక వరకు దారి తీయ వచ్చు. కామెరాన్, సుప్ర నోట్ 30
  18. ఆసియన్ డెవలప్మెంట్ బ్యాంకు, అగ్రికల్చరల్ బయోటెక్నాలజీ, పావర్టీ రిడక్షన్ అండ్ ఫుడ్ సెక్యూరిటీ (మనిలా: ఆసియన్ డెవలప్మెంట్ బ్యాంకు, 2001). ఇందులో కూడా చూడవచ్చు http://www.adb.org
  19. 19.0 19.1 డి. బ్రూస్ అండ్ ఎ. బ్రూస్, ఇంజనీరింగ్ జేనేసిస్: ది ఎథిక్స్ అఫ్ జెనెటిక్ ఇంజనీరింగ్ , లండన్: ఎర్త్ స్కాన్ పబ్లికేషన్స్, 1999
  20. నేషనల్ అకాడమీ అఫ్ సైన్సెస్. ట్రాన్స్జెనిక్ ప్లాంట్స్ అండ్ వరల్డ్ అగ్రికల్చర్ (వాషింగ్టన్: నేషనల్ అకాడమీ ప్రెస్, 2001)
  21. ఫ్లవర్ సవర్ టమాటో పరిశోధన మరియు అభివృద్ధి పై నివేదిక కొరకు, బి. మర్తినేయు, ఫస్ట్ ఫ్రూట్: ది క్రియేషన్ అఫ్ ది ఫ్లవర్ సవర్ టమాటో అండ్ ది బర్త్ అఫ్ బయోటెక్ ఫుడ్ (న్యూ యార్క్: మక్ గ్రా-హిల్, 2001)
  22. ఎ.ఎఫ్. క్రట్టిగేర్, అన్ ఓవర్ వ్యూ అఫ్ ISAAA ఫ్రొం 1992 టు 2000, ISAAA Brief No. 19-2000, 9
  23. యురోపాబయో - అన్ అనిమల్ ఫ్రెండ్లీ ఆల్టర్నేటివ్ ఫర్ చీజ్ మేకర్స్
  24. యురోపా బయో - బయోలాజికల్లీ బెటర్ బ్రెడ్
  25. ఎల్. పి. గిఅనేస్సి, సి. ఎస్ . సిల్వేర్స్, ఎస్ . సంకుల అండ్ జే. ఇ. కార్పెంటర్. ప్లాంట్ బయో టెక్నాలజీ: కరెంటు అండ్ పొటెన్షియల్ ఇంపాక్ట్ ఫర్ ఇంప్రొవింగ్ పెస్ట్ మానేజ్మెంట్ ఇన్ యుఎస్ అగ్రికల్చర్, అన్ అనాలిసిస్ అఫ్ 40 కేస్ స్టడీస్ (వాషింగ్టన్, డి.సి .: నేషనల్ సెంటర్ ఫర్ ఫుడ్ అండ్ అగ్రికల్చరల్ పాలసీ, 2002), 5-6
  26. సి. జేమ్స్, “గ్లోబల్ రివ్యూ అఫ్ కమర్షియలైజ్ద్ ట్రాన్స్జెనిక్ క్రాప్స్: 2002”, ISAAA Brief No. 27-2002, at 11-12. ఇక్కడ కూడా లభిస్తుంది. http://www.isaaa.org
  27. Pascual DW (2007). "Vaccines are for dinner". Proc Natl Acad Sci U S a. 104 (26): 10757–8. doi:10.1073/pnas.0704516104. PMID 17581867.
  28. సెంబయోసిస్
  29. మొన్సన్టో అండ్ ది రౌండప్ రెడీ కాంట్రోవేర్సి - సోర్సువాచ్
  30. మొన్సన్టో -సోర్స్ వాచ్
  31. Diaz E (editor). (2008). Microbial Biodegradation: Genomics and Molecular Biology (1st సంపాదకులు.). Caister Academic Press. ISBN 978-1-904455-17-2.
  32. Martins VAP; et al. (2008). "Genomic Insights into Oil Biodegradation in Marine Systems". Microbial Biodegradation: Genomics and Molecular Biology. Caister Academic Press. ISBN 978-1-904455-17-2. Explicit use of et al. in: |author= (help)

ప్రోత్సాహ పఠనము[మార్చు]

బాహ్య లింకులు[మార్చు]