బ్రహ్మోత్సవాలు

వికీపీడియా నుండి
Jump to navigation Jump to search

బ్రహ్మోత్సవాలు హిందూ దేవాలయాలలో జరిగే అమిత ప్రాముఖ్యమైన ఉత్సవాలు.

శ్రీ లక్ష్మీనరసింహ స్వామి బ్రహ్మోత్సవము :

యాదాద్రి ( యాదగిరిగుట్ట) తెలంగాణ రాష్ట్రంలోని యాదాద్రి -భువనగిరి జిల్లాలోని మండల కేంద్రము [1] . ఇక్కడి దైవం శ్రీలక్ష్మీనరసింహ స్వామి . 18 పురాణాలలో ఒకటైన స్కంద పురాణంలో ఈ ఆలయం యొక్క మూలం గురించి ప్రస్తావించబడింది. దీని ప్రకారము రుష్య శృంగ మహర్షి కుమారుడు హాద మహర్షి ఆంజనేయ స్వామి అనుగ్రహంతో నరసింహ స్వామి ప్రభువు కోసం తపస్సు చేశారు. శ్రీ లక్ష్మినరసింహ స్వామి ఆశీర్వాదం పొందిన తరువాత, ఉగ్ర రూపముతో తో ఉన్న స్వామిని, శాంతరూపముతో ప్రసన్నం కావలెనని కోరగా లక్ష్మినరసింహ స్వామిని ఇక్కడనే నివసించమని ప్రార్థించంచగా స్వామి వారు లక్ష్మి నరసింహ స్వామి గా శాంతా స్వరూపముతో కొండపై ఉండమని కోరగా స్వామి కొండపై కొలువై ఉండి పోయారు . స్వామి ఇక్కడ శ్రీ జ్వాలా నరసింహ, శ్రీ యోగానంద నరసింహ, శ్రీ ఉగ్ర నరసింహ, శ్రీ గండబెరుండ నరసింహ, శ్రీ లక్ష్మి నరసింహ అని పిలువబడే ఐదు అవతారాలలో ఉనికిలోకి వచ్చారు. అందుకని దీనిని “పంచ నరసింహ క్షేత్రం” అంటారు. ఈ దేవతను భక్తితో ఆరాధించే భక్తులు, వారి “గ్రహ” విషయంలో వారు ఎదుర్కొంటున్న సమస్యలు, దుష్టశక్తుల ద్వారా ఎదురయ్యే ఇబ్బందులు , వారి మానసిక సమస్యలన్నీ నయం చేయబడుతున్నాయి [2]

బ్రహ్మోత్సవాలు : ఈ ఆలయంలో జరిగే ప్రధాన ఉత్సవం శ్రీ లక్ష్మీ నరసింహ స్వామి వార్షిక బ్రహ్మోత్సవములు. ప్రతి సంవత్సరం శ్రీవారి బ్రహ్మోత్సవములు పాల్గుణ శుద్ధ విదియ రోజున అంకురార్పణతో ప్రారంభమై 11 దినములు జరిగి , పాల్గుణ శుద్ధ ద్వాదశి తో సమాప్తం అవుతాయి [3] ఇక్కడ స్వామి వారిని ప్రతిరోజూ ఉదయం , రాత్రి స్వామిని వివిధ అలంకారములతో , శ్రీకృష్ణుడి అలంకారంలో,హంస వాహన లో , వటపత్ర శాయి , , పొన్న వాహన సేవలో ,గోవర్ధన గిరిధారి అలంకారములో , సింహ వాహన సేవలో , జగన్మోహిని అలంకార సేవలో , అశ్వవాహన సేవలో , శ్రీరామ అలంకార సేవ, గజవాహన సేవ, శ్రీమహావిష్ణు అలంకారం దివ్య విమాన రథోత్సవం లో లలో ఊరేగిస్తారు . మహా పూర్ణాహుతి, చక్రతీర్థం, శ్రీస్వామి వారి శ్రీపుష్ప యాగం, డోలోత్సవం ,శ్రీస్వామి వారికి అష్టోత్తర శతఘటాభిషేకం, శృంగార డోలోత్సవంతో సేవలు నిర్వహిస్తారు [4] .

కదిరి శ్రీ లక్ష్మీనర్సింహస్వామి బ్రహ్మోత్సవము : కదిరి లక్ష్మీనరసింహ స్వామి స్వయంభుగా కాదెరి చెట్టులోని మూలముల నుంచి ఉద్భవించారు . కాలక్రమేణా కాదిరి నుంచి కదిరి గా మారింది . ఆలయములో స్వామి వారు ఎనిమిది చేతులతో సింహ రూపములతో ఉంటారు . హిరణ్యకశిపుని సంహరిస్తూవుంటే , ప్రహ్లాదుడు ఈ దేవాలయములో ముడుచుకున్న చేతులతో ఉంటారు . ఈ ఆలయం యొక్క ప్రత్యేకత ఏమిటంటే, స్వామి వారి అభిషేకం తర్వాత లక్ష్మీ నరసింహ విగ్రహంకు చెమట పట్టడం .ఈ ఆలయ నిర్మాణం చాళుక్య పాలనలో ప్రారంభమైనట్లు చెబుతారు, కాని ఇది విజయనగర పాలకుల కాలంలో పూర్తయింది. ఆలయంలోని శాసనాలు ఎక్కువగా విజయనగర కాలానికి సంబంధించినవి. క్రీ.శ 1332 లో బుక్కారాయల పాలనలో ఈ ఆలయాన్ని ఒక నాయకుడు నిర్మించాడని వాటిలో ఒకటి పేర్కొంది. రాజా గోపురం హరిహరాయ నిర్మించారు. విజయనగర రాజు శ్రీ కృష్ణ దేవరాయలు మహారాష్ట్ర రాజు శివాజీ ఈ ఆలయాన్ని సందర్శించి ఉప దేవాలయాలు , మహిసాసురమర్దని ఆలయాన్ని నిర్మించారు [5]

బ్రహ్మోత్సవములు : కదిరి శ్రీ లక్ష్మినర్సింహా స్వామి వారి బ్రహ్మోత్సవములు ప్రతి సంవత్సరం ఫాల్గుణ శుద్ధనవమి అంకురార్పణ తో నుంచి ఫాల్గుణ బహుళ అష్టమి వరకు (15 రోజుల) జరుగుతాయి . స్వామి వారు ప్రతి రోజు హంస వాహనము సింహా వాహనం , హనుమంత వాహనము,గరుడ వాహనము , శేష వాహనాము, సూర్య, చంద్ర వాహనములు ,విద్యా - మోహిని వాహనము ,గరుడ సేవ,, గజ వాహనము,,అశ్వవాహనము పుష్ప యాగము మొదలైన పూజలతో కదిరి శ్రీ లక్ష్మి నరసింహ స్వామి వారి బ్రహ్మోత్సములు జరుగుతాయి [6]

ధర్మపురి శ్రీ లక్ష్మీనరసింహ స్వామి బ్రహ్మోత్సవములు : ఈ ఆలయం జగిత్యాల్ జిల్లాలో ఉంది. ధర్మపురిలోని శ్రీ లక్ష్మీ నర్సింహ స్వామి క్షేత్రం తెలంగాణ, ఆంధ్ర రాష్ట్రములలో ఉన్న నవ ( తొమ్మిది) నర్సింహ క్షేత్రాలలో ఒకటి. ఈ పట్టణమును ధర్మ వర్మ అనే రాజు పాలనతో , ధర్మపురి అనే పేరు వచ్చింది .క్రీస్తుపూర్వం 850-928 కి ముందే ఉన్నది . స్వామి వారు సాలగ్రామ రూపములో ఉంటారు. గోదావరి నది తీరమున ఉన్నది . ధర్మపురిని ‘దక్షిణ కాశీ’ అని కూడా పిలుస్తారు.ఈ ఆలయములో శ్రీ రామలింగేశ్వర దేవాలయాలు, మసీదు పక్కపక్కనే ఉంది.ముస్లిం, హిందువుల ఐక్యత సమగ్రతకు సాక్ష్యం. ధర్మపురి శ్రీ లక్ష్మీనరసింహ స్వామి వారి బ్రహ్మోత్సవములు ప్రతి సంత్సరము ఫాల్గుణ శుద్ధ ఏకాదశి నుంచి ఫాల్గుణ బహుళ అష్టమి వరకు 13 రోజుల పాటు జరుగుతాయి [7] [8] .

,

ప్రముఖ దేవాలయాలు

  1. "Divine Destinations in Telangana :: Telangana Tourism" Check |url= value (help). partials (in ఇంగ్లీష్). Retrieved 2020-11-06.[permanent dead link]
  2. "Yadagirigutta". Sri Lakshmi Narasimha Kutumbam (in ఇంగ్లీష్). Retrieved 2020-11-06.
  3. "Annual Brahmotsavams of Sri Lakshmi Narasimha Swamy Temple, Yadagirigutta | Anudinam.org" (in ఇంగ్లీష్). Retrieved 2020-11-06.
  4. "నేటినుంచి యాదగిరిగుట్ట శ్రీలక్ష్మీనరసింహస్వామి బ్రహ్మోత్సవాలు :". TeluguOne Devotional (in english). 2020-11-06. Retrieved 2020-11-06.CS1 maint: unrecognized language (link)
  5. "About Temple | Temple Info | KLNKDR". tms.ap.gov.in. Retrieved 2020-11-06.
  6. truereligion77 (2019-12-24). "Kadiri narasimha swamy history of christianity". True Religion 77 (in ఇంగ్లీష్). Retrieved 2020-11-06.
  7. "Sri Laxmi Narasimha Swamy Temple Dharmapuri (V & M), Jagityal District" (PDF). http://www.endowments.ts.nic.in/. 06-11-2020. Retrieved 06-11-2020. line feed character in |title= at position 33 (help); Check date values in: |access-date= and |date= (help); External link in |website= (help)
  8. http://www.hindutourism.com. "Sri Lakshmi Narasimha Swamy Devasthanam". hindutourism. Retrieved 2020-11-06.