ప్రపంచ కాలేయ వ్యాధి దినోత్సవం

వికీపీడియా నుండి
Jump to navigation Jump to search
ప్రపంచ కాలేయ వ్యాధి దినోత్సవం
ప్రపంచ కాలేయ వ్యాధి దినోత్సవం
ప్రపంచ కాలేయ వ్యాధి దినోత్సవ లోగో
జరుపుకొనే రోజు28 జూలై
ఆవృత్తివార్షికం
అనుకూలనంప్రతి ఏటా ఇదే రోజు

ప్రపంచ కాలేయ వ్యాధి దినోత్సవం (హెపటైటిస్) ప్రతిఏటా జూలై 28న ప్రపంచవ్యాప్తంగా నిర్వహిస్తారు. కాలేయ వ్యాధికి సంబంధించి ప్రజల్లో అవగాహన కలిగించడంకోసం ప్రపంచ ఆరోగ్య సంస్థ ఈ దినోత్సవాన్ని ఏర్పాటుచేసింది. హెపటైటిస్‌-బి వైరస్ ను కనుగొన్న నోబెల్ బహుమతి గ్రహీత శాస్త్రవేత్త బారుచ్‌ శామ్యుల్‌ బ్లూమ్‌బర్గ్‌ గౌరవార్థం ఆయన పుట్టినరోజు (జూలై 28) నాడు జరుపబడుతుంది.[1]

ప్రారంభం[మార్చు]

ఈ కాలేయ వ్యాధి ప్రపంచవ్యాప్తంగా వందల మిలియన్ల ప్రజలపై ప్రభావితం చూపిస్తుంది. ఈ వ్యాధి తీవ్రత వల్ల దీర్ఘకాలిక వ్యాధికి గురై ప్రతి సంవత్సరం 1.34 మిలియన్ల మంది చనిపోతున్నారు.[2]

2004, అక్టోబరు 1న యూరోపియన్, మిడిల్ ఈస్టర్న్ పేషెంట్ గ్రూప్స్ మరియు బేబీ మురియెల్ సమన్వయంతో అంతర్జాతీయ హెపటైటిస్ సి అవగాహన దినోత్సవం జరిగింది.[3] వేరువేరు సమూహాలు వేర్వేరు తేదీలలో ఈ దినోత్సవాన్ని జరుపుకున్నాయి.[4] ఈ కారణంగా 2008లో వివిధ ప్రాంతాలలోని రోగుల సమూహాల సహకారంతో ప్రపంచ హెపటైటిస్ అలయన్స్ సంస్థ మే 19ను మొదటి ప్రపంచ కాలేయ వ్యాధి దినోత్సవంగా ప్రకటించింది.

కాలేయ వ్యాధి దినోత్సవం నిర్వహించాలన్న ఆలోచన కటక్ లో వచ్చింది. హెపటైటిస్‌-బి వైరస్ ను కనుగొన్న నోబెల్ బహుమతి గ్రహీత శాస్త్రవేత్త బారుచ్‌ శామ్యుల్‌ బ్లూమ్‌బర్గ్‌ గౌరవార్థం ఆయన పుట్టినరోజైన జూలై 28న ఈ దినోత్సవాన్ని జరుపుకోవాలని కటక్ గ్యాస్ట్రోఎంటరాలజీ విభాగాధిపతి ప్రొఫెసర్ ఎస్.పి. సింగ్ ప్రతిపాదించాడు. 2010, మే నెలలో జరిగిన 63వ ప్రపంచ ఆరోగ్య సభలో ఈ ప్రతిపాదన ఆమోదించబడి, జూలై 28న పంచ కాలేయ వ్యాధి దినోత్సవంగా ప్రకటించబడింది.[5]

కార్యక్రమాలు[మార్చు]

ప్రతి సంవత్సరం 100కి పైగా దేశాలలో ప్రదర్శనలు, ప్రచారాలు, కచేరీలు, టాక్ షోలు, ఫ్లాష్ మాబ్స్ మరియు టీకా డ్రైవ్‌లు వంటి కార్యక్రమాలు నిర్వహించబడుతాయి.[6] ప్రపంచవ్యాప్తంగా హెపటైటిస్ సమూహాలు, రోగులు మరియు న్యాయవాదులు జూలై 28న జరిగే వివిధ కార్యక్రమాలలో పాల్గొంటారు. ప్రతి సంవత్సరం ప్రపంచ ఆరోగ్య సంస్థ మరియు వరల్డ్ హెపటైటిస్ అలయన్స్ ప్రపంచవ్యాప్తంగా జరిగిన కార్యక్రమాలను వివరిస్తూ నివేదికను ప్రచురిస్తాయి.

ఇతర వివరాలు[మార్చు]

  1. ప్రపంచ ఆరోగ్య అవసరాల దృష్ట్యా ప్రపంచ ఆరోగ్య సంస్థ ఏర్పాటుచేసిన ఎనమిది అవగాహన కార్యక్రమాల్లో ప్రపంచ కాలేయ వ్యాధి దినోత్సవం ఒకటి.[7][8]

మూలాలు[మార్చు]

  1. ప్రజాశక్తి, ఫీచర్స్ (26 July 2016). "కామెర్లతో కాలేయానికి కష్టం!". డాక్టర్‌ ఎం.వి.రమణయ్య. మూలం నుండి 27 July 2016 న ఆర్కైవు చేసారు. Retrieved 28 July 2019. Cite news requires |newspaper= (help)
  2. World Health Organization, World Hepatitis Day. Accessed 28 July 2019.
  3. http://www.elpa-info.org/index.php/general-news---reader/items/id-500-million-people-await-world-health-assembly-decision-on-viral-hepatitis.htm
  4. "World Hepatitis Alliance Calls on Governments to Take Urgent Action to Tackle Chronic Viral Hepatitis B & C Epidemic; 2008" (PDF). World Hepatitis Day: Home Page (Press release). World Hepatitis Alliance. Retrieved 28 July 2019.
  5. ప్రజాశక్తి, ఫీచర్స్ (23 July 2018). "హెప‌టైటిస్‌ని తొల‌గిద్దాం". డాక్టర్‌ సురేష్‌కుమార్‌ వి. మూలం నుండి 28 July 2019 న ఆర్కైవు చేసారు. Retrieved 28 July 2019. Cite news requires |newspaper= (help)
  6. World Hepatitis Alliance, World Hepatitis Day Wrap-Up Report 2012.
  7. World Health Organization, WHO campaigns.
  8. World Health Organization, WHO campaigns. Archived 22 April 2016 at the Wayback Machine. Geneva, 5 January 2015.