తమ్మా శ్రీనివాసరెడ్డి
| తమ్మా శ్రీనివాసరెడ్డి | |
|---|---|
 | |
| జననం | తమ్మా శ్రీనివాసరెడ్డి 1968 మే 15 తాడేపల్లి, గుంటూరు జిల్లా |
| ఇతర పేర్లు | టి.ఎస్.రెడ్డి |
| వృత్తి | ఫోటో జర్నలిస్టు |
| Board member of | వ్యవస్థాపక చైర్మన్: ఫోటోగ్రఫీ అకాడెమీ ఆఫ్ ఇండియా |
| వెబ్సైటు | |
| https://tsreddy.in/ | |
తమ్మా శ్రీనివాసరెడ్డి ప్రపంచ స్థాయి అత్యున్నత గుర్తింపు రాయల్ ఫోటోగ్రాఫిక్ సొసైటీ (లండన్) ఫెలోషిప్ (FRPS) పొందిన భారతీయ ఫొటోగ్రాఫర్.[1]
శ్రీనివాసరెడ్డి 1968 మే 15న గుంటూరు జిల్లా తాడేపల్లిలో జన్మించాడు.[2] ఇతను ఇండియా టుడేకు ఫొటో జర్నలిస్టుగా పనిచేశాడు.[3] గత 32 సంవత్సరాలుగా అంతర్జాతీయ ఫోటోగ్రఫీ పోటీలలో పాల్గొని 183 బంగారు పతకాలు, 494 అవార్డులు, 890 ప్రశంసా పత్రాలతో పాటు ఈయన తీసిన 5847 ఛాయాచిత్రాలు ఎంపికై వివిధ అంతర్జాతీయ వేదికలపై ప్రదర్శింపబడ్డాయి.[2] గడచిన 20 సంవత్సరాలుగా ప్రపంచస్థాయిలో తొలి పదిమందిలో ఒకరుగా తన స్థానాన్ని నిలబెట్టుకున్నాడు.
కోవిడ్-19 మహమ్మారి బారినపడిన సామాన్యులను రక్షించడానికి భారతదేశంలో వివిధ ప్రభుత్వాలు, ఉద్యోగులు, స్వచ్ఛంద సేవకులు పడిన పాట్లను కళ్ళకు కట్టినట్లుగా శ్రీనివాసరెడ్డి చిత్రీకరించాడు.[1] ఐసియు వార్డుల్లో, వీధులలో, స్మశానవాటికల్లో వివిధ మారుమూల ప్రదేశాల్లో ఆవిష్కృతమైన హృదయ విదారక సన్నివేశాలను, అక్కడ సేవలందిస్తున్న కోవిడ్ వారియర్సను ఆయన తన ఛాయాచిత్రాలలో ప్రపంచం ముందుంచాడు.
ఫోటోగ్రఫీ రంగంలో కృషి
[మార్చు]- పుస్తకాలు: ఫోటోగ్రఫీ గురించి అనేక పుస్తకాల ప్రచురణ
- వ్యవస్థాపక చైర్మన్, జనరల్ సెక్రెటరీ: ఫోటోగ్రఫీ అకాడెమీ ఆఫ్ ఇండియా
- చైర్మన్: IIPC డిజిటల్ ఫోటోగ్రఫీ, ఫోటోజర్నలిజం డివిజన్
- వ్యవస్థాపకుడు: ఫోటో ఇండియా స్టూడియో, విజయవాడ
అవార్డులు, సత్కారాలు
[మార్చు]- 2002 లో మండలి వెంకట కృష్ణారావు మెమోరియల్ ఫొటో జర్నలిస్ట్ అవార్డ్
- 2007 లో రామ్ నాథ్ గోయంకా మెమోరియల్ అవార్డు[1]
- 2012 లో ఉమ్మడి ఆంధ్రప్రదేశ్ రాష్ట్ర ప్రభుత్వం ఫొటోజర్నలిజంలో జీవితసాఫల్య పురస్కారం
- 2012 లో ఉత్తర ప్రదేశ్ రాష్ట్ర ప్రభుత్వం లలిత కళా అకాడెమి పురస్కారం
- 2013 లో ఆచార్య నాగార్జున విశ్వవిద్యాలయం ప్రతిభా పురస్కారం
- 2015 లో అమెరికాలోని ప్రముఖ అంతర్జాతీయ ఫోటోగ్రఫీ సంస్థ అయిన ఇమేజ్ కొలీగ్ సొసైటీ ఒకే ఏడాది 7 అంతర్జాతీయ పురస్కారాలు సాధించినందులకు గాను గ్రాండ్ మాస్టర్ అవార్డు[4]
- 2016 లో ఆంధ్రప్రదేశ్ రాష్ట్ర ప్రభుత్వం హంస/కళారత్న పురస్కారం[1]
- 2016 లో డా. పిన్నమనేని- సీతాదేవి ఫౌండేషన్ నేషనల్ ఆవార్డ్
- 2017 లో గుజరాత్ రాష్ట్ర ప్రభుత్వం లలిత కళా అకాడెమి పురస్కారం
- 2021 లో ప్రపంచ స్థాయి అత్యున్నత గుర్తింపు రాయల్ ఫోటోగ్రాఫిక్ సొసైటీ (లండన్) ఫెలోషిప్ (FRPS).[1]
మూలాలు
[మార్చు]- ↑ 1.0 1.1 1.2 1.3 1.4 "Meet Tamma Srinivasa Reddy, the Indian photographer who has been recognised as the Fellow of The Royal Photographic Society this year". The Hindu (in ఇంగ్లీష్). 18 November 2021.
- ↑ 2.0 2.1 "Journey of Tamma Srinivasa Reddy". tsreddy.in (in ఇంగ్లీష్).
- ↑ "Of People and Places - Tamma Srinivasa Reddy". Smart Photography (in ఇంగ్లీష్). 25 October 2014.
- ↑ "ఐసీఎస్ ఫొటోగ్రఫీ ఐకాన్గా శ్రీనివాసరెడ్డి". Eenadu. 9 January 2023.