ధర్మసాధని

ధర్మసాధని

సంపాదకులు	పి.నరసింహం
సంపాదకులు	కె.రామశాస్త్రి
తరచుదనం	వారపత్రిక (1913-1926) * పక్షపత్రిక (1926-1940) * మాస పత్రిక (1941-1967)
ముద్రణకర్త	కె.హనుమంతరావు
సంస్థ	బ్రహ్మసాధనాశ్రమము, కాకినాడ
దేశం	భారతదేశం
భాష	తెలుగు

కాకినాడ నుండి ఈ ధార్మిక వారపత్రిక వెలువడింది. బ్రహ్మసాధనాశ్రమ పక్షాన ప్రతి శనివారము ఈ పత్రిక వెలువడేది. కె.హనుమంతరావు ఈ పత్రికకు సంపాదకుడు, ప్రచురణకర్త, ముద్రాపకుడు. బ్రహ్మసమాజానికి సంబంధించిన వార్తలు, ధార్మిక సంబంధమైన విషయాలు ఈ పత్రికలో ప్రచురింపబడ్డాయి. ఈ పత్రిక స్త్రీవిద్య, రజస్వలానంతర వివాహాలు మొదలైన సంఘ సంస్కరణలను ప్రోత్సహించింది. ఈ పత్రిక 1913లో ప్రారంభమై 54 సంవత్సరాలకు పైగా వెలువడింది. 1926నుండి పక్షపత్రికగా రూపాంతరం చెందింది. 1941లో మాసపత్రికగా వెలువడింది. ఈ పత్రికలో ఉమర్ అలీషా, చలం, జానకీజాని, తల్లావజ్ఝల పతంజలి మొదలైన వారి రచనలు వెలుగు చూశాయి. రాజారామ్‌ మోహన్ రాయ్ 126వ వర్ధంతి సందర్భంగా ఈ పత్రిక ఒక ప్రత్యేక సంచికను వెలువరించింది.