ఫీలే ల్యాండర్

*ఫీలే*
	ఫీలే తోకచుక్కను సమీపిస్తున్నట్లుగా చూచిస్తున్న దృష్టాంతచిత్రము
మిషన్ రకం	తోకచుక్క లాండర్
నిర్వహించే సంస్థ	యూరోపియన్ స్పేస్ ఏజెన్సీ
COSPAR ID	PHILAE
మిషన్ కాలము	1–6 వారాలు (ప్రణాళిక)
అంతరిక్షనౌక లక్షణాలు
ప్రారంభ ద్రవ్యరాశి	100 కి.గ్రా. (220 పౌ.)
పే లోడ్ ద్రవ్యరాశి	21 కి.గ్రా. (46 పౌ.)
కొలతలు	1 × 1 × 0.8 మీ. (3.3 × 3.3 × 2.6 అ.)
శక్తి	3 ఆస్ట్రోనామికల్ యూనిట్ (AU) వద్ద 32 వాట్స్
మిషన్ ప్రారంభం
ప్రారంభ తేదీ	2 March 2004, 07:17 UTC
రాకెట్	అరైన్ 5G+ V-158
ప్రారంభించిన స్థలం	గుయానా స్పేస్ సెంటర్ ELA-3
Contractor	ఏరియానిస్పేస్
67పీ/చుర్యుమోవ్-గెరాసిమెంకో lander
Landing date	12 నవంబరు 2014; 15:35 UTC
Instruments
	APX Alpha: Alpha Particle X-ray Spectrometer; ÇIVA: Comet nucleus Infrared and Visible Analyzer; CONSERT COmet Nucleus Sounding Experiment by Radiowave Transmission; COSAC: COmetary SAmpling and Composition; MUPUS: Multi-Purpose Sensors for Surface and Subsurface Science; PTOLEMY: gas chromatograph and medium resolution mass spectrometer; ROLIS: ROsetta Lander Imaging System; ROMAP: ROsetta lander MAgnetometer and Plasma monitor; SD2: Sample and Distribution Device; SESAME: Surface Electric Sounding and Acoustic Monitoring Experiment

తోకచుక్కపై దిగిన తొలి ల్యాండర్ ఫీలే ల్యాండర్. ఐరోపా అంతరిక్ష సంస్థ (ఈసా) కు చెందిన రోసెట్టా వ్యోమనౌక 2004లో నింగిలోకి వెళ్లి పదేళ్లుగా ‘67పీ/చుర్యుమోవ్-గెరాసిమెంకో’ అనే తోకచుక్కను వెంటాడుతూ 2014 సెప్టెంబరులో దాని సమీపంలోకి చేరి దాని చుట్టూ తిరుగుతూ నవంబరు 12, 2014 న ఈ ల్యాండర్ ను తోకచుక్కపై జారవిడిచింది. ఖగోళ చరిత్రలో తొలిసారిగా తోకచుక్కను చేరుకున్న ఈ ఘటన ఒక అద్భుత ఘట్టంగా ఆవిష్కృతం అయింది. ఈ ఘటనతో ఒక తోకచుక్కపై తొలిసారిగా వ్యోమనౌకను చేర్చిన ఘనతను ఐరోపా అంతరిక్ష సంస్థ (ఈసా) సొంతం చేసుకుంది. 450 కోట్ల ఏళ్ల క్రితం సౌరకుటుంబం ఏర్పడినప్పటి పరిస్థితుల గురించి తెలుసుకొనేందుకు తోకచుక్కలపై అధ్యయనం సహకరిస్తుందని ఈసా సుమారు 160 కోట్ల డాలర్ల ఖర్చుతో ఈ ప్రయోగాన్ని చేపట్టింది.

ప్రతి ఆరున్నరేళ్లకోసారి సూర్యుడిని చుట్టి వస్తున్న 67పీ తోకచుక్క సెకనుకు 18 కిలోమీటర్ల వేగంతో ప్రయాణిస్తూ 12 గంటలకు ఒకసారి తనచుట్టూ తాను తిరుగుతోంది. 67పీ తోకచుక్కపై ల్యాండర్ ను దించడానికి రోసెట్టా వ్యోమనౌక దాని చుట్టూ తిరుగుతూనే తోకచుక్క సమీపానికి వెళ్లి ఈ ల్యాండర్ ను జారవిడిచింది. తోకచుక్కను చేరుకున్న ఈ ల్యాండర్ తోకచుక్కపై తన మరలను దించి గట్టిగా పట్టుకున్నది.